hungfannie的個人專頁

當好攰，好想搵間好有溫度嘅餐廳食個舒服午餐，义义電，屯門BYOB佳選，BYOB感覺舒服，呢度服務員好有禮貌，食物味道又好，特別推介季節性薑汁咖啡，夠薑，夠滑，又唔會蓋哂啲咖啡味，再加上開陽環境，店舖闊落，坐得舒服，义完電可以繼續開工。…查看更多

下大雨，與媽媽及姊妹4人往咖啡店飲咖啡，等了約10分鐘有張4人圓枱，我哋唔介意加張椅坐迫一點，但店長堅持不能，要我哋分開坐，圓枱在店鋪角閣位，並不阻人出入，店長仍堅持不能，如此欠彈性，難怪大家愛北上消費，今時今日咁嘅服務態度！只能說聲再見！怎能留客，或許，生意不關店長事，反正都是集團式經營！實令人氣憤！…查看更多

早前相約友人到此店晚飯聚舊，訂枱前侍應已知會6：00入座，約食到8：00左右，我與友人6：00到達，先開了樽紅酒及叫了個前菜，食物同酒到了，7：00左右侍應提醒要叫主菜，我哋照做，食完主菜，8：15侍應便要求我哋埋單，我與朋友望望當時有至少3張空枱，亦未見食客等枱，極失望，今天怎麼還會這樣做服務，惱怒又極失望，我與朋友唯有再找別的地方傾計，希望大家如果想試這食點，緊記無論有客冇客，只有約兩小時用餐，咁嘅服務態度，無彈性，無人情味，我一定唔會再幫襯。:(…查看更多

4個朋友想在中環找個舒服地方聚聚，搵咗間樓上舖食意大利餐，第一次幫襯這餐廳，頭盆叫咗個送酒拼盆，4個人開咗一枝紐西蘭紅酒，好正，酒正，芝士正，環境及招呼正，邊吹水，邊食，加埋輕音樂，好享受。食到差不多，再叫兩個主菜，一個意粉，一個黑毛豬西班牙煎飯，個意粉太辣，待應竟然幫我哋重新做個唔辣嘅，招呼態度無得壇，待應姐姐招呼一流，友善又細心，最後再叫咗兩個甜品，坐了3個鐘，埋單$1200有找，平均每人不用$300，超值！值得推介。…查看更多

各位好友😣😣警告😤😡😡😡，剛去荃灣稻香食飯，我哋叫咗阿拉斯加蟹，佢俾咗門囗隻陳列蟹我哋，仲騙我係swimming蟹，仲有花膠海味煲，佢俾咗煲漏咗花膠嘅……加只得3隻蝦米嘅……花膠海味煲😡😡，仲收咗我千幾元，唔知仲有冇人敢去幫襯，我哋就就唔敢囉！怕怕囉！食完個肚同個胃都唔係好舒服。:(:(…查看更多