kwan16888的個人專頁

黎到啟德零售館，本來諗住去3期個邊食，不過行到有啲餓，見到2期呢間餐廳睇落好似吾錯就諗住試下本身裝修係幾好，我同屋企人都發現坐耐咗有啲吾舒服，因為頭頂啲風有啲勁，原來係因為佢地裝咗傳統個啲天花風扇，其實當裝飾咁放係度吾開會比較好野食方面，炒飯係幾好食，但係炒貴刁就真係偏咸，佢係用美極黎炒，個人覺得麻麻地。另外，春卷都好食，不過份量就偏少，呢間餐廳下午茶黎講性價比偏低，價錢仲要加一，所以呢間都未必會再encore…查看更多

係社交平台咁岩見到啲人介紹觀塘工廈開咗間隱世台灣餐廳，見到好多人都話好食，所以就過黎試下～叫咗個牛肉麵同埋小食蝦卷，牛肉麵嘅湯底有啲辣，本身自己係吾食得辣，如果有得揀走辣會好啲，湯底好夠味，飲得出真係餚出黎嘅湯底。面質嘅話，我自己會鍾意鐵牛牛肉麵個個面質多啲；至於蝦卷就普通，份量真係比較少。因為餐廳位置比較偏僻，真係吾係咁方便，會再encore嘅動力真係弱好多，份量亦都偏細，價錢都中等，食完好快肚餓！…查看更多

係海港城行完街，有啲想食越南野，所以就去咗芽莊食晚餐～芽莊係我心目中係一間環境企理舒適、食物水準都好穩定嘅越式餐廳，無論係自己食定係同fd食，都坐得舒服食得開心～因為價錢合理，質素又有保證:)今次叫咗幾樣野share，生熟牛河正常發揮；炸墨魚餅香口惹味；至於燒豬頸肉就更有驚喜，豬頸肉肉質係爽口嘅，調味岩岩好；炒飯就份量十足，不過就偏油咗少少，如果乾身啲會更加好食～芽莊食過幾間其他地方嘅分店，暫時呢間係最好，因為望到海景～…查看更多

之前係旺角分店食過佢地嘅海南雞飯，見到觀塘原來都開咗間，所以諗住過黎試下～見到menu上面有胡椒豬什河粉，好似幾吸引咁，所以就叫咗呢個碗粉黎到熱辣辣，本身想飲啖湯試下湯底個味，因為太熱都要等一等先，欣賞佢地即叫即整吾馬虎～河粉份量都幾足，豬什配料同湯底都好味～雖然佢無船河湯底咁濃，但係感覺上胡椒湯底都好吾錯同健康啲咁～不過坐位就比較逼啲，好容易會畀隔離枱嘅手撞到😅不過食物好食價錢合理，所以有機會都會再去食嘅～…查看更多

由佢舊舖食到佢搬新舖，水準都ok！今次叫咗兩個餸加一碟乾炒牛河乾炒牛河今次係第1次食，有少少失望，因為成碟都炒到偏油，味道亦比較普通，可能因為太油食吾出穫氣啫啫雞煲上次見隔離枱有叫望落幾吸引，所以今次叫咗，果然無令我失望，夠晒入味亦好足料拔絲咕嚕肉更加吾洗講，基本上次次黎都會叫好食又大份最岩大胃王嘅朋友叫黎一齊share~糖水嘅紅豆沙都好好味，入面嘅陳皮同紅豆都煲到軟綿綿，好食呢個質素見到舖頭坐滿人真係一啲都吾會出奇～:)…查看更多

今日Lunch想食健康啲，所以就黎apm呢度食simplylife！今次叫咗水煮蛋伴煙三文魚，味道同份量都ok，但限定冰茶嘅味道就有啲怪怪地，睇落好似中藥咁，飲落都吾知佢其實係咩味嘅冰茶，希望餐廳可以轉一轉冰茶嘅味道。另外，餐廳中庭位置因為樓頂位係玻璃嘅關係，所以坐嘅位置都真係好曬，食野嘅時間都熱到出晒汗，建議可以加返啲太陽傘，曬嘅時候就打開，如果吾係到夏天個陣真係又熱又曬，食到會令人覺得好吾舒服:(…查看更多

同朋友係又一城度行完街，但又吾係話好肚餓，不過朋友話想食中餐，經過見到呢間就諗住試下～我地叫咗咕嚕肉，咕嚕肉賣相吸引，肉質新鮮而且份量都幾多，仲有啲無花果伴碟，好睇又好食另外嘅黑松露炒飯都熱辣辣，炒飯夠晒穫氣，我同朋友都覺得好食！最有驚喜嘅係糖水，我地兩個都叫咗蛋白杏仁茶，黎到見到個糖水碗好特別，入面嘅蛋白非常多，甜度適中，非常滋潤養顏，暫時係我食過最好味嘅蛋白杏仁茶，另外佢地啲侍應其實都好主動，見我地茶杯無晒水都會主動加茶，非常細心，抵讚！…查看更多

今日放工經過呢間餐廳，見到餐牌好似都唔錯！俾佢個走地雞吸引咗，所以就決定試一試佢，試完覺得真係一讚！總共叫咗三個餸，叫咗半隻走地雞，真係世一，雞肉到雞皮中間有層雞油，咬落甘香，超級香口，肉質鮮嫩，。本身自己都好鍾意食蝦，咁啱店員有推介到椒鹽焗蝦同沙拉蝦球！果然係好介紹～食完兩個都好滿意！沙拉蝦球大大粒，咬落好滿足，芥末味超好食，而另外嘅椒鹽蝦非常新鮮，味道恰到好處，令人愈食愈想食！呢間餐廳我絕對會再去食～…查看更多

今日收工經朋友介紹嚟咗呢間餐廳，原先抱住試新嘢嘅心態，但食完之後覺得有驚喜！其中包括冰鎮菠蘿咕嚕肉、黑磚豆腐、脆皮風沙雞同芥菜魚肚湯。每一款都好有心思同好好味。手作糖山冰鎮菠蘿咕嚕肉： 呢款菠蘿咕嚕肉真係好正！一開始好怕佢會凍着上(冰鎮)，食嘅時候發現外凍內熱，味道超過癮！甜甜酸酸嘅味道好平衡。肉質鬆軟，外面裹嘅酥皮好脆，仲有啲鮮甜嘅菠蘿塊。醬汁酸酸甜甜，微微辣辣，好開胃。黑磚豆腐： 炸豆腐好簡單但好好食。以黑磚為賣點，外皮酥脆，內裡豆腐軟綿，口感好豐富。可以沾脆脆嘅炸蒜，亦都可以單食，味道都好出色。脆皮風沙雞(半隻)： 炸子雞真係好香脆好多汁。外皮炸得金黃酥脆，入口嘅時候肉汁四溢，配上香脆嘅炸蒜，帶出多層次嘅味道。香料調味得好啱口，令我同朋友食到停唔住口。鮮魚湯頂級魚肚芥菜煲： 芥菜魚肚湯熱住上。魚肚煮得剛剛好，湯汁鮮美。芥菜帶返啲微苦味，同湯汁一齊食好開胃。每一口都好舒服好鮮甜。總括而言，呢間餐廳喺有誠意同有驚喜嘅中菜館，下次經過中環/上環絕對會再食！…查看更多

係附近行完街經過見到呢間食車仔麵嘅舖頭，自己一個就諗住簡單快快食完就返屋企～因為肚餓嘅關係，叫咗豬骨湯嘅5餸上海麵，有豬腸、豬皮、魚皮餃、墨魚手指同埋牛柏業，每款嘅份量都十足又好味，豬腸都洗得好乾淨，食得開心又放心👍杯熱情果特飲好好飲，好大杯最後都飲吾晒🤣！平時其他地方食車仔麵嘅飲品都好少選擇，呢度反而有好多可以揀！雖然旺角都有好多車仔麵選擇，不過一係就因為裝修太新穎而令食物價錢離地，又或者係地方太舊坐得太迫。呢度嘅食物同飲品都好過好多車仔麵舖頭！下次會再叫埋鍾意食車仔麵嘅朋友一齊黎～希望舖頭嘅老闆再揾多啲好飲嘅特飲返黎！…查看更多

約咗幾個朋友一齊黎呢間大排檔dinner，叫咗四個小菜邊傾邊食～沙拉骨啲肉比較實，好難咬🙈所以我只係食咗少少不過個醬有少少wasabi嘅辣味，都幾惹味～ 西蘭花炒龍躉片都好正👍份量都算多。虎椒炒鵝腸都好夠鑊氣。最後咕嚕肉好似好簡單，不過反而係最好食🤣因為肥瘦適中，酸甜度岩岩好！呢度都幾適合朋友聚會，尤其係鍾意飲下啤酒嘅人會幾鍾意。呢度比起傳統大排檔乾淨企理，不過真係要早啲book位，因為早圍都幾full booking，我地最後都只係食到尾圍。…查看更多

約咗朋友夜晚食呢間法國菜🍽我地叫咗1個appetizer同2個main，北海道帶子煎得幾香口👍旁邊搭配嘅三色椒都好食～燒春雞個sauce先係重點，如果就咁食就好似吾係好夠味～另外虎蝦汁意大利飯就偏咸咗，應該係落鹽重手咗🙈環境夠大，坐得舒服，侍應亦好主動幫忙refill水👍👍不過餐廳位置吾太就腳，所以平時都應該好少機會特登再黎呢度食野😂如果想揀有質素價錢合理嘅地方慶祝，呢度都幾合適嘅～😊…查看更多

原味千層蛋糕真係一絕~甜度岩岩好，而且食落口感層次都好正👍好食過好多大brand嘅千層cake，而且好多地方都有分店，非常方便，得閒就可以買幾件返屋企食☺不知火柑都好好食，不過呢個就吾會成日買黎食，因為始終覺得略為有少少overprice咗…查看更多

終於有機會食到夏捌月嘅晚餐~冇事先book位，好彩早到就算係walk in都有位~兩個人叫咗3個餐🤣，因為淨係食咗早餐所以好肚餓! 叫左個M5和牛、豬同埋蟹肉蟹膏意粉~另外仲叫咗酥皮湯！全部野食都係熱辣辣即叫即整，小店嘅優勢~3款主食都好出色，份量亦都幾足料~不過餐廳環境就扣分，因為實在太多蚊螆仔係度飛來飛去，頭頂同枱底都有好多🙉而且冷氣吾係好夠，希望餐廳可以諗諗啲方法改善一下呢個問題，咁就完美perfect啦👍…查看更多

每次黎親都鍾意叫呢度嘅吉烈黑豚飯，因為真係整得好出色，炸到好鬆化得黎又夠juicy，配埋個特製醬汁簡直無得彈~滑蛋吉烈豚飯都好好食，不過口感就黑豚會略勝一籌~仲有呢度嘅茶碗蒸都整得唔錯架~…查看更多