Rickycheung007的個人專頁

係近年大家都可能會對Omakasa 有所看淡，今次想係屋企附近食餐生日飯，老婆做咗功課最後選擇左鮨竜。入去都係本住試一試唔得就冇下次既心態。一開始食蒸蛋已經覺得唔錯，味道自然舒服。之後係過程中總廚都有詳細介紹自己嘅出品，如果你問多少少佢又會解答多少少。係介紹中知道所有汁醬甜品都係自家用時間去做。每道壽司或者係前菜都用唔同醬汁配搭出唔同層次味道，而係日本料理裏面最重要嘅飯亦係令我好滿意！總廚做出嚟嘅壽司飯夾落唔會散但食落依然有空氣感放入口就會鬆開，飯粒口感煙韌，總廚話佢用咗五種米做。何想言之佢係有幾痴線。成個menu有起有落完全冇悶場。亦唔會令你食到好油膩飽滯。最後因為生日既關係仲有特別驚喜！成餐飯既體驗絕對係對得住個價錢有多！今次係鮨竜食既一餐，我見到總廚Nic對自己出品同手藝既自信，要求同尊重！佢都好留意客人嘅舉動同感受。而餐廳服務亦非常有禮細心，唔會令你唔自在。所以係絕對推介俾大家。…查看更多

好地地食手撕雞，點解係配印尼撈麵？😑反到屋企打開一睇，好無奈！如果配其他中式嘅撈麵或拌麵感覺上會好啲。手撕雞同配菜都好食，但老闆選用印尼撈麵真係扣晒分。如果知道係即食麵，咁我寧願配反白飯。…查看更多

其實野正正常常，但火鍋最重要嘅牛肉就完全唔掂！三百幾蚊一碟本地手切牛頸脊，完全冇牛味！深血紅色，極少脂肪，好明顯係雪藏左好耐既低價牛肉，而且係雪硬用機切！因為塊塊都好平滑，一色一樣長方形，上枱嘅時候仲係雪硬一塊塊。另一碟牛脷就正常肉味偏淡。反而熱食小食仲好食，咸檸七好飲，杏汁豬肺湯底平平冇奇，唔係奶白色，一個字 - 清！冇乜味！總結：以後唔會再去！本身諗住呢啲火鍋店牛肉一定穩陣實無死，點知最差係牛肉，連最平放題嘅牛肉貨色都唔係！…查看更多

自問試過港九新界不少既人氣Coffee shop，可能有時期望太高反而失望而回。竟然係一條唔多起眼既街上行過有一間Brunch Coffee Shop!所以膽粗粗入去試一試！Rosted Pork Belly豬腩肉皮脆肉冧加上日式柚子汁唔會油利，沙律新鮮配上特別醬汁非常開胃，另外有一個中式既小包，中西合璧好有心思！Green Miles呢個係一個全素食，有紅菜頭蓉 /酸法包/雜菜餅/煎蛋，另外旁邊有蘋果凍麥皮同沙律，對於素食者已經係一個非常豐富既選擇，絕對唔敷衍！總括泥講:呢間係一間好有心思既Coffee  shop!食物質素非常好，絕對唔會感覺係馬馬虎虎。而咖啡就真係要去試一試！因為盡在不言中！…查看更多

同朋友4人行，念住去工廈試咖啡，一上到去門口已經聞到洗碗隔油池既味，姐係廚餘個種味！因為入門囗右手邊已經係打開左門既洗碗房。我忍！入到去坐，大大張木長桌分三台人坐。姐係好似去cafe 要（搭台）。我忍！坐底一打開menu! 第一頁寫住每人最底消費$150！！！真係火都泥！唔比淨飲咖啡吹水架？！！當時有三把火既我立刻起身走人！…查看更多

呢間咁既野真係食過都返轉頭 ''X''!!小弟本身係係酒店做廚。佢地係得刺身係叫做合格。最深刻係個手卷！飯爆多又凍，紙菜完全係淋！軟殻蟹只有四分一淡咁多同埋又係凍-係凍過室溫！佢地整得咁難食咁緊係食左一淡就放低。話說呢間野就有個主持人揸咪講野 大大聲咁。個主持人見到我食得一淡就大大聲話我浪費。心念唔知邊個浪費先。無心製造既出品者先係浪費。我同佢講你食淡試下～跟著佢走開左。第二，講真呢間野搞個啲擋魚桌頭野，我食完個啲刺身，根本完全唔靚又無味。搞咁多野都係哂氣！真係一肚氣！多舊魚！做生意係講實力唔係完全講桌頭。完！…查看更多