Foodislove_Ms的個人專頁

呢間餐廳近排好多人講，好彩終於試到。。。佢分兩輪時間，六點半同埋八點半。無論你食邊一個時段都好，你預咗成個過程一定要喺兩個鐘頭15分鐘完成。咁要完成啲咩啊？包括八款海鮮，一個八寶飯同埋一碗湯。因為佢每一款係有唔同嘅煮法，為咗爭取時間，我建議大家去餐廳之前，已經預先睇好咗佢有咩煮法，決定點樣處理。係點菜嘅時間都慳返啲，食嘢嘅時間就唔會咁趕。坦白講，呢個價錢超有驚喜，八款海鮮都好新鮮，而且佢嘅份量一啲都唔小，可能因為我係女仔，淨係食海鮮我已經飽左，已經食唔落八寶飯。值得一題，呢度有一個服務員好細心，佢見我哋啲花甲，蒸完之後有五隻唔熟，佢主動換過新嘅五隻俾我哋，呢個行為好細心。餐廳暫時係未有酒供應嘅，佢唔介意客人自備，呢個都係一個賣點。…查看更多

明知聽日星期日山竹襲港，會打風打全日，今日星期六，點可能對自己好啲。。。所以決定一家四口，一齊去飲個茶。由於連鎖酒樓，星期六日午市，一定爆棚，唔鍾意等位嘅我哋，唯有諗一啲唔需要等位，可以當枱嘅地方。突然醒起，媽媽有逸東軒嘅85折Card，11點打去book位， 12點半即刻有位。啱晒啲咁 Ad Hoc 嘅香港人。。。介紹一下先，逸東軒亦啱啱新裝修過，地方闊落左，環境優美左，就連餐桌用品，全部都upgrade，係五星級酒店嘅環境，但係服務方面，同五星酒店比，仲有少少距離。但呢種距離完全接受到，因為食品質素高，我哋四個人飲茶，叫咗10個點心，扣咗折扣之後，都係六百幾蚊。原本我哋四個人，佢安排左一張六人枱比我地，但係一家人飲茶，想坐得埋啲，所以坐返四人枱。但原來4人枱嘅枱面空間好細，放咗茶壺之後，可以放食物嘅地方唔多，終於明白點解佢會安排六人枱比我地。點心，每一款都好好食，份量都唔細，價錢好均真。…查看更多

初黎報到去到牛頭角返工，諗唔到有乜好食，同事們就話呢間MG Cafe啲嘢食好好，今日LUNCH TIME，就送自己一個舒適嘅午餐。餐廳環境舒服嘅，但枱同枱之間嘅距離唔算大，如果隔離嗰台講嘢大聲啲，你都會聽到。好，食飯最緊要都係食物嘅味道，所以都係講返嘢食。今日揀咗呢個lunch set要$148 ，我哋加$20要買佢個羅宋湯。羅宋湯好龍尾，蕃茄味好重，材料好充足，基本上每一啖都會有好多蔬菜。加$20嘅話，我下次都會繼續加。主菜我揀咗Shrimp fettuccine with lobster sauce. 分量好充足，一個女仔來講，其實有少少食唔晒。不過佢嘅lobster sauce好好味，我忍唔住都食晒成碗。蝦嘅份量好足夠，有四隻，都好彈牙，不過應該係雪藏，你唔好旨意有咩甜味或者鮮美。 最後作結係一個honeyLime。其實媽咪都好多，Lime吊起左甜味，作為一個午餐嘅終結，我覺得好唔錯。食咗$185一位，坦白講，同樣嘅價錢，你喺中環金鐘可能會有更好嘅選擇。銅鑼灣嘅話就一定有。…查看更多

入西貢食海鮮得兩個選擇，一係就去食嗰啲套餐，已經有晒所有嘅海鮮，因人數而定海鮮豐富嘅程度。另一種，就係自己去街市揀海鮮，搵一間信得過嘅餐廳煮，唔會濫收煮食費。天天好就係我唯一選擇。佢煮工每一道餸菜計， $30起，每個人頭加多$10 ，真係抵到你唔信。師傅手勢一流，蒸嘅海鮮，恰到好處，調味適中，食完唔會口水乾，充滿着味精。如果你星期六日你，佢淨係分兩個時段，六點或者八點，可以嘅話都建議你去六點，因為一夜左，人多，餐廳會好嘈，佢樓底唔高，所以都好應聲。…查看更多

間餐廳應該係新開，所以都唔係要等好耐位。餐廳主打懷舊中菜，金錢雞，呢啲都會有。一個月嚟咗兩次，質素保持到。叉燒我鍾意佢肥瘦適中，加埋適量嘅麥芽糖，簡簡單單已經可以送到一碗飯。炸兩唔記得佢叫咩名，但係佢入面嘅蝦好彈牙啊，都有鮮甜嘅味道。。。同埋外面做到好鬆脆。。。都值得叫炸豆腐睇呢碟小食你就會完全明白呢間餐廳嘅份量，坦白講，如果四個人食嘅話，每人都係3 、4 粒。瞓啦冇得同出面嘅一粵菜酒樓，但係又一城食飯，你就預咗食環境，同舒適。呢個粉量離奇地足，四個人，都可以分到兩碗。春卷正常流沙賴奶黃包，用黑金嚟包裝，外觀一流，食落正常，有流沙。…查看更多

女朋友生日，要搵一個地方可以一班人慶祝，又可以食到佢喜歡嘅法國菜，我哋最終選擇左喺銅鑼灣嘅Otto Restarant.其實Moto嘅食價錢唔貴，一個餐由$498做到最貴嘅718 ，都會包左starter ，appetizer , soup , main course and dessert. 498 嘅火炙和牛Risotto 煮得恰到好處，正宗意大利飯，中心未熟，所以好有趙口，分量亦都好充足，作為一個main course， 498嘅價錢，絕對係高性價比。相反， 718嘅鹿兒島A5和牛就好麻麻哋，份量細，每舊肉嘅脂肪奇高，可以食到嘅部份唔多，女仔怕食肥膏嘅話，就真係冇乜兩啖可以入到口。…查看更多

星期六諗一個地方可以輕輕鬆鬆食個唔貴但係又好食嘅西餐，選擇唔多，偏偏就係細個搵到呢一間。已經第三次光顧呢間餐廳，每一次嘅水準都好好。餐廳侍應好有活力，全部都係後生仔，全部都係外國人。講返嘢食，我自己每一次都會食burger。加$20 ，就會有sweet potato fries... 加埋$95。抵食又好好食。。。其他嘢食都好好，就算係一個Ceasar Salad，份量都會好足夠。最過分係呢度嘅嘢飲，Long Black，收$20。一個Larger，收$40。呢啲價錢，喺邊度搵？…查看更多

去食呢間餐廳，第一樣野要有嘅準備就係耐性。除非你六點鐘度，做佢第一輪嘅客人，如果唔係，等半個鐘頭係基本，一個鐘頭就通常都入到去。一切都係值得嘅，性價比祺高，吉列牛扒，做得真係太好，加埋漬飯，平時唔食飯嘅我，都食晒全碗。套餐入邊有一個番茄豆腐湯，番茄清甜，豆腐仲細心雕左花，剛剛好可以清左牛肉嘅濃味。另外可以揀溫泉蛋又或者糖心蛋，我揀咗溫泉蛋，配上淸飯，簡直係就咁就可以食一碗飯。另外店員都好用心，火燒乾了，很快就準備另一個火種。。…查看更多