makialehc的個人專頁

今晚放工去到太子行落花園街搵食， 嚟親呢條街多數都係食大豐翠苑， 但今次想食粉， 所以去左麵留香。但入到去見到D 小菜套餐平均$45-50 左右一個， 仲要跟飯、例湯、飲品， 以宜家嚟講真係好抵！咁就唔食粉轉食小菜， 我地2個人叫左2個小菜套餐；1. XO 醬翠玉瓜炒豬頸肉呢個餸等左5分鐘左右就到， 個樣都OK, 份量都算大碟， XO 醬唔夠濃味， D 豬頸肉太多食粉，感覺漿漿地， 但都可以接受。2. 咸旦蒸肉餅呢味餸等左20分鐘左右， 來到見到 D 肉白雪雪， 冇乜色水，一睇就知冇奄製過。 面頭個咸旦王好大顏色好靚。先試肉餅好鮮味， 真係完全冇奄過， 再試咸旦王， 一個字㊣。(*由於我食到個肉餅， 先覺得一定要寫個食評， 所以D 餸差唔多食完先影低。) 就係因為咸旦蒸肉餅呢個餸， 令我地選食晚餐小菜又有一個新食點！ …查看更多

原先今日因為來自星星的感染想去食韓國菜, 但 5:15 在尖沙咀三角公廁開始上去金巴利道路經李家, 喜來稀肉, RED CHICKEN 的門前分別已有 30-50 人排隊, 非常誇張!!! 我地當然唔會傻仔咁係度等啦  後來肥仔話想食扒, 咁就打算去佐敦牛屋試吓, 但到牛屋門前又左諗右諗, 再行前左幾步見到有間尼泊爾人開的 PIZZA 外賣店, 但原來旁邊有堂食的, 望吓佢個 MENU 都好吸引, 而且係玻璃窗見佢地整嘅 PIZZA 都好靚, 就決定在此一試.望入店內空間比較細, 只有 5 張小檯, 但已滿坐, 大概等了5-10 分鐘左右就有位了. 我們在等位時已鎖定叫咩食物, 但眼見隔離檯嘅燒豬仔骨好正, 但可惜我同肥仔2個人又食唔晒咁多野, 所以最後我都係叫返我地原定選好兩樣菜式:1. 卡拜尼意粉呢樣係肥仔嘅飛弗, 一嚟到肥仔已經攞起隻叉, 等我相機一食完就開動, 佢食完第一啖就向到擰擰頭冇表情咁......我就問佢: [做咩事呀? 唔好食架???], 佢就豎起隻手指公話好正, 叫我快D試吓! 我一試感覺好 creamy 味道好香濃, 一定有下次! 2. 煙三文魚配芝士千島醬 PIZZA (Small 8")由於個 PIZZA 係即搓即製, 所以等候時間比較長少少, 由落單起計大概等左廿五分鐘左右, 係等緊嘅時間, 另一邊隔離枉叫左半隻燒雞來到, 好似好正, 佢地食緊果時, d香噴噴嘅肉味係咁飄過嚟, 搞到我有d衝動想叫返半隻嚟食, 但一諗起宜家要減肥唔食咁多就打消左念頭!!  講返我地個 PIZZA 先, 當個 PIZZA 來到時我地係睇唔到有三文魚, 因為已經比濃厚嘅芝士覆蓋晒, 我地都襯熱喇喇聲食, 一拉起 PIZZA 見到 D 芝士已經好吸引,  食落有啖啖芝士同三文魚, 內層仲有菠菜菠蘿...等等嘅配料, 味道配搭都唔錯, 只係覺得個皮邊不夠脆.整睇呢間小店嘅美食都唔錯, 係我倆日後開飯嘅選擇, 希望下次再來可以試燒雞同意大利飯! …查看更多

每次去佐敦一帶晚飯， 都好心急想去明記食返碗糖水先食飯， 但次次都比我身邊個肥仔反對， 一定要我食完飯先可以去食糖水， 否則唔比我食 !! 我有次就係會合佢之前用左10分鐘自己去偷食左先碗喳咋先 . 其實我真係好鐘意食亦好為食！！言歸正傳講返間糖水店先，呢間店名雖然叫明記甜品， 但佢地冇賣什麼棉花冰、奶凍、布甸。。。等等甜品， 只賣十幾蚊一碗嘅傳統中式糖水。 甜品中我最愛係紅豆沙， 但食過頭幾次後， 呢幾年我每次到此都並非食我最愛， 而係我第二最愛凍喳咋，原因唔係佢嘅紅豆沙唔好味， 而係佢嘅喳咋正過紅豆沙， 呢度嘅喳咋我個人認為係全港最好味最真材實料嘅喳咋， 入面有嘅所有紅豆、紅腰豆、三角豆、眉豆、麥米、芋頭粒。。。樣樣都煲到好淋但食落又有口感， 甜度又唔太甜啱啱好。 我有次好過份， 一次過食左2碗！另外， 我個肥仔每次陪我來都係食芝蔴糊加湯丸， 佢話呢度嘅芝蔴糊好得，又唔會水了了, 湯丸又多蔴蓉。唯一唔好係因香港法例唔比佢地擺檯出門口空地開檔， 而店內又三張檯仔可以坐低食，所以有時去到要等位， 有位又坐得好迫， 食完又要快D起身埋單走輪到下一批人， 最好係 6-9 點呢段時間冇咁多人食宵夜， 唔駛等位！…查看更多

次次來到淘大去影藝睇戲都係食超級壽司或附近的茶餐廳， 見德寶商場翻新左好似開左幾間食肆就去睇吓有咩食， 但原來得八方雲集、譚仔、一間不記名茶餐廳， 一d 都唔吸引。。。咁我地就向淘大方向行返去， 路過超級壽司要等位， 就望吓佢隔離條巷仔有咩食啦？ 就見到有間叫好煮意嘅食店。 係門口望吓個 menu 又裝下入面D人食咩， 見到好似D 木桶飯都好似ok, 最主要我比佢個住家例湯 "粟米雪耳蘋果湯" 吸引左入去。入到去感覺好街坊小食店， 大概得5張四人檯+3張兩人檯。坐好後就睇吓食咩。。。佢地隨左焗飯木桶飯、泡飯。。。仲有串燒。我見隔離檯嘅木桶飯好吸引就跟住叫咗。。。1. 木桶黑醋骨菜飯黑醋骨唔韌又唔太林， 酸味又剛剛好， 而飯裡有黑醋汁伴住食都好好味， 不過我覺得D飯軟左少少， 可能係落得太多水去煲再加上淋左汁向面食。2. 濃湯安格斯泡飯個湯的確好香濃好好味， 我男友話好鐘意湯入面嗰D蒜味，份量都算幾多， 安格斯牛肉都鬆軟， 如果可以厚返少少有仲好。3. 孜然原條燒茄子原本我地2個都要為9月大囍日子減肥，所以我打算叫兩樣野食就ok, 但男友都係抵受唔住引誘， 叫左一串燒司華力腸同我鐘意嘅燒茄子嚟引我一齊食，講個燒司華力腸先(忘記左影相), 我個人認為份量少左D只得5片， 但味道ok, 表面嘅沙爹醬夠惹味。 至於燒茄子，一嚟就好香蒜味，鐘意食蒜蓉嘅人一定大愛，因為個面鋪滿了蒜蓉， 我個人就覺得D蒜蓉多左D, 蓋過左茄子本身嘅味道，但都好味的。總括味道和份量都ok, 唯一遺憾係個湯送晒冇得飲， 希望下次有機會再試吓個湯。 …查看更多

一直都想上黎 OPEN RICE 寫食評同各位網民分享吓, 可惜一直只有想並沒有打的行動! 見放年假有D時間.....終於將我在這間店食過的所有食物相片一次過放上來同大家分享吓喇!!! 這間翠苑茶餐廳, 自從我跟男友剛開始拍拖時去過一次之後, 就認定這裡是我們的飯堂, 因為我們都覺得這間茶餐廳的食物好有水準, 而且老闆和伙記都好 NICE, 每次當我們出街諗唔到去邊度食, 就一定會到這間飯堂!剛剛年三十晚同男友睇完戲, 正正踏入大年初一, 我們又到這間飯堂食個零晨早餐才回家, 可能因為好多人剛行完年宵, 所以整間店都爆滿. 但老闆伙記都不忘招待我們, 而且老闆仲比左個驚喜我們, 真係好多謝佢!!! …查看更多