美食小記者的個人專頁

海峰係筲箕灣賽緊會隔離開店很久，由我中學時代已開始幫襯架，以前成日下午茶去四煎釀三寶、炸雞脾、蘿蔔塔？等等，到左番工啦，我又會買盒炒米或炒面回去公司食，呢度勝在抵食又大盒，比其仔地方平2-3蚊，心靈已好滿足了！呢間鋪細細地，但都有3-4位工作人員做野，生意旺到不得了，但手腳快，即叫即有，食物仲係熱辣辣添，但唔好諗住好健康，d野都幾油最近受到馬來西亞那邊啟發，叫左$10/4條腸粉，再加$8/串魚旦，仲係要辣既，唔好加甜醬，只要鼓油同花生醬，撈埋咖哩汁一齊，腸粉特別惹味好吃，這樣就變成馬來西亞華人美食-咖哩豬腸粉！記得自己帶環保餐盒去，唔好再用發泡膠啦…查看更多

兩年前錯光顧一次，印象不深，今次我跟同事於鰂魚涌開完會後齊齊過來再吃，不過行遲一步，我地足足等左15-20分鍾先有位！如果2-3人都容易拎位，他們出菜好快，大量製作仍然是新鮮出爐，但好似我地成6-7人食飯，就要有心理準備等耐d呢度午餐選擇多，我叫左咖哩雞餐，鮮黃咖哩特別有椰香，香滑好味，咖哩汁有少許偏甜，撈飯真係好好食架！特別一讚是薯仔，軟腍入味，想不到呢道如此簡單的咖哩雞，真的冇泰國咖哩的風味！餐廳面積不大，但座位幾多，比較擠逼，符合香港餐廳特色，免加一，特免飲料+7，午餐可以一試！…查看更多

名寶石餐廳是歷久不衰的長青，第一次食的時候已經留下深刻的印象，數一數手指，已經好幾年冇幫襯，宜家又會變成咩樣子呢？我地分別叫左兩個餐share黎食的，首先，似足圓圓碌碌的餐包？似蛋糕仔吧？外表好看，但沒有以前的鬆軟感羅宋湯勁足料！好多牛肉粒架！姊妹飲既，她話好飲！焗牛肋骨，需半小時制作，搬上來時驚呆了，因為實在太大份，切下來的滿足感好正，雖然一定係全熟，但肉質不硬，軟腍好食！鵝肛配牛柳：牛好吃到不在話，鵝肛入口即融的口感令人印象深刻，我地舉哂挴指話正！最後再來餐飲及甜品，工作人員意外的好禮貌，份量多，埋單$3xx/人，這裡除了食氣氛及港式傳統外，味道也不錯！…查看更多

多次經過呢間手工餃子店，今次終我提起決心過去食啦～～～店內位置擠逼，幸好去到已經晚上十時，快要關門，所我們坐下來都叫鬆動！價格頗可以，$30-$34有7隻餃子，雙拼以高價作算。我估香港的餃子店都以老火湯為其中一個賣點，這裡是花膠淮山豬骨湯，味道香濃，足料（堅有花膠），突然覺得作為湯底有點浪費我倆叫左4款餃子，海鮮餃、香菇粟米、韮菜較普通，同時，大家認為雲耳椰菜最好食，比較入味，可惜樣子並不吸引，較為失色！但大大隻，7隻都夠哂包！…查看更多

係筲箕灣做左甘耐，這是我第2次黎呢度食lunch! 上次，砂鍋粥幾好食，不過今次有幾個同事，所以我地叫小菜，share一齊食！小菜午餐贈送例湯+白飯白飯唔知有冇得免運加，但呢碗飯好細碗，但自己又唔敢問可唔可以添飯😂菜乾湯是真材實料地好飲，清香入味，一飲就知老火湯，沒有味精！酸酸甜甜咕嚕骨，菠蘿好甜，是豬扒嗎？ 酥軟好吃菜甫肉碎煎蛋！ 唔油，好食，口感軟Q一致，仲有幾層架！南瓜蒸排骨：好腍的南瓜，排骨入味，味道難以形容金針雲耳蒸雞：雞是滑嫩，有絲瓜，但它偏偏是最平凡的，是我要求高吧？份量偏小，但小菜是好吃！…查看更多

在鰂魚涌體育館打完波，想起呢邊有間超有地道特色的泰菜，這樣我帶住同事過來食飯！店鋪小小的，只有十幾個座位，座位之間好鬼窄架，明明我已經12點頭到餐廳，座位卻只餘下2個座，是幸運嗎？一如既往，餐牌上有A-H的選擇？同事唔想食飯，叫左南薑椰汁湯雞河粉，河粉多，雞肉依然滑嫩，湯底清香，淡淡薑味飄逸，椰子香香的，不會過咸，如果有不足的，就是都幾多雞油浮面的。咖哩雞比肉飯本來叫左海南雞，但見到隔離呢碟野太香，即刻改餐！咖哩是我吃過的最好食，香料多而重味，夠惹味又易撈飯，薯仔好腍，又唔係好辣，雞肉質素高，好想再食一次！…查看更多

去完中南買文具，正朝往佐敦方向走時，竟然見到呢間好大的媽咪雞蛋仔，除了不同口味選擇外，仲有台灣飲品售賣添～～～呢度地理位置超好，正正就在油麻地站C出口隔離，相信生意都好好！雞蛋仔有多款口味架，上次係尖沙咀食左勁似蛋黃月餅的雞蛋仔，實在太「濟」，所以今次食朋友強烈推介的芝士味堅係外脆內軟，外表有芝士絲融化的痕跡，裡面軟軟腍腍，有芝味卻不濃烈，不會有吃得太多過濟的感覺，只會愈吃愈多，最後自己清左成袋雞蛋仔！…查看更多

柴灣美食必吃之物-椒鹽豬扒飯$45今次黎到柴灣打波，通常波後飯局都由我出謀劃策，如果係google打柴灣美食，通常都會出呢間餐廳架～～～呢度環境好擠逼，是典型舊式茶餐廳，食完收野即走，坐多陣都唔得，但街坊非常習慣，仲要係人流不絕呢！我見好多人都食不同類型的豬扒/牛腩飯，甘我當然都要叫最穩陣那款吧！椒鹽豬扒份量好多，肉質滑嫩鬆軟，醬汁惹味，撈飯一流，怪不得甘多人都會叫呢碟野食！同事叫的吉列豬扒都唔差架，所以下次打完波又有新野食了 …查看更多

聽聞前身是韓一窩，充滿期待，跟同事打完波就去呢度食飯！餐廳當然比之前大，人卻沒那麼多，我地幾個人share黎食，呢度平均約$4x~$5x，加埋特式飲品，結賬要$60/人辣肉醬拌飯超級普通，唔夠味，份量多既，當是過下口癮吧！海南雞飯油飯清淡，熱是溫熱，都叫啖啖肉，偏肥美炒金邊粉我覺得是最好吃的！酸酸甜甜味道適中，蝦蝦煎香，爽口彈牙，金邊粉不會過濕，值得再吃！香辣海鮮窩可能是冇咩味精，湯底偏淡基本菜式口味淡，對我們濃味者來說是不太滿意…查看更多

以前覺得魚窩只係做晚市打邊爐，完全唔知午市都有，所以今日專門試下。同事叫左酸辣魚腩麵，魚腩肉質細滑，有大骨，味道鮮甜，應該有煎過，所以比較香，仲有多年又大的魚腩，唔錯！麵質普通，寧願加$叫辛辣麵會更正！湯底呢？滿滿胡椒香，味道濃郁，唔覺落左味精。3餸1麵麻辣燙$32份量少少的，但配餸質素唔差，有豬手、蓮藕等，湯底跟魚腩麵一樣，只係加多左少少麻辣，感覺並不突出。例湯真係例湯味！場內人士都係街坊為主，食魚的餐確實很不錯，但其他野就好普通了…查看更多

油塘有新餐廳啦～～～油塘中心舊泰國菜店執左，竟然開左成都米線！應該說是日間做米線及多款四川小吃（唔知晚上會唔會繼續做），晚上做任食雞煲，裡面冇咩點裝修，跟以前一樣架！米線最平最平只是$24，可以再加$有其他配菜架！我就係比呢個餐牌吸引入左去了～新開張期內會送飲品重慶酸辣麻薯粉+豬軟骨事實上，麵條份量可以，湯底並不是我想像中紅卜卜的，但味道偏酸少辣，湯底香濃，不覺得有味精，還有芽菜、花生、莞茜、大頭菜都幾好食！豬軟骨軟腍，也是不錯的選擇！基本也沒什麼服務，店內只有1名亞叔及1名洗碗亞姐，我地呢d街坊都係自助式，自己去bar 檯落及結賬，自己去雪櫃拎飲品，相信是小本經營的，就比多少少耐性等待吧！ 總結來說也是很好，價錢平，味道好，可能我真係好喜歡飲湯底，所以我十分喜歡！…查看更多

西灣河有間新餐廳，1人火鍋係呢區少見的餐廳，加埋飲品，大慨$4x ~6X, 幾好架！餐廳乾淨明亮，還有1人座位，高峰期間，多人座位需要搭檯的！麻辣鍋不是想像中好辣，即使選擇正常，只是少辣，味道不太濃，飄來香辣香，但同事的沙茶湯底其實幾淡的。我叫左雞比肉，大大舊好好味，由於他搬出來時只是半熟，所以記得多煮一會；娃娃菜清甜；沙茶牛肉入味好食，但不要煮太久會變老；雲吞係幾好既；手工拉麵好好食，QQ的很不錯！份量會飽人架！+$6 士多啤梨奶，原本沒有奶昔搬濃烈，比較稀，但cookie及忌廉搭夠！我那份係$64，侍應主動加湯底，服務唔錯，幾好！餐牌：…查看更多

味口福由西灣河搬過來，係筲箕灣都有一段時間，呢度出名食漢堡，尤其手打牛肉，真材實料，而大廚聽聞係大廚出身店內小小的，位置較擠逼，有時中午過來，我們可能等唔到位，要留位？又好似冇呢樣野。。我們要先埋單，坐在座位上，他們會將餐飲送過來我以前好喜歡食炸雞比蛋包飯，最近減肥就唔食，我反而吃蕃茄汁雞扒螺絲粉$41，送熱飲以前$36，加到$41，幸好味道依然不變！雞扒切件而上，仍然香氣逼人，肉質滑嫩，湯底香濃，我還是很喜歡！…查看更多

筲箕灣又有新店啦～～～ 江仔店承接麻辣燙鋪位，竟然做四川燒烤！上星期六還在試業中，正式開幕好似係呢星期六，我已經先拔頭籌了！燒海鮮價錢大眾化，屬於可接受範圍內，當然要跟內地比的一定冇得比！我最想食燒雞翼，只係$11，可惜他們忘記幫我落單，不過我叫左他的店內王牌-牛仔骨，還有燒生蠔及花甲等等，這裡燒烤由$8-2X不等，真的很不錯！除了燒烤外，他們沒有其他東西選擇，若然有酸辣粉、蛋炒飯、炒河粉，啤酒的會更吸引！他們強調每天親自挑選食材，保證新鮮，同店家傾傾下，連隔離亞叔都同我舉起挴指添$15/隻 （2隻起）真心覺得在香港來說超級抵！事實生蠔不算大隻，但足料，吃下去夠惹味！牛油焗花甲$20有d沙，淡味，如果加點粉絲會更好！羊肉$2x絕對推薦！軟腍又唔「酥」，骨好趣，好邪惡！牛仔骨$23絕對推薦！好好味架，是他們王牌這回又可以入做心愛餐廳之一…查看更多

想當年，我曾到跑馬地食過呢間，當年鵝肝牛肉漢堡只是$128？（差不多吧？！）這天再黎到呢度，環境漂亮多了，面積大左，座位多左但好逼，位置方便，價錢理想當然貴多了一倍，這裡卻高朋滿座，可能源於食物質素一直也持高水平吧？！自助式，自己走去收銀度落單，自行倒水，都幾方便！軟殻蟹漢堡雖然軟殻蟹依然香脆，但好似同漢堡唔夾，比較乾而沒有juicy 的感覺，算是合格，卻不是很討好大啡菇牛肉漢堡正！大大個！牛肉依然多汁又惹味，大啡菇都係Judy, 早知叫雙層啦！黑松露薯條雪藏薯條，雖然新鮮炸起但不覺得質感特別好，不過醬汁好正，原來是芝味黑松露，即時加分！個人認為埋單平過叫餐食，又多元化！…查看更多