小比仔的個人專頁

平時搭車經過見呢間餐廳就見得多，但又唔會特登走過去，始終得寶商場唔算太就腳(懶人要行多兩步都難)有日心血來潮，本來係想食某平價意大利餐廳，但太多人等同好肚餓喇，決定臨時轉陣幫襯下呢間秋月居入到去坐低就會有人俾杯熱茶，之後睇吓menu, 見到都幾多唔同種類揀，就點左個三文魚茶漬飯同鐵板牛肉飯食先講講三文魚茶漬飯，淨係睇相都見到啲料絕對唔少每一啖都會食到三文魚，個湯幾好飲，輕輕鬆鬆就食哂成個飯，不過如果個湯再多少少就好喇，因為食到最後幾啖冇乜湯爭咁少少到個牛肉飯，絕對同胡椒午餐係一樣不過記得就好似比佢平少少，一上枱已經聞到超香嘅煎牛肉味，炒完個飯啲汁同芝士撈到個飯唔乾，又好香口，唔怪得咁多人點呢個食另外，叫左兩杯飲品，杯鮮奶抹茶完全收貨，鐘意抹茶甘香嘅朋友可以試下，唔似一般出面飲咁淡，濃得黎唔會太苦，抹茶味KEEP住係個口度，令人印象難忘，起碼飲到佢地嘅心機，另外咖啡冇飲，所以唔評論九龍灣內有好多日本餐廳，但最有印象都係秋月居，價錢合理得黎食物質素幾好，值得再食…查看更多

上年新開張嗰陣，見唔使排隊就有幫襯過，點了芒果窩夫，當時唔知係咪即叫即製，個窩夫係外脆內軟，而且充滿牛油香味，還跟朋友開完笑說，這甜品店不久將來必會大排長龍，到時想食都難。果真，係幾個月後已經夜晚要排隊等位上個月的某下午偶然機會經過，見到冇乜食客，決定再入去試下，睇下有冇退步，食唔食得返之前果種美味。今次點了綠茶窩夫同加配個雞翼尖，兩樣都是新產品，雞翼尖好快就黎到，得8隻好似少左啲喎，不過唔緊要，如果好食嘅都冇所謂。一食落口，好失望啊！因為佢只係恰熟咗嘅雞翼尖，如果冇掂到汁部分係冇味！！啲汁只係普通酸辣汁，完全唔值食完雞翼尖個窩夫都到，試下有冇退步先，個窩夫食唔到有綠茶味，可能唔係即製，唔覺得好熱好香外脆內軟，唔通已經唔同左師傅整定係一開鋪已經整好哂所有窩夫，冇左香噴噴果種味道啲紅豆唔係好好食，一般普通紅豆，冇乜特別，反而個雪糕有少少綠茶味，已經係全個甜品最好食地方最慘事情又發生了，竟然係個窩夫度食到有蛋殼唔使咁樣話我知你地有用雞蛋呀？又唔係繁忙時間幫襯，冇理由咁基本隔一隔蛋漿都懶呱總括黎講，個質素已經冇之前新開張嗰陣咁好，已經唔係好有意欲會再入去食，反正附近都有幾間甜品店，想食甜品嘅可以考慮下先…查看更多

其實今次不是第１次黎，已經知道餐廳仍然只賣４款魚生飯，沒有其他小食。還記得第１次要等足足一小時，所以今次吸取教訓，早啲去排隊，幸好門外只有一人等候，唔使等太耐就入得，等緊途中侍應會走出黎俾Menu我地睇，還有食法介紹，又落定order，都算幾周到，令到等候其間唔會太無聊等左一陣就入得喇，一坐低就黎左２塊麻醬加生魚片，侍應推介先食一塊，再留一塊之後撈落茶漬飯。麻醬味完全遮蓋哂魚味，冇辦法試到係咪新鮮，不過麻醬的味道不俗。一堆魚蓉山呀見到桶飯已經嚇親，咁大桶飯其實一般女仔食唔食得哂呢？侍應隨後有俾一個碗及2塊紫菜，建議可以包手卷食。其實好欣賞係佢個wasabi, 攻鼻得黎係有陣陣香味，唔係普通一般wasabi淨係會攻鼻，成個wasabi撈哂個豉油食都冇問題食到一半，好唔好彩地同伴食到魚蓉入面有條魚骨！！！呢樣真係好美中不足，可能只係個別事件，我食2次都冇事，咁啱得咁橋佢食中，不過魚蓉有骨真係都幾驚，因為處理魚生唔應該有骨係入面，希望佢地可以注意下食到淨返1/3個飯之後就可以倒落碗度，加埋一開始個生魚片，請佢地加湯，成為茶漬飯等緊嘅時候，見到餐廳貼住張海報，好似見到超好笑容個侍應係海報上面，仲好似寫住係店長，竟然店長都一腳踢咩都要做茶漬飯好快就到，急不及待試下個湯，好好飲呀！個咸度啱啱好，加埋個飯帶出左另一番風味，有需要仲可以加七味粉添，不過塊魚生片俾啲熱湯整到半生熟反而覺得有啲腥，好彩只係得返一塊，無阻我ko成個飯，撈埋啲湯要清哂成桶飯完全唔係問題可能個餐廳唔算大，啲位又唔多，眼見好多人都係食完就走，俾出面等緊嘅人入黎食不停又有人入黎食同出面排隊，都幾忙下，忙中仍然保持良好笑容同殷勤嘅服務態度，當然仲有有水準嘅食物，啲人肯排隊排咁耐，都唔係冇原因到我食完出去，開始好多人排隊了…查看更多

由大圍踩單車到大尾督後，已經又攰又餓，係大尾督入面搵唔到想食嘅野，記起早前友人推介而未有時間光顧嘅珞桐冰室，佢話比一般大型連鎖店更好食，既然一場黎到大埔，冇理由唔去試下吖好彩係平日唔算多人，唔使等位就有得坐喇，一坐低就見到個周圍附近都係食一口蜜糖多士，就跟風都叫返個黎食而男友就試生炸雞脾配薯條，覺得生炸個名好吸引等了不算太耐，我的多士先到了，看到金黃色的面包真係好吸引，影左張相已經忍唔住口要試下，果然很脆，多士就係要夠脆先好食！！如果要挑剔的話，蜜糖略嫌少左啲，係咪覺得食客唔會食哂所以冇俾咁多呢？定係可能怕啲人覺得太甜？唔夠甜就會硬係爭少少，如果枱面有蜜糖俾客人自己加就更好喇食左差唔多一半多士嘅時候，雞脾都到喇，睇個樣好似都幾乾喎，相比之下，啲薯條有啲白，食落去好彩個雞脾唔係炸到太乾，可惜啲薯條墊底搞到腍哂，最後男友放棄最腍嘅幾條薯條如果兩樣分開放就會好好多啦，或者用一個大啲嘅碟都唔會疊埋一齊放啦整體黎講，個多士真係幾好食，值得推介架，炸物唔係咁出色，下次要試埋朱古力味多士先得！…查看更多