LukDD的個人專頁

青衣區內嘅麵店，食完喜出望外。開咗業幾個月，已經唔止一次幫襯，餸料款式多選擇多，食完係會番尋味。湯底超正味道濃郁，試過蕃茄湯同豬骨湯都好好味，食得辣嘅朋友就話麻辣、酸辣湯都好正今次食咗佢哋自家製炸雞球、炸雲吞，入口香脆而唔油膩，五香牛咬落鬆軟入味。另外叫咗香糟醉雞翼尖開心share, 味道超正直得一提嘅係，上次試過蜜汁叉燒，因為係開放式廚房嘅關係，見到店主親自用火槍燒過叉燒先至拎出嚟，誠意十足味道新鮮及賣相一流。平均三餸連飲品$48扺食。…查看更多

喺旺角太子其實好多選擇，不過志在貪快呢間唔使等位就試吓啦！入坐時間係下午兩點廿五分，我哋坐低雖然見枱面有本餐牌，但都問吓有無下午茶餐？個侍應即答：未有喎！既然無，我哋就叫嘢啦！兩人各自叫咗個麵，有餐飲跟嘅，我問吓熱嘢有咩啦？（因為有啲特飲，而唔肯定有無熱嘅啫）點知阿侍應答：熱嘢？好多嗰喎！多到你飲唔晒🙄俾人咁寸法已冇癮再諗飲咩！隨口叫杯熱檸茶就算數！點知一落咗單，另一個侍應就放咗個下午茶餐牌喺我哋枱面！呢啲真係唔知什麼態度？食碗麵坐大約三十分鐘，但啲侍應大聲傾計我哋聽足三十分鐘！食物味道再好亦會影響顧客心情，更何況味道只屬一般:(雖然惠顧唔夠一百元，而呢間亦唔係貴價餐廳，但唔應該係呢啲服務質素…查看更多

金源係喺青衣村嘅一間食店，附近還有其他餐廳。以晚餐嚟計，五十零元一個餐連餐飲，有白飯有碟菜，有鑊氣而且份量夠、質素真係唔錯我最喜愛食鹽燒牛脷，牛脷有五片而且味道很好。其他小菜例如叉燒炒蛋，叉燒同蛋都好嫩滑。…查看更多

11月同12月共到訪兩次，兩次到是慶生的星期六自助午餐。食物質數唔錯，種類繁多，地方夠大，食物分區擺放，令顧客無須迫埋一齊攞食物。最驚喜的是雞蛋仔，鬆趣可口之餘，可見餐廳細心的將一底雞蛋仔三粒三粒地分別包裝，唔需要拎得多而食到太飽無quota食其他食物。曲奇及其他甜品味道品錯，值得一讚。奇異果原個任攞，臨近聖誕還有火雞片，即炸天婦羅味道適當。魚生方面，有三文魚，鏗魚，八爪魚同赤貝。雖然新鮮，但巧合地兩次切魚生嘅師父態度都好唔友善（大殺風景）。景觀係餐廳嘅其中一大賣點，坐喺度望著維港等地進食的確唔錯但要留意：搭完扶手電梯再轉三次𨋢先至到，記緊要預番啲搭𨋢時間。如果約咗老人家，最好約佢哋樓下等埋一齊上去。…查看更多

好朋友們同我慶祝生日，選了這間私房菜，諗著試吓。附近係工廠大廈，搭𨋢上到去，內裏係另一番境象。好靚，完全唔覺係工廈。我哋揀咗$350/位嘅菜式，賣相唔錯之餘，味道好及分量多。食到咁上下店員會主動過嚟問我哋要不要拎走，便幫手放落外賣盒。店主及店員耐原耐會出嚟介紹菜式。店主知道這是生日飯，更為我哋準備咗生日牌嘅擺設在枱上，還送上壽飽及祝福。食完仲幫我哋影相留念，呢一份心意係令我哋食得開心之餘又有溫馨嘅感覺…查看更多

主要係好想好想食一餐豐富嘅大閘蟹餐，所以揀咗鴻星嘅兩皇一后(共3隻)。三隻主角真係唔錯，兩蟹皇都算多膏多肉而隻蟹后體積較細但亦多膏。成個套餐最失敗係碗翅，湯同翅唔成比例，一大碗湯而少翅，而啲翅係煲到稔晒。其他食物味道唔錯，份量亦都足夠。至於服務就一般啦…其他餸喺出第3隻蟹時一次過上晒枱，食嘅時候已攤凍咗啲啲…查看更多

其實耐唔耐就會去食Monster壽司，喜歡件件新鮮又厚厚嘅感覺，好味道，特別哥斯拉卷。但今次去朗豪坊呢間就有啲失望，係人為因素影響，食物質素仍然保持唔錯。入到去坐定就見到大隻飛餓黐著玻璃一直到我埋單仍然見佢黐著郁吓郁吓都無人清理。而order吉列蠔又無，赤貝又無，落單又落錯單，出餐又送錯枱，我哋叫咗2件三文魚壽司又遲遲唔嚟攪到要追單，埋單俾咗張信用卡成10分鐘都唔返嚟又要追，佢哋話部機有問題……總括嚟講今次食物唔錯但經歷真係好麻麻。…查看更多

已經幫襯過好幾次，每次食吓唔同嘅菜式，今次係睇演唱會前嘅晚餐，因為時間早，唔想食太飽，所以只叫咗三樣嘢，2個人食已很足夠~~大蝦沙律、清蒸白菜仔同埋龍蝦湯飯。其實每次去海鮮站都必會叫大蝦沙律，新鮮嘅生果加美味大蝦，十分醒胃。清蒸白菜仔味道唔錯，不油不膩。龍蝦湯飯有淡淡龍蝦肉鋪面，仲有蒜蓉飽送。兩人埋單二佰零二，扺食…查看更多

漁屋除咗有午間日式放題，亦有午間定食。因為唔想晏晝食得太飽，所以散叫咗三文魚海膽飯定食。呢個定食有4片厚厚三文魚刺身，一小堆海膽。兩者都十分新鮮好味，叫咗定食還可以加$10再叫其他小食，例如$10/2串蕃薯仔(4粒)、鮮鮑片(4片)……等。其實……食完都好飽，好滿足😊…查看更多

星期六同朋友想食自助餐，因為我哋要1點後先至得閒，又唔想餓到3點幾食下午茶自助餐，呢度嘅時間真係幾好，分11:15 - 13:15 或 14:15 - 16:15 兩輪，我哋選擇咗14:15。食物方面真係唔錯，自助午餐都有肥美生蠔不斷供應，仲有廚師即煮~味道濃郁嘅海鮮龍蝦湯，魚生款式唔多，但三文魚刺身極度肥美，甜品，生果及雪糕都好好味，尤其雪糕筒十分鬆脆。以酒店自助午餐折實二百幾唔使三百元而言，有咁嘅質素，認真扺食。…查看更多