kk00111k的個人專頁

接待侍應態度惡劣我地已經一早BOOK左位接待侍應呼喝我地話:你地數清楚啲COUPON啊,少一張都唔俾入!!!洗唔洗咁嘅態度啊... ....漏單情況嚴重叫10樣就少2樣刺身漏得最誇張,好似隨心出咁... ...我地寫嘅數量同黎嘅數量從未一致Order紙(要注意)一般放題都要喺Order紙上寫人數但呢到嘅Order紙係冇"人數"呢項侍應又用呼喝態度同我地講:唔寫人數嘅話師傅做唔到俾你地!!!咁我地都好乖,張張都喺右下角加返人數不過師傅都係做唔到俾我地囉食物賣相趕客,味道一般一口炸芝士上到枱甩皮甩骨 刺身冇味... ...小心甜品櫃有張紙寫住食客不准自取,如有需要通知職員咁上下嘅告示有個食客行埋去睇下有咩款,就俾疑似老闆娘喝止:"咁大隻字睇唔到啊?... ..."大家唔想被鬧就要醒水... ....…查看更多

今晚好晏先食晚飯入到黎Ocio見好多人食緊甜品！睇黎甜品係主打！叫左兩個set dinner: 1)燒春雞$189                             2)全日早餐$118每個set dinner都可以揀前菜：湯/沙律*最後有甜品*雪糕一球/是日精選我地每人各叫一款。蘑菇湯，好多菇碎...鐘意飲西餐湯有d咬口既，就唔好錯過喇。沙律都唔錯既！個燒春雞好"鞋"...唔知係咪因為老左...全日早餐個炒蛋真後好似M記早餐咁... ...=3="整體而言...唔值咁貴…查看更多

見到街頭好多廣告寫住美心新出"原煲咖哩"，心血來潮今日想去試下!!原煲咖哩有牛肋條/雞/雜菜蛋呢三個選擇。我揀左咖哩牛肋條$48!!(外賣)+$6有伯爵茶(我冇加呀)原來原煲都係得好少，外賣碗2/3左右牛肋條幾稔身，牛味唔算好濃，但個咖哩呢...香料好似唔夠多，食唔到咖哩應有個陣香味如果香料味加返多少少可能會更好 出餐速度幾快手，買完幾分鐘就比部震震機提我去拎食物喇！外賣內含：牛肋條有3-4件薯仔2舊唔知堂食會唔會份量多d呢 …查看更多

Tea time時間唔係好肚餓，想搵個地方同朋友飲杯野，食少少小食就行到黎登打士街，因為呢到多Cafe 正常睇緊水牌考慮食邊間既時候，管理員叔叔就話：『上14樓間流浪貓公館啦，新開咖，未整水牌，有優惠』咁我地就上去試下啦!!去到門口，冷氣都充足既(因為今日好熱，如果冷氣不足會唔想停留...)入去前要除鞋換拖鞋(佢有供應拖鞋，唔係新咖，有d陳舊)價錢方面：首2小時$88，包兩杯$58或以下既飲品餐牌上面得好少野... ...我揀左：1)凍柑桔檸檬  2)Oreo朱古力雪香(要另補$20)唉...兩杯都係淡而無味，我都唔知自己飲緊咩...如果為左飲品而黎既話，係必定失望，係連基本水準都未達標...但...有驚喜位既，佢地個炸薯條係幾好味，炸得好香脆，係厚既波浪薯條=)好味！主角貓貓呢？有隻好鐘意訓覺，比我地摸足兩個鐘冇走過，佢個名好似叫『薯條』@u@"其餘既貓貓都幾活潑，自己會跑黎跑去，又會同同伴鬧下交(. - . )"有隻貓離遠跳上我地張台上面，哈哈哈...好跳脫~但唔係咁鐘意比人摸隻隻貓性格都唔一樣，睇你夾唔夾到啦，佢有d玩具提供比你同貓玩=)講起提供玩具... ...又有樣投訴= ="佢有個位擺左好多boardgame，但好多都唔齊...係連波子棋都唔齊... ...呢樣真係要改善一下喇，如果唔係，不如唔好擺出黎比較好！…查看更多

係旺角唔知想食咩既時候，都有時會諗打邊爐...今日同男朋友食有海鮮個個任食有得無限添加豬、牛、雞、海鮮、三文魚刺身,算係個全餐啦!出面d火鍋食材都唔洗多介紹，都不外乎菜、丸、瓜、腸... ...仲有咖哩薯仔牛肉飯(其實好香，好想試，不過我當時太飽T^T)最好味既係...乳酪雪糕^^有埋雪糕筒比你唧雪糕，我食左兩轉，其中一轉唔係幾好彩，個雪糕筒"林"左@u@"真係好好味呀，乳酪味好濃香，又幼滑...另外d蝦都好大隻好新鮮，唔錯唔錯，encore左一次侍應姐姐服務唔錯，佢見我地牛肉冇晒，即刻主動問要唔要再加我地考慮左一陣，佢見我地想加與唔加之間侍應姐姐：你地係咪驚食唔晒呢？我：係...驚叫完食唔晒侍應姐姐：我幫你地落半份丫=)幾好!!!去食呢d任食既餐廳，最唔鐘意見到人地浪費食物，食唔晒好浪費咖嘛，係咪先？=) …查看更多

有朋友話想試焗豬扒飯，上網搵到王萍記茶餐廳出名食豬扒飯喎即刻過黎試下！焗飯既上台時間係耐D，大家都好明白所以如果趕時間既話，千祈唔好叫焗野!!=)飯既Size唔算大，但塊豬扒真係幾厚切喎，值得一讚不過飯底一般... ...朋友覺得唔夠香!!整體黎講，焗豬既味道其實一般般，加分位只係豬扒~飲埋凍檸茶$58 …查看更多

女人街兩旁都好多細鋪既日本料理，成日經過，但就從未入過去今日同男友及朋友一行三人行經女人街，其實已經食左野，大約4成飽，但朋友未食，所以就搵左一間日本料理-----魚心日本料理 入到去，環境都算逼，不過勝在唔洗等位(原來呢個係提示，我竟然冇參透箇中奧妙)叫食物，睇餐牌，價錢同板x都唔係差得好遠...睇下我叫左咩食物&評價啦 1)蟹籽沙律 正常份量，味道算係正常，但青瓜皮較多，食起上黎比較"鞋口"2)焗牛油金菇用錫紙包住，好細包，好薄......入面既份量少到嚇親...而且個錫紙外圍完全冇焗過既跡像味道正常，不過呢味菜式好難整得難食，我只可以話味道係正常囉...唔抵食，份量太少，唔建議各位叫黎食3)活赤貝壽司一客有兩件赤貝壽司+一件赤貝軍艦上枱時，赤貝既顏色已經嚇親我... ...分佈唔平均既瘀橙色，當中夾住接近灰橙色咁...膽粗粗放入口試，腥味完全拼發出黎，好似放左好耐咁...嘩...唔洗咁大整蠱掛？建議大家千祈唔好叫赤貝4)三文魚壽司基本上，我食過好多間日本料理，更難食都好，三文魚壽司應該都唔會差得去邊整體而言，塊三文魚係正常既，入得口，但係壽司飯就好奇怪...口感有如糯米，咬既時候以為自己食緊年糕咁...壽司飯係暖暖地，壽司飯軟林林既程度係令人好想吐出黎...實在太林喇，連正常壽司飯應有既硬度都完全欠奉...食左一舊我就停左手5)帆立貝壽司壽司飯既奇怪口感有如三文魚壽司提及到既程況帆立貝薄身，乾身，仲皺皮...究竟一舊新鮮既帆立貝要放幾耐先會去到呢個地步？真係好唔明...點解要比呢d食物客人食？6)鹽燒鯖魚   **全晚最好味呢個真係一讚，可能因為成晚既食物質素都偏低比呢一條熱辣辣又香口既鯖魚吸引住，絕對係好味可能因為夠熱既關係，比好多放題所提供既鯖魚更脆口香甜值得推介7)飲品-只有細支裝汽水/波子汽水焗住要飲細支裝，飲幾啖就要再叫過另一支都幾識賺錢咖喎不過可惜，錢係比你賺到，但客人食得唔痛快已經係死症8)帆立貝刺身呢隻帆立貝飽滿好多，但奇就奇在，師傅用檸檬片將每一塊帆立貝夾住，係每一塊，所以全部帆立貝既表面都沾有濃郁檸檬味完全食唔到帆立貝既味道...其實係咪因為刺身唔新鮮，所以要用檸檬夾住呢個方法僻味？真係唔理解...浪費晒d帆立貝9)$28半磅三文魚刺身(優惠)唔錯，脂肪分怖不俗，但上枱時微暖...咁樣會滋生好多細菌咖喎，要注意下呢一點  埋單：$433.6我要求CHECK單，但收銀只係比左一張寫大概既紙我，上面寫住：壽司  $XX刺身  $XX點解唔可以清楚列明每個項目呢？但今晚呢一餐我覺得絕對唔值呢個價錢，況且我地已經食到4成飽，叫既食物又唔係好多，竟然都要每人$145... ...希望唔好再有更多人中伏，所以我寫呢個食評，希望能夠順利刊登出黎…查看更多

第一次黎光顧=]係朋友介紹，佢話呢間野幾好味，叫我地黎試下!!一行四個人，游完水黎食宵夜場10:30pm開始見到門口已經企左一大堆人... ...好在個場夠大，都好快有得入座^^蒲坐下...先點火鍋配料=]款式唔算好多，全部都係大路既配料!響鈴、廚師腸、芝士腸、豬潤、牛柏葉、豬粉腸、生腸、芝士丸、貢丸、菜類~ 3-5個人就有一隻雞既雞煲，雞煲續個整，慢功出細貨...火鍋配料黎晒，但雞煲未上^^"不過好在出面仲有熟食可以比我地食住先初頭以為D熟食係敷衍下食客而設點知有驚喜...熟食款式比想像中多，而且每一款都睇得出唔係Hea做^^麻辣青瓜 極力推屆，夠晒入味，麻辣又夠xD味道比酸辣粉店既出品更出色!!蜜糖雞翼 好好味，甜味夠突出，加埋少許香草，令成隻雞翼變得好完滿粟米串  一支支放晒o係到比人方便拎方便食，爽口，讚^^另外仲有加左少少黃芥辣味既雜果沙律(如果多返d蘋果，少d罐頭雜果就好喇^^")麻醬凍豆腐、咖哩角、凍蝦、煮花螺、餃子、酸齋、煙肉焗薯... ...睇到咁既陣容，真係唔知以為自己食緊正價時段@@"仲要不停refill，速度媲美酒店，絕對係物有所值既宵夜時段=]*可能因為以往經驗，食其他餐廳既宵夜放題，通常都係貨尾+唔新鮮+唔refill所以今次比較驚喜^^淨係食熟食已經飽左一半^^"呢個時候雞煲就上台喇!嘩...一隻雞，絕無欺場，多到3男1女都食唔晒XD味濃，但唔算好咸^^岩岩好加湯打埋邊爐，食到好飽...但肥牛比一般火鍋點失色，賣相、色澤都唔夠鮮紅=[ 但原來...最令我為之動心既，係一人一份既甜品...香蕉班戟廚師即場整，班戟皮熱辣辣，香噴噴，加一大舊cream，加幾舊香蕉班戟面加左少少朱古力醬，一食落口外熱內凍o個種重拾童年既美味，係依家坊間所賣既凍香蕉班戟不能相比既~可惜x_x每人只可以拎一份甜品...如果可以比我拎多兩次就好xD 講下汽水類先...一般火鍋店只有百事七喜等等...呢到有Jolly Shandy檸檬味 & 金奇異果味(第一次見@@")另有獅威罐裝啤酒、美蓮達...大家飲飽食醉，連甜品都品嚐完畢後埋單發覺每人只係$118，並無加一@@"真係好抵~下次會再幫襯^^希望你地keep住呢份熱誠!!     …查看更多

睇戲之前碰碰運氣，睇下漁屋有冇walk-in位最快要8:30pm先有位，留左電話，行陣街街就有得入座喇^^ 食物水準一如以往般出色，刺身仲多左款式：玻璃蝦、白灼海蝦(凍)玻璃蝦好好味^^新鮮爽脆 食到一半既時候突然有侍應拎住一隻頗大隻既松葉蟹入黎,話比每台食客知，呢隻蟹就係今晚既大獎...@@"哦...原來有抽獎咩？真係驚喜喇^^"侍應抽出台號..."81號台" 我地中獎喇...yeah~~~~但心諗：2個人，食到飽飽地，點食得落隻蟹正常咁諗既時候，原來...我地唔係中左松葉蟹^^"係送一張VIP卡，去尖沙咀分店惠顧可享9折優惠!!=]都唔錯喎  食放題之餘又搞搞小驚喜，令到每台食客都食得又開心又好玩值得一讚^^…查看更多

是日晚餐叫左以下食物：1)野菌忌廉湯 2)芝士蒜蓉包3)芝士焗青口4)Pizza半份 (有蝦仁、菠蘿)5)卡邦尼意粉6)凍蜜桃茶 芝士蒜蓉包非常好味^^芝士夠多，鋪滿成個蒜蓉包面，混合蒜蓉，鹹淡度適中蒜蓉包外脆內軟，夠晒新鮮芝士青口值得推介，青口新鮮鮮甜芝士連同牛油配合得天衣無縫,要自己一個食一客都完全冇問題=]Pizza餅底夠脆夠薄,不俗最令我同男友覺得奇怪既係卡邦尼意粉我地兩個都係卡邦尼意粉迷將最鐘意食既留到最後一刻食,就係為左最後享受最美味既食物點知...食第一啖已經覺得好大陣塑膠味@@"點解會咁咖呢... ... 為左僻左呢陣塑膠味,我地加芝士粉點知更加塑膠... ...懷疑係芝士粉既問題/_\"連加辣椒仔都僻唔到塑膠味，勁!!!整體非常好(除左卡邦尼意粉) …查看更多

今日係男友生日，下晝食完美味拉麵之後，晚餐就揀左香格里拉自助餐一早就book左位,仲有生日優惠添~送餐酒一支(另外消費滿$1000再減$100)凳都未坐暖就飛出去拎野食=]首戰海鮮類：開邊龍蝦、藍青口、蟶子、蝦、龍蝦鉗選擇好少...冇生蠔冇青口冇長腳蟹T^T"開邊龍蝦-好爽口，鮮甜，見到有幾隻有鮮橙紅色既膏(可惜我拎唔到...)龍蝦鉗-已拍裂左個殼，輕易就拆開到=]貼心服務蟶子-比較特別，其他自助餐好少見...不過不失啦，始終都係覺得蟶子要用黎炒鼓汁先夠惹味...蝦-係最好味既海鮮...xD夠大隻，隻隻既肉都好豐腴蝦頭有鮮色膏，鮮甜可口，肉質夠彈性，一食就知新鮮藍青口-最差...d肉好霉.../_\ "敗筆敗筆...食完海鮮類，比藍青口影響我胃口，唔追加海鮮住...試下其他野先...熟食類唔多，見到有人拎巴馬火腿，我就叫人切兩塊，加兩片哈蜜瓜比我(如果唔夠可以去生果區拎)但生果區同巴馬火腿既位置有段距離，如果放埋o係附近就好喇^^"巴馬火腿好味=]不過唔食得多.../_\"    另一注目點就係任食鵝肝多士我唔係咁鐘意鵝肝...朋友試左，就真係好好味，咁我又抱住個好奇心去拎一舊黎試點知.../_\好臊...友人們唔信臊，切左少少去試，佢地都話：真係臊喎，點解同我地o個舊左咁遠= =我都唔知點解...我唔好彩囉^^"總括而言...五百幾蚊食呢餐自助餐，一d都唔值^^哈哈...…查看更多

今日男友生日，專誠出尖沙嘴拜訪呢間拉麵店12:30pm已經到達，但店鋪唔起眼，行過左龍...再行返轉頭時已經排唔到頭位^^"店內有9個位，吧枱座，望住廚師們整拉麵今日好熱T^T" 企o係出面等左半小時都流晒汗侍應們都拎餐牌出黎比我地揀定食乜其實款式唔多，所以好快就決定左^^侍應o係我地差不多有得入座前會落定order，一坐低無幾耐就有得食=]終於輪到我地入，非常興奮叫左兩碗拉麵1)豬骨魚介鹽味拉麵(大)2)豬骨魚介醬油味拉麵(大)各加一隻溏心蛋,每人一罐可樂鹽味比較清甜，醬油味夠濃，好惹味溏心蛋冇乜特別無.......下次可以唔加都得^^"叉燒唔係厚切，薄薄兩大片，油脂分布平均，入口軟滑有彈性肉味濃郁，不俗不俗o係我地進食期間，見到店長同侍應拎住幾杯凍水行出鋪外派比等候緊既人飲... ...@u@好有人情味哦^^**最令我驚嘆既就係湯底,味濃而不鹹因為熬得耐，起左不少膠質，掛麵能力更佳清甜湯底絕對係呢間拉麵店既招牌飲晒個湯都完全唔覺得口乾...可見冇味精而冇用味精都咁香濃，證明湯料落得足，熬既時間夠長果然係誠意之作!!!左望望右望望,見到有一大包豬手o係廚房，仲有一大包蝦乾呵呵...唔怪得個湯咁甜~~~用料唔馬虎值得推介  …查看更多

今日父親大人生日，找間自助餐吃就最好不過見園林閣都算多好評，就黎試試啦預早book左位，所以唔洗等就入得喇~但今晚有d印度教定咩教既人舉行典禮(就位於自助餐區後面，極近)佢地燒d香，身上面陣味，全部吹晒過我地呢邊近典禮房既幾台人都聞得到.../_\" 唔怪得今日有空位剩啦...先出去睇下海鮮類，有生蠔、螺、蝦、蟹...生蠔雖然唔算大隻，但都夠新鮮其他冇咩驚喜... ...海鮮區有d細細杯/細細碟既冷盤小食有牛蒡絲麻油撈木耳、三文魚海蜇、青瓜蘿蔔、火龍果蝦沙律... ...但得個外表，食落完全唔夠味T^T"應咸既唔咸只可以話，佢好清淡囉^^"*牛蒡絲麻油撈木耳~~~>有苦味有片皮鴨師傅即叫即片，算係全場最好味既菜式熟食好少，羊撻、咖哩、飯、茹菜類...西餐湯：菠菜忌廉(都唔錯)中湯：蓮藕湯(都唔錯)冷麵：只有醬油可加，食落都係冇味= ="沙律區都幾豐富，有車厘茄，細粟米仔、菜類...仲有多款醬汁可供選擇刺身：三文魚刺身好新鮮肥美，其他好似有d霉...一大碟放於刺身櫃自己夾都唔錯既，好過每次要等師傅切^^"拎多幾輪都唔會唔好意思!!!!麵包類：有數款餐包，亦有法式麵包，但全部都係硬到嘔= =""有一架車仔上面放晒火鍋配料，台面放住一個打邊爐既鍋，都算唔錯既~有賴尿蝦@u@最可惜係甜品，款式雖然好多咁(中西各佔半) 但水準其差但有dreyer's雪糕，但只有兩款味(開心果、藍莓芋頭)、另有雀巢大腳八雪糕雪條！西式：木糠布甸完全唔合格，食落口以為自己食緊沙糖，木糠部份一d都唔細緻而且唔夠creamy... ...成舊野就等同於食砂糖... ...另有一款芒果味蛋糕，竟然有洗潔精味= ="拿破崙堅硬得過份... ...中式：紫米椰露 (冇椰汁味，冇甜味... ...)我以為自己食緊麥皮~_~"一般自助餐去到臨尾都唔會話收晒所有食物(最多唔refill姐)但園林閣真係勁，9:30未夠，就已經清晒出面既食物，海鮮區冇晒海鮮、所有熟食都近乎拎走左餐包未收之前，已收起牛油... ...當我想拿個餐包，侍應只顧埋頭的將食物搬走，完全漠視顧客需求。9:30pm，全場好似已經冇食物一樣，只剩下難吃的甜品和少量熟食(湯類)T^T"呢間野，我諗有人請我，我都唔會再去！！(daddy都係咁話)…查看更多

因為好鐘意食台灣野，自阿土麵線執左粒之後，都冇食到正宗既台灣野...每逢見到openrice有任何關於台灣食品既食評，就會想去試一試...=]今次揀左葵涌石蔭既 * 台灣客棧 *睇食評話滷肉飯&溫泉蛋多士超正所以約多3個朋友黎試試店內座位比較少，廚師一個，侍應一個 點左個麻辣湯底 豆漿豬肉火鍋 $55 再另加d火鍋配料($8~$15碟)：牛柏葉、肥牛、炸魚皮、腸、芝心丸、魚皮餃、山根... ...因為太餓，點個滷肉飯、鹹酥雞 & 炸豆腐食住先=]先黎鹹酥雞 $15*脆脆既外皮加埋椒鹽，又真係幾惹味喎~$15/碟... ...感覺上都幾貴^^" 炸豆腐 $15*只係外皮輕輕醮左炸漿，唔脆... ...入面同普通豆腐冇分別如果o係豆腐既表面加返多少少椒鹽就好喇比左少少醬汁我地甜豆腐，味似沙茶醬撈紅蔥&炸蒜都幾特別！上左個湯底 & 基本配料：豬肉幾片、生菜幾片、拉麵一餅仔、丸兩粒(一貢丸、一豬肉丸)、蟹柳一舊其他散叫既配料遲遲未見，好在叫左個滷肉飯，如果唔係餓死左滷肉飯$28有大粒版滷肉、一隻溫泉蛋、一片生菜、一塊日本蘿蔔@@"滷肉都幾入味，但失色在於飯唔夠"林"身，唔知係咪因為隻珍珠米唔靚呢... ...溫泉蛋好似剛剛o係雪櫃拎出黎咁，個流心冇野流出黎，但有d gel gel地既感覺..^^"好奇怪！！！！不過最怪都係舊日本蘿蔔，同滷肉飯完全唔match，希望店主考慮剔走呢一小片會影響大局既蘿蔔！醒起招牌菜：溫泉蛋多士即刻落order...隔左十分鐘，侍應覆：「唔好意思，冇晒溫泉蛋多士」@_@"好失望，基本上我係為左佢而黎... ...竟然冇~~~咁我地食晒個滷肉飯，又食晒基本既火鍋料，都未見有我地散叫既火鍋配料...可能因為呢段食飯時間，人流比較多，廚房忙到都唔得閒理我地...最後出左一碟魚皮、一碟肥牛、一碟牛柏葉...其他全部冇貨=3="重點係，每一碟都只係得極少量... ... 真係同個價錢唔多match囉炸魚皮收$8/碟，得三舊正常size，一舊超細 =0="食晒台上既野之後，男友幫我order隻溫泉蛋，但侍應拎左一隻連殼既蛋黎，而且係生@@"我地問：「咦，呢隻係溫泉蛋？」侍應：「哦，唔係呀，呢個係跟個火鍋餐，比你用黎點食物，冇咁熱氣...」但當時我地已經食晒d火鍋料lu...同佢講話：「唔該晒，我地唔要隻生蛋喇^^" 頭先我地order左一隻溫泉蛋」侍應：「哦，咁我將生蛋換隻溫泉蛋比你地啦，唔收你地溫泉蛋錢」@u@好野！雖然一入黎就要叫聲"伯母"(百冇)但值得一讚既係個麻辣湯底，個麻味幾香^^雖然唔夠辣，但都算係我地今次一行既驚喜啦！xD 下次再試下其他台式野先，希望唔會再遇見"伯母"啦xD…查看更多

三星期前致電黎Book位，職員話好full(一至四最full)職員話要早一個星期黎落訂金，先可以確認訂左位 @@"第一次要落訂金食自助餐咋xD海鮮類真係好豐富：肥美生蠔、麵包蟹、長腳蟹、凍蝦、青口、龍蝦仔... ...D生蠔肥美到呢>v<真係好開心呀，好耐冇見過咁大隻既生蠔(自助餐內)完全冇落醬汁，超新鮮既味道衝入我各個味蕾少少海水既咸味，勾出生蠔既鮮味肉質豐厚，真係好味呀xD值得一讚：協奏坊絕無欺場，當生蠔比食客拎晒之後，好快就refill返=] 而且每隻生蠔既size都咁上下大細唔會差得太遠^^非常之讚呀！可能因為生蠔太出色，略覺得青口有點兒失色siza屬於細(非藍青口) 海水味不足，有d仲完全冇味@@"不過我覺得都係因為生蠔太好xD影響左我既味蕾蟹類：麵包蟹好多膏，好甜好好味=]我係唔鐘意o係街食蟹既人^^"但我都偷偷o係男友碟上咬左啖蟹膏xD好甜呀^^麵包蟹既鉗好大隻，唔係人人都願意咬開/鉗開佢(因為要好用力... .../_\)男友開左個鉗，比我大啖咬xD d肉真係超甜呀~~~長腳蟹都好味^^螺、小龍蝦同凍蝦不過不失啦=]食完6隻大生蠔，有d飽飽地^^"見到有杯好靚既焦糖燉蛋即刻拎黎試試先，入口超順滑，甜度適中我平時唔鐘意食甜野，但都覺得呢個非常好味=]即刻叫朋友去拎返杯，有2-3個朋友聽話拎左其他o個d話：自助餐會refill咖嘛，洗乜咁急拎姐...但...第二輪既焦糖燉蛋，竟然唔滑&超甜... ...呵/_\"質素唔多穩定xD熟食唔算多，得幾個熱食盤，每個盤入面有2款熟食食完晒一款，就會轉款例如：薯仔~~~>薯蓉~~~>蕃薯蓉仲有d牛仔腸、時蔬、葡國雞、椒鹽豬扒、蒸魚、乾炒牛河、扁意粉、牛肉粒...友人話：牛腸、葡國雞&蒸魚都唔好味=[沙律冷盤類巴馬火腿已分好晒一片包住一粒蜜瓜(裝左o係一隻匙羹上面)個人認為蜜瓜既份量太少，如果大舊d就好喇=]有幾款菜，車厘茄、青瓜...幾款source可以揀另外又有cream cheese加車厘茄加少許菜&醋既碟裝小食，一啖食晒，好味^^有款麻醬豆腐，上面鋪左少少三文魚籽，味道偏淡甜品除左焦糖燉蛋，仲有朱古力蛋糕，非常濃既朱古力味但餅底甜到想殺人T^T又硬........咁大對比既？！只要唔食塊餅底就ok喇xD藍莓芝士餅都好好味，香濃既芝士餅，又係好滑，好香濃=]雪糕只有兩種味：雲尼拿(太甜)；野莓(太酸)仲有toppings可以落：COCO朱古力穀類早餐、朱古力碎、七彩朱古力碎、合桃:(都有樣差既野...有個廚師企o係到幫我地切牛肉或火腿我要左牛肉，佢切左兩小塊比我，加左d source食一啖/_\"冇味既... ...連咸味都冇...肉質都唔算差自行加鹽，先勉強可以入口^^"三文魚刺身師傅切定3-4碟放o係台面任人拎，但拎既人唔知會唔會有我既感覺....好似拎左人地order既刺身咁^^"一拎完，左望望、右望望，睇下係咪有人order左,....仲有一盤仔壽司o係台面，款式唔多，都係三文魚、腐皮、鮑魚...但切刺身既師傅，見冇乜人就會離開崗位，入廚房做野因為細佬想食三文魚，所以硬住頭皮問侍應：「唔該，請問有冇職員可以幫我切三文魚刺身？^^"」職員即刻話冇問題=]轉頭就有個廚師走出黎，拎左滿滿一小碟(五大厚片三文魚)wow^^好感動呀！食到尾聲大家都只攻生果&雪糕生果：西瓜、菠蘿、蜜瓜、哈蜜瓜(每次三款輪流供應)仲有咖啡機&英國紅茶&熱水比你沖野飲=]完滿既一餐=]食到九點幾先走，好似可以坐到10點零咖@@"…查看更多