kelvin2013hk的個人專頁

康怡海港薈晚飯不快經歷叫咗個長腳蟹套餐, 點知上枱嘅係一隻死蟹, 蒸完啲肉溶曬淨係得個殼, 同夥記投訴, 雖然最後都比過第二隻我地, 但一開始擺明搵笨係, 已經食到一肚氣。對於堅持留港消費嘅我真係一個大打擊。(相中係等咗45分鐘嘅第二隻蟹)…查看更多

見到幅相燒腩煲飯好似好正咁, 就叫咗個定食, 點知啲燒腩係八分肥肉兩分瘦, 咬落去啲肥肉仲好韌, 相信係為咗慳錢入啲急凍肥豬肉, 但係又唔識處理肥肉淨係燒熟佢就算, 對唔太食肥肉嘅我簡直係受罪, 幾乎想𦧲返出嚟, 食淨一半燒腩肉食埋啲飯就算。仲有個定食配菜使唔使咁慳皮, 得幾粒切碎咗嘅醃菜呀? …查看更多

lunch 叫午餐焗魚柳飯，我真係估唔到有人會咁整，首先唔用抄飯，用飯煲飯筆出黎然後淋蛋汁上d飯到攞去焗，放塊炸魚柳上飯就算，咁就收一舊水。焗飯係一D味都冇，仲因為係飯煲直接筆出黎好淋好難食。…查看更多

八點幾去到已經冇曬酸蘿蔔， 鍾意食嘅千祈唔好夜晚去。主菜蝦籽牛筋腩撈麵， 居然比啲頭頭尾尾你， 又硬又難食 ，成碟食淨一半。 畀錢嗰陣時我同收銀講你哋好趕住收工咩？比d咁野客人食， 雖然我知唔關收銀事！但真係不吐不快。就好似叫燒味飯食咁樣 ，如果個廚房全部斬啲雞背脊同頭頭尾尾畀你 ， 畀著你都火滾啦！ 劉森記好多人捧場 ，好多遊客慕名而來 ，但水準每況愈下。我明白你哋每日出幾百碗麵好難每一碗都保持水準，但對於個客人黎講就係佢面前果一碗，如果仲係用呢d方法去賺錢就遲早做到個招牌臭曬。…查看更多

夜晚八點半到，環境幾好坐得舒服，叫個白汁忌廉魚枊飯睌餐，唸住叫大路野點知都出事。個魚枊係暖身但裏面係凍旣，魚肉好腥仲好深色，一食落口己經媽媽聲。大快活早餐塊魚枊仲好食過佢。個忌廉汁得個杰字但冇味，金寶忌廉湯做白汁仲好。食到冇心機最後食咗一半就走。埋單佢比張單我話下次出示張單有95折，我一手掉咗因為根本唔會再去。唔係唔想幫襯小店，但咁hea做回頭客?…查看更多

點午餐冬菇蒸雞飯，一碟居然有五個雞頸，做生意咁無良真係少見，比着以前後生一定拍抬鬧Q佢，但依家食完就算至多永世唔再幫襯。好後悔用$44食咗個午餐，下次有人請都唔會去。…查看更多

以前經過深水埗高登，一定去周記食碗豬油渣麵，但水準卻每况愈下。(1) 用下價麵淋到好似食糊仔咁一夾就斷。一個麵餅值幾錢？759一袋烏東有五個麵餅又滑又彈牙都係$14.5夠你整五碗。(2) 主力豬油渣好似好可憐你比幾條肥膏你，見到都唔開胃仲要一陣怪味。收成$37一碗麵但一次又一次失望。以後不會再去了。…查看更多