msregen的個人專頁

明白好多餐廳為免客人棄booking要留訂金，但應該至少booking 時講明，而唔係book 7點食飯，當日1點幾先打黎話3點前要入$1000訂金。電話態度仲要極差：我地不嬲都係當日先叫人入訂金：唔比訂金咪無枱囉ps. 返睇返d評語，原來服務態度有問題都唔係今日既事。好彩無去，未去已feel到伏…查看更多

聽聞宜個係港女必食既high tea set, 之前聽朋友講, 宜到除左打卡靚(which宜家大部分既high tea既baisc requirement) 同埋個tea set都真係好食的。今次就約左幾個好友黎宜到catch up下+朝聖。環境: 確實係very good, 好闊落, 檯與檯之間一d都唔逼, 岩晒女仔坐一日。服務: waiter哥哥都好有禮貌食物: 鹹點比甜點好食, smoked Salmon is my fav pick如果為左女仔聚會就絕對係好好既選擇, 但如果純粹為左食野, 宜間未必係我既best choice for high tea …查看更多

香港有好多街頭小食，好多人都鍾意食燒賣魚蛋，但我偏偏鍾意食雞蛋仔。以前細個去左英國讀書，最掛住既香港小食都係雞蛋仔。以前好多街邊路仔，幾蚊至十蚊都有一底，宜家買小見小。但好多地方既雞蛋仔1）唔脆；2）無蛋味。所以試左咁多間小店，我私心地最鍾意既都始終係「媽咪」。雖然每次都等得耐加上價錢都唔係話好平，但確實每次食都係脆加上濃濃既蛋香。而媽咪入面，我個人除左原味，亦都偏好綠茶味～～少數地真係食到綠茶香既雞蛋仔店！…查看更多

以前去親沙田食壽司一定揀「峰壽司」，但係經過一田大大小小嘅裝修+轉晒位，以為峰壽司已經執咗，原來只係轉左名。今日返左成日工，累到不行，一於就叫外賣試吓（今次係外賣，而非堂食）。叫咗個壽司拼盤，湯，炸物。湯，不過不失炸物，可能因為係外賣嘅關係，已經林晒🤣🤣 （其實外賣我唔應該叫炸嘢🙈）壽司，仍然保持到水準，拖羅最深刻，幾好食。今次外賣可能俾堂食質素差少少，下次有機會會想去堂食試吓。試完再比較下😉…查看更多

難得平日放假，就嚟到依排最Hit嘅文青大南街。估唔到平日都一樣人頭湧湧，可能係暑假嘅關係。行咗幾間都太多人，見到依間嘅人龍稍為少啲，等咗15分鐘就入到去。店面比較細，坐咗喺行人通道側邊嘅二人枱，不斷有人行過，好幾次waiter行過都hi到隻碟。稍為扣分。講返咖啡先，叫咗杯flat white，偏Nutty，不過不失。咖啡唔係好差，只係周圍太多選擇，有啲環境可能又再舒服啲，應該會喺附近試多幾間先，未必會咁快做回頭客了。…查看更多

宜頭附近美食多，但靚啡真係少之又少。巧合地係附近入油，先知原來宜到有間小店，店面位置有少少偏僻，但係去到油站附近就應該搵到。店面唔算大，目測有四至五張二人台左右。因為只係路經入油，所以冇坐低食，只係order咗一杯flat white take away。（我見佢哋有啲輕食，同埋甜品）總括來講，咖啡唔錯，冇得揀豆，偏nutty味，而我係咁啱鍾意nutty多d😝服務都非常好，下次經過可能會試埋佢啲嘢食。…查看更多

星期日到旺角到到都超多人，宜間人龍較短就簡左宜間。入坐問我地會唔會燒肉，我見menu都幾吸引，就試下啦～～首先，環境都幾舒服，食燒肉嘅話佢都有比圍裙你，以防彈到衣服。叫左件燒肉set for 2人，另外叫左d壽司。壽司先黎到，海膽合格，但不算impressive。反而吞拿魚腩勁好食，有再encore。之後就上燒肉，每個部份都有兩件，但係冇一個部分有特別印象，不過不失。下次黎應該未必再試燒肉，只試壽司☺️…查看更多

久未到大埔，夜晚8點幾係附近做完野就搵到宜間西餐試下。見佢Menu都幾多嘢揀， Set dinner 或者散叫都有唔少選擇。最後就揀咗：Caesar salad，一個set dinner - 豬仔骨配薯條；同埋一個辣肉腸pizza。嘢食其實確係唔錯， CP值高。辣肉腸pizza直情係秒清嘅狀態，放低幾分鐘就食晒咁滯。*餐飲叫個杯咖啡質素都唔錯，係一間小小嘅西餐，估唔到出嚟杯咖啡係連埋拉花🥰🥰🥰 心情即刻大好而服務方面，我覺得可以改善。唔知係咪晚市太忙，侍應妹妹都木無表情，中間仲漏咗幾次單。食完野亦都唔會幫手收碟，以致新嘅食物放唔到。不過總括來講嘢食嘅CP值好高，會再嚟。期望下次服務質素都可以改善。…查看更多

如果唔想成日食大型連鎖餐廳，鰂魚涌同太古既午餐選擇一向都偏少。今日難得約左朋友係太古附近午餐，上Openrice search，偶爾搵到宜間就試下。餐廳係工廈內，唔算難搵。Menu 除左大路既西餐、意粉，比較吸引我嘅係愕地既burger set ，餐湯、burger連薯條都係$70-80左右，太古附近黎講，非常ok。叫左個魚既漢堡，黎到都好大份，魚柳唔會炸過龍，仲好滑。而薯條都係熱辣辣，份量仲好夠！最後加多$8仲有餐飲，叫左杯咖啡，一樣無失望。總括嚟講，CP價 如果再經過一定會再食！…查看更多

前排新開見佢係泡飯專門店，但係一直見到人流都唔算多，搞到我都冇乜去試嘅意欲。但係依排行過見到佢又轉咗名，連Menu都轉埋，而家係主打川菜為主。不嬲鍾意食辣嘅我，就諗住試一試。平日晚上，入到去都見佢full左一半，都算唔錯。一入去就聞到濃濃嘅川菜香味，食指大動。除咗普通水煮魚，水煮牛，辣子雞之外，佢哋都有做雞煲。但係今日剩係得兩個人食，就冇試到雞煲。叫咗一個例牌嘅水煮魚，乾炒四季豆，同埋一碗酸辣粉。因為第一次試，全部都係叫咗小辣，食得辣嘅大家不妨試吓中辣或者大辣。唔知係咪因為叫咗小辣，三樣餸嚟到個外相同埋落口個味道有少少落差。望落好惹味，但係食落去較淡。不過不失，我諗我會俾多次機會去試雞煲。…查看更多

好耐無食sukiyaki了，前後香港幾間有名既sukiyaki 都拜訪過，咁啱真係唔未必有機會試日山。最主要嘅原因，都係因為太難book。適逢朋友生日，係好友嘅幫助下我哋一人四行去食日山嘅晚餐。因為朋友生日嘅關係，大家都唔想煩嗌咩，所以就各自嗌咗王牌嘅「松」。食完前菜之後，就到戲肉，印象中係有兩片A5黑毛和牛，有專人服侍，服務分有100分，但以價錢來講，我個人就覺得CP值唔算太高。不過喺海港城來講，有靚景、有專人服侍，都算係一個慶祝生日嘅好地方…查看更多

久違返鄉下既日子，心血來潮食日式居酒屋🏮位置係利時中心地下，唔係特登黎來都真係唔顯眼。一行十人，叫左壽司、刺身、酒肴，當然嚟到居酒屋要嗌埋酒。壽司不錯：吞拿魚腩記憶最深刻，幾抵食。刺身就反而麻麻地，海膽唔太新鮮，有少少失望。酒肴就叫左d串燒同埋燒物，全部都幾好味，西京燒最出色！酒就叫左highball，梅酒，清酒，價錢都正路。以氣氛同埋朋友聚會來講，十分之推薦。而食品嘅質素亦都唔錯。相信下次都會再同朋友嚟。…查看更多