Scarlet Majesty的個人專頁

落雨唔想行太遠，所以揀左食肉餅哥，係自從轉左主打小炒後第一次黎，不過好失望。兩個人叫了兩個小菜，狗仔鴨第一次上菜時個心係凍...之後再上都只係暖啲鴨無乜肉，仲要俾埋鴨頭...味道偏咸涼瓜倉魚，條魚偏細，出面大圍其他茶記食大條好多。涼瓜真係比較苦，不過我食到無問題。原本落單時叫奶茶走甜，轉頭話無茶膽只可少甜，咁只好轉凍咖啡走甜，但係杯咖啡差唔多食哂野催左幾次先肯到...行多幾步出去食茶餐廳好過，短期內無下次。…查看更多

喺黃埔是但行，夜晚七點幾行到呢間見唔駛等位就試下啦。叫左個蟹肉沙律，唔夠汁...牛油果三文魚pizza, 牛油果幾生，無乜牛油果味，餅底又淋...同埋都偏咸另外有個唔知係咩名，有青口同蜆，之後食完青口同蜆可以用啲汁加錢煮risotto, 個risotto係超咸！！溝少少水食都仲係勁咸....仲有個芝士乾意粉，不過不失...唔怪之得星期六七點幾都唔駛等位，質素真係麻麻地。…查看更多

星期六下午六點九左右踏入呢間餐廳...其實打算早少少食晚飯廢事夜d要等位~ 一坐低, Waiter就遞兩份下午茶Menu+一本普通散叫Menu, 首先話下午茶4號8號冇哂~ 唔緊要, 我地都冇打算食下午茶! 因為怕細份夜d好快會肚餓~ 睇左一陣之後再問Waiter有冇晚餐, Waiter只係答左一句"冇呀"就繼續做佢自己既野算, 唯有睇散叫Menu啦! 其實都係得十款左右既意粉俾你揀~ 揀好左兩款之後, 再叫個Waiter埋黎...一講要xx意粉同xxx意粉啦, 第一時間答:"呢兩款冇呀而家, (指住個MENU) 仲有呢個都冇...呀, 不如我指邊d有既俾你知啦!" 睇住個Waiter係果10款意粉度, 指指指指..指左唔知有冇三款...即時火都黎埋, 起身走人...點解可以乜都冇但係又list係個menu度? 一係就唔好俾個menu我啦我估佢地真係expect個個客6點九入去都仲只係會食下午茶...可惜唔係囉!…查看更多

天氣凍, 想打任食邊爐, 原本打算去馬寶道果間, 可惜有人擺酒冇哂位, 附近又完全冇選擇.唯有去呢度啦...誰不知係一個惡夢既開始!地面個牌就咁寫住$78一位任食任飲, , 湯底另計~ 入到去座埋位先知原來8點半後入座先有得任飲竹遮水/酸梅湯同仲有一款唔記得係咩.., 茶芥醬油每位$20, 仲有限時兩個鐘囉...入位個waiter又完全冇提...雖然有呢d condition係唔奇,但係你入座之前都應該提下個客先嘛...野食方面, 選擇少, 上唔齊! 其實上唔齊就預左架啦! 不過上唔齊得黎唔好太過份先得架!! 叫左十幾款食物, 只係黎得一半..問佢仲會唔會黎又問極都唔應...叫肥牛, 黎果碟真係肥牛囉! 成塊肉有四份三係肥膏, 只得四份一係肉.芝士腸又原來只係雞肉腸, 平野食就黎多多俾你, 貴少少既 (e.g.蝦) 就寫兩次先黎一次,仲要一人得兩隻...服務更加唔得!!!!1. 第一張單7點半落, 煲到湯底要加水都未有野到...第二張單8點落, 8點半先到2. 問阿姐第二張單幾時到, 佢只係答廚房得一個師傅, 做唔切, 張就下! 我聽到真係忍唔住串佢一句:"你廚房做唔切就唔好限人地兩個鐘!" 你做唔切關我乜事?!3. 到上菜, 問佢呢d係第一張單定第二張單既野, 今次齊唔齊, 個名姐竟然叫我地唔好嘈! 實在太過份!總括呢間邊爐真係差到冇朋友! 食到一肚氣! 我寧願貴十幾蚊去番馬寶道果邊, 冇限時, 任飲食品選擇又多!埋單一蚊貼士都冇俾!…查看更多

星期四晚七點半左右到, 唔駛等位~叫了八王子套餐, $368加一, 有:刺身~ total 5款共10件, 樣樣都係細細件...不過都新鮮!刺身沙律 ~ 二人餐但係得一隻甜蝦...-_- 佢個沙律汁撈埋d生菜青瓜絲都幾好味!三文魚腩卷 ~ 四粒! 一啖食哂~ 一般啦!燒牛肉 ~ 半生熟, 唔鞋! 好味! 不過又係細細件...海膽炒飯 ~ 見到都有幾多海膽, 不過落左d蒜蓉炒, 本人不太喜愛甜品 ~ 芝麻雪糕, 一般貨色總括食品味道幾好, 不過略嫌份量少....男仔食可能未必夠飽! 另外佢上哂生野時, 雖然waiter好好咁話你知上哂生野, 會上熟食...但係等燒牛肉同炒飯就等左好耐 (超過15min), 要催佢先上...同時都見到隔離檯有漏單情況出現...不過個waiter最後收碟時都有say sorry同解釋一兩句..埋單$405, 同樣價錢應該仲可以搵到間質素差唔多但係仲可以食得飽d既....…查看更多

其實呢間餐廳去過好多次, 不過食評都係第一次寫! 每次食完都覺得好滿足~ 本人唔係住附近, 地點又唔算好就腳..但耐唔耐都會專登過去幫襯佢~ 今次係平日夜晚去, 七點九左右到達...成個場一個人都冇..! 之前未試過係咁...可能經濟環境啦! 不過之後陸陸續續都有幾檯客入今次叫左:海膽一板~ 只係$98, 但係比起出面賣百幾蚊一板既仲肥仲鮮甜! 推介~金倉號刺身拼盤~ $180七款廿一件, 有三文魚, 吞拿魚, 甜蝦, 帶子, 北寄貝..仲有兩款唔記得左.. 砌得好大件好厚身~ 除左覺得吞拿魚腥左少少之外, 其他都好新鮮~無頭甜蝦廿隻 ~$1隻, 冇理由唔叫! 實在太抵~ 一樣好鮮甜辣汁三文魚撈起 ~ 呢款第一次叫, 本人覺得麻麻, 料係好足, 有好多砌碎左既刺身, 不過有好多配料我唔係好食..例如薑, 仲有d好似飲茶前菜"喬"頭咁味既洋蔥等.. 帶子手卷~ 帶子鮮甜, ok!芝士豹皮卷~ 呢度既招牌菜之一! 好鐘意佢上面舖左層燒過既芝士~ 加埋入面舊炸蝦, d味幾夾~ 記得一定要一啖食哂成舊先係最正!食完仲有細細粒雪米茲做甜品差唔多食哂先記得應該要影下相...失敗! 次次都係咁~~有VIP卡九折埋單後$420兩個人~ 好飽好抵食~!…查看更多

某星期日下午時間左右去到, 雖然當時個lunch都未消化哂, 感覺仲好飽, 但係黎到冇理由唔食啦! 照殺~~好彩當時唔係好多人, 四五個人排隊, 好快就買到!叫左例牌凍豆花, 雖然碗豆花係唔夠凍 (冇計, 天氣熱), 不過仍然係咁滑! 食完都冇滯既感覺~推介推介~~…查看更多

中午是但搵餐食, 於是入左去叫了兩個午餐(會豬扒意粉同沙嗲雞絲炒烏東)....份量好細, 加凍飲就已經$32了! 味道就一般...不過完全冇鑊氣...又唔夠熱!! 完全不行~ 令外叫既炒烏冬完全食唔出有沙嗲味...雞絲數埋唔知有冇10條喇..另外, 食完之後周圍望下水牌, 見到下午茶魚柳沙律或薯條...$45 真係唔明點解可以咁貴...雖然都知道而家食野食貴左好多, 同埋南丫島可能佢要計番運費入成本, 但係...我真係覺得食品質素同價錢唔成正比囉!!! …查看更多

首先唔講食物, 講左搵位事件先~某星期日下午一點半左右, 入到去只見到近門口有張檯同盡頭有個卡位冇人坐, 於是行去卡位打算坐底啦, 不過行到去先見到同埋Waitress姐姐同我地講話張卡位Reserve左...咁自然地行番去近門口張檯坐啦~ 點知行到一半, 有一個鬼婆入間餐廳飛快地坐左係果個位度...無奈! Waitress姐姐應該見到呢個情況, 跟住Waitress姐姐同我地講..."介唔介意坐住門口出面果張檯先?" 我梗係話好介意啦! 天氣咁熱~ 同埋我心裡覺得佢應該叫個鬼婆起身俾我坐先囉..於是打算離開餐廳去第二間食算數~ 點知行左出門口兩步, 個waitress姐姐叫番我轉頭話有人埋單叫我去番個卡位坐~ 咁就算數啦~~ 叫了Tofu Burger同一個Egg Orlando (<--類似啦個名) 強烈建議Tofu Burger要Share黎食! 反而份Brunch睇落細份d~味道方面..可能食慣左飛哂肉汁出黎同會食到好污糟既Burger, 所以雖然味道唔錯, 不過覺得比較乾身~ d薯條略嫌唔夠熱, 個自家制既醬汁唔夠點薯條同撈沙律~ 個Brunch就淨係食左d炒旦~好味喎! 仲叫左杯Applie Juice, 真係即榨~ 好飲!不過環境方面真係幾好Feel既~…查看更多

想食好耐, 不過次次行過見到咁多人等位就卻步了...終於平日下午有時間, 4點幾左右到, 唔駛等位又有卡位坐, 非常好!選了炸雞蓋飯+烏冬 (貪佢夠大份~) 下午時間有飲品送~由於沒有人, 所以很快便上菜!炸雞雖然好脆同唔油, 不過略嫌多左少少粉! 有椰菜絲係底, 白飯係日本米! 加埋個汁好好味~烏冬雖然冇料, 不過好大碗! 好彈牙! 係得杯檸茶唔掂...下次有機會值得再去~ 不過一定會趁唔駛等位既時候去囉...…查看更多

星期日晚七點半左右到達, 被安排坐望唔到海既露台位..周圍有三圍檯外國客, 很嘈很嘈...我地好快就點好菜, 叫左炒蟶子, 粉絲蝦煲同香芒牛柳..另外叫了支ASAHI啤酒~等呀等, 見到伙記不停上菜俾果三檯鬼佬客, 我就呆左坐係度等野食到..連支啤酒都飲哂, 蟶子都未上到俾我, 照計佢地行出行入到見到我地坐咁耐都未有野食黎架...不過d伙計又完全唔理到最後足足等左半個鐘有多, 先黎到一碟蟶子, 之後就快左, 總共45min先到齊三個菜...炒蟶子~ 好大隻同幾好味, 不過份量少左d啦!粉絲蝦煲~初初以為可能會有菜底, 點知真係得粉絲同蝦. 味道一般, 夾埋應該都有十二~三隻蝦, 不過就得三四隻較大, 其他就好似手指咁大香芒牛柳~牛柳好味, 唔un唔鞋口, 只係芒果比較酸, 可能季節唔o岩啦!不過不得不提既係碗白飯好硬.....好彩兩個人只叫了一碗!兩個人埋單320, 略貴...如果唔計要我等果果半個鐘...其實都可以接受既..不過下次有機會會去番隔離果間囉!…查看更多

現時周圍要食burger唔駛淨係去m記, 周圍實在有太多選擇~ 本身自己亦試過幾間, 今次趁行過金鐘就順便試下monster burger la~星期日晚上八時左右, 成間店得一檯客, 所以坐得都好舒服!叫了cheese burger set, 可樂有得揀coke zero~ 不過奇怪在佢牆身有多好款burger show左出黎, 但係去到counter點就得10款都冇...講番野食, 著條完全唔得~唔夠熱同偏咸..好彩檯面擺定支茄汁係度俾你至於個包, 塊漢堡肉好厚呀, 不過食落冇乜肉汁囉! 包既size適中,(大過m記細過triple o) 食完唔會有勁飽既感覺~ 食埋d著條就好飽喇! 不過成個飽都係凍既...連塊扒都唔熱..總括黎講, 以呢個價錢黎講係可以接受既! …查看更多

平日夜晚去, 七點鐘左右唔駛等位叫了長畸拉麵, miso拉麵, 同一個日式燒餅長畸拉麵等了十分鐘就到了, 隔了五分鐘左右, 日式燒餅又到, 不過之後既miso拉麵就要等多十分鐘........見到隔離檯食哂碗麵碟配料粟米都未上....不過佢地服務都算唔錯, 原諒佢啦.講番味道, 勁多菜長畸拉麵冇食到, 淨係飲左啖湯都幾好~ 日式燒餅稍嫌煎得唔夠耐, 太好散, 同埋太多醬汁, 食唔到日式燒餅既餅底果隻味miso拉麵係用幼麵, 塊"差"燒好好好好食!!! 麵身夠彈牙~ 不過湯底咸左少少, 可能正宗日本miso係咁啦!不過埋單都要二百幾, 都唔算平....題外話: 食完飯等lift落番地下真係有排等, 加上已經有唔少人係度等位, 所以等ift個位真係又焗又熱!! 原本諗住行樓梯啦, 點知去到地下度門係推唔開既,,,…查看更多

做完運動肚餓, 見呢間茶餐廳裝修都ok, 就走左入去入到去d伙記係會同你講"歡迎光臨", 港式茶餐廳中真係比較少見 叫了星州炒米~$24, 下午茶黎講份量都ok, 同埋有蝦有火腿都算係足料! 同埋唔係好油~另外仲有金菇肥牛炆伊麵, 食左兩啖, 都唔差!總括黎講都唔錯, 只少以價錢黎講都可以接受啦!…查看更多

六點幾, 原本打算去一門, 但係冇book位要等到十點先有得食, 於是轉戰七樓豚組, 唔駛等位~ 環境都ok! 叫了兩個定食, total有豬扒, 蠔, 鵝肝免治牛(大概..唔好記得係咩名) 同埋蝦~最好味既係吉列蝦~隻蝦成隻手板咁長, 兩隻手指咁粗~ 絕對唔係因為勁多炸粉所以先咁大隻~ 食落真係啖啖都係蝦肉黎架...total 有3隻, 食完一隻都已經好滿足!吉列鵝肝免治牛, 都好好食, 不過得兩舊...吉列蠔都ok! 仲食到隻蠔既鮮味!反而最差係吉列豬扒...佢一黎到我夾起, 塊豬扒底係濕既...應該係未"瓊"乾哂d油~ 同埋塊豬扒有點"un"..另外椰菜絲都係任食, 不過唔知點解落左d汁後聞落覺得有d似醫院既藥味...白飯係日本米, 都好好味!另外一點要讚既係佢會擺定壺凍水俾你, 唔駛下下叫waiter幫你加水總括都ok! 不過如果要同世貿中心果間比就當然差少少啦! 但係好在唔駛等位…查看更多