ynllnynl的個人專頁

第二次幫襯員工友善有禮貌 服務幾好由其是樓面女經理（應該係經理或店長 冇問 不過見佢負責分配工作比員工）食物方面試左金槍魚拌飯同大醬排骨湯另外有泡菜及海帶湯任食泡菜味道有少少怪 同埋偏酸大醬湯較為失望因為係頗為簡單既韓國料理只要調味同食材ok就好易煮得好食但係呢間鋪既大醬湯似係中菜既味道難以形容湯好少 第一下擺隻匙羹落去有啲嚇親😂個碗好淺不過後來發現係足夠 因為好咸 唔可以齋飲 一定要配飯食最後就係拌飯 唔係有驚喜既好食 但係以價錢黎講係合格以上建議大家想試就試拌飯湯真係唔太推薦會再幫襯的但唔會再試湯…查看更多

上一次黎食揀左醉雞湯米線結果個湯太甜 怪怪地我以為係我揀錯湯底既問題 因為醉雞湯有紅棗所以決定下次要再試其他湯底今次揀左蟲草花雞湯米線冇紅棗 諗住會試到正常雞湯味點知都係甜既…..？我非常唔鍾意😿但呢個都係個人口味最令我唔滿意係佢個凍奶茶一啲奶茶味都冇 同侍應講完換完都一樣應該係茶底好淡講返啲好既 雞肉好大舊 勁多肉同埋口感幾好不過唔點鼓油就冇味既 總括黎講就係失望 好彩今次唔洗排隊如果要等完位再食應該會更失望了補返張圖…查看更多

講左結論先：唔係唔好食不過我揀左一個唔合我口味既湯想寫出黎希望同我一樣唔鍾意咸食係甜味既人可以揀其他湯第一次食揀左最多人推薦既醉香雞湯米線賣相幾吸引 見到啲雞油就覺得會好好食但飲左第一啖湯就知我揀錯左個湯既甜味唔係雞湯既鮮甜 係真係甜味我估係紅棗既甜？係食糖水既甜 搭配米線好古怪至於雞肉我幾鍾意 唔會好un注意返唔係滑雞黎 所以會鞋鞋地 不過我鍾意既（我覺得太滑似假雞肉）下次我會揀其他湯Btw鋪頭啲staff都好nice:)…查看更多

睇完片好奇心驅使下試呢間餐廳 有驚喜最好食推薦： 焗豬扒飯高質個飯真係好食👍🏽👍🏽👍🏽好新鮮焗出黎芝士拉絲 唔係成塊野硬晒鋪係面果種芝士茄汁唔會太酸或太甜 岩岩好豬扒就偏硬少少 同埋冇特別調味鐵板牛扒 揀左五成熟 煎得好好塊牛本身都有一定質素 唔係茶餐廳牛扒推薦加$8加條腸 幾好食花生醬梳乎厘西多唔難食 但我會鍾意傳統西多士多啲最後係扒餐送既甜品梳乎厘雪糕同上面果個類似梳乎厘同雪糕match過花生醬係好食既整體黎講推薦大家黎試可能因為我本身抱住試伏心態黎食所以特別驚喜😂…查看更多

叫左兩個麵同埋兩款小食小食係新鮮整出黎 鹽酥雞同埋鍋餅都熱辣辣不過鹽酥雞既雞肉冇咩調味如果醃一醃更好鍋餅咬落皮脆內煙韌 不錯飲品方面係正常台灣手搖水準主角牛肉麵 我揀左半筋半肉幼麵湯底濃郁 牛肉好大舊同好多但係個麵太淋 有少少可惜可能揀粗麵會好啲？另外仲有一個冇影到相既青花椒手撕雞拌麵同樣地味道幾好 可惜麵好淋:(個麵汁好香雞油味配埋青花椒味幾夾整體黎講幾好食係香港黎講味道不錯的台灣餐廳不過台灣好多街邊食店都有差唔多既水準🤣價錢可能係佢既一半以下呢…查看更多

睇完片黎食食完感覺價錢偏貴 份量偏少性價比低👇🏻芝士年糕 $68/2pcs好似平時放題啲芝士年糕仲煙靭啲..食得出係燒既 平時果啲係炸不過都唔值$34一件🤖後面橙色果件係明太子醬燒豆腐 $58/2pcs豆腐好乾又好扁 明太子量足 比例上好咸 完全唔好食食左一啖就放棄左仲有一啲冇影到 不過都係不值menu上的價錢最驚喜好食係清酒煮蜆 $88蜆好大舊肉 鮮甜半打蠔 $348 正常吧相信呢個價錢可以食到好多更高質素既餐廳服務上亦較一般 但有加一同埋自助落單 服務只限上菜…查看更多

晏晝經過入去食，14:30-18:00係下午茶時段，$40內就有一個餐，雖然份量唔多，但係好適合做下午茶（週末同假日都有）嗌左豬軟骨韭菜餃米線湯底係魚湯，食完唔會頸渴果種（已經好過好多餐廳），見餐牌寫係鮮魚熬製，平時食米線好少會飲埋湯因為太多味精，但呢間我會邊飲湯邊食韭菜餃菜偏多，豬軟骨好淋，味道不錯，米線偏滑身 但不太入味仲送一杯飲品，我嗌左豆漿，正常發揮環境舒適整潔，員工姐姐都好友善，適合收工去醫肚…查看更多

鴛鴦鍋湯底揀左阿嬤養生湯同鳳梨雞，兩個湯好相似😹無論賣相同味道都分別不大，不過味道係好食既出菜速度夠快，食物都唔錯，菜既種類夠多，質素正常，以價錢黎講算十分抵食最差係臨尾有啲掃興，不停有員工行埋黎倒數夠鐘「仲有15分鐘」、「仲有十分鐘」、「仲有兩分鐘」、「夠鐘交枱啦」其實仲剩半個鐘我地已經熄左爐，冇諗住唔肯走，咁催法觀感好差，亦冇必要，因為我地走既時候見到好多空枱，門口又冇人等位，唔明白點解咁急…查看更多

一直好鍾意食越南野，最鍾意係蟹膏湯檬，所以同朋友見到呢間越南餐廳有蟹膏湯檬就一齊黎試下。但係食既時候發現冇蟹膏，以為廚房一時太忙比漏左，問返侍應佢回答：上面呢啲醬就係蟹膏啦！但係我地搵黎搵去都見唔到佢所講既「醬」，只得少量蕃茄茸同香料。最後埋單既時候再問收銀既員工點解蟹膏湯檬冇蟹膏，佢既解釋係：蟹膏既意思係指個湯有蟹膏味，而唔係有蟹膏作配料。如果係錦，menu所寫既「蕃茄蟹膏蝦丸扎肉湯檬」係極具誤導成份，蕃茄、蝦丸、扎肉、湯、檬粉都有出現，而蟹膏就只係所謂「得個味」？另外，芝士蝦多士好硬身，口感一般；凍奶茶少甜少冰感覺上比一般茶餐廳凍奶茶正常甜度更甜、亦冇做到少冰。整體感覺好差。…查看更多

見到有報導話呢間餐廳系泰國係連續幾年評分第一既餐廳，所以期望都幾高，就算唔係超級好食都應該超越一般泰國餐廳水平，結果食後感得三個字：重口味。雖然知道泰菜一向重口味，但呢間食完後兩個鐘我都keep住覺得好頸渴..特色炒飯，飯既口感係唔錯，但實在太咸..咸到我無法用文字形容，唔知廚師係咪太忙錯手落多左醬料印象最深刻既椰子雞湯，味道甜酸，準確黎講係極甜極酸，飲落口重口味到「那喉」，完全無法接受，而且冇雞味（雞肉有好多，但個湯冇雞味）蝦醬炒河..定係油浸河粉？成餐最正常既係野飲，菠蘿汁本身以為係鮮榨（不過menu都冇話係鮮榨，係我自己誤會左），如果冇野飲成餐都唔知點算😭整體黎講，價錢唔貴既，但係食完大失所望...唔知係試業太忙忽略左品質控制定係餐廳特色，希望以後有改善..但我冇咩事都唔會再試。…查看更多

之前一直好鍾意食，兩個月冇黎，好失望。首先加左價，以我食既口水雞為例，之前係$48配埋飯，依家要$68，有冇大碟左我唔知啦，但肉位好少，同之前食好大分別，味道都一般。（但menu上口水雞有推薦）另外，男朋友叫左回鍋肉，味道唔太正宗，佢話同之前一次食既味道都唔一樣，唔知係咪廚房換左班底？食物質素下降兼加價幅度大都算，食食下仲要肚痛..返到屋企即刻肚痾🤦🏻‍♀️相信係最後一次食，好可惜，又少左一個選擇。…查看更多