時時食_1028的個人專頁

紅磡區食店繁多, 用心去經營的買小見小, 呢一間餐廳以前係賣法包, 返夜校時經過都會幫襯下, 都幾好味架, 而家轉賣意粉, 一於試下係咪都咁好食先.Menu 好像車仔麪般比人自選配料, 我選左西蘭花+雞肉+卡邦尼汁+意粉, 加埋$35, 我再加多杯特飲青檸梳打, 合共$45, 真係抵到爆,  講返味道, 真係冇諗過咁平都咁足料, 卡邦尼汁入面有埋煙肉同洋蔥 , 煙肉非常香口, 意粉軟硬度適中, 非常啱我口味, 雞肉煎得金黃, 食得出廚師係用心製作, 不是出面求鬼其就算! 喺呢區工作的朋友或學生真係好, 有一間又平又有質素的意粉專門店!希望呢間小店繼續加油, 下次我會帶埋男友再嚟食意粉啊!…查看更多

河粉質地ok, 唔會容易斷, 亦唔會碎濕濕, 魚蛋麻麻地… 無鮮味, 湯底有D鹹, 估唔到魚蛋粉都有芽菜跟埋, 都幾有創意! 加$7 有碟菜跟埋.呢間餐廳啲辣椒油都幾好味.…查看更多

去淘大買野, 同學仔介紹呢間車仔麪, 不用等位, 店員快速問食咩食咩, 款式數十種, 花多眼亂. 第一次食都係要返啲穩陣餸好D....選擇左粗麵、九菜、籮蔔、豬腸、豬紅、冬菇、雞翼尖、加辣汁, 共$35, 食滿$27仲送指定飲品...嘩..真係抵食! 籮蔔好甜, 豬腸麻麻, 冬菇好入味, 味道算OK,吃完不算很口渴，所以味精不算多.下次去開淘大都會再幫襯的.…查看更多