樂宇的個人專頁

星期六想食放題但又懶得去其他區，search到呢間係屋企附近，雖然睇返之前啲食評都話侍應態度差，但都去咗試試。12點準時去到餐廳門口，有唔少人等緊，入面侍應仲set緊位，大概5分鐘後就開始入座，用QR code落單。食物種類好多，上菜速度唔算快，但都無漏單。我對"食"唔係好奄尖，所以嘢對我嚟講都好食，特別係個魚乾，第二日仲回味緊。值得一讚嘅仲有飲品，手沖飲品都好飲，又唔會太甜。最後會另外俾張紙係揀movenpick或者Haagendazs雪糕，每人一杯。侍應態度幾好，用餐愉快。一開始掛住食無影到相，之後先醒起，所以得啲熟食嘅相。…查看更多

星期五出旺角食飯，預咗會好多人，就算我有book位我都預咗要等，但都唔係咁過份囉！本身book咗8點，我7點50分上去報到先，跟住聽到佢叫緊：7點鐘x小姐4位。我以為我聽錯，佢叫多次：7點鐘x小姐4位。8點鐘都黎緊，仲係叫緊7點鐘既飛。成條走廊逼滿人，全部都係book咗位，大家都等到心情煩躁。等到8點20分，先叫緊7點半既人入去，仲要係隔好耐先叫得一張，仲有好多7點半既人等緊，幾時先叫8點既人呀？！睇咁既情形唔過9點都無得食，同朋友轉場食其他。間鋪知唔知咩叫book位？根本佢地無計返自己容納到幾多人，係人book位都接受，結果大家堆哂係出面呆等！…查看更多

今次係第2次黎呢間度食, 同上次一樣, 一坐底緊係叫2打生蠔先啦!$10隻, d蠔唔大隻, 但好新鮮! 好食到我一個人都可以食2打, 但要留位食其他野。食完蠔就叫左個小食同埋意粉。黑松露炒野菌 - 好夠味, 好好食!墨西哥辣肉醬闊條麵 - 唔錯, 唔太辣一定會再去幫襯d蠔!…查看更多

同朋友想靜靜地傾下計, 佢又想食生蝦, 所以揀左呢間。差唔多8點上到去, ,未有太多人, 餐廳環境唔錯, 經理同員工既服務態度都非常好!第一樣黎既係生蝦, 由於肚餓同埋好食既關係, 未影相就食哂。生蝦好新鮮! 仲有經典生菜包都唔錯, 我地揀左牛。冬蔭公湯 - 飲左一半先影相, 一上枱果陣侍應仲幫我地裝埋。好足料, 好多隻蝦, 又夠味, 兩個人飲的話每人有2碗。馬沙文咖喱雞配薄餅 - 似沙嗲, 味道唔錯, 雞仲好滑。薄餅熱辣辣, 好香。芒果煎糯米飯 - 第1次見煎糯米飯 , 食落好似新年果陣阿媽將D年糕沾蛋漿然後煎既味。芒果好甜, 正!成餐飯都好滿意, 下次會再黎…查看更多

本身自己一直都好想試下串燒放題, 咁岩係團購見到呢間鋪, 又唔貴, 所以就買左黎同朋友慶祝生日既時候食。一上到去, 客人唔多, 所以唔駛等位就可以開始。呢度既食物種類好多, 而且仲可以自己燒, 幾好玩。d店員都好nice好有禮貌, 見到我地有d論盡, 過黎問我地駛唔駛幫手而食物味道方面, d野食都算新鮮, 味道唔錯, 有部分食物偏淡, 但佢有好多唔同既醬俾你自己加。魷魚軟骨好正後來個店員講開先知, 原來佢地開左一個月左右咋, 可能無咩人知道, 所以成晚都唔多人黎食。但整體黎講真係好唔錯, 會再幫襯!…查看更多