Nachos的個人專頁

一班酒肉朋友難得約齊人食鐵板燒，訂位時向店家說明想食下新嘢，道出筆直就放心交主廚發辦，因為之前朋友們都分別去食過不下數次，對廚師們手藝還是有信心的。人齊梗係哼杯飲酒先，幾盤海鮮一放上檯，酒友們都係相機先食打打咭，除咗例行前菜、龍蝦鮑魚、和牛外，黑毛豬薄燒夾蘋果幾解膩，北海道秋刀魚未最當造稍為細條，仍不失鮮味，還有鐵板燒海參位上，素翅蛋炒象拔蚌邊位，再來個蟹膏炒蟹肉多士，呢個真心色香味全，後面當然唔少得蜆肉魚湯、炒菜、炒飯、肉桂糖多士配雪糕，食方面無論質都量都值回票價，廚師發辦冇失望。成班酒友同主廚們打成一片，清酒冧酒威士忌飲個不停，一路飲酒梗係唔記得影齊哂食物相，有幾多放幾多，食得咁開心一定有下次。…查看更多

朋友話九龍城新開咗間鐵板燒，就喺宋皇臺站附近，咁就約埋一齊訂位去試下新嘢。準時7點去到我哋係第一台客，環境裝飾幾靚，室外完全睇唔到裡面，私隱度好高。師傅問咗我哋有咩特別想食，見魚缸內龍蝦好生猛又大隻，就揀咗個龍蝦二人前。細節唔多講，總之前菜花螺魷魚好食，龍蝦連膏炒出色，金鯛白酒汁個魚鱗好香脆，師傅推介嘅岩手縣和牛幾特色，話佢係食威士忌麥渣做飼料嘅，不太油且有點咬口，跟住個湯原來係老火魚湯，鮮甜美味，炒菜係蕃薯同萵筍，唔係大路嘅芽菜同紅蘿蔔，食埋個牛肉碎炒飯，仲有個烘香黃糖多士收尾，非常滿足又滿意。整體晚餐價錢合理，同等食材一定平過去港島或尖沙咀，師傅全程都有講解點食，又肯同我哋一齊飲，單都未埋就諗定下次幾時再去。P.S. 掛住食同飲，冇咩點影相。…查看更多

幾個月無來廣東道一帶, 今日重遊新港美食廣場, 一向去大食代只光顧一兩家店, 飯Bowl尤其至愛.叫了一客扇貝燒雞扒奄列飯, 雖然要等, 但要吃到好味的食物莫過於即叫即做, 等又何妨. 煎香的雞扒及帶子正合我的口味, 奄列蛋皮沒有過老, 配上茄汁送飯開胃, 前後光顧幾次吃了幾個不同品種, 至今都沒令我失望過. …查看更多

昨晚在阿活吃了一個不太滿意的黑豚飯, 無選我食豬扒的興致. 今日路過太古, 當然翻嚼豬扒飯, 今次要了個小辛汁的一款.小辛汁應是日式咖喱種加了另外的配料, 有少許像洋蔥還是番茄的酸味, 送飯都幾夾幾開胃. 豬扒雖則不是最高水平如吉列豬扒專門店般, 人家賣到$150, 這裡三十來元, 快餐水平來計算相當唔錯了. Anyway食過幾次唔同的款式都保持水準, 個人會以繼續幫襯作支持.…查看更多

今晚考試, 早一點到上環食晚飯.這裡最大好處是肯定不用排隊, 而且晚市客比較少, 不用同陌生人同檯進食, 感覺舒適些. 選了一客日式咖喱黑豚飯, 今次問清楚有否西湯, 收銀回應是晚有雜菜湯, 加$5欣然接受. 飯採用大陸東北種白米, 口感較粗糙而乾身, 日式咖喱汁用港式做法稀釋了, 味偏淡, 主角吉列豬扒肉質尚算鬆軟, 麵包糠上得不過厚, 只是份量不多, 一件約120-130克而已, 並非1呎長豬扒, 不太足夠送飯. 雜菜湯名副其實雜菜很多, 卻只有咸味而無菜的鮮甜味, 只可稱之為不難喝, $5沒有奢求.…查看更多

課堂關係於此吃早餐, 火腿腸仔配多士熱咖啡, 八折後只需$10.8, 這個應該是八十年代末至九十年代初的價錢, 當然你可以說是教職員及學生的優惠, 但正價才$13, 而且對外開放予公眾, 居於附近的居民真是有福, 可以用低於市場價去用餐, 而且食物質素亦與其他正價分店無異.老實說自己在家食麵包沖咖啡做早餐, 未計時間及水電成本都要幾元, 想不到不幫襯OU canteen的理由…查看更多

原本只有15分鐘用膳, 排隊及等柯打用了5分鐘, 只剩下10分鐘便要上seminar, 唯有來個快速版午飯.要了東坡肉飯套餐, 包括面豉湯, 泡菜, 喜多郎啫喱及16oz可樂, 老實說碗中的東坡肉只是無皮鹵水豬腩肉, 無皮無黃酒味, 根本不能稱是東坡肉, 而其他的泡菜啫喱及湯都可以不要, 配茶或汽水賣平一點更切合客人需要.…查看更多

課前晚飯, 今次光顧從未來過的瑞安中心店, 以為人會少點, 原來六點後仍有幾多客於此吃晚飯. 吃了幾次一哥焗飯, 今天改吃咖喱牛腩吧, 加$5要西湯, 到counter取食物時又一次無西湯, 連續幾次在不同店都如是, 為何收銀不及早說明呢? 又一次不情願下轉中式湯. 咖喱汁保持一貫水準, 牛腩不多而牛筋卻碎濕濕, 因此不能給予一個笑臉.…查看更多

星期一出街做完公事約一點半, 打算食一個late lunch, 得知這food court易手重開, 當然八卦吓入去望吓兼食嘢. 兜完一圈被這裡的收銀sell倒, 以前在別處光顧過印象唔錯, 今天食野菌燒帶子飯, 4粒煎香了的日式帶子幾香口, 炒野菌份量適中, 個人幾鍾愛佢的珍珠米+紅米飯, 沒有令我失望. 倒想試吓其他菜式, 下次再來食過. …查看更多

6:25pm已出灣仔站, 得20分鐘食晚飯, 又唔想食茶記怕等得耐, 唯有又食快餐.近排熱氣唔敢食咖喱, 又係一哥焗醋扒飯吧, 前面排隊那位中國同胞一次過幫8個人買嘢, 翻來覆去問完叫完又漏又加單, 又問收銀有無人送上檯, 終於到我買飛, 又係無西湯, 為何6:30pm就無西湯呢? 西式焗飯配中湯就是不太夾, 算吧, 快趣攪掂去counter攞嘢, 唉, 中湯都要等, 叫了3次咪廚房才出.應該是會展有展覽關係, 成間餐廳充斥了同胞食客, 唔係食火鍋就鐵板, 我縮於一角快快食我的一哥焗飯, 溫度夠豬扒肉質不太硬, 比MX好多了, 湯是粉葛赤小豆豬肉湯, 味精不太多, 起碼飲完沒有口渴. …查看更多

趕時間來不及吃午飯, 要聽seminar關係, 買杯咖啡頂住先, 就算講座沉悶都不怕睡魔急call.Latte tall skimmed milk $28即磅, 無人排隊1分鐘多點沖好, 自行套cup sleeve及加糖, 唊一口醒醒神便外賣走人, 咖啡始終無失拖.…查看更多

最近先後食過其他兩大中式快餐的同類產品, 今天倒要試吓MX的皇牌焗豬扒飯.焗飯賣相及份量同人無大分別, 但今天卻讓我吃到了近幾年無試過的微溫焗飯, 雖則不是即叫即焗, 但不是存放於保溫柜的嗎, 怎麼飯及汁的溫度只僅僅暖口?, 豬扒是無骨豬柳切了件, 肉身畧硬而不鬆軟, 配的西湯是羅宋湯, 薯仔都煲到開始溶爛了, 味濃且菜碼多, 總比飯好多了.可能是個別分店事件, 但領一面黃牌少不免, 這樣的水準怎可號稱皇牌.…查看更多

又係一條冷食快餐, 其實以前相對少幫襯快活仔, 應該係無, 事源自佢re-engineering/retrofitting後, 食物質素提升了才有信心踏入她門.今日試吓佢個原茄豬扒配白飯, 另加$5要西湯一個, 去counter俾票時店員才說無西湯, 6:30pm就無又早了一點吧, 唯有改要咖啡, 前後3分鐘有得食.坐近收銀旁邊近門口位置, 有少許熱, 可能近門口而冷氣不足吧, 食具黏了少許殘餘物, 習慣了自行用紙巾抹乾淨才使用, 原茄浸於茄蓉汁內已去皮, 生熟有度而不會太淋, 豬扒無一呎都有10吋長, 可惜有骨吉列豬扒帶來顧客的不便, 食落亦無日式吉列豬扒咁外脆內軟, 而且去骨及切好的豬扒更方便客人食用, 大集團反而無從客人需要着想, 大x樂都係咁, 唔通客人鍾意鋸吉列豬扒好似鋸牛扒咁? 即磨咖啡已成市場基本需要, 無俾人家好或差了.…查看更多

同朋友係老銅happy hour, 貪佢可以在戶外隨地拋花生殼的感覺, 一人一杯Hoegaarden, 暢快地傾注入喉, 再發洩吓工作上的不滿, 不失為一種減壓的方法.個人喜歡在這種環境飲酒多過進餐, 雖然以前都有在這裡食過晚飯, 但happy hour 的朋友們亦總是叫轉場食飯, 皆因喜歡食中菜多過西餐.…查看更多

朋友家住大角咀, 去探完佢自然行吓奧海城, 才發現快餐廣場又轉變為大食代經營, 橫豎要吃晚飯, 不如試新嘢.變身後設計比一般快餐廣場講究, 可以讓客人食食得自在的. 行行重行行, 最後選了食飯Bowl, 皆因在新港幫襯過幾好味. 今次食漢堡牛肉奄列飯套餐, 可能因未到7:00pm人客未係太多之故, 等不久便有得食, 中式粟米清湯配和式飯真係唔係最夾, 味道雖然可以但始終略嫌怪怪的, 前菜則如前人所寫幾有特色, 主菜奄列飯夠熱, 漢堡肉幾有咬口, 雖然賣相無dummy咁靚, 整體味道卻在水準之上, 當然換過個湯會好好多, 希望下次唔會再係配中式湯啦.…查看更多