joyfulet的個人專頁

女王放暑假抱住佢兜左成個聯和墟結果第一次帶佢嚟食本來驚帶小朋友入酒吧會很異相但原來另一檯已有三個小朋友點了一個蘑菇漢堡一個焗芝士吞拿魚長通粉由於要分俾女王食用bb剪一落刀巨菇即時飆水不過女王只吼牛豬混合漢堡扒就連厚切薯條, 佢都冇興趣女王反而喜歡焗芝士吞拿魚長通粉像吞拿魚點餅零食般的吞拿魚有著沙律醬般酸酸甜甜的味道加上焗芝士的鹹味百般滋味在一起並沒有得到我的垂青另外雖然我已使用女王專屬餐具但仍要讚的是見到店員抹餐具籐籃若然餐具唔係即棄式好似更好一大一細 $120…查看更多

講真﹐碟麵真係唔難食﹐只能說未能習慣$38一碟豉油皇炒麵﹐CCTVB午間新聞都過一半時間(即約十分鐘)都未到附送青紅蘿蔔湯﹐無肉﹐但好甜﹐除了店舖內售賣的各種新奇食品/添加劑﹐又或者加糖﹐真係唔知點仲有乜煲得出呢種甜味碟麵黎到﹐好熱﹐有鑊氣﹐不過麵質唔得最唔習慣的是用草菇﹑蘿蔔絲炒﹐令碟野又係甜既甜既豉油皇炒麵﹐我真係習慣唔到囉$38﹐後面水上人粥店賣$11﹐好食好多牆上好似好有氣質的有兩對對聯講佢地個名另有一首詩﹐頭兩句係﹕一粥一飯，當思來處不易。半絲半縷，恆念物力維艱。後兩句作得好差又唔同人講頭兩句係引自《朱子治家格言》價錢已經夠抽水﹐連作詩都勁抽水。。。…查看更多

台式小鍋米線﹐有﹕肉丁一片檸檬蕃茄粒椰菜花生米線肉丁細細粒﹐但仍然硬身﹐雖然食到一粒八角﹐但好明顯仍然未炆夠成個配答只係九唔搭八﹐又酸又甜﹐除了有個鑊仔之外看不出如何小鍋﹐更看不出如何台式﹐或者只有鍾情Sweet & Sour Pork的老外才識欣賞…查看更多

呢間野由早到晚冷冷清清﹐標榜24小時營業﹐居然都屹立左一段日子﹐就去試一次(聯和墟一半食肆連晚市都費事做﹐少數更每週休一日﹐免得連人工都蝕埋)茗茶$2香片唔香叉燒腸粉$17 (唔係即拉﹐而係整定由明檔攞過黎)D叉燒粒其實都OK﹐夠嚼口﹐不過細粒得太孤寒喇金錢肚 中點 $16個樣OK㗎﹐都多金錢肚不過勁有嚼口﹐咬好多啖之後吞都仲哽住喉嚨墊底的仲頂癮﹐居然係炸薯條﹐足證佢哋無常識﹐搵炸野墊住D油﹐難以下咽總體覺得可一不可再唯一例外係夜麻麻﹐聯和墟冇飯開﹐又好想食點心的話﹐才會就範…查看更多

第二次食Minmix﹐今次買外賣﹐隔離位姨姨唔識撳部機﹐不過好彩有兩部唔駛掙好快點完野食﹐等。。。再等。。。繼續等﹐6點鐘落單﹐店內客人人數廖廖可數﹐居然都要等成10分鐘(好彩唔係繁忙時段黎食)意想不到的是﹐平時外賣麵﹐D湯一定被D麵索晒D湯﹐D麵變成漲卜卜但勁難食﹐但Minmix的外賣麵盒分兩層﹐將要浸住的四寶連湯放下層﹐將麵同辣菜圃放上層更窩心的是上層有手挽位﹐唔駛整污糟隻手用咁醒既方法當然令食物保持得好過其他麵店既外賣啦至於同場加映的是麻辣肚絲﹐由於樣貌平凡而沒有影相﹐不過食落口絕對唔係譚仔般就咁係雪櫃攞出黎就算既貨色﹐所以亦來不及影相…查看更多

由於有交通意外﹐好不容易才經舊路由旺角到大埔﹐眼見仲有排塞﹐唯有先醫肚http://www.881903.com/Page/ZH-TW/newsdetail.aspx?ItemId=673092&csid=461_1600有稔過去舊墟直街﹐但較貴﹐所以稔住食去大埔墟碰運氣試試有沒有泊車位泊好車﹐稔起附近就係我10+年前﹐跟叔叔姨姨們行完山之後食過的呢間沙士亞平時冇機會食羊﹐就要個羊餐見其他食評話服務差﹐我就覺得唔錯﹐起碼位姨姨用中文問要飯還是要NanD羊係唔錯既﹐如果個咖哩再乾D的話﹐伴Nan會更好不過敗北的是那個炸蔬菜丸﹐燶味要用茄汁頂住先食得落…查看更多

幫朋友慶祝生日﹐本來話食自助餐﹐但因女士眾多﹐驚食量少蝕底所以選雞煲朋友們早就坐在最入那張檯﹐左面是一道門通往樓上(以前舊店就係對面既樓上擴展經營範圍﹐依家就直接係樓上﹐方便)﹐右面是廚房/廁所﹐遲到的我就坐在左面﹐D人出出入入都踢凳腳一吓個爐用鐵架圍住﹐可能係防止有水濺熄個火。不過我哋個爐唔生性﹐煲極都唔滾﹐個鐵架又阻住睇唔到係唔係無火﹐唯有舉手。舉左手兼嗌左成分鐘﹐先後有幾個店員對我哋視若無睹﹐或是做住yes man之後放飛機﹐先至有一個埋黎check下﹐之後話“轉頭”﹐跟手上左去。。。第二個如是。。。第三個先至逗下個架﹐攞第二支Gas試﹐先至發現個爐有問題﹗剛煲滾無耐﹐灼緊菜既時候黎加水﹐想浸死晒佢哋咩﹐知唔知4℃-65℃係食物危險溫度黎架﹐結果堅持75℃ 15秒原則的我就等到D菜老晒先有得食而到無水時又無人加水加單一隻細雞同一D菜﹐D野未到時﹐有店員埋黎﹐不過唔係執檯﹐唔係清走D空碟空籃﹐而係淨係攞走個煲蓋﹗全場都係食緊雞煲﹐夠爐夠煲但係唔夠蓋﹗ 結果咪係無蓋用囉﹗D員工金精火眼咁想我哋讓番張檯出黎都無用﹐因為火都唔滾 生日蛋糕﹖有﹐不過費事左住人哋做生意以及受盡員工們的白眼﹐所以轉場去了…查看更多

話說同一日在宜家家居餐廳及咖啡室因式食物及服務食到一肚氣兼食唔飽(因為6:15PM都居然冇雞翼食)﹐行完IKEA就再戰熱狗當補番數7:45pm﹐個美食站已經好似要收檔咁款﹐而我由於在宜家家居餐廳及咖啡室已經喝過汽水﹐所以齋啃左1隻熱狗而已條腸仔雖然爽﹐但味道普通﹐容易被茄汁蓋過味道芥辣稀兼唔辣但反而個包﹐需然唔夠熱﹐皮唔脆﹐亦唔香﹐但有內涵﹕夠軟熟$6咋﹐係咁上下啦…查看更多

還記得它在投注站對面﹐或是在海聯廣場旁邊的日子﹐我都經常幫親﹐就係搬左去依家個位咁耐﹐我到依家先食第一次酸辣湯白菜鮮肉餃麵湯比較拮﹐濃到有D似福建滷麵﹐若果話係上海式酸辣湯﹐則欠缺質感(例如木耳)及刺激感(一般上海式酸辣湯用黑胡椒或辣油)個餃D白菜就正常啦﹐冇乜驚喜但肉呢就唔夠鮮囉太耐無食過﹐就咁叫麵﹐都唔記得係粗圓條形白麵﹐其實有好幾款麵條可選擇﹐酸辣湯配扁身或幼身麵應該會入味D…查看更多

夜晚差唔多10點先至係九龍塘聽完講座﹐一行7人當中有人提議到深水埗食咖央﹐做柴可夫既我10點三係劉森記附近放低佢哋﹐10點半先至搵到位﹐打俾佢哋話搵唔到﹐都係去劉森記罷了正﹐我深水埗首選劉森記~﹗晚上10點半﹐仍然人山人海﹐7個人要分兩張檯坐平時食淨蝦籽撈麵既我﹐由於最近前後3次食蘭香麵家﹐所以除左獨食一個蝦籽鵝腸薑蔥撈麵﹐我們三人再Share一份黑柏葉總評﹕蝦籽同薑蔥一乾一濕唔係好夾余君益辣醬﹐正~﹗鵝腸太瘦(唔夠蘭香麵家雞腸有特色)辣椒豉油唔錯(不過唔夠蘭香麵家藥材味豉油有特色)黑柏葉正好彩我食得快﹐剛食完一抬頭﹐有阿Sir巡邏﹐即刻攞車﹗張單幾$$$﹖留番俾淨低幾位囉﹗…查看更多

係ICC做完野﹐晚上又要聽講座聽到9點半﹐就食個下午茶先打開餐牌﹐嘩﹐乜咁少選擇既﹖無餐﹐得幾款小食﹐飯聽講要等好耐赤拉麵﹐紅而不辣(試左啖湯)辣叉燒拉麵﹐D麵都唔錯丫﹐辣味都係欠奉﹐塊紫菜最敗北﹐太大塊﹐食時難撕開總結﹐好大碗既下午茶﹐咁既價錢只會趕絕客人﹐因為咁既價錢咁既份量﹐客人係唔會點飲品的…查看更多

難得大班人飲茶﹐特意點新菜食(可惜只能post 8張相)﹕點心 一道我以為只有在國內先食到的美食香口啖啖肉都係香口野﹐細細件﹐岩女士食燒味我至愛既龍皇燒腩仔~﹗廚房好足料~﹗啫生菜﹑啫芥蘭食得多﹐啫油麥梗配上好蝦膏真係冇得頂唔油﹐好香滑今次居然冇叫海蝦貴妃泡飯﹐但呢碟炒飯好味而不簡單同場加映﹕沙巴海蝦餃皇﹑水晶禮盒﹑鮑魚燒賣皇﹑香煎鮮蝦腐皮卷﹑香煎臘味蘿蔔糕﹑金蒜銀絲蒸鮮魷﹑韮皇鮮蝦腸﹑燒汁煎包﹑黑白無間﹑鬆脆麻花﹑消脂菜汁…查看更多

上次來用餐相隔3個月(見上次食評 http://www.openrice.com/restaurant/commentdetail.htm?commentid=2236192 )﹐上次4個人食個early lunch﹐今次7pm 2個人食Dinner居然靜到叫我哋坐8人桌三拼﹕上次發覺蒜香雞同豬頸肉唔得﹐今次要滋味雞+鵝片+鵝件﹐鵝正﹐不過始終係冰鮮雞番撻南乳粗齋(因為冇其他菜蔬有特色)﹕南乳味唔錯番撻蔡瀾撈麵(因為招牌撈麵又貴又唔得﹐D粥又唔夠打冷舖好)﹕唔怕唔健康的可以食羅漢果茶(因為冇其他飲料有特色)﹕稀左D囉又話Citibank VISA有discount﹐結果只有三拼及蔡瀾撈麵有9折,南乳粗齋+羅漢果茶冇﹐收$273﹐9.3折而已…查看更多

第一次黎希慎﹐為的是誠品﹐但與我今年3月去過的敦南總店(忠考敦化站)那種可安靜打書釘的環境相比﹐香港人爭相買台式特飲真係好失禮食番餐好既就黎南小館﹐人都好多﹐不過環境好﹐人心情都好﹐唔會好似誠品咁亂D醬料都好靚牛展湯真材實料豆漿勝瓜好好味Dried Bean Curd(豆乾﹖突然腦殘稔唔到中文)配菜飯﹐純素食﹐鹹鹹地﹐好好味燒餅用紙袋裝﹐真係以為去左上海買小吃腌篤鮮燒賣有創意同場加映南瓜涼菜﹐涼菜四小拼﹐河蝦仁﹐小黃魚﹐酸辣湯﹐雲吞雞湯﹐擔擔麵所以甜品﹖食唔落喇~﹗…查看更多

在Openrice﹐係搜尋唔到上水/粉嶺既自助餐/放題店﹐實情當然唔係冇啦(情況有D似Openrice沒有“順德菜”﹐只有“粵菜”一般)和光日本料理絕對唔係和光鐵板燒日本料理﹐後者同聚紅樓同屬一間港資美國公司之但係個名已經吸引我眼球﹐再加上經常周三都咁岩遇著冇開門﹐但居然生存到﹐令我一直都幾想試入到去發覺﹐原來可以唔揀放題﹐不過a-la-carte又揀唔落手﹐所以都係放題罷了Openrice所寫既招牌菜(三文魚籽碎魚生飯、牛油果軟殼蟹卷、豬骨濃湯牛肉鍋、猪骨湯三文魚頭鍋)沒有一樣出現在放題中﹐不過放題既魚生飯都唔錯啦﹐好多希靈魚好爽口迷你飯同拉麵都唔得之餘仲好飽肚﹐唔係放題功略之一天府羅有汁點﹐不過沒有那些放入汁的粒粒反卷飯多料少﹐掙飽你無難度﹐但味道OK燒物OK﹐燒茄子好得意但唔熟﹐燒牛舌好老6pm-8pm都無乜人﹐我哋2人坐6人桌都冇問題﹐老闆都掛住同一個探佢既friend一齊睇電視+傾計﹐又唔理落單﹐唔知仲以為係客人。最恐怖係去廁所度門﹐係咁滴水﹐入又濕一次﹐出番黎又濕一次(果日都冇落雨)…查看更多