特肥羅的個人專頁

冬天凍凍地, 胃口特別好, 收工走咗出去食煲仔飯.去到時6點半左右, 仲好早, 好多位, 選咗個電視位就點菜啦~睇之前d食評, 話芋頭fans唔可以錯過荔茸肉碎煲仔飯, 即叫, 同時我都係咸蛋fans, 加埋佢啦唔該朋友心思思, 諗咗好耐, 就叫咗排骨潤腸~等緊嘅時候, 送上例湯, 因為冇叫野飲, 之後再要兩都冇加錢睇咗陣新聞, 就有得食啦~佢嘅排骨好有鳳瓜排骨feel, 佢隻私家醬油甜甜地, 好好撈飯, 之後自己都加咗好多之前有人講佢條潤腸有怪味, 我都食到呀, 唔知有冇食錯呢?好似薑味咁, 都ok嘅~我嗰煲終於黎啦~食咗兩啖, 又加多d醬油, 變到醬油飯咁咸蛋整爛佢, 將所有野撈好~有冬菇粒一肉碎, 味道都幾match, 再咬幾口潤腸~~滿足的一餐, 甜品都唔要啦~…查看更多

上次踩完單車, 朋友介紹黎食, 點知冇開門.今天又是打算踩單車, 結果太多人同太貴, 放棄了, 上來食同類啦~^^首先超多人, 場面混亂, 因為實在太多人, 侍應完全係0招呼, 結果喺一片混亂之下, 終於有野食.係野食, 呢間係冇野飲嘅, 要另外叫.可能太多人啦, d豬排炸得唔夠脆同化, 普通咗 d反而d雞翼唔錯, 唔會乾淨淨~都有d肉汁~…查看更多

這家店標榜健康湯水, 一直想試, 有飯聚, 就試下呢間~~我冇試到, 因為見到佢嗰兩層肥豬肉實在太厚, 不過有食到嘅都話好味道~呢味真係好食, 個汁甜甜地, 隻雞滑不溜口, 最後仲攞咗少少汁撈飯~有幾樣肉就叫樣菜啦~呢個又幾正喎, 好快搶晒~呢個係生肉餅, 唔係大x樂, 大x活嗰d死氣沉沉嘅肉餅~食落彈牙, ok呀~呢個比較之下就弱d, 普通咗d其實今次仲有飲湯, 佢d湯都係真材實料, 呢間野d野食係ok, 不過份量少咗d, 適合細食嘅人仕~…查看更多

有朋友生日, 難得一大班人, 約佢地黎呢度開飯, 志在多d人可以試多幾樣~第一樣係:炸粉唔厚, 脆脆地口, 佢仲有醋俾你點, 酸酸地容易入口, 食多幾舊~第二樣:高脂高膽固醇之選, 以前已經食過一次, 今次老咗少少, 但都可以接受, 香口得黎又咸咸地野, 送飯ok~第三樣:見到d豆苗好靚, 一定要用佢. 煮得剛剛好, 冇過熟~第四樣:朋友生日, 叫條魚試下啦~問老闆娘, 佢話想200樓上定樓下, 要樓下佢就介紹咗呢條斑, 蒸得剛剛好, 個汁又唔會死咸, good呀, 全晚最好味, 好快搶晒, 個個都讚~第五樣:呢個個皮就比鮮魷厚d, 不過都夠脆, ok合格啦…查看更多

一直以黎都唔喜歡食米線, 但係有次喺三哥食過紅薯粉, 一直念念不忘, 可惜三哥太貴, 一直都得唔抵食突然有事出荃灣, 完咗之後都唔想周圍搵野食, 經過見有位, 就入去試下啦~就叫咗碗撈幼紅薯粉, 加腐皮加雞絲落單嘅時候叫咗走青, 蔥同莞茜都冇晒, 有d辣肉碎, 芽菜同花生, 撈下撈下又ok喎~成個麵因為個肉碎搞到少少辣, 都幾開胃. 腐皮同雞絲都ok多d紅薯粉好煙韌, QQ咁, 一碗食咗我好耐, 同好飽肚我俾佢4/5分啦, 以米線黎講都高分啦~…查看更多

這間分店已經黎過幾次了, 和亞厘士道嗰間比較, 呢間少人d, 冇咁港式, 所以我都喜歡黎呢間多d.今次係女仕之夜, 同三位好朋友一齊黎開餐~叫咗3樣野, share黎食, 第一樣: 希臘沙律成個沙律都ok, d芝士都好好味, 不過嗰4舊野太乾同咸, 3/5分, 合格啦第二樣:咖哩魚炒飯個白色汁好好味, 點沙律ok, 不過個炒飯又係咸咗d, 同辣, 可能我本身唔食得辣啦, d魚冇問題, 都ok, 3/5, 合格啦第三樣:雞肉卡巴呢個係咁多樣最好味, d雞香口, 夠熱又多汁, 好味^^4/5, 高分之作…查看更多

呢間餐廳由奧海城行過去, 都要15-20分鐘, 一d都唔就腳但係都晚市爆場一定會佢嘅道理 我地叫咗三樣野:支竹班腩正常味道, 肉質實淨, 唔會一咬散晒, 3/5, 合格金銀蛋小白菜份量夠兩個人食, 唔會太咸, 4/5, gd黃金肉排 必叫, 超熱氣, 超香口, 肉排係炸嘅, 但係唔會老, 咬唔開咁, 推介之選, 5/5, 滿分!!…查看更多

本來想去食泰野, 點知搵唔到, 某人提出另一間野食, 所以手拖手, 一齊去叫雞^^呢間野一D都唔顯眼, 喺正天橋底, 腳快快行過都會MISS 咗入到去後, 係非常舊式茶餐廳FEEL, 好懷舊一黎整半隻沙薑雞+兩份油菜+一碗湯+兩碗飯沙薑雞好味, 就算係我最喜歡嘅雞胸, 都冇失望, 啖啖肉呀, 最可惜已經冇新鮮雞, 唔係一定可以滿分, 不過佢都控制唔到, 4/5, GOOD另外個湯都唔錯, 唔會係+水例湯…查看更多

之前喺爽報介紹呢頭d餐廳, 好奇之下就黎睇睇情況啦~本來想去隔離食pizza, 點知某人詐形, 轉戰呢間.坐低後, 某人非常滿意, 因為身邊好多街坊客, 都有d信心~得兩個人叫得唔多啦, 三餸兩飯, 千層咕嚕肉果然招牌, 係手作菜, 將d豬肉一片片圈成一個小肉球再炸, 外屠唔厚粉, 即使掛汁後都唔會淋晒, 好食, 4/5, 合格有餘啦~鴛鴦豆腐某人一直吵住要食椒鹽魷魚, 我知呢咪出名D, 所以嗰咪應承佢下次食, 今次食呢樣先.呢咪係雙拼, 一邊係炸豆腐粒粒; 一邊係芙蓉豆腐, 好彩有某人好喜歡嘅炸豆腐, 而且炸得唔錯, 外層脆, 內面嫩滑, 一上嘅時候熱辣辣, 某人為食盪到口, 我就喜歡芙蓉豆腐多D, 因為有芫茜+肉碎+魚片粒, 味道豐富好多, 3/5, 合格啦最後一味係馬拉盞炒通菜, 可惜太油啦, 食咗一D就頂唔順.總括黎講都OK, 適合多D人黎, 可以食多幾樣.…查看更多

又係秋風起嘅季節, 進補開始~由於同一條街裡面有兩間食蛇鋪, 公平起見都係食完兩間先比較到, 而家我就為心中嘅冠軍寫食評~一碗非常之足料嘅蛇羹, 呢個亦係我喜歡佢嘅原因, 當我第一次食呢間嘅時候, ok, 蛇羹味道就係咁, 好味, 好飽, that's it, 之後再去對面食, 問題就發生左~總係覺得差左d野, 我講唔出係咩, 但食完只係飽左, 冇左好味同滿足. 心裡充滿疑問嘅我再食多次呢間, 我仔細究竟碗蛇羹同蛇湯有咩問題~我先發現蛇羹不只多蛇肉, 原來裡面仲有果皮同薑絲, 而我係一個好討厭食薑絲嘅人, 我又食唔出有薑味喎另外碗蛇湯當中應該仲有加其他野, 藥材之類&胡椒不過呢, 佢嘅糯米飯相比就弱d, 如果再加d冬菇落去就更加好啦~…查看更多

出黎食飯10次有9次半都係我決定食邊間, 今次我唔理啦, 由得男朋友帶路, 喺尖沙咀四圍游, 轉左入一條平時唔會黎嘅巷仔,沿路都會幾間韓國野食, 見到呢間有人排緊隊, 同門口有金鋼, 小儀同店長嘅合照, 男朋友(銜坊廚神fan)就決定食呢間~呢個係剪開左嘅, 味道普通啦, 試過就算~/5, 合格分呢個都係普通, 試過就ok~/5分合格呢個ok喎, 雞肉有汁, 酸酸甜甜咁, 好味~/5分呢個唔係講笑, 好味道佢本身張d湯雪成冰, 受個麵本身嘅熱力溶成湯, 而個湯本身係咸咸地, 再喺麵上面加左一片牛脷(酸酸辣辣),青瓜同紹菜, 個麵本身好大份, 女仔一個應該都食唔晒~滿分~/5分呢個係男朋友食嘅海鮮公仔麵, 我冇食到, 因為連食得辣嘅佢都話辣, 偷食左一件青口, ok鮮~/5分為左個水冷麵會再黎, 下次要試甜辣雞球~…查看更多

上次朋友已經黎過一次, 不過有究做join唔到, 今次佢地再戰呢間, 即到~~呱個喺book枱嘅時間就要預訂先, 都夠數呀, 唔會得返少少比你, 涼浸浸, 咸咸地咁好好食~/5, 滿分~一到冬天就會想食呢d野, 呢個估佢唔到整得幾好食喎, 香口, 一粒粒唔會過左火, 好味~~/5, 都係滿分之作~唔可以只係食肉咁唔健康, 所以叫左呢個, 唔會太咸, d菜煮得剛剛好~/5, 好高分~另一味菜, 不過可能d金蒜係炸出黎, 所以油左d, 扣左d分, /5, 合格呢個超級好食呀, 又滑, d蝦都大隻呀, 爽口, 我一個差不多食左半碟~呢個就差左d啦, 咸過頭都唔緊要啦, 至多食多兩啖飯, 最重要係d扣肉唔夠入味同唔夠淋, 好大鑊, 唔合格/5~最後火燄黑椒牛肉, d肉夠淋, 不過好似鬆伕粉重手左d, ok合格啦~/5…查看更多

為免體重直線上升, 星期6, 日開始參加多d行山團, 但奈何行完之後一定會大擦一餐, 所以都係少食多滋味啦喺行山之前就已經搵好要食呢間, 結果去到行下行下見到, 就呢間啦~因為唔知叫咩好, 所以叫左個$380套餐, 有沙律, 雞翼/春卷, 一個意粉同一個薄餅呢個好味呀, 沙律嘅醬汁好重要, 酸酸地, 好開胃, d菜夠新鮮, 嗰一分扣左喺份量上面, 我覺得少左d~/5我地因為多人所以選左春卷, 呢個正正常常咁, 冇咩特別, 合格/5呢個意炒同雞翼一樣, 都係正正常常, 唔會煮過頭, 芝士味唔太夠, 合格啦~/5呢個好似係至尊薄餅, 即係正常嗰d, 但係佢呢個應該係我食過嘅薄餅當中質數非常高嘅一個, 非常之香, 一啖咬落去有一種好勁嘅香料味, 我唔知係咪oliver嘅味道, 我淨係覺得好正, 好喜歡呢個味道, 我之前覺得pxxxx express算係好好吃, 但係我個人覺得呢個啱我多d, 爆分之作~/5, 5分滿分有8分~有人喺meun睇到心思思叫左黎試下, 呢個都係一定要試, d薯條係正常野, 不過塊炸魚就唔係啦, 外面個粉唔會太厚, 剛剛好包住塊魚, 塊魚都好新鮮, 食落去都唔會係淋嗰d~/5, 7分都係屬於炸魚嘅必食推介: 沙律, 薄餅, 炸魚薯條…查看更多

近排想食下日本野, 上op搵下有冇d又平又好味嘅試下, 搵到呢間0喊面嘅, 馬上起行啦~大約6點幾去到, 有兩枱客喺度, 都係未叫野食嘅, 我坐低就叫左今晚最想食嘅野先~呢個係厚切版本, 因為係魚腩, 所以食到成口魚油, 非常之正, 夠新鮮, 推薦之作/5, 滿分呢個有d唔開心, 因為我睇到其他人有成條蝦尾, 但係我地呢個只係得本來長度, 因為本人好喜歡食炸野=.=味道都冇問題嘅, 蝦仲係脆嘅, 但係因為d蝦少左, 所以剛剛合格啦/5呢個冇介紹錯呀, 因為係即燒, 所以一邊睇電視一邊等, 送上黎嘅時候好正呀, 起碼佢比平時食開嘅多, 咬落去有肉汁架, 滿分/5我下次會帶多d fd去食, 咁就可以試多幾樣~…查看更多

今次同朋友行山, 行東澳古道, 即是由東涌行入大澳, 行左5個鐘, 又唔算好難行, 不過第二日腳痛, 可能行得太耐=.="每一次去大澳都一定會食呢間, 又唔貴, 又好食, 水準穩定~呢個荔茸酥卷必叫, 非常之好食, 不過要小心熱量太高, /5, 滿分5分我比佢7分, 絕對推薦大家去試下~咕嚕肉, 真係用排骨去整, 食落有骨又有肉, 酸甜度剛剛好, 粉唔會太厚, 合格之選~/5羅漢齋炒麵, 因為d餸始終都係濕嘅, 所以出到黎都唔會乾, 相對呢個就唔會咁好啦~/5, 唔合格拼盤(大), 呢個有好多樣我都覺得好食, 第一位係齋鴨, 非常之薄身, 香口(因為佢炸過), 正~/5, 又係爆分~第二位係豆腐, 入味之選, 又健康~:/5第三位都係同豆腐叮噹馬頭, 蠔油齋, 又係喜歡佢入晒味~/5同場加映酸到冇朋友酸齋, 但係同行朋友因為喜歡酸, 食左好多=.="最後叫左個豆腐魚肚羹, 濕濕地, 非常之足料, 非常之清爽, ~/5, 滿分~…查看更多