agyness的個人專頁

上網睇到話3至6pm海南雞半價, 又講到好勁咁，咩靚刀工、靚油香，我就去試下佢條套路。點知一去到話係蘋x日報報錯，所以已經冇左嗰個優惠，佢咁講反而我好質疑佢真偽。Anyway, 好鍾意食海南雞既我而又食過無數咁多間話得獎、傳統及米芝連既海南雞餐廳，就算冇優惠都要試佢個海南雞係咪真係咁堅。一上枱，其實貌相ok, 但一食，d肉好鞋好雪藏味，塊雞皮塊塊都甩岀黎而且又冇個層最重要既啫喱骨膠原。有三隻醬，個葱油做得唔錯，但個黑醬油同酸辣醬冇乜特別，只有現成的味道。見到員工男女打情罵俏，嘢食又一般，食左一半其實真係想停，價錢同份量，食過更好食既都比佢平一半，性價比低，都係食埋佢廢事食剩啦，很不價。Ok德真係ok so so…查看更多

之前摸門釘去左觀塘熟食中心，得知原來私房店老闆轉左手去康寧道64號。慣常我係海南雞控，下午一黎就試碟淨半隻海南雞。一食原來係新鮮雞，肉質有咬口，啖啖雞香，加埋個秘制汁，有少少豆瓣醬酸甜醬，咸甜酸辣好平均，帶岀雞油香😛💯，響香港食過咁多間都所謂米芝連都冇呢間好食。連打底生菜都好新鮮脆卜卜。之後我另外再叫多個芒果糯米飯，個椰汁調左少少咸味，剛好吊到糯米飯、椰奶同芒果甜香，層次分明。總之極力推介，下次會再去試個晚飯小菜！…查看更多

見新開張唔到7日，就膽粗粗去左試食。點左忌廉蟹肉意粉，一上枱，蟹肉味已經聞到，份量適中，材料新鮮，少量胡椒粉帶岀蟹肉甜味，意粉軟硬適中剛剛好，一食都知廚師落足心機。😋😋另外，聽講呢間餐廳有一個專業咖啡師，所以餐飲就特登跟左一個叫"蜜糖薑汁咖啡"，試下係咪真係咁正。識飲咖啡既一睇個奶泡打成點就知杯咖啡龍與鳳，整體balanced、mild，而且蜜糖、薑汁同咖啡味加埋竟然感覺柔和，一定係試左好多次比例先做到，唔錯👍👍👍。環境其實都幾靚，但唔記得影相，日系淺藍色文青感，係個休息避世之地，lunch hour有得咁都已經好滿足🙈🙈，下次會再去多次試下個岩鹽咖啡！…查看更多

話說觀塘食黎食去都係味精嘢，突然想食fresh d 同light d, 就諗住搵沙律食。OpenRice 左勁耐，見到呢間價錢相宜，感覺又睇落乾淨，就決定試下啦~~雖然佢係響工廠大廈裡面開，但一入門口見都乾淨企理，有種家庭式homemade 小店感，感覺唔錯:)，至少都應該係健康冇味精的。店主好熱情招呼而且睇得岀用心製作，佢有唔同醬汁同沙律款式揀，今次我就揀左水果沙律($28)，睇得岀係嚴選過，同食得岀水果同沙律菜係新鮮當日準備(掛住食唔記得影相)。切得又靚擺得又靚，好多顏色咁，咩種類既水果都有。同事一見我打開個蓋，嘩左一聲，好豐富又好食咁，女仔食會覺得飽，唔似得7仔個d又少，d葉又黃。今次真係食得好開心，下次會組隊買，因為佢會送外賣的，支持小店！…查看更多

話說琴日放假同個fd一齊去食華嫂冰室，地方係逼既，阿姐少惡，唔係好想落單咁。不過食左個招牌咸牛肉芝士豬仔包加凍柚子蜜，食得岀係有心思，起碼包皮有少脆內面係軟。而我fd食豬扒喇沙米加熱鴛鴦，佢都話唔錯既。佢話個豬扒整落似新鮮豬，都唔會似一般茶餐廳d豬咁硬同乾。不過唔知係咪d碗碟洗得唔乾淨而我地個腸胃又敏感，食完兩個鐘後翻到屋企，我地兩條友都痾到....，我同我個fd都成晚痾至少6次，就算幾好食都好，下次真係有得揀都寧願唔食茶記。。。…查看更多

成日都比個門面吸引,之前未食過, 咁今次咁岩經過就試下.我同同事一坐底,本身諗住滿心歡喜會好好味,點知...裝包既籃裹面塊布係有漬,諗住都係洗唔甩先係咁,但多手既我翻轉黎睇下,點知係有蕃茄肉醬一撻撻.之後, 我叫左個肉丸意粉, 我同事叫左個蜆肉意粉, 佢個碟有沙,我個碟既肉丸中間係凍既...碟意粉酸到死,我煮仲好味.除此之外, 個餐飲, 我杯熱咖啡, 係凍既, 係糖都溶唔到個隻.我真係好失望, 唔通間餐廳既水準係分左早午晚餐, 早午晚餐唔同廚師整? Between,點解意粉係碗上?$108食剩晒d野, 唉 ,以後都唔會再試.…查看更多

其實之前都食過呢道ge牛肉餅，勁多牛肉湯汁，新鮮即叫即整，好味...:)而今次我食左牛肉面，個湯底熬得應該好耐，牛肉味出晒黎d牛肉好入味，秘制醃料，帶出牛肉鮮味，正…查看更多