Frank B的個人專頁

上個月朋友介紹呢間CAFE食左一次~琴晚再介紹我另一個朋友黎左COMFY，QR CODE手機落單，不過餐廳就無比實體MENU我地喇，都OK 嘅~而職員十分主動收碟，收得好快，十分貼心🤣。芒果蟹肉牛油果沙律 $138呢個做頭盤都幾FRESH🤣，私心 - 成個沙律用的食材都係我最LIKE嘅野，牛油果醬整好香滑，蟹肉份量十足，連埋我至愛嘅芒果抵，真係超滿足，周邊的火箭菜都係我至愛。法式蟹肉海鮮龍蝦湯及酸種麪包$68 (跟SET $58)兩個人叫左個飯，怕叫多個主食又太多，所以就叫左呢個跟SET，蟹肉龍蝦湯雖然唔係濃湯果種味，但至少唔會淡茂茂，酸種包佢烘過，條邊脆脆地點D湯食好正。日式吉列豬扒明太子意大利飯$142意大利飯個乾濕度剛剛好，重點係真係有明太子味，朋友都話呢個飯出色；吉列豬扒都算有水準，炸皮十分薄，而且個炸皮同豬扒唔會分離，不錯不錯！抹茶紅豆拿破崙配黑糖蕨餅($58)(印象也是可以跟SET$48)跟據本人經驗，紅豆是日本紅豆，抹茶CREAM一般，因我較偏愛濃味，黑糖蕨餅唔會好甜，我自己覺得岩岩好，拿破崙餅鬆脆的，但就硬左D...基本上係切唔開，甜品賣相不錯，係各樣口味對本人來說美中不足。…查看更多

在銅鑼灣希慎食完晚飯 ( 有機會期後補上DINNER之食評，支持下🤣🤣)，勁中意食雪糕但又讕係要健康嘅我，緊係黎SMILE YOGURT啦！！！YOGURT感覺上點都健康過雪糕嘛，呃唔到人呃下自己都好。不過以我所知SMILE YOGURT就只係得希慎呢間有得坐，其他都無架！今次都係叫番最簡單BASIC嘅 SET A - VANILLA SKY，雲尼拿醬簡簡單單，唔會搶左原味YOGURT的味道，我自己就好鍾意食芒果，叫得呢款就緊係因為佢有一層係芒果+脆脆粒，個底係新鮮藍莓，藍莓都有得寫食評???正常藍莓味囉，不過補眼嘛🤣最要的杏仁脆片甜左D加上有D飽，我食左一塊就隊左比朋友食埋果兩塊佢喇。SMILE YOGURT間中都會出D「期間限定」，「SPECIAL」之類嘅款式，朋友叫左杯SET S - PISTACHIO SMILE，成杯都係開心果﹑開心果﹑同埋開人果。開心果熱愛者無可能會放過佢，呢杯PISTACHIO SMILE都有好多層次，開心果汁味道好濃，又會有D唔同口感的周邊食物例如開心果曲奇，開心果布甸。不過~我就唔係開心果迷，所以呢D都係試一次就夠喇！！！ANYWAY，好耐好耐，好耐好耐無打食評喇，真係對唔住支持過我的FANS🤣🤣希望黎緊又可以KEEP住介紹番好食的餐廳比大家，同埋介紹一D都幾雷的食物/餐廳比大家知，等大家唔好一齊踩雷嘛🤣🤣…查看更多

做完gym當然要補充蛋白質啦， Lunch心血來潮就試一試山見台式火鍋，入面座位非常闊落，裝修簡潔乾淨，牆上亦不少具詩情畫意嘅字句，加上播住多首經典台灣歌曲，十分有feel😆。一入到去就會見到醬料區同埋自助食物區😆，醬料選擇非常多，仲有我至愛嘅沙茶醬、腐乳醬，任君撈醬。我同朋友都選擇半自助放題，我地一個set係嫩肩里肌肉+精選梅花肉，另一個set叫左阿公花雕醉雞件，咁就可以一次過滿足三種願望😋，肩里肌肉同梅花肉的優點就係脂肪比例相對少，而且分佈都平均，係健康之選唷！最令我意外嘅係花雕雞件，山見嘅雞件竟然都係俾雞髀肉，食落口非常嫩口多汁👍🏻👍🏻食飽飽後，當然要岀動埋最後一個胃啦！至愛食雪糕嘅我，今次要推介山見嘅雪糕，佢係荔枝味雪糕，味道唔會太甜，荔枝味十分清新，真係十分幸福☺️👍🏻。…查看更多

壽司郞又岀新野喇！Lunch Time 大約13:15左右黎到新蒲崗分店，等左大約10-15分鐘左右就輪到我喇！如果怕壽司郎排哂長龍，大家可以去壽司郞app提早一日book位！最好係提早一日！無錯係提早一日book 位唷！因為即日book嘅話可能就已經full 哂book唔到唷！大吞拿魚腩配智利海膽$22（期間限定）- 吞拿魚腩有優質的油脂，係好嘅脂肪唷，智利海膽就唔算好甜，但好怕海膽腥味嘅我，呢件CP值高的壽司算係不俗。醬漬松烏賊鰭$12（期間限定） - 我覺得烏賊鰭味道同平時食嘅魷魚壽司味道非常相似，但係烏賊鰭比較爽口，十分鮮甜，醬漬味道剛好，加適量wasabi 就十分好味。魷魚秋葵和布蕪軍艦$12（期間限定） - 健康、美顏、修身人士必吃之選，和布蕪係營養豐富且低卡路里的海帶根部，口感較爽脆，而秋葵可抗氧化、預防多種癌症。成個組合非常創新而又夾味道，可以一試。茶碗蒸 - 每次來到我都一定會食茶碗蒸，鮮菇、雞肉、鮮蝦、仲有帶子！成個茶碗蒸非常鮮甜又高蛋白質，cp值非常高👍🏻👍🏻👍🏻。半熟宇治抹茶蛋糕 - 估唔到壽司郎呢款蛋糕抹茶味比預期嘅濃，加上半熟口感會無咁乾，整體不俗。…查看更多

好耐無食譚仔三哥喇！早兩日在九龍灣做完gym 就過來得寶商場食譚仔三哥！過穚米線(麻辣 - 小辣) - 勁食嘅我每次來到譚仔三哥都一定要叫個過穚米線先夠飽，米線份量會比其他米線套餐多少少🤏🏻，仲有勁多款餸😋：牛肉、雞肉、豬膶、豆卜、芽菜、火腿、酸菜、炸醬、各式丸類等等，啖啖米線都有餸，十分滿足！如果較細食嘅朋友仔就建議兩個人share 喇！湖南土匪雞翼 - 必吃小食之一，雞翼外皮香脆而肉汁鮮嫩，加上黑芝麻等調味，真係無得輸😋…查看更多

行海港城幾次經過已經好想呢間Sweets House Cha Cha，琴日路過見KEEP住有人排隊，就襯熱鬧買埋一份😂。吉士大判燒好耐無食吉士甜品喇!!!叫左一件試下，大判燒一般，因為已經有點涼，吉士味道不錯，可惜份量沒有預期的多，整體尚可。宇治抹茶雪糕🍵🍦勁鍾意食雪糕的我，梗係要食佢個皇牌抹茶雪糕啦，雪糕口感順滑，仲有超級濃既抺茶味，而且價錢合理，CP值算高，雪糕筒都香脆可口，非常好味😋😋。…查看更多

週年紀念來到瑞士餐廳共度晚餐，發現餐廳在街外有點低調，入到餐廳亦覺得很有舊式、傳統、樸實的感覺，格外有情調。一坐下侍應便主動遞上牛油及麵包，侍應會問我們麵包要哪兩款，麵包頗別緻而且味道不錯。牛仔肉，蘑菇，白酒忌廉汁釀酥皮盒 - 牛仔肉非常林，配上白酒忌廉都唔會一種很膩的感覺反而帶岀牛肉的鮮味，酥皮亦非常鬆脆，切下酥皮盒時白酒忌廉汁仲會流岀來，非常治癒❤️雜菌芝士火鍋配法包 - 非常邪惡😈的芝士火鍋，想不到仲帶有香濃的白酒味，法包完全吸收整個芝士醬汁，連唔食芝士嘅我，今次都食得津津有味。燒羊架跟菠菜麵根 - 羊架我選了5成熟，想不到羊架燒得十分惹味且因有油脂而略帶羊肉羶味，不羶不羊肉😋，外皮更意想不到的香脆，有驚喜。罌花子撻配炒金蘋果及雲呢拿雪糕 - 罌花子撻十分香濃，好好食，炒金蘋果亦很香甜，至於雪糕係Movenpick, 而且職員表示有數款口味可以選擇，還有各種berries 配搭，真的色香味俱全😋。…查看更多

觀塘真的很多隱世cafe，今次來到 食lunch ，我們兩點入座，已經過了office 午膳時間，所以不用等位。餐廳地方很大很闊落，而且整體環境很光猛舒適。海膽意粉 - 意粉煮得非常煙韌，我以99分來形容，非常岀色👍🏻👍🏻，海膽汁非常creamy，而且幾好味，沒有想像中的腥味，十分推介👍🏻👍🏻。明太子忌廉大蝦燉飯 - 大蝦非常彈牙可口，燉飯都非常creamy，但我覺得略甜，沒有明太子的微辣，燉飯偏軟身，但整體尚可。冰橙美式咖啡 - 雖然餐廳沒有lunch set，但午餐可以半價加飲品😉，很少餐廳有橙味咖啡，味道依然意外的配搭。…查看更多

好耐無同屋企人食Pizza la, 今次同佢地一齊來到Pizza Maru，假期通常都要排隊等位，所以一家大細唔想等太耐，平日來就岩啦。蜜糖柚子八爪魚沙律 - 沙律非常清新，有我至愛的火箭菜，八爪魚一啲都唔靭，蜜糖柚子沙律醬令成個沙律更清新好味。蜂蜜蒜泥炸雞 x 蒜香甜辣秘製炸雞 - 我地每樣都叫六件，咁就可以食兩種口味喇！兩款炸雞的都炸得非常香口，炸粉亦唔會太厚，仲炸得雞肉保持到肉質鮮嫩，非常好吃。蒜香甜辣味味道較經典，而且佢真係唔辣，酸酸甜甜岩哂一家大細！群蟹派對 - 呢款pizza 有兩個size 選擇，我地就叫左個Regular ，pizza 非常足料，蝦幾鮮甜，不過蟹肉份量就無預期的多，但整體不俗。韓國烤肉芝加哥 - 終於來到重點pizza喇🤪，pizza 拉芝十分邪惡好味，而蕃茄非常Juicy鮮甜，所以唔會覺得pizza 好膩，配搭十分岀色，牛小排味道好似叉燒，咁好味的牛小排再多一點就完美😍。…查看更多

大鄉里未行過V walk, 同另一半去拜訪一下，我地大概兩點左右來到餐廳食個lunch，呢個時間可能無乜人，不用排隊，職員仲非常好，見我地拎住一袋二袋，所以安排四人座位俾我地。芝士蛋韓牛漢堡扒套餐（大）- 來到呢度當然要叫個漢堡扒啦！套餐會有沙律菜、麵豉湯、白飯，職員見到我哋好似唔知從何入手，主動埋黎問我地之前試過未，之後十分詳細同我地講可以點煎漢堡扒，三秒就要反一反，仲提我地圓鐵板十分熱，十分貼心。估唔到漢堡扒肉汁鮮嫩，我哋仲意將芝士煎得微微香口，十分好食，連平時好少食漢堡扒嘅我，都停唔到口😋。東武里牛丼飯（套餐） - 至於牛丼飯就較普通，雖然牛肉份量沒想像的多，幸好肉質尚可，一點也不靭，不過不失。…查看更多

上星期同三五知己來到The CheeseCake Factory 共聚晚飯，環境有情調之餘裝修也不錯，入座開始計用餐時間90分鐘。一坐下侍應就提供兩份麵包，可能麵包不是暖的，我覺得普通。Luau Salad - 這個salad 的醬汁酸酸甜甜，脆片滿滿醬汁，雖然因此脆脆不再脆口，但又不會太林，感覺沒有那麼熱氣🤣🤣我非常喜歡，亦非常開胃。Hot Spinach and Cheese - 白汁菠菜配芝士，經典組合，不過我覺得白汁味道有點搶，周邊配料味道並不突出。Four Cheese Pasta - 個人覺得Pasta 幾好食，但四重芝士卻不覺得芝士味道濃，有點失望，但整體不錯。Pasta Lemon Gar Sauc - 雞肉份量十分十分十分多！每口意粉都啖啖肉😋，配上檸檬汁口味幾特別。Everything Flatbread - 由於想不到吃什麼款式或口味的pizza，我們就選了這個everything ，水準可以。Salted Caramel - 來到吃Cheesecake 的餐廳當然要叫cheese cake 啦，海鹽焦糖口味是我的至愛口味之一，不過吃不到海鹽的味道，整個cake 都是非常甜，不過合係口味。整體沒我預期的高水準，但salad and pasta 等份量都十分巨型，性價比的確不錯，值得一試。…查看更多

行街經過湊湊·甄選 見到門面裝修好靚，所以就同另一半入去試下佢個午市二人套餐。環境果然非常舒適，坐位非常寬闊。侍應非常有禮貌，而且服務非常周到貼心，除了介紹餐牌、有什麼推介之餘，還會告知我們可到外面選醬汁及小食任食。醬汁及小食位置十分寛闊，想不到這個位置亦別具氣派，醬汁總類多之餘，其底部還放著冰，連醬汁亦確保新鮮。小食有鮮魚皮、中華沙律等，還有台式肉燥飯，非常不俗。二人套餐已包鴛鴦湯底，我哋選了麻辣湯底及雜菌鍋，只是湯底本身已經非常多食材，真是十分有驚喜，而且各種菇類非常鮮甜。套餐包了雜菜，丸類等，正常發揮，可惜肉類質沒有預期的好吃，但整個體驗都非常好。…查看更多

同另一半經過KiKi麵店，見到佢地個個餐牌 - 蟹黃油拌麵覺得好吸引，所以就入嚟試下。蟹黃油拌麵 + 涼拌皮蛋豆腐 - 我地跟套餐叫，有個前菜、主食、飲品，皮蛋豆腐不過不失，正常。可惜我對佢地嘅蟹黃油拌麵期望過高，首先只有極淡蟹黃味，另外，蟹黃油我覺得有點少，吃到後面要吃得十分吝嗇。胡麻棒棒雞拌小醋麵 配 煙燻無骨鳳爪 另加酸辣汁水餃 - 胡麻雞拌麵真的普通，我覺得跟在街市買的雞絲拌麵加胡麻醬是完全沒有分別🤣。鳳爪的確有煙燻味，雖不合我口味，但我認為尚算可以。酸辣汁水餃沒想過加$28只有兩粒，CP值十分低。…查看更多

有一日見到朋友post 呢間cafe的相，感覺非常吸引，所以就帶左另一半一齊黎試。餐廳環境舒適，座位與座位之間非常闊落，都係手機落單。胡椒蒜片海蝦扁意粉 - 海蝦新鮮彈牙，一點也不梅，我個人較喜歡意粉口感煙韌，而他剛好乎合我的偏好，炒得好有蒜香味，不錯！醬烤鮑魚帶子墨魚汁燴飯 - 燴飯都不錯，而且不會有奇怪海腥味，帶子煎得幾香而無過火侯，鮑魚則正常發揮，整體不俗。我地係叫套餐，粟米湯及雜菜沙律都係正常，不過可能漏單，沙律很遲才到，但職員都非常有禮貌說會幫忙跟進。玫瑰鮮奶咖啡 - 純粹打卡用，可惜我個人認為味道是應該第一，咖啡正常。伯爵茶珍珠梳乎厘班戟 - 在我心中的主角🤣我算係伯爵茶甜品愛好者，呢個主角跟餐只需加$88 ，重點係佢的確係巨型梳乎厘班戟，兩個share就剛剛好，餐廳一點都不吝嗇，滿滿伯爵茶醬❤️❤️😋😋😋，非常滿足。…查看更多

好耐無食沙嗲王喇！所以一時興起，就同朋友黎食個lunch. 沙嗲一直以來給我的感覺都是：1. 不如其名，不是食沙嗲😝 2. 加勒比海、海盜主題 3. 可一次使用多張現金券✨4.扎根香港，食物種類富有香港特色紅酒牛扒汁溫泉蛋芝士焗牛柳粒飯 - 通常牛柳粒都係好靭，但係沙嗲王嘅牛柳粒整得非常林，配上紅酒牛扒汁更能帶岀牛柳鮮味，仲有我至愛嘅炒飯底，好吃！蟹粉豆腐鍋配飯 - 沙嗲王的蟹粉感覺無以前咁香咁濃味，但個人認為都算合格，豆腐份量十分多，而且有多肉碎，令整個豆腐鍋升華，十分清甜。石窩XO醬炒蘿蔔糕 - 用石窩裝的真的不多，亦於如此，蘿蔔糕更能保持熱度，不會擺一陣就凍，所以每一口都格外香口、香脆，十分岀色！…查看更多