parttimetourguide的個人專頁

咁啱經過深水埗，終於有機會試番茄師兄。叫左犇犇有禮，有三個部位：牛臉頰、崩沙腩同坑腩。牛臉頰非常爽脆好似食緊豬頸肉咁；崩沙腩同坑腩牛味極重，有條皮筋啱啱黐住，且炆得夠腍，咬口一流。湯底鹹甜味道啱啱好，冇蕃滿門整到咁甜，而且飲多幾啖都唔渴。用呢個價錢食到呢三個牛嘅部位，喺深水埗用70幾蚊食一碗性價比依然非常高。難怪呢排咁多人叫佢嘅蕃茄邊爐外賣。而且呢度嘅樽仔奶茶味道味道都調較得非常好，茶濃奶滑。絕對會encore. …查看更多

villavilla食午餐。呢度嘅午餐係成個full set，有麵包湯同埋個主菜。呢度嘅麵包黑咪蚊，非常之好食，因為佢夠晒熱，脆，充滿牛油香，而且入口非常之鬆軟。而蘑菇湯以一個一百蚊嘅set黎講味道算係咁，食完唔會非常之口乾。個牛肉burger入面有一隻太陽蛋，一切開D蛋汁全部爆曬出嚟，提供咗適當嘅濕潤俾個麵包，所以成個麵包食起上嚟冇咁乾；而且包肉同埋蛋嘅比例都恰當，令到可以用叉食都冇問題。飲品叫咗檸檬茶冇乜特別；而同行嘅朋友就叫咗咖啡，佢粒冰係成個波咁大嘅冰球，唔會好快融晒，但個surface area比較大令杯野又夠凍。非常之貼心，通常酒吧先會咁做，所以下次嚟試嘅朋友都可以試下叫咖啡飲。…查看更多

再食古月嘅馬來西亞菜。今次叫咗李先生咖喱，配返個脆嘅厚多士。咖哩雞入面有兩個小雞腿同兩隻雞中翼出面，咖哩味雖然唔錯可惜明顯食得出D雞冇乜醃過所以就純粹得出面嗰浸咖哩味。咖哩嘅味道我就覺得中等未算食得出太多香料味同複雜，而且香辣鹹甜嘅平衡都唔係話非常之好；不過個厚多士就整得夠曬脆，點落啲咖哩汁度非常惹味，而且啲咖哩汁仲有少量嘅蔬菜粒，加埋麵包食非常好食。飲品就叫咗細嘅凍拉茶，水準仍然keep到，而且只係加兩蚊非常之抵。…查看更多

疫情之下都要買外賣；上次係堂食，今次試咗蘇媽蘇媽嘅辣死你媽配仁噹牛肉；個參巴醬好似咖哩咁，佢個汁非常之入味而且側邊仲伴隨咗少少嘅沙爹醬，撈埋啲牛腩一齊食非常好味，而且本身牛腩都煮得好入味。個汁撈埋個椰漿飯非常夾同惹味。仲有其他配料令到個飯味道更豐富。比起我上一次食堂（主要食粉麵）完全係兩個感覺，所以我會建議大家去蘇媽蘇媽都係試下佢哋嘅飯類。另嗌咗杯拉茶亦都味到正常，亦都適合香港人嘅口味，唔會非常甜。絕對會再encore.…查看更多

豬頸肉炒河呢度嘅豬頸肉炒河好有鑊氣賣相冇平時果啲咁深色，應該落得少老抽，不過對我嚟講都好，可以食少啲色素，淨係食番佢嘅味道；當然望落去個顏色冇咁深都會令你覺得個味道有少少分別同埋冇咁吸引。綠白段大蔥同芽菜嘅比例啱啱好，令到個口感好豐富而且河粉嘅上色程度亦都好平均；但係豬頸肉方面，佢係用咗就咁冰鮮切片嘅豬頸肉，基本上冇豬味；而且食落亦唔覺佢醃得夠時間。呢度分左兩個廚房，係餐廳入面會遠距離望到師傅真係鑊鑊咁炒，下次會再黎食其他炒野。…查看更多

呢間係會令你花多眼亂嘅餐廳，成個set只需要幾十蚊，但係就包咗好多野，而我叫四樣嘢只需52蚊。呢度最出名係滷水雞髀，但係我就覺得出面色味都夠，但可能醃得唔耐，入面冇乜味。仲叫左豬頸肉餐肉炒蛋飯個，餐肉炒蛋係分開，唔係蛋炒飯，但係佢嘅豬頸肉都整得好入味，所以整體嚟講都唔錯，而且仲加咗條菜；雖然佢話係細碗，但係我都已經食到曬⋯⋯茶走亦都係茶餐廳中上，仲叫埋抹茶布丁，不過就食唔曬打包走左。整體嚟講係非常之抵食，而且每一次你都可以唔同選擇，只係呢度嘅嘢食我都幾好重口味，下次真係要試下其他嘅菜式。…查看更多

68蚊睇個set非常之豐富有炸雞髀，牛腩同埋椰香飯同埋一埋配菜。炸雞髀望落去同個樣一樣好似炸左好耐好乾，好彩咬開嘅時候仲熱，證明佢都起碼應該啱啱翻炸過，而且都仲有少少肉汁，但呢個價錢都算係咁啦。個牛腩雖然細細兜但係好正好入味，完全彌補返成個炸雞髀，可或兜野有條不知名黑毛；椰香飯就普通，冇乜味；配菜方面，嗰啲雜菜就非常之甜，味道少少奇怪，食左一啖就冇食；酸瓜嘅酸辣醬就多得滯，但係有正宗馬來西亞風味，甜味入口然後啲辣味先至一次過湧出嚟。飲品方面有汽水同埋無糖烏龍茶，我揀無糖烏龍茶都ok估唔到呢個價錢，都有呢個set，可惜鋪頭冇咩人上菜時間都比較慢。建議餐廳可以一個SET先專注造好幾樣野食，否則好易兩面不是人。…查看更多

雞髀海南雞飯63蚊有嘢飲醃青瓜有淡淡嘅鹹酸味又唔會蓋過青瓜本身嘅清甜，味道較得啱啱好。雞髀同網上介紹嘅一樣真係好滑完全唔知佢點樣浸，既可以保持雞嘅形狀，又唔會好似平時啲海南雞咁啲皮散曬。有辣汁、豉油汁同泡沫蔥油汁，好鍾意佢個蔥油汁，平時啲蔥油會油味分離；但佢張個汁打成泡會令到個味融為一體，可以完整咁樣食到啲蔥油嘅味道，第一次見。湯應該冇味精掛，飲完成湯都冇好口渴嘅感覺；野飲可揀冷泡烏龍茶，味道清新。下次要試其他部位，睇下係咪全部都咁滑。…查看更多

四季tea set由下開始食起見到。最底層一個吞拿魚餅同埋火腿三文治都非常普通。然後就係中層居然有兩個scone，食完一個已經飽飽地，再加埋第二個真係不了。最後頂層馬卡龍係standard嘢，而另外嗰啲甜點都唔係有啲咩特別所以。呢度唯一比較值得讚賞就係佢scone嘅cream，比較好食同埋佢飲嗰個茶。仲有最後就當然係waiter嘅服務質素...不過畀呢個價錢唔係呢度食嘢真係會再encore了。唯一好處好能就係比較好坐，同fd 傾計可能ok; 不過好多酒店都做到。但我都係食嘢為主，所以就覺得麻麻哋。…查看更多

呢間長期有好多大陸人排嘅舖頭，不過而家大陸人冇黎就少咗人食。平時未開鋪已經好多人排。所以依家有陣時經過見冇人排都會直接入去食。位置仍然坐得非常逼。叫左牛筋腩咖哩伊麵，呢度嘅牛腩可能冇叫淨腩嘅D就會麻麻，牛腩咬開後好嚡；牛筋就ok啦，但係一咬就碎曬；不過呢度嘅伊麵係有味高質而且碗湯細細碗應該真係精華，好多人真係會飲曬，我覺得呢個亦都係九記做得好嘅地方。可惜牛腩就可能真係要叫淨腩先至好食，不過淨係叫碗牛腩麵都已經七八十蚊。當然依家牛價貴可能真係要咁上下價錢，但係如果想食平啲都應該有其他差不多的選擇。…查看更多

sohoviet越南河粉大大碗河粉有曬牛肉洋蔥同埋另上配料羅勒、芽菜、青檸同埋辣椒full set越南河嘅配置。湯嘅味道夠濃，可惜食十次有一次會個湯頭好淡。呢度嘅牛算係我食過咁多間越南河入面最多，佢嘅lunch set仲可以揀一個配菜，最正應該係牛油蒜蓉雞翼，呢度嘅蒜蓉雞翼炸得非常脆，而且仲加埋凍檸茶再加一都係啱啱好一百蚊倒，係非常抵。不過位置就可能遠咗啲，要上倒soho，但係絕對比平時喺近中環市中心嘅越南河粉好。…查看更多

今次同朋友嚟一次過試咗佢嘅招牌菜辣椒板麵，同埋個青咖哩豬頸肉飯。咖哩係偏甜同埋辛辣而且仲撈咗非常多香料，好惹味，而且覺得係好適合香港人嘅口味，撈飯非常好食，可惜啲飯煮耐左痴得太實；豬頸肉就啱啱好但係佢切得太薄了，雖然有幾塊但份量偏少。辣椒板麵有好多配料例如啲魚乾仔等等，好惹味。可惜佢冇另外有其他肉類嘅配菜令到我呢啲食肉獸覺得唔夠喉。班蘭拉茶同之前試嘅玉桂奶茶茶底應該一樣，甜度剛剛好非常適合香港人口味，而加咗班蘭就令佢更加香；但係三式奶茶我就覺得唔係好值得加咁多錢了，因為啲嘢撈埋嘅味道同普通奶茶一樣而且佢個三色都唔係做得特別明顯。…查看更多

叫咗牛肉扁面，呢到午餐嘅set大概五十蚊到；牛肉唔知係咪真係用大陸黃牛，牛味非常重，當然唔係好腍啦；個面煙韌得嚟又唔會太硬，好有大陸食開嗰啲麵嘅特色，而個湯就普通濃啦。同喺大陸食D味一樣，之前去甘肅都係咁嘅味。overall牛同埋湯同埋麵都同你喺大陸食嗰啲牛肉麵個配搭一模一樣，而喺餐廳望入個廚房其實都同大陸一模一樣。不過後生仔食就可能唔覺得夠濃味所以要加辣椒油同埋佢啲蒜。encore 呢個set就應該不了，可能再試其他小食啦。見到人地叫豬扒好似炸得好靚。…查看更多

叫咗經典咸牛脷egg Benedict，成個擺盤ok。沙律菜係平時好頹嗰啲，亦冇突別較個汁；egg Benedict 有流心，而且佢用咗咸牛脷同平時啲鋪頭用煙肉唔同；估唔到牛脷呢個配搭都幾夾，可惜可能焗得太耐冇曬汁，同平時煎煙肉煎到好乾一樣。佢杯朱古力有驚喜夠曬濃而且個杯靚又有拉花，不錯。仲叫咗自家製牛肉菠羅漢堡，但覺得都係平時正常嘅材料，不過牛肉burger搭咗菠蘿就真係好好食，好似M記咁。呢度另一個好處就係可以對住荃灣海濱個境，但係價錢就一百鬆啲，location都幾隔涉，我就覺得性價比剛剛好啦。…查看更多

阿一豬扒米線今次叫咗阿一真味豬扒酸辣米線，小辣，豬扒米線辣嘅程度同譚仔四小辣差唔多，但係口味偏麻，係香港比較少米線鋪咁做，但係食得過癮。豬扒直接放喺個湯度，冇另上，即使咁仍然都入味同脆；睇返上網係中央工場所以應該醃得夠耐，而且炸得夠重火候亦都夠脆口，菜脯連住一齊上唔會好似依家坊間舖頭咁分開放係枱俾你加；直接放係湯好似更加衛生。米線都夠滑口而且煮得剛好唔容易斷。可惜凍檸茶超甜味道奇奇怪怪；而環境就一般，座位極之殘舊，而且燈光唔夠猛。但堅係平米線42蚊加凍飲要九蚊連埋51蚊。…查看更多