Llla的個人專頁

話說前往茶樓途中見到呢間，店面痴滿點心照片，二話不說搵位坐低。一大枝水供應，請自行使用電熱水壺煲水。加上功夫茶具，飲返啖extra hot既普洱（隻杯真係好薄）如果發現個杯崩左，就梗係叫人換過隻啦，有裂痕既器皿容易積聚細菌仲有機會界損自己添嫁。點左幾款點心，其中牛肉腸唔知點解會變左叉燒腸，不過蒸左就廢事換⋯⋯棉花雞係咁既樣，同平時食開既唔同，不過對住個價錢又係咁上下吧。菜苗餃層皮痴得制，夾下就爛曬。最後，最鍾意食既流沙包，個餡唔係金黃色而係偏橙黃色，味道一般。我諗食呢間嘢都唔係食好味，而係食佢店內既風味，果種好似返左大陸咁既感覺就好似去左一轉深圳小旅行咁。P.s 中國式既fancy，啲木梁仲令人聯想掛蚊帳內裡掛把風扇仔既木床。…查看更多

五點五十分，沒有思索的決定，好，這晚就吃韓國料理吧。沒有預約所以要七點前交枱👌🏼，想吃人參雞湯結果卻被二人烤肉餐😍吸引，點上一杯啤酒🍺。沒想到的是，招呼很不錯噢，都不用自己動手烤肉😁懶人有福囉。繁忙時段的話阿豬媽肯定會超忙吧，人手不是很夠，叫了一次阿姨加茶被忘記了，真的一點都不稀奇。肉一次過被烤好，慢慢吃的話最後的都涼了，不過吃到超飽的，感覺已經很幸福了。簡單的一頓飯，簡單就是幸福。❤️…查看更多

話說都係睇左飲食男女想過來食巴東架,不過好可惜來到已經賣晒.!原本打算起身走人,不過有驚喜!!呢度嘅老闆熱心又好人,有講有笑招呼人客,在埸食野嘅人都好開心.係呢個心情放鬆嘅環境就算冇巴東我都食得好開心感覺好好味.!我叫左個飯,仲叫左杯 熱嘅你話事.味道好得呀,唔會太重手,易入口.最緊緊緊要係,佢D肉唔會孩唔軔,呢點我已經比7分.而我杯野飲唔係是但熱檸水,真係有心思沖.如果想飲真係試下叫,因為叫你話事所以佢每次沖都唔同,我都好難講.我會再來幫襯試下佢個巴東…查看更多

話說本身打算吃ㄉ一家食店碰巧沒有開門, 於是在商場隨便走走, 就走進這家食店啦一入門口已經感覺好好,因為店員好有禮貌, 唔單止對客人有禮貌,聽佢地同事之間嘅對話都係.好warm好似一家人呢我叫左韭菜水餃麵下午茶餐,個份量好多... 一大碗麵兩隻鍋貼一大碗熱豆漿.首先我食完個鍋貼心諗嘅第一句就係:: 我肯肯定會再幫襯.佢個鍋貼自己整,雖然唔係令仔,但比起某連鎖鍋貼店,真係好味好多,食落多餡又正又唔肥.!!碗麵就真係好大碗... 成三粒水餃,仲要好大粒我食極都食唔晒p.s 我個人比較喜歡豆漿,佢呢碗豆漿係我食緊麵嘅時候有層豆皮擎出來,好正.…查看更多

話說上google搵上水食店,見到呢間食台灣野.二話不說數字衝去食同友人叫左個鹽酥雞同滷肉飯我只能說並非我想像中,ㄏㄢ完全吃不到台灣地道ㄉ味道...鹽酥雞我只吃到酒味,吃不到雞的味道飯一般,說難食又過不去.說好食也稱不上.最後:: 還好不是失望!! 在上水吃到這種水準算不錯啦!!…查看更多

話說今日與友人五點已經到達店面,才發現店舖落場六點才開,於是我們在附近閒逛.這間店雖然不起眼，但居然很旺喔。我們六點準時回到店面職員已經把餐牌拿出來。我們點好餐就由旁邊小樓梯上樓上。樓上燈光很黃很暖，佈局很有格調，牆壁上都黏著日式海報。好快碗野就上左，好香。第一淡梗係試下個叉燒啦，喔，我果碗係DX ，簡直係大滿足，不過兩粒蛋未算十分滿分，下次選普通叉燒碗就好啦。叉燒的做法很出乎意料，煮好的叉燒還用火辣過，有微微的焦味!! 拉麵也是很易入口，不像平時在某連鎖拉麵店的那種喔，沒有雜質味或苦味。最後我連湯底都飲埋。飽到ㄒㄧㄥ唔到，滿足!!!!!…查看更多

猶記得第一次幫襯Backyard係就迷上左，價錢經濟食物有心思味道夠水準，{p.s 果陣個老闆仲係度，又令仔又有禮貌，感受到用心去服務}當時：自家製超有口感香草麵包仔，細得黎好實在既感覺。當時：沙律係用小番茄有橄欖，好鮮甜好多汁，食到咩叫FRESH。。當時：肉眼既配菜都有heart，有我最愛既小薯仔同圓形小番茄，新鮮有誠意！五成熟恰到好處！當時：連杯朱古力望落都想飲多杯。之後我都幫襯左幾次，但每況越下，樓面陸續換人，最後一次見到個令仔老細已經係幾個月前既事。今日我又再踏入我好迷戀既呢間餐廳，樓面已經換左兩個粗魯阿叔，這是茶記麼？？其中一個算好D！如今：麵包沒有以前的口感，連個樣都轉埋。。香草味道吃上去根本在挑起我對舊年日既思念。。如今：肉眼扒價錢如一，但都唔再係我認識既肉眼，無論配菜或是味道，連廚房都換左師傅如今：朱古力用的還是那個杯，但杯中物，。。。沙律？！橄欖失蹤，番茄係我平時煲湯用果隻。        最後就係 第一次可以係那度喝到這個雜菜湯。最後問了粗豪樓面：老細返左鄉下有排都唔返。。。。如果有一天能回到過去，我會再回來幫襯吧~~~~~~~~~~~~…查看更多

時間大概四點零啦，咁放LUNCH同同事都唔知食乜，就衝左上去啦，老細都岩岩返到咋，包場既感覺真好~哈哈咁最後我地好快咁食左少少就無食啦，兩個都係叫左意粉，蘋果茶同米飯布甸就老細請，我叫左個Meatball spaghetti 感覺真係重口味，平時都喜歡嘗試新食物，但今次，個meatball好騷有點宿的味道，意粉好糊斷曬細細條。而米飯布甸就有點好似紫米的感覺，可能因為上黎時有條毛係上面影響我地食出來既感覺啦。最正係杯蘋果茶加D土耳其軟糖好飲好sweet好warm，軟糖好咬口…查看更多

肚子餓看到隔離幾多人怕嘈的情況下入左呢間restaurant & Bar，然後叫了個義大利飯，不得不讚這個飯很香，聞上去不會攻鼻，蘑菇的味道很濃，魚也不會太鹹，對於平時不怎麼吃魚的我來說，恰到好處！這個雜菜湯喝了一口就想放棄，比自己煮的還難喝，鹹，鹹，好鹹，因為真的是很鹹，所以要說三次。最後點了一杯洛神花蜜，好甜，好sweet，同個湯好大對比，一個甜一個鹹。總結最滿意係個義大利飯。下次還是試試隔離再決定會不會幫襯。若是要喝酒也會考慮試下(*^__^*) …查看更多

提前為友人慶祝生日，四人同行去到那間餐廳樓下，有種去酒店既感覺。上到去一位頭髮到肩既女侍應好有禮貌。可能我地係比較早去到，未正式係繁忙時間，環境幾安靜，暫時得兩枱人，我地坐窗邊位。由於友人生日由友人點菜，但可惜友人不食肉眼不食春雞不食鹹豬手的情況下。。。我們點了 哈密瓜火腿，義大利飯，pizza，青口，闊條麵①一致認為義大利飯幾好味，唔會好似有D食肆既飯個心好硬咁，隻米揀得好，成碟清曬。②然後係pizza，皮超薄，餡超多，芝士要加分再加分，而且好大份，（結果我地食唔曬要打包）③其次係青口，但我本人怕濟就食得比較少，因為都幾漏下，不過其中一個友人就超like④繼續既係火腿，呢樣係我最愛但只有一個友人同我共享，正最後野飲大決鬥，四個人都飲大家口水，哈哈最好飲係我杯凍啡 香濃飲落唔孩口即刻喚起係印尼既好好飲咖啡記憶粉紅色底果杯叫玫瑰啡，甜到爆，好睇唔好飲綠色面果杯係薄荷啡，薄荷味好勁，咖啡味無定企仲有杯存在感好低既MOCHA，正路野…查看更多

想食哩間野好耐，次次經過都無時間停低。今次終於比我可以係度停留片刻。哩間野個格調好好，high tea時段沒有爆場，帶比我地兩個一份舒適既寧靜。咁舒服既環境食落D野食都變得好好味，仿佛野食帶比我地既營養都全部被吸收曬咁。野食正常，未算超級美味，但份量好夠，食到好飽。我叫左杯熱鮮奶，好creamyyyyyyyyyy阿~~~~~~~~~~~~~~~~~~~~~~~~最後好滿足好飽！下次黎試埋晚餐先得！…查看更多

早幾日就已經Book左位啦，我地四個黎度見到好多人等緊，都好期待可以食到美味既食物。呢個好鹹食少少就夠。幾得意好薄好脆首先：豬肋骨｛直頭唔洗据，因為佢好淋好淋，用叉叉落去都散果隻淋｝味道OK！只係太淋無左豬肋骨既感覺姐菠菜雞意大利飯（呢個我淨係食左兩啖咋，因為個人食到D雞既騷味，但朋友仔都話OK的）雞同豬兩溝 《幾重口味初頭會唔係好食得出邊個係雞或豬，都幾孩口，最後無乜人幫襯》蒜蓉餅 ， 可以話係最好味最有感覺既幾塊野，黎遠已經聞到好香蒜蓉味啦！好鬆化咬落好滿足！Long Island 正路野同平時酒吧飲果D無異Pina colada 好香椰子味！好攻鼻，分量有待改善，個人覺得可以溫和DNothing 菠蘿味好清爽，值得一試最後男侍應請我地四個飲左杯細細杯cocktail ，好寫意阿真係。外國人既餐廳真係招呼好好。今次真係飲飽食醉出門口！…查看更多

聽聞哩間野做左好多年，好肚餓既情況下入左去。咁就教左個豬軟骨烏冬，鰻魚飯，同魷魚筒哩個豬軟骨烏冬一上黎，我已經聞到好香既調味料味道，第一咬落個烏冬，不得了，烏冬極淋，雖然好入味，但用筷子夾都可以夾斷。第二個湯超級鹹超級鹹，我從未試過飲個烏冬既湯可以令到我舌頭發燙嘴唇好似要裂開咁，煮果個係咪錯手倒左半支豉油落去！！鰻魚飯正路野，OK魷魚筒唔錯。最後有一位女侍應矮矮地金金地頭髮態度超級惡劣，無禮貌至極，問人last order 極無禮貌，語氣甚差。找錢比人就咁過來攤開，without any singel word!!反而一個高D有少少肥既態度都還好，起碼唔至於咁串先lor。…查看更多

上網見到呢間有d名氣既餐廳，即刻致電book位，6點30到不過要8點交枱，個半鐘其實ok，我地四個都不介意。然後我地提前少少到，眼見大把位都真係唔洗特登打電話黎book都得，:(女侍應亦無問我地係咪book左位。anyway，我地一次過叫左兩set dinner 唔洗揀。薯仔吞拿魚～d薯仔食落去感覺唔會好重手，甜甜地好香口，亦唔會太油。吞拿魚比平時普通茶記食到既偏淡味，好清，食多少少都唔會濟。魷魚沙律～個魷魚好動L咬落彈得黎好好嚼口，完全食唔到擦子膠感覺，有好感！墨魚仔義大利飯～佢本身果隻材料唔新鮮（可能無貨都唔出奇），所以轉左墨魚仔比我地。我就皇帝試菜，食左少少呢個姐，因為個墨魚仔好肥美，食一隻唔敢食多隻，怕膩到個胃口。而個義大利飯果隻米就同平時食既義大利米唔同，你懂的！炒扁意粉！呢個真係不得不提：我好想試下大廚炒一次乾炒牛河！因為佢炒功好有水準，我食炒扁意粉果刻就好似置身大排檔叫左碟炒牛河咁！唔錯，就硬係食唔到西式炒扁意粉既感覺。好難拿捏。慶幸其中一位友人超愛呢隻感覺！你懂的紙包三文魚！呢碟算係成晚之中最有水準既一道菜式！可能因為佢串番茄係我最愛！成串無人吼但比我清左！三文魚好有脂肪感！唔dry唔孩！正正正最後，，就係豬安扒。。原因好簡單，佢既厚度係平時据扒既2-3倍，我据佢据到已經無心情食佢，各位友人食完都一致唔想食，好乾好難吞，真係好厚。差唔多8點時，我地都差不多散水，聽到出面有8位人士book左枱慶祝生日，我地呢邊係比多人坐，隨之亦被快快埋單走人，但明明門口右邊有位置可以比我地四個坐，點解唔一早安排我地坐果邊。起碼唔係趕住抹嘴走人吧。Btw，有一位比較年輕睇落似新黎既女侍應態度不錯有唔好意思前唔好意思後。但一位望落似做左好長時間，心口唔扣紐偏肥的女侍應態度劣，無禮貌！最後 野飲，薑蜜，超夠薑，好爽好正好刺激。如果我有鼻塞一定比佢通曬。總結 唔會再幫襯 太多地雷…查看更多

話說我地一次偶然既經過，見到間野都幾多人幫襯，睇下隔離舖頭無乜人食，就走左入黎。入到黎感覺良好，乾淨企理。睇左份menu其實好多野都想試，價錢好吸引啦一黎，再者見其他人食既野賣相都唔錯架，仲聽到有一張枱既人食唔曬打包，我估應該好好味啦:)咁我地叫左三樣野，一個唔記得叫咩名既海鮮意粉，一個豬仔骨意粉，一個藍青口。好掂阿，因為我個人平時好少好少食意粉，次次食親都中伏。但今次既味道好適中，熟度亦控制都好好，淋得黎唔爛。會再幫襯！…查看更多