rayli.120的個人專頁

鐘意食壽司嘅我，平時都會買外賣返屋企慢慢食！早幾日去開屯門做嘢，見到呢間禾川壽司專門店，好似幾唔錯，就買左個壽司拼盤返屋企做晚餐！今次我就揀左24件嘅壽司拼盤 *竹分別有三文魚、北海道帶子、日本潮鯛、原隻北寄貝、海赤蝦、海鮮沙律軍艦、三文魚花之戀、香蔥吞拿魚蓉蝦卷款色都唔少，望落都好靚好新鮮！24件作一人前嘅分量都剛好！香蔥吞拿魚蓉蝦卷 好特別，係出面好少見咁嘅配搭，估唔到又幾夾！另外仲點左油甘魚，好肥美！北海道帶子好大隻，又鮮甜！睇得出非常新鮮，下次要再點多啲先得！…查看更多

好受歡迎既日本 Pancake 店：Gram Cafe & Pancakes 係銅鑼灣開左分店啦！早前就同朋友黎試一試！女生們通常都係食甜點，今次就叫左個鹹點：期間限定既意大利黑松露虎蝦班戟！大大隻既虎蝦新鮮彈牙，仲淋上好香既黑松露醬汁，配埋鬆軟又暖暖既班㦸都幾夾；另外仲有沙律菜、無花果、菇做配菜，其實都幾健康！而且份量也不少，男生作為 lunch 既話都夠飽！而且仲點左杯蜜桃沙冰，都幾大杯下！味道甜甜地，不錯喔！…查看更多

Kushikatsu is an transitional Japanese means fried skewers. Fried skewers are very popular in Japan. Also in HK. This Osaka traditional one is quite different with others. With a fired layer . Crispy and keep the fresh and moist inside. the environment is very comfy andrelaxing.The fried food are very crispy. The layer ate thin and you could taste how fresh inside . the grilled skewers are also delicious must try item is the grilled beef rice and sweet rice cake . Also the fried chicken wings and half boil eggs are excellent .…查看更多

早幾日生日, 女友帶我黎到尖沙咀呢間 La Mer Restaurant & Lounge 食晚飯慶祝生日~~原來呢間餐廳係黃長興開既!!地方唔算大, 但勝在 causal 一點又夠舒適;唔同出面既法國餐廳咁拘謹~~先來個餐前小食~吞拿魚加芒果他他, 味道好清新!!餐湯前仲有餐法式軟包做餐包~鬆軟既麵包配埋有少少黑松露既牛油, 不錯!呢款 Beef Carpaccio係薄薄既生牛肉片, 配上檸檬汁及特製醬汁!!新鮮既生牛肉片上面仲有一片片好香既黑松露食落微酸挺開胃~~主菜我就揀左 Earl Grey Duck Leg Confit幾大隻既鴨腿, 配上紅莓醬製成既醬汁超級搭配；仲有細細片既薯片墊係底~切開鴨腿, 肉質好嫩, 一點都唔鞋身；點埋紅莓醬汁一齊食, 仲有解膩既作用添!!!意想不到這道菜咁好食~~份量都算適中!最後就係甜品啦~~紅莓雪葩+朱古力撻, 一甜一酸超夾!!!…查看更多

早排夜媽媽要搵晚餐, 好彩漁牧收得夜, 10點收工落去仲有得食!!之前黎漁牧都係食麻辣菜及漁牧混豬~~跟女友去試下佢地既雞煲~先叫左個小食：絕味雙菇凍食既冷盤, 有冬菇及雞脾菇, 味道都唔錯!話咁快雞煲就上台啦~~我叫呢個係鮑魚雞煲, 入面都有成4-5隻鮑魚!!雞件既份量都幾多, 都幾入味下"*另外仲點左紅薯粉, 炸枝竹, 豬紅, 萵荀, 大白菜等食完雞煲之後再打邊爐!!!打邊爐就梗係要叫牛肉啦~~今次就揀佢地既手切靚肥牛, 油脂雪花分佈均勻, 色澤好靚!!!好有牛味添"*另外仲點左好多人叫既生津梅子冰~~酸酸甜甜, 有益又解渴!!!…查看更多

一個人食LUNCH 真係冇乜選擇~~剛巧行開太子, 見到老夫子餐館好似幾特別, 仲有好多款午餐選擇!!!佢地既 lunch 價錢唔算太平；勝在款式多, 野食種類都多元化!!!午餐有跟餐湯, 我就揀左羅宋湯~~仲有餐包喝埋!!!!餐我就揀左和風一口牛(跟飯)個飯既份量都幾多下, 仲有好多粒牛柳粒架!!一口牛咬落軟淋又JUICY, 又唔會太油身;水準幾好wor, 仲跟埋洋蔥同菜粒, 肉同菜都均衡~跟餐仲有埋餐飲, 加$18可以轉特飲添;呢度既食物質素同價錢係成正比, 間唔中食貴少少對自己好D 啦~…查看更多

每次去食 Outback Steakhouse 既原因都係為左佢地既黑糖麵包!!!相信十個有九個都係為左"佢"而黎既~~因為 Outback 既黑糖麵包真係好好好好食!!!坐底冇耐, 侍應就會奉上一條暖暖既黑糖包, 配埋 Clotted cream;麵包外層微脆, 內裡鬆軟, 加上微甜既黑糖味, 我每次都可以食上2條的~~加上黑糖麵包係任食的, 食完一條又可以再叫, 真係食麵包食飽!!!小吃我就點了炸磨菇;外層炸粉唔會好原, 內裡既磨菇仔好JUICY~點埋個沙律醬就更滋味, 令人好快就一粒一粒咁食哂!!主菜就ORDER 左炸龍蝦尾, 跟主菜可以揀2樣配菜;我就選了雞飯同埋焗薯~~~黎到份量都唔少, 一條龍蝦尾開半;烤得剛剛好唔會老唔會"鞋"身, 肉質彈牙!!! 而焗薯再上酸忌廉又係令人食唔停;但雞飯就一般般, 可以不點。呢度2個人食份量剛好, 如果想試多幾款就要叫多幾個人黎一齊食啦!…查看更多

呢排成日見人地分享呢個成坐山咁既丼飯~尋日經開深水埗就黎試下佢!!!呢度地方唔大, 只係有 4張4人台, 同埋數個吧台位置!!!而食物方面亦只有4款丼飯選擇：梅 $108 - 9種魚貝海鮮竹 $148 - 份量增量既 9種魚貝海鮮松 $198 - 10種魚貝海鮮 + 蟹肉特上 $298 - 10種魚貝海鮮 + 蟹肉 + 海膽其實都係大同小異, 只係睇下你食得到咩份量;同埋想唔想食蟹肉同海膽!!!最後我就揀左增量版既【竹】原來佢係比【梅】個座魚生塔大D 同高D;睇落飯既份量都係一樣~~佢將所有魚生切成一粒粒再切返個塔式出黎；所以每一啖都食到唔同既魚生!!另外佢仲有圖文介紹另外2種食法架~~有齊中文同日文, 方便客人睇!!!其中一種食法就係將佢變成手卷~~每個丼都跟兩塊紫菜, 加少少飯同魚生包成手卷咁就食得!!隨丼飯亦會同時跟有一碟前菜;係魚生片伴有胡麻醬汁, 可以就咁食, 或者留返一兩片用黎做茶漬湯飯!!要做茶漬湯飯, 就是留返 1/3 壽司飯, 再加入前菜既胡麻醬汁及魚生片 再叫店員幫拎去加入茶漬湯飯!!!個茶漬湯飯味道唔錯, 佢個湯清得黎帶點點甜, 個人十分喜歡!!總括黎講, 魚生飯冇咩特別, 而且唔算有驚喜;只係一次過可以有三種食法已而~~所以試過就ok 啦!!!…查看更多

原來好耐都冇食過上海菜啦~上星期日趁打完風, 去左MEGABOX 阿女友行街, 見到好耐冇食過既小南國;晚餐就決定黎呢度食啦!!!食上海菜當時要食小籠包啦~~佢地既招牌小籠包一籠 5隻;皮夠薄, 一咬熱辣辣既湯汁就一湧而出, 唔錯!!!之後就係期待以久既北京烤鴨~~佢地既烤鴨色水唔錯, 鴨皮連埋少量既鴨肉, 令食落更有口感!!如果淨係得鴨皮既話就會更好。食北京烤鴨梗係有大蔥絲、黃瓜絲、甜麵醬、薄餅皮;不得不讚佢地呢度既薄餅皮真係好薄身, 食多幾件都唔會覺得膩!!!最後就係我最愛吃既松子魚~~酸酸甜甜既醬汁非常開胃, 用黎送飯真的不錯!!炸左既魚皮外面香口, 但個人略嫌條魚太瘦, 冇咩肉食。總括黎講, 呢度價錢唔算平, 食物質素正常;冇乜特別驚喜~~…查看更多

日式既炸物特別好食, 雖然好熱氣;但成日都心思思都去食架!!!早排心癮起, 就同女友去左成日去既勝博殿~~叫左個太陽蝦餅二人套餐。有太陽蝦餅, 特上級炸豬柳, 忌廉蟹肉餅, 特上級豬排配埋沙律醬同海鹽~~全部炸物都炸到好香脆, 而且一滴油都冇;食落唔會有油膩感, 個人最喜歡就食特上級豬排, 外脆內鬆軟!!而個太陽蝦餅真係好足料, 啖啖蝦肉打成既蝦膠；外脆香口, 唔駛點沙律醬都已經好好食!!另外我最鐘意既係呢度既前菜係任食架~侍應會不停幫你 REFILL!!!佢地既椰菜絲加埋柚子醋 or 芝麻醬真係好正;一般我都會食好多, 起碼refill 2次!!真係食沙律菜都食飽丫~…查看更多

之前睇過介紹名古屋既雞翼係十分著名!!!今次終於可以黎試下啦~~呢款名古屋秘製手羽先唐揚有分5隻/9隻/12隻仲可以揀甜味, 中辣同大辣, 9隻以上可以揀2款口味!!!我地揀左9隻, 4甜味5隻中辣~~雞翼係連翼尖既, 炸得好脆, 但係略嫌太瘦冇乜肉;中辣都幾辣下, 小小辣都唔食我既就建議食返甜味啦!呢個係見到好人都推介既腐皮溫泉蛋~賣相唔錯, 用腐皮整成個袋咁再盛載住溫泉蛋及蔥花!!流出黎既蛋醬令食落好有口感;一啖過擺入口仲過癮!!軟殼蟹牛油果卷一碟有8件;份量唔細之餘都幾大舊下, 上面有好多蟹籽添!!!軟殼蟹脆口, 加埋清新既牛油果好FRESH;連埋蟹籽仲有多口感~~…查看更多

原來沙田開左荳子 Beans 既分店女朋友終於可以係近近地去食佢最鐘意既 all day breakfast 同甜品啦!!佢就點左個 Deluxe Full English Breakfast其實都幾大份下~~有窩夫, 煙三文魚, 煙肉, 豬肉腸, 蕃茄, 茄汁豆, 黑松露炒蛋 & 什菌!!!唔大食既話, 2個人share 都冇問題。味道都唔錯, 勝在價錢唔太貴, 又豐富~最喜歡就係佢個圓型窩夫!!另外加 HK$25 可以要埋個甜品!!呢個叫做Pandora's Box 用左高知縣柚子, 清烏龍 & 輕盈芝乳酪芝士~淡淡既柚子味, 加上唔膩既 Cheese cake, 味道唔會太甜, 都唔錯。面頭仲有灑上綠茶粉, 令人以為係綠茶味既cake 添~…查看更多

星期5 晚梗係要 happy friday 一下!!今次就揀左黎灣仔 QRE 既 Esupma, 原因係呢度有朋友最鐘意食既黑松露醬芝士薯條~~佢地既黑松露醬芝士薯條真係好好食, 次次黎親都係必點!!個既黑松露醬好香, 薯條又脆又夠熱, 仲芝士粉係面頭~一邊傾計一邊食就最岩!!另外呢個特色粟米薄脆又係佐酒傾計既好選擇~一大碟墨西哥薄脆, 有酸忌廉, 牛油果醬, 碎蕃茄伴埋;一塊一塊咁食真係好正, 會令人食唔停口!!最後女友人要食甜品, 就叫左半份濃香咖啡窩夫配雪糕雪糕可以自選既, 就揀左士多啤梨味!!窩夫有淡淡既咖啡味, 配埋底下濃郁既咖啡醬;整個味道都係香濃既咖啡, 鐘意飲咖啡既朋友一定喜歡~連我唔鐘意食太甜既人黎講都覺得唔錯!!…查看更多

好耐都冇去過屯門三聖食海鮮啦!!今次就一家人黎到食個海鮮大餐先~~係食之前就梗係要過隔離既海鮮檔揀靚海鮮啦;朋友推介左 "關財記" 比我地, 見到佢地既游水海鮮都幾多款!!咁就係咁依揀左幾款拎去 "泰海鮮" 加工~佢地既加工製作費唔算貴, 收費合理;各種加工煮法都齊備, 明碼實價寫到明, 唔會呃人~我地就揀左隻象拔蚌整刺身~呢度總共一斤三両, 整左出黎都幾多;仲可以加錢要埋湯底堂灼~新鮮既象拔蚌刺身 一片片咁有返咁上下厚度;食落有口感仲好爽口鮮甜!!蒜蓉粉絲蒸扇貝, 隻隻扇貝都大過隻手掌架!!!扇貝上面鋪上蒜蓉粉絲黎蒸~~一上台已經好想食啦!!唔會以為隻扇貝淨係個殼大, 入面舊肉都有隻手掌咁大;而且非常厚身, 真係超級肥美~~最鐘意既係佢地放面既蒜蓉超多, 真係特別滋味!!除左食海鮮, 當然要飽肚既野食啦~我地就買左花甲黎整 "白酒忌廉煮花甲配烏冬"超大碟既烏冬配上差不多一斤既花甲;白酒忌廉汁食落唔會過膩, 而且烏冬彈牙, 配上花甲做配料可以話係中西日 CROSSOVER~~呢味青山灣焗芝士龍蝦係朋友推介的, 所以就買左 4隻龍蝦黎試試~~鋪滿芝士既開邊既龍蝦, 金黃色又漲卜卜的;芝士味好濃郁, 食落都唔會有膩既感覺, 一人半隻既份量真係剛剛好!!龍蝦肉唔會過老, 嫩滑彈牙~~最後仲有媽媽最鐘意食既奄仔蟹!!一買就買左4隻, size 都幾大隻下, 仲用最好食既方法: 油鹽焗黎整!!店家仲細心地幫我地剪開一半添~隻奄仔蟹爆哂膏丫喂!!!佢係軟身既蟹膏黎, 超香又夠多膏, 食得好滋味~食半隻真係唔夠, 一人一隻就差唔多!!呢度圍返每個人都係 3百蚊左右, 真係可以話超抵~~下次再朋友黎呢度先!!…查看更多

係尖沙咀返工, 一到食LUNCH 周圍都好多人;仲要太多選擇好多時都唔知食咩好!!咁岩同事就發現係加拿芬廣場既漁牧宜家開埋午市, 咁就幾個人係 LUNCH TIME 就落左去試試~午市套餐有成十多款選擇!!!價錢由 HK$42-HK$58, 套裝包飲品一杯;仲可以加 HK$28 飲埋滋潤老火湯, 睇落又唔算好貴~見佢MENU 推介呢個【陳皮冬瓜鴨腿湯】就試試~配埋一碗滿滿既白飯, 夏天就最適合食湯飯架啦!一隻鴨腿, 加上大大粒既冬瓜粒;又瓜類又有肉, 都幾豐富, 而且仲幾消暑下!!湯底仲有微微既陳皮味, 如果唔鐘意陳皮味既就唔好揀佢啦~~同事就叫左咖哩牛根腩飯~~咖哩味幾濃, 帶少少辣, 味道都唔錯;而牛根腩都幾軟腍!!佢仲加左 HK$28 叫左個杏汁豬肺湯~杏汁味都幾重下, 豬肺都有2-3舊, 幾足料架!!滋潤度十足, 下午都有足料湯水飲, 真係正~~~下次再黎試埋其他款既套餐先得;價錢又唔貴, 可以再黎~…查看更多