alanflorence的個人專頁

約十點黎到，兩人叫左十幾樣食物及啤酒埋單$5xx, 價錢屬中上，但員工服務卻令我咋舌店員一直在旁大聲傾計，無視客人，十分騷擾食物有一半是凍的，明顯不是即燒，非常失望其中叫了墨西哥醬燒粟米，超級辣，詢問店員可否幫忙整走辣醬竟然回覆：你自己用叉了走佢啦，或者$10買支水洗 聽完真係呆左。。。。。。。。。。一隻扇貝索價$108, size只屬普通, 味道亦一般埋單時突然話信用卡機壞了，沒有道歉，要求付現金感覺此店營運混亂，毫無誠意平心而論，食物質素是可以的，但以這價錢，普通的環境加上惡劣服務絕對沒有下一次 相信有要求的食客也不用考慮這間店…查看更多

好耐冇食小肥羊，早5-6年食覺得佢都唔差，見有團購就再試下事隔多年，原來已經退步到好難食嘅地步！$98加埋一其實要$120但冇任飲，連最基本嘅羊肉都冇任食，得d丸呀腸呀菜呀咁所以我地加 任飲$18 同 "豪華任食區"$48加加下都要差不多$200位心諗如果好食，價錢仍是可接受的，點知好難食鴛鴦湯底 - 清湯死咸，食完好口渴；麻辣好多油，但一d都唔辣普通區：肥牛 - 好肥，好薄冇肉味腸丸類 - 普通貨，不過不失粟米 - 好硬，唔甜好多渣豬紅 - 有臭味即吐出來豪華區：有三種羊肉，但分別不大基圍蝦 - 尚算新鮮其餘的象拔蚌，花膠，乜乜海鮮等全部暗黑色，睇見都唔敢食試落一舊，有臭味，同經理講，例牌回應：係咁架喇！加錢飲品 - 只有百事，康師傅等廉價貨:(食左一半已經唔想再食未試過打邊爐覺得咁失望:(係完全搵唔到一樣野好食奉勸大家：千祈唔好試！…查看更多

食過正宗既韓國刨冰都知要冰要刨得好碎，先可以有入口即溶既應覺，但呢間既冰好大粒，咬到牙痛:(Oreo味刨冰，索價$52，一點都不好吃食$30幾蚊的綿綿冰好過同店員講冰太大粒既問題，佢就回答 : 係呀，部機壞左，所以刨出黎大粒左，遲啲會整返。既然部機壞左點解仲要開舖?整返又係幾時先整返?收得咁既價錢，環境已經差，啲位勁迫，服務又差，仲要對食物毫無原則 !我就勸大家唔好試喇…查看更多

平日下午都要大排長龍，皆因人手極慢，雖是快餐店，落個order都搞成5-10分鐘，效率超低！劣：招牌咖椰多士set $39多士乾曾曾凍冰冰，咖椰醬極少咖啡味苦澀，不香不濃，單點竟敢索價$22半熟蛋都唔好食，只是由沖奶茶的職員打開雞蛋，感覺不衛生劣：咖哩雞麵$42 + 喇沙蝦麵$42湯底淡而無味，用料低級，只有咬落梅爛爛的雞翼喇沙的湯好一點，但都只有合格水平，用料同樣低質（魚片，豆卜，兩隻冇味蝦）咖椰多士內部牛油就多！我勸大家無謂浪費時間排隊試吃，因為真的一點不值吃後一肚氣…查看更多

本人從未寫過食評，但為了表揚此優質小店特意開了個 account :)昨天正值復活節假期，突然想吃海鮮，即日訂了晚上8點。我們早了一小時到達，在門外等待約15分鐘，有人no show，年輕哥哥立即安排我們入座。這是一間家庭式餐廳，裝修簡潔。大廚是位爸爸，客家人，煮的菜式也是客家風味。餐牌簡單，只有約20多種選擇，當中大部份是海鮮。我們一行二人，叫了 4 款海鮮炒蜆的味道和一般不同，沒有豉椒和芡汁，用了大量蒜頭辣椒作調味餐牌寫著(大辣更過癮)，我們都是嗜辣之人，即管叫了大辣試試。用上大量辣椒炒，我們都覺得辣得過份！吃得連肚子也一陣"興"*建議不太吃辣的人叫小辣就好值得一讚：炒蜆先用水烚過，完全沒有沙而且100%能開口，份量也很多，一碟差不多有上百隻蜆。扇貝的size偏大，味道鮮甜，加上蒜蓉和粉絲很入味。喜歡扇貝的人一定要點這個！椒鹽蝦用上大大隻的海蝦，部份有膏，炸得十分脆，連蝦頭也可完全吃掉。調味也很惹味，是我吃過最好吃的椒鹽蝦之一，本人十分喜歡！高度推薦：大大隻的肉蟹，蟹膏香濃，肉質結實鮮甜。起初擔心夏天不合時會品質不好，但這個完全給我們驚喜了！4樣菜 + 飲品 + 2個飯，埋單只是 $600多而且是吃得非常飽，很超值！小插曲：炒蟹吃到一半，發現部份蟹膏和蟹肉未熟透，詢問廚房可否再翻煮一下，他們馬上承應錯失，道歉並送上飲品作補償，然後再拿出來，說若然仍不滿可替我們重新煮過。我們不是麻煩顧客，當然也沒再次要求，但他們這份態度實在令人感動。現在莫說是小店，就算在酒店也難求這種服務了，大多只會推卸責任，草草了事。提醒各位：此店的菜式偏油和辣，十分重口味，偶爾吃還好。愛濃味的人會很喜歡，如果崇尚健康主義的人，此店或許不適合你們。另外，上菜時間也偏慢，因為只得一個廚師，趕時間的要考慮一下。整體而言，我十分推介！雖然位置有點遍遠，但值得我再次到訪。製作認真而又充滿溫情的小店，應該有更多人知道…查看更多