凱~的個人專頁

十二月廿三日(二)今個聖誕同老婆去長洲，晚餐本來想去興樂，點知去到睇餐牌兜左二三次都無人意圖招呼我地，D侍應行過當我地透明咁，於是決定去第二度食，之前食過一間有隻沙薑雞都唔錯但今日又無開，行行下就去左尼間江記度~點左以下三樣:醬爆牛柳粒($42)牛柳都"嗱"得幾嚴害，牛味當然亦大打折扣，味道都算OK，有點偏鹹，一點水平~菜胆雞半隻($60):(賣相唔錯，可惜肉質麻麻，肶肉都有D鞋，只得薑蓉無薑蒽同沙薑，味道好一般排骨煲仔飯落單半分鐘豉油就到，等左三四個字頭兩碟菜都黎晒黎再到應該過半個鐘以上兩個餸都食埋煲仔飯都未見影縱，一追之下阿姐都好有禮貌咁講話煲仔飯要耐D，咁唯有再等，點知再等兩三個字都未字再追之下又話整緊，真係等到火到黎埋，好彩再等一陣終於都出現左。煲仔飯D飯都OK，但餸就完全唔掂，排骨幾韌，無乜肉味，一般茶餐廳比佢好食無下次…查看更多

七月四日(五)出旺角，食板前時買左杯飲品等位~布甸奶茶:)布甸滑，奶茶味茶味較濃，和輕鬆飲很不同，個人其實喜歡較甜路線 XD，整體黎講還是高水準飲品，不俗~寫杯野飲我唔知要幾多字黎形容先叫合格，除左講布甸同茶我唔知仲有咩可以講~定係唔可以寫一杯野飲，咁就無放飲品舖出黎俾人寫~唔通買一杯檸茶唔可以寫? 定要寫二百字形容杯檸茶?我講自己飲完感覺都可以唔批不如你地自己寫晒佢啦~ side 氣~…查看更多

七月五日(六)晚餐決定左食沾仔記又想食糖水於是係深水埗都揀左黎佐敦松記，總店就去過幾次，分店都係第一次黎，地方比總店細很多，始終油尖旺地帶，唔太餓，只Order兩樣~雜果水晶涼粉水晶涼粉，就是透明啫喱狀物體，食落有彈牙感覺，是疏璃的大粒版，但個人較喜歡疏璃的口感，在芒果汁和白色類似糖水混和底下有點杰。雜果可以，似乎未及總店鮮美，份量亦唔算多，整體配搭上味道唔算太天然，味道可以。老實說，像許留山一樣全用鮮果汁做底一定更加好吃，但成本當然也就不同~可樂啫喱:)雖然唔算特別野，只係可樂+魚膠粉，但食開羅拔臣可槳啫喱下覺得真正可樂啫喱真係好食d，雪得夠凍，有d氣仲留係啫喱裡面，夠新鮮，唔錯~…查看更多

七月五日(六)去到西九龍買左手作雪糕黎食，綜合咁多次購買，得出最愛選擇~手作朱古力+曲奇朱古力雖然一定及唔上Movenpick，但以佢價錢同味道黎講好唔錯，加上大球份量不小，食得好滿足，另一選擇曲奇亦都係我最愛，比牛奶彊屍好食太多，唔會成塊OREO無碎晒放係度.... 雪糕亦較香濃，以中價貨黎講值得推介~…查看更多

七月五日(六)行完廟街過左黎佐敦沾仔記食雲吞麵，佐敦尼度有沾仔記其實應該唔好多人知同識路黎，亦因為有麥文記係附近亦都間接影響到生意，單以雲吞計個人唔覺得沾仔記既乒乓波差過麥文記，只湯底有所不及，但價錢平一半雲吞又有口感D都絕對值得黎捧場~雲吞麵($12)十二蚊一碗，乒乓波雲吞三大粒，啖啖鮮蝦同肉，口感十足，加埋專用乒乓波匙羮，唔驚食得弄盡，好食又抵~ 2人合共食左三碗 ~ ~"腐乳通菜:)一般淥菜加腐乳，味道不錯，價錢平，份量頗足~堆單五十蚊唔到，晚餐黎計好耐都無試過咁平都食得滿足，掂~…查看更多

七月五日(六)過左老婆果邊，剪完頭髮已到左食TEA時間，揀左就近椰林閣試試~黑椒牛柳意粉"牛柳"肉質算OK，淋同無筋，黑椒汁則有D奇怪，有酸酸味道，小小酸甜感覺，可能是東南亞風味但個人不太欣賞~蒜蓉雞扒意粉:)比較正常味道，茶餐廳水平相約，雞扒煎得比較不錯，外皮煎到微脆香口，雞肉不會鞋，比較出色~…查看更多

七月一日(二)今日之行選擇左到想試好耐既嘉樂冰室度試試佢既奄列，因為老婆同我都係愛蛋之人，此行去到見到嘉樂附近見到人堆人龍係一間落左閘舖度排隊，第一個反應係「唔係FA，無開!?」 之後見到咁大堆人龍以為係等緊佢開門，點知再等下，見到閘下鐵門有人出入先知原來佢都係照常做生意，咁做生意法真係大開眼界，不過佢宜家咁出名想點都得啦~等了又等，終於都就黎入到去，擬似老闆娘關鐵門時對我地講左句「有人出就入啦，出幾多就入幾多，我唔再嗌嫁喇」尼D服務態度真係認真差，比澳牛D伙計粗聲講唔該仲難接受，你嗌咁多唔想嗌咪貼張紙係門口囉，唔使教掛，講我知我唔會同你傳話個喎~終於都入到去，初頭以為佢門壞左驚走冷你先落閘，原來又唔係喎，完好無事，係唔知做乜咁無聊要落閘，我o念唔到邊間出左名食肆有人排隊要靠落閘截人流....本評就似今次排隊一樣終於入正題 ~ ~" 用logo 就係想睇既人可以直接睇真正食評~叫左火腿奄列(細)x2、鹵水豆腐、蛋牛治、阿華田奶昔火腿奄列$15(細)一如傳聞大件夾抵食，初頭都擔心咁大份會唔會鞋，所以先叫一個，黎到一食又OK，蛋既水準雖然無澳牛咁高，但完全比得上一般煎得一手好蛋既茶餐廳，加上尼度捉料既火腿同蛋，$15俾人既滿足感實在太多，絕對無平時食茶餐食奄列唔夠候感覺，又好味又充實~ 試完之後再追加一個，爆晒Quota 都唔顧得咁多，正~鹵水豆腐平平無奇，豆腐唔算滑，鹵得唔算好入味，唯一好處係平~蛋牛治($10):)蛋成寸幾厚，靚感真係一流，唔打得都睇得，食落無賣相咁好，蛋唔夠奄列滑，牛肉亦有D根，太厚食落其實亦有D難度，整體感覺實在無奄列咁好，但十蚊咁大份，真係仲想點~ 等蛋牛治時候，錔經聽到廚舴話宜家落單三文治要等九個字！厲害！阿華田奶昔($15)一向都幾喜歡凍華田，變左奶昔後味道更加濃列同可口，雖然阿華田唔係咩特別既野，但阿華田奶昔出面又唔太覺有得賣~ 可惜~尼間舖食物其實幾好同非常抵，貴係貴係飲品方面，唔係五十蚊兩個人落到樓，服務方面就真係好唔得，入到去座底一陣轉位，轉左第二張一陣又話要轉，真係想小佢，連分一張兩張枱做四人枱都唔識，運作超混亂，完全唔顧乃食客感受，典型港式出名舖頭服務，今時今日咁既服態度真係好唔掂嫁～…查看更多

蛋撻王飲品線健康飲品系列，十一、二蚊細細樽就唔多抵，不過無乜選擇底下都係買左支黎飲~菊花茶:)味道清甜，雖然無涼茶舖咁好飲，但都唔差，細樽外型都幾靚，加上有D內涵，難怪價錢唔平每日都沽清~…查看更多

七月一日(二)試完嘉樂冰室，黎到荃灣當然要黎食下大家姐串燒，大家姐係荃灣都算出名小食檔，幾間舖霸晒南豐中心門口位置，都幾厲害，個人認為尼度最好既係串燒~ 除雞翼外都係廿蚊三串，又抵又好食~燒雞翼無得廿蚊三串，要八蚊串，但燒雞翼又確實比其他略為出色，令人難以取捨，燒得邊位微焦，配合埋沙爹醬，真係好好食~燒牛肉:)牛肉肉質唔算出色，不夠鮮嫩，影響左整體味道，醬汁搭救仍比其他串燒略好~燒豬頸肉爽口，燒得夠香，肉質較佳，整體配合上較牛肉出色，又平又靚~除左九龍城外好食又水準穩定串燒真係唔多，行開尼頭記住整番串~!…查看更多

六月三十日(一)又到每月慶祝日子，今次揀左黎金滿庭食，雖然遲左唔小，但都要補番尼篇食評，因為今餐實在太滿意~! 本人和老婆都最愛尼度砂鍋雲吞雞~小籠包一啖一隻，SIZE剛好，肉汁豐富，皮薄饀靚，個人認為不下於鼎泰豐~砂鍋雲吞雞可以叫1/4隻，岩晒兩個人食，雞湯鮮甜，天然無添加，雲吞鮮美，美中不中不是雞脾部份，雞肉點特製醬油亦非常好味，不過醬油味精則很重~排骨湯麵:)上次吃過擔擔麵，覺得湯比不上詠藜園，麵則相同的高質，今次試清湯配麵果然更顯麵的高質，豬扒亦炸得不俗，只是個人認為調味還可以更好~已經吃到很飽，本想吃高力豆沙也吃不下這裡地點雖然偏遠一點，但以其食物質素，還是非常值得再來~!…查看更多

六月廿九日(日)有時賣晒，有時太多人排隊，以致好耐都未試過尼度招牌波霸奶茶，今日終於一嚐~波霸奶茶:)大大粒珍珠，配合埋口味較甜較重奶味奶茶，正是輕鬆飲的波霸奶茶，這裡的奶茶調教得不俗，珍珠亦都係我鐘意口味，唔太硬，做飲品正好，但都係鐘意細珠多D~最大問題始終是人太多，等太耐，始終覺得外覺店服務之一是減小客人等候時間，有時看到收銀個包裝飲品只得一人這樽頸位導攷等候時間更長，實在極無奈~ 飲品出滿一枱但顧著收錢的情況屢見不鮮~…查看更多

六月廿九日(日)又過左去詠藜園度食，因為唔太餓，只叫左三樣~奶油津白:)幾大碟，津白算肥美，無渣，但一大碟兩個人食有D寡，都係加埋鹹內好味D雞火擔擔麵:)雞肉係用黎炒麵雞肉，有種整定夾落去感覺，唔太滑，勉強OK，火腿則正常，始終都係擔擔麵有保証，挽回番分數，下次都係食番豬扒、雲吞尼D穩陣D~豆沙鍋餅非常之"炸"，個人唔太鐘意尼種整法，紅豆饀不小但唔夠均勻，邊有一兩舊無紅豆饀可言，味道OK，只屬合格之作~…查看更多

六月廿六日(四)有贈卷去左銅鑼灣睇功夫熊猫優先場，揀左係峰主店度試試~三文魚壽司脫脂所以較韌，唔知自己食緊三文魚，後悔一叫叫左四碟，差~火炙三文魚以為會好D，原來都係一樣咁瘦，燒完都係一樣硬身，差~峰火鰻魚夠大舊，燒得剛好，汁味道亦香濃，正~火炙海鰻:)雖然知道海鰻係貴過鰻魚，但食落都係鰻魚好食D，水準不俗，口味問題~火炙蟹棒唔知點解餐牌無，其實可以叫，沙律醬燒一燒真係好香，配合蟹棒一絕，掂~帶子卷:)三舊有三粒帶子幾抵，帶子鮮美，唔錯~芝士薯蓉球炸得幾好唔會油，只芝士味唔算特出，薯味較搶~峰玉子燒得唔夠熱，記得上次係旺角食燒得熱辣辣，有點走樣~估唔到總店都唔見特別，連香港人最常食三文魚都俾D咁既貨，失望~連一壽司、金水半價時段$4.5一碟都比佢好食好多…查看更多

六月廿六日(三)夜晚出旺角，好想食肉，於是揀左好耐無黎沙爹皇食，旺角尼間勝在夠大夠多位，去到見到好多人係門口等，但原來兩位可以即刻入得，幾好～沙爹豬扒飯沙爹皇沙爹個人覺得係非常唔錯，甜甜地夠香唔會辣，用黎餸飯一流，而餸方面揀左豬扒，個人認為沙爹自選排序係：豬扒>炸魚>牛肉=雞扒。豬扒用香茅黎整夠晒香同入味，而肉質亦唔不俗，配埋沙爹當然更好食~奶油津白津白都整得唔錯，不過唔夠大棵同有D渣，另加左臘腸令碟菜好油，臘腸始終都係唔夠鹹肉咁好~香葉包雞炸得唔錯，非常乾身，較細舊但食落味道好好，好過雞扒不小，外層夠晒香脆～肉醬焗餃:)醬汁香濃，唔小芝士係面，但餃子比較厚皮，饀料亦未見突出～脆蝦棒:)炸得香脆，似瘦版春卷，唔錯～避風塘鮮魷皇子($48)全日最差但最貴一碟，賣相幾好但有形無實，有熟蒜係面但魷魚食落淡而無味，墨魚仔食落口感亦無鮮魷咁好，要點沙爹汁黎食先好食D，一定無下次～芒果布甸:)布甸加上鮮芒果汁係面，雖無果肉但幾好食，亦幾滑～估唔到沙爹皇都食左成二百蚊，都幾誇張~ ~"…查看更多

六月廿五日(三)今日打八號風球，但十一點幾落左，都係要返工，老婆過左黎同我食飯，由於佢已經食左d野，所以無去原本想去藍天使去左吉野家就算～牛肉煎雞雙拼飯:)一貫水平，又大份又好食～餃子雞翼:(賣相睇落幾好，而且仲無骨，但食落雞肉係微波爐即食雞肉串味道，好罐頭Feel，雖然叫燒雞翼，但皮一D都唔脆，似用燒汁黎鹵雞翼多D，失望～蜜桃椰果賓治:)都幾香幾好飲，椰果亦幾多，但要加成$6一杯又唔係太值味道3.5…查看更多