凱思琳的個人專頁

見到呢間舖頭開咗一段時間都冇去過，喺門口見到啲價錢好似有少少偏貴，今日終於有機會五個人入去試一次，竟然有意外驚喜。鵝片好味下面仲有豆腐韭菜豬紅價錢合理酸菜豬肚湯都好好飲凍烏頭都好滿意，完全冇泥味炸豆腐都好好味蠔餅俾90分店舖乾淨衛生，店員招呼好好，我帶小朋友去佢都好細心咁比隻叉佢食嘢，我覺得呢一餐非常之唔錯，睇完食評以為有機會會中伏，原來唔係😅😅…查看更多

仲有coupon剩咗諗住入去一餐好少少，揀咗最貴498嗰一隻薩摩牛，其實來來去去都係嗰啲咁嘅種類選擇唔多，食落去冇乜牛味，又冇入口即溶嘅感覺，除非加錢嗰啲就真係食到有和你牛嘅感覺，講真真係未食過啲咁好食嘅和牛，睇落去個樣唔係特別新鮮有啲肉顏色比較暗，總之成餐就係失望飲品汽水嗰啲都係任飲嘅，正正常常服務方面其實幾好服務，員工都好願意解答問題，環境方面都好清潔，見到啲員工都會主動幫你玩燒烤網，佢哋都好好笑容…查看更多

晚餐一家四口去食嘢，叫咗一個青口，一個西班牙海鮮焗飯，兩個小食，同埋嘢飲，諗住有小朋友喺度叫少少先食晒之後唔夠再叫，但係第一round啲嘢食到咗之後食咗兩舊已經唔想再食首先第一個青口啲肉係梅嘅，同埋勁細隻，$108第二就係海鮮焗飯圖中我只不過係食咗一啖，啲飯少到應該一小飯都冇，裏面有青口有蝦有兩粒蜆$188，但係啲青口都係梅嘅小食就正正常常普通炸嘢，嘢飲都係正常所以就冇影相，食完第一round之後已經想即刻走，永遠唔會有下次…查看更多

一共係兩次嘅經歷第一次係喺街市熟食檔嗰度食，炸豬扒榨菜肉絲上海粗麵，啲豬扒肥得好緊要裏面全部都係肥膏，上海麵好普通啲湯都係啲味精水，感覺上食完好頸渴應該落咗好多味精食完之後一個月左右見到佢喺廣福道開咗地舖，諗住再去食多次睇吓會唔會好啲，喺門口攞咗張飛入咗去坐，起碼坐咗有3分鐘以上睇緊食啲乜嘢，有個染髮阿姐疑似係經理嘅人問我點解會坐喺度😰😰我話我一早攞左飛你哋同事叫我行入嚟坐，好彩嗰張飛我冇掉俾返佢睇…………如是者我用咗手機落單，但係去到最後電話就話我落唔到單, 出現error之類，咁最後我就叫咗人過嚟寫單，寫完之後長髮染髮阿姐又走來鬧我，話我做乜嘢用完手機落單又叫佢哋同事落單，咁我講返個原因比佢聽，佢係都唔信就話佢哋手機落單係冇問題嘅，仲要一路喺度鬧，咁我心諗我都唔想㗎，食餐飯姐😰😰啲嘢食終於嚟啦，仲要漏咗榨菜肉絲冇俾我，叫佢跟返，又唔應我，講真我真係永遠唔會再去呢間舖頭食嘢，同我第一次食一樣啲豬扒好肥，唔肥嘅地方就好un好硬，唔知係唔係我樣衰硬係要串我鬧我，其實只不過係想食餐飯啫仲有嗰個長頭髮染髮硬正啲態度真係非常之差，一路食嘢一路聽住佢鬧其他員工，又話自己由朝早6:30開始就未食過嘢，我當時食緊嘢嘅時候係2:30，我覺得喺新舖頭食嘢嗰一次真係一個極度唔開心嘅經歷，真心自己又冇做過啲乜嘢，只係想正常咁樣食餐飯…查看更多

上星期同幾個朋友去Our Wonderland, 今次已經唔係第一次去, 由佢開張冇幾耐, 就已經成日去, 發現d野食冇岩岩開張咁好食, 可能多左人去, d野做唔切啦, 但整體上都ok滿意, 因為個feel幾好!但今次再去就麻麻, 我地5個人8:00幾去到, waiter安排我地食0係門口附近一個位, 最奇怪係其中有一個位有個插蘇位, 個插蘇位仲會頂住個頭=_= 其實果度只有四人檯既位, 只係佢地加多左張檯變成6人檯.....我地叫左兩個2人餐, 我食食下個意粉, 覺得有條好難咬, 我吐番出黎, 原來係一條斷左既橡根.......真係好嘔心, 乜都食唔落, 我地叫左個waiter黎, 佢都嚇一嚇, 之後每人送左個甜品比我地, 不過我已經驚驚啦!…查看更多

諗住買D新年禮盒送禮, 1月果陣知道富豪九龍酒店推出左D年糕禮盒, 1個月之前買定換領券等到時唔會買唔到, 我用CREDIT咭訂左幾盒桂花糕, 點知酒店又扣錯錢, 本應$300幾蚊, 變左千幾蚊.我2月4日去攞桂花糕, 點知有券都冇得換, 話已經換晒!! 叫我轉其他糕, 講真佢其他年糕, 蘿蔔糕洗乜買佢wo, 成$170一細條, 係佢個桂花糕特別我先買黎送禮, 我都唔明點解會預先買券都可以換唔到! 張券仲要有reference no., 佢一定知道有客係買左券未換嫁啦!咁大間酒店都可以咁!! 簡直不知所謂!!…查看更多

雖然d位坐得唔係好舒服, 但好有泰國風味, 有少少好似去左泰國咁! 我同一個friend叫左個酸辣鳳爪, 我建議唔食得辣既人一定要叫佢將d汁同鳳爪分開, 因為真係幾辣!個馬拉盞炒通菜都不錯, 一d都唔老!另外兩個湯河都好有泰國feel, 整體都幾好!…查看更多