yumyumyummy.tummy的個人專頁

大角咀新開飲茶小店。真心覺得依家香港飲食經營好艱難🥲所以放假都盡量想去多啲有心小店幫襯下。呢間嘅腐皮卷好出色，個皮好脆同埋大大啖蝦肉有口感👍🏻 茶苗餃都好好食，皮薄少少煙靭金，同埋啲菜好滑唔會好鞋。係會想再返轉頭幫襯嘅小店🙌🏻🔸媽咪腸（即係蝦腸😂) $31.8🔸腐皮卷 $26.8🔸燒賣 $16.8🔸菜苗餃 （孖寶 $45.8）🔸鳳爪（孖寶 $45.8）🔸棗皇糕 $26🔸茗茶＄7/位📍三好點心 (大角咀)大角咀福利街8號港灣豪庭廣場地下G74號舖…查看更多

再訪The Ground Kitchen, 上一次來已經是幾年前，印象是一家擺設及味道都很不錯的小店。今次再來，擺設還是一樣賞心悅目，不過味道好像比印象中的遜色了一點點。但依然是一家很用心的小店，很推薦大家來試試🩵🔸海鮮手工意粉 $198🔸醬燒豬寸骨&法式卡酥萊豆 $228🔸香煎鴨肝+$88🔸芒果奶凍 +$38🔸洛神花花茶 （lunch set free)🔸麥茶花茶 （cold drinks +$5) …查看更多

好想知道芒果糯米飯味嘅蛋糕係點😆 而且4寸真係好適合人少少嘅慶祝，仲可以加錢即時寫生日牌👍🏻入口中間有一層層冰凍嘅芒果，再加上淡淡嘅椰汁味，同埋加左麻糬黎扮糯米飯嘅煙韌，如果要準確啲形容我諗起嘅味道，就係楊枝甘露！😆 不過呢個楊枝甘露好好味👍🏻------------------------------🌟回頭指數：8/10會想試吓其他造型嘅蛋糕🤭佢啲蛋糕仔都好得意，又有冬陰功又有泰式奶茶咁🤩 無平時咁悶📍地址：Asok Thai Cake (尖沙咀)尖沙咀河內道18號K11購物藝術館B2樓Kiosk 32…查看更多

周末3點鐘黎到，即刻有位，店員好細心提醒一下有啲位置比較凍，可以自己揀一揀🥞焦糖香蕉貝殼窩夫 $90好食👍🏻 窩夫外脆內軟，焦糖香脆加上淡淡嘅香蕉甜味，成個甜品配襯得好好。窩夫有忌廉，吉士醬同雪糕配搭，我最鍾意配雪糕，一凍一熱甜甜哋好好味😋而且佢有個杯仔裝住，就唔怕食唔切搞到雪糕融到一碟都係☕️Cappuccino $40拉花幾靚，不過無食物咁驚喜------------------------------🌟回頭指數：8/10我會為佢嘅食物而回頭，好想試下佢個Carbonara📍地址：Tuned Coffee & Roastery (太子)太子洗衣街163-163A號鴻德大廈地下B號舖…查看更多

第一次上黎旺角熟食市場，估唔到呢間泰國菜咁好味。大家喺旺角諗唔到食咩，平平地都可以上黎試吓😋🐷麻辣豬頸肉炒飯 $52有鑊氣！好好食，炒飯粒粒分明，食得辣嘅大家必叫👍🏻 我地今日等呢個炒飯等左差唔多20分鐘，我諗佢係等齊幾個order先會一鑊過咁炒，如果趕時間嘅就唔建議叫🐓 海南雞飯 $43個油飯好食，不過我地呢舊雞胸黎，所以唔係好滑。整體黎講都唔錯，不過就無個炒飯咁驚喜🦵🏻泰式鳳爪$ 30好食，入味，個汁夠酸👍🏻------------------------------🌟回頭指數：9/10因為地點好方便，下次喺旺角諗唔到食咩都可以上黎食下，下次試下佢個香葉肉碎荷包蛋飯先📍地址：泰風佳味海南雞 (旺角)旺角上海街557號旺角綜合大樓2樓旺角熟食市場2號舖…查看更多

Bookmark左呢間cafe一段時間，終於有時間去打下卡，試吓佢個人氣Tiramisu🍰Tiramisu $80Cream幾鬆軟，味道都幾好，香濃酒味。但略嚴手指餅太濕，我就麻麻地鍾意😅🐱 牛肝菌貓耳朵粉 $95牛乾菌味好濃，貓耳朵口感幾好，但食到中段開始覺得個味有啲寡同單一🍝香辣大蝦扁意粉 $95反而呢個係最岩我地口味，意粉彈牙唔淋身，唔會好辣，味道做得好好👍🏻🥤火龍果乳酪 $48好飲👍🏻 值得一試🥤Baileys 朱古力 $46------------------------------🌟回頭指數：7/10整體啲食物飲品都唔錯，環境又舒服，可以打卡之餘又有好野食😋 如果下次經過唔洗點等位應該都會再試📍地址：迷你毛 (深水埗)深水埗鴨寮街121-123號地舖#goodfoodgoodmood #hkfoodie #hkeats #foodiehk #foodiegram #hkfoodlover …查看更多

«懷舊風味，傳統茶樓 » - 蓮香居小病初癒，好想飲茶，就想試吓呢間喺香港已經好少見推車仔茶樓。 慣左平時喺點心紙剔剔剔就可以落單，突然要每格車仔黎到都要問下阿姐有咩食，多手手痕嘅朋友又可以每一籠都打開黎睇吓，係新奇嘅😌飲茶好忙，要一眼關七，睇吓有無新車推出黎。不過呢，其實你係會發現佢黎黎去去都係果3-4格車😂 可能會換左人，或者排過下啲排位，但其實都係果幾樣嘢食🤣 最後我覺得最好食係粒燒賣，個菇味好香，其他就正常表現啦。好想食灌湯餃，不過係等唔到佢嘅出現。☕️ 2人x7籠點心 $264------------------------------🌟回頭指數：6/10體驗係得意嘅，不過又無咩食物好食到想回頭不可。同埋港孩我已經習慣左平時既點心紙模式🫣唔知大家又點睇呢？📍地址：蓮香居 (上環)上環德輔道西46-50號2-3樓/ 喜歡我食評的朋友，記得follow IG @yumyumyummy.tummy /…查看更多

最近人人都講大圍新商場The Wai。入開去既朋友不防行遠啲啲試埋呢間烤魚，好大份好惹味🤤 兩個人食到超級飽，牛丸同魚皮都推介，好好食👍🏻🔸海爐魚-重慶麻辣小辣 $268呢款魚少啲細骨，容易食👍🏻魚肉會實淨啲，但唔會鞋口，啖啖魚肉好正👍🏻 個重慶麻辣唔會好辣，但好香，忍唔住要一啖接住一啖咁食🔸爆汁牛丸 $58🔸鮮魚卜 $48🔸闊薯粉 $30🔸涼拌川辣魚皮 $78🔸涼拌海蜇 $48------------------------------🌟回頭指數：8/10屋村附近有間咁正嘅烤魚好驚喜，經過大圍嘅你一定要試吓😋🐟📍地址：川味雞烤魚大王 (隆亨商場) (大圍)大圍田心街1號隆亨商場地下隆亨街市H86號舖/ 喜歡我食評的朋友，記得follow IG @yumyumyummy.tummy 🩵 /…查看更多

«全港最好食的拉麵之一，奇蹟拉麵» - Mirakuru Japanese Noodles屯門有幸食過一次，跟住佢就結業左，真係等左好耐先等到佢重開呀！屯門食過佢呀豬骨湯底，真心好濃好好食，今次就試吓佢嘅旺角新店🍜🍜 清湯醬油拉麵 $79當日豬骨湯賣晒，淨返清湯可以選擇，估唔到都好驚喜🤭湯底有陣鰹魚香，麵質適中偏硬偏彈牙（我好鍾意❤️）叉燒肉一般，我覺得屯門食嘅時候滑啲流心蛋個流心做得唔錯，再濃味啲就更佳總括黎講佢地嘅拉麵真係好好食👍🏻 下次好想黎食到佢嘅豬骨拉麵------------------------------🌟回頭指數：9/10本身諗住要排好耐隊，1:50去到，排左15分鐘就入得👍🏻（雖然中午排好熱，真係流哂汗🥹）佢2:15左右已經截左龍，大家想試就要預返時間啦。📍地址：奇蹟拉麵 ミラクル (旺角)旺角通菜街22號達明大厦地舖/ 喜歡我食評的朋友，請follow IG @yumyumyummy.tummy /…查看更多

咁岩入屯門，無意中搵到呢間咖啡店。店內外都擺左好多植物，店內採光充足，所以都坐得幾舒服。我地好好彩，一去到咁岩有位唔洗等，但見其他人都要等一陣先入得🍊🍫☕️ Orange Mocha $54必試橙皮朱古力鮮奶咖啡😋出邊好似都無機會見過。賣相靚之餘，三種味道都平衡得好好。連平時唔鍾意飲咖啡嘅另一半都大讚👍🏻🍊☕️Oranffee $50呢杯橙啡其實都唔錯，不過我略嫌個橙味搶得滯，咖啡味唔夠。鍾意之前喺大角咀一間咖啡店嘅橙啡多啲😛。🥗 A big breakfast $118好足料嘅Allday breakfast! 同埋佢個 Croffle牛角窩夫好好味啦🥐🍝 Black Truffle With Mushroom Spaghetti $88唔錯，菇味同黑松露味都好濃，大啡菇都好Juicy😋------------------------------🌟回頭指數：8/10呢間真係想回頭再幫襯啦。不過店員話佢地呢間分店淨係做到6月底左右，領展要收返啲舖頭🥲 但佢地仲有分店係屯門碼頭同元朗，大家有興趣可以去其他分店試吓…查看更多

⭐️Weekend Lunch Unlimited Experience $1588/pp因為weekend去，所以menu同平日去嘅會唔同。呢個係4道菜+ 2hours free flow beverages。如果大家會飲酒嘅，其實有free flow計返都OK架。🔸前菜：Sourdough，蘑菇撻，黑松露奶凍佢個酸種麵包係世界級咁好食🥹真正外脆內軟！配埋佢地真係好香橄欖味嘅橄欖油，真係好難忘！👍🏻黑松露奶凍都出色，Amber係唔會用動物奶，所以個奶凍有陣陣豆腐香，夾埋超有驚喜！🔸第一道菜：Aka Uni / ScampiAka Uni 呢道菜係由椰菜花mousse，海膽，龍蝦啫喱同魚子醬組成。之前成日聽人講到超好食，通常我抱住咁期待嘅心態去試，都未必會有驚喜。但今次真係例外，佢真係做到食物之間互補再帶領成道菜上另一個層次，絕對唔係只係將啲名貴食材擺埋做一碟果種。海膽係主味，濃郁嘅魚子醬配埋海膽係好似食左成啖海洋入口咁。中間嘅龍蝦啫喱令成道菜多左層口感，而個mousse係令口感飽滿嘅來源，所以真係Perfect Match，無一樣嘢係多餘，真係好好食🥹 配埋個海苔脆片，令到鮮味天加提升，真係每一啖都係幸福的感覺🥰由於Aka Uni 真係太出色嘅關係，Scampi對比之下變得無咩咁特別😆🔸第二道菜：Scallop / Prawn我幾鐘意佢個Scallop，一來帶子本身好鮮甜，配埋個汁更上一層樓👍🏻 龍蝦都彈牙，但我自己鍾意帶子個recipe多啲😋🔸第三道菜：Toothfish/ Lamb Saddle幾鍾意佢個羊，基乎無咩羊羶味，而個肉亦整得好滑好嫩。同埋佢個羊肚菌真係好香好好味啦🥹魚就反而無咩特別，佢有花椒所以會有少少辣，亦都有螢光魷魚做配菜。佢嘅螢光魷魚處理得幾好，我覺得無平時食嘅咁腥。如果大家好鍾意食牛，其實呢道菜有得加錢揀和牛。但因為最近食得太多牛嘅關係，我地就無揀了。🔸第四道菜：Yuzu/Avocado&Lime兩個甜品都Ok, 我鍾意柚子配雪芭多啲，夠fresh!🔸Petit four：Coffee / Seasonal Fruit / Madeleine / Choco Bites其實食完4道菜已經好飽，但原來仲有Petit four 可以食。我揀左Black Coffee☕️, 好surprise係手沖咖啡黎🥹最印象深刻真係佢個Madeleine!🤩無諗過Madeleine都有驚喜位！係外脆內軟，果種鬆化真係一試難忘，想買返去比屋企人食，但好似無得就咁買🥺🔸酒店蛋糕：柚子朱古力蛋糕酒店知我地黎慶祝週年紀念，所以仲送左個蛋糕比我地。可能我好鍾意柚子嘅酸，佢呢個勁酸配埋朱古力嘅少少甜，平衡得好好，我真係好鍾意🥰 但由於真係太飽嘅關係，我地都係食左少少，打包左3/4 個返屋企慢慢嘆😛------------------------------🌟回頭指數：8/10其實價錢真係唔平，不過我係覺得佢嘅食物質素同份量真係對得住佢個價錢。仲有我地free-flow都飲左唔少酒，分別有Sparking Wine, White, Red, 最尾仲有杯果酒作結，每一款佢見你飲到差唔多，就會主動過黎幫你加，直頭係想你不醉無歸果款嘅殷勤，所以成個體驗都真係好滿足好開心🫶🏻 會想再黎呢度慶祝👍🏻📍地址： Amber (中環)中環皇后大道中15號置地文華東方酒店7樓/ 喜歡我食評的朋友，請follow IG @yumyumyummy.tummy /…查看更多

傳說中預約非常困難，而我哋亦要提早個幾月先預約到，仲只能預約到5pm。 環境裝修係優雅，打卡影相，人都確實影得靚啲✨甜品種類好多，有啲仲係復活節限定，但食到後期開始膩，都試唔哂咁多款😅總括嚟講打卡係靚嘅，但定價太高真係試一次就夠😛 推薦幾款我個人比較喜歡嘅食物先：🍄 蘑菇湯用一個細杯仔黎代替碗，成件事即刻優雅左。飲湯時手指尾都想舉高🤭 而呢個湯嘅磨菇味確實香濃，係令人回味嘅👍🏻🥪 芝士火腿酸瓜三文治有四款唔同口味（蟹肉、煙三文魚、黑松露蛋、芝士火腿）店員推薦由淡味食到濃味，個人最喜歡芝士呢款。不過略嫌個麵包有少少乾身唔夠軟🥧鬆餅Scone 係好食，特別係配埋佢個雜莓醬+cream，想encore！而個橙醬我就覺得無乜特別。🍰招牌拿破崙當你已經食到7-8成飽，佢就會推架餐車出黎，然後提供唔同嘅甜品：有黑森林蛋糕、紅桑莓撻、卷蛋、朱古力等等。 其實好食，但真係一次過食唔落咁多甜品。總括拿破崙係最印象深刻，做得幾酥脆。但我自己都係鍾意帝苑個拿破崙多啲，因為牛油味再重啲🤤------------------------------🌟回頭指數：6/10其實環境唔錯，但食物又未去到話好出色，而且價位好進取，每人$548+10%，所以都未必再試。📍地址： The Butterfly Room (尖沙咀)尖沙咀梳士巴利道18號香港瑰麗酒店2樓@thebutterflyroomhongkong / 喜歡我食評的朋友，請follow IG @yumyumyummy.tummy 你的follow & like, 是我分享的動力🫶🏻 /…查看更多

突然想吃拉麵，大角咀另一家人氣拉麵店經常大排長龍，所以沒有辦法去試了。這一家拉麵店雖然是香港人師傅，但它的叉燒跟豬骨湯底都非常有驚喜，推薦大家去試👍🏻🍜神虎 $103豬骨湯底，有兩片叉燒，一隻糖心蛋，兩粒豬肉丸。麵質有咬口，但未算偏硬質地，幾岩我口味。豬骨湯味非常濃郁，湯底仲會見到少少豬骨髓。同行朋友係成碗湯底飲哂，癲😂叉燒唔乾唔柴，亦唔算太薄，好食👍🏻糖心蛋做得岩岩好。豬肉丸好特別，喺其他拉麵店無見過，入仲有軟骨，有口感。------------------------------🌟回頭指數：8/10📍地址： 神虎麺商店 (大角咀)大角咀埃華街74號大同新邨大成樓地舖…查看更多

過了一個忙碌的星期，周末只想找個地方，靜靜地好好沉澱一下。咖啡店在太子花墟附近，店內可選卡位或吧枱，亦有一張自成一角的二人位及一張戶外位可供選擇。☕️ Spanish Latte $60店員推薦的，好像也是店內招牌之一，見不少人外賣也是買這款。的確好飲，不會太甜，店員說煉奶是自己煮的，推薦🌟🍢 雞串燒 $70本來覺得$70/3串是太貴了🫣但因為很肚餓的緣故還是點了一份。有驚喜，雞肉嫩滑有汁，有少少檸檬香，旁邊的是麻辣醬，配合得相當唔錯！🍸 Tomyum Fizz $110特別的泰式Cocktail。第一啖有點覺得Gin味太濃，待冰溶少少後就感覺岩岩好👍🏻 是一杯有啖啖椰香的Cocktail，配埋個卷蛋，有種去了泰國酒吧的感覺🤭🍰 冬陰卷蛋 $60為了更有泰國vibe，店員推薦了我這款新的卷蛋。本來是有點擔心，怕味道好古怪。但出奇地幾好味，亦唔會好甜，大家有機會都可以一試------------------------------🌟回頭指數：8/10這家咖啡店確實有點高，但因為每樣飲品及食品都令我有驚喜，店員也很友善，坐了一個下午人也叉足電了，所以默默地喜歡了這家店💕…查看更多

店位置有啲偏僻，喺旺角同大角咀中間，由旺角地鐵站行去約10分鐘內。店舖算大，裝修幾靚，平日午市去人流亦唔算多，唔洗等位✌🏻♦午市乾鍋 (任選3款) $69可自選辣度，我地揀左中麻辣好食🌶️唔係死辣，個麻好香而且做得好乾身，底無汁無油👍🏻份量夠，每舊都啖啖肉🌟推薦🌟豬大腸 - 香脆之餘依然有口感，唔會太硬萵筍 - 爽口唔淋田雞 - 炸完肉質依然好滑，推薦👍🏻薯仔 - 食得出係即炸，好脆好似薯片，有驚喜🤩不過對比其他餸，因為吸唔到味就有少少比下去。但都值得一試…查看更多