joanne28的個人專頁

去完街市買完餸，返屋企途中見有新糖水舖，埋去八下又見舖面乾淨整齊，入去試下當係下午茶啦~叫咗推介嘅仙草撈，新張價$28咁抵就試下啦，有仙草/紅豆/雙色芋圓/芒果/雪糕球，雖則特價但仍有質素，尤其芋圓柔軟有咬口，賣相亦有小小心思(小小薄荷葉)，而店員招呼亦親切，相信短期內會再去~好👍👍…查看更多

新開見門口餐牌介紹吸引，又掛住台灣味所以一試。午市90分鐘都夠時間歎，入去一路有侍應介紹又有打咭位，環境闊大光猛，食物擺放整理再加上用QR code落單，安心又方便。鴛鴦鍋叫麻辣+雜菌鍋~味濃足料，肉類亦優質~而熟食中滷水及鹽酥雞最好味，最重要係臨尾嘅必食甜品~仙草芋圓like~…查看更多

到荃新天地行街，其實都有不少選擇，店名以pizza 主打，門外見這餐牌pizza頗有特色就試試。外藉員工禮貌地介紹特色飲品食品，就叫了3款食物兩款飲品。等候時間比預期稍長，但當食物一到，就的確值得。魷魚圈非常香脆，肉質非常鮮味柔軟;炸雞選了蒜香味，熱辣辣鬆脆外皮，估不到雞肉肉汁多而滑;至於主角pizza, 真心好好味，包質鬆軟有咬口，再加上大量芝士(拉絲)真係毫不吝惜~非常juicy~必試，絕對不要錯過。…查看更多

見有廣告介紹有泰式weekend buffet。去到環境非常舒適，但疫情關係坐户外較安心(好在天氣凉凉地)。食物選擇由沙律/燒烤/炆煮/脆炸/甜品/水果，以泰式自助餐為主的話，款式選擇叫做多花款，而味道亦好，另外食物亦源源不絕，不會出現出到去冇嘢拎的情況。工作人員亦有禮貌亦主動執碗碟，好!…查看更多

慕名一試，今日試午餐~好在早去否則要等位。環境不錯，食物擺款及餐具精緻，但味道一般，不夠台灣味。牛肉麵通常用炆牛，但呢度用牛肋，湯底不夠濃而麵質亦不夠彈牙;另外一客鹽酥雞飯，雞件細細件似現成雪藏炸雞，但不夠台式那五香粉味，所以味道偏淡。總括，賣相精緻有心機，但味道的確一般，所以一試無防而再去就。。。可考慮。…查看更多

見食評唔錯就試下啦。第一次到印象幾好，裝修企理又有空間枱唔逼，卡位仲設冇义電位。叫咗$238/2人餐再加$68冬蔭公(好抵呀)，每碟都大大碟完全唔似套餐size,而招呼亦很好，男侍應會主動換碟。下次會再試下其他菜式。…查看更多

一行4人到佐敦分店,地方闊落而每枱亦有足夠空間擺放食物及飲品;叫了麻辣/美人鴛鴦鍋,麻辣一邊湯濃足料真有置身台灣麻辣火鍋食店風味;美人鍋湯清但味濃,所有藥膳材料一一可見,湯中有半隻烏雞肉嫩鮮味;至於食物方面亦非常新鮮,擺碟亦不馬夫,見得是心機之作;是次整體感覺好好,必會再食。…查看更多

今日第一次去試,叫咗皮蛋魚皮湯飯,紫菜四寶米線,蜆蚧鯪魚球,炸鮮蝦水餃;魚湯米線及湯飯熱辣辣,味道鮮味,份量多相當抵食;炸水餃亦足料(木耳。筍。蝦。甘筍等等);相比起,鯪魚球就比較失色,因為唔夠彈牙;食物幾好但可惜環境方面一般,亦較多烏蠅。…查看更多

牛坑腩咖喱米線,牛坑腩爽口入味而唔靱有層次,湯底方面非常香濃,咖喱味之中有濃濃牛肉味;另一碗牛筋腩伊麵,牛筋滑中亦有咬口,亦非常入味,配上伊麵非常有特色亦好好味。…查看更多

午餐一定要預訂,因未夠鐘條隊已排得長長,幸好大家都守秩序;食物款式頗多,賣相亦精緻,壽司一口一粒亦不會浪費;熱葷方面,即叫即做熱辣辣;而店員亦非常有禮;整體亦好只可惜坐位較窄…查看更多

今晚同老公晚市放題,到門口的接待已友善亦詳細介紹價值及帶到坐位;室内佈置有特色,有些似pub或玩具展覽,樓底高亦不焗促,枱與枱亦有空間,感覺舒適有型;食物方面選擇不算多,每類只有一個多版面,用平板電腦落單方便亦快捷一目了然;等候食物時間快亦完全没有漏單~讚👍,食材亦新鮮(魚生壽司食得出鮮味),熟食如燒物炸物煮物等,亦熱辣辣送上~好;甜品柜及飲品係自助形式,亦有頗多選擇(尤其雪糕雪條);最重要係職員友善有禮、勤快,不斷收拾枱上碗碟;是次晚餐印象幾好,亦好過市區唔少放題。…查看更多

位置方便易揾,入到餐廳環境寬敞舒適,每枱亦有非常足夠的空間放置每碟食物;除酒精飲品其他是任飲,雖選擇不多但夠精,尤其一款飲的提子啫喱飲品,口感特別又好味;食物方面壽司及魚生都新鮮精緻,亦包括海膽及三文魚籽壽司,亦另送上一盤長蟹脚(約十隻);熟食方面最滿意係炒牛粒(肉嫩多汁),燒鰻魚,燒銀鱈魚,燒牛舌,茶碗蛋;至於甜品芝士鯛魚餅最好味(其他麻麻)。最重最重要係不會食到趕頭趕命,因為係4小時放題(不過我的一枱大約兩個半鐘就走,夠哂時間,今次放題都滿意呀(三個人去,每人連加一約$500)…查看更多

只隔咗三日,又再番尋味;今日同友人試試晚餐;晚餐時段人客比午市較少,和友人慢慢邊食邊傾計亦佷舒適,和之前一樣,服務員細心亦有禮貌;而今次兩個人去就叫咗四個餸菜:水煮牛肉(多料,開胃刺激,而湯底鮮味),炸蝦壽司卷(共八件,口感十足),魚腐浸時蔬(味道清新鮮味),茄子㷛(素茄子㷛絶不遜色於魚香茄子,惹味非常),飯後服務員亦送上綠豆沙(不是太甜,亦多綠豆);又一次食到一餐豐富又飽肚精緻的素食,非常滿足。…查看更多

經友人介紹,午市用餐;午市套餐抵食五六十蚊已有一個豐富午餐,我地一行三人叫咗兩個套餐一湯再加四小菜(太好味越叫越多),套餐叫壽司併盤(賣相一流)及炒粉絲(有鑊氣及爽口);另叫牛油果壽司,胡椒豬肚湯(好大窩亦足料),雞㷛,士多啤梨骨;全部賣相精緻,味道又非常好;雖然只有兩位服務員,但亦非常有善及禮貌,是次光顧印象非常好…查看更多

食物精緻新鮮，擺放整齊企理;環境算是寬敞有空間，雖是吃燒烤，但油烟不大空氣流通。入座時服務人員友善講解，送餐的的速度亦算是快，没有漏單情況發生;若職員再主動添茶及多收枱上空碟就更完美。…查看更多