mosquitog的個人專頁

屋子生活位於馬鞍山鐵路附近嘅商場內，日式Cafe設計，落地玻璃+塔塔米，由黃昏日落坐到夜幕低垂，氛圍感滿分。餐牌內選擇都算多，小食、主食、甜品、餐飲，多樣化好似芝麻糊嘅芝麻特飲清新菠蘿特飲茶漬飯都有，不錯！有清酒醃過嘅香梨，清新不膩胃…查看更多

今日偽泰之旅，選擇左去九龍城食完泰國餐，再去按摩！下午4:30pm黎到出名食晚餐一定要排長龍嘅泰金國，呢個時間就唔使排隊，店內仲有好多室位可揀。一入門口就見到大廚係廚房燒緊一件件鎮店之寶，我地二話不說就點左燒牛肉，外加少辣木瓜沙律及泰式日常飲品-椰青、青檸梳打，因為一陣去按摩，所以無點太多野食。燒牛肉揀左5成熟，到餐時啱啱好，牛肉連帶牛脂帶黎嘅味覺衝擊，實在好好味！我地仲encore左一次添！食完差唔多6pm，店外已經排咗十幾人，下次可以試吓呢個時間點黎😉…查看更多

位於灣仔藍屋旁邊，被必比登推介為「具質素且經濟實惠的美食」。店內以復古風格裝飾，配以舊傢具、復刻小販檔陳設、泰式鐵標牌，相當有懷舊泰式風情。之前睇介紹話超過六成食材每天由當地直送到店，招牌船麵湯底於早上開始製作，經六小時熬製，滋味濃郁，非常之吸引。當日去到已經有幾批人排緊隊，要等半個鐘先有位，幸好附近為著名景點區，我地影下相、玩下笑下便輪到了。店舖空間不大，但坐滿人，真係多D肉都行唔過通道。有一少驚喜嘅係，廁所連外面洗手空間相當企理，小小店舖黎講值得一讚。食物方面，試左好多樣野，船麵不過不失、炸魷魚還可以、炸魚皮沈上蝦子，我地自行再配上泰式醬汁，味道有驚喜；個人覺得最好味嘅係蟹肉炸飯，蟹肉非常鮮味，配上鹹香嘅魚露，非常回味！飲品方面，原汁原味，無添加！…查看更多

適逢父親節，父親大人作主，選擇佢想食嘅餐廳，最後去咗八月花食中菜。好彩早D係網上拎位，遲左就要排長龍。不過當日堂食嘅人唔算多，反而外賣很多，可能大家都慣左係屋企食。可皆當晚部分想食嘅菜色已沽清，只選擇了以下幾樣，最深刻印象嘅係蟹肉炒飯，很鮮味，龍蝦湯略為淡左D，總括黎講不過不失。…查看更多

可能太耐無去旅行嘅緣故，係香港點都好想搵一搵旅行味道，今次去食嘅「春水堂」，好想可以帶自己去短trip，回味旅行滋味。自台灣春水堂將當地小食粉圓混合茶飲，名為「珍珠奶茶」，旋即風靡整個台灣及全球，至今仍然掀起珍珠奶茶的熱潮。現時春水堂在台灣共有46間分店，品牌年前更進軍日本，在當地開了12間分店！所以識食嘅香港人，點會唔點上一杯珍珠奶茶啖下！當日好有印象嘅食物係牛肉湯麵，厚切牛肉加燜到林晒嘅牛筋，非常美味！…查看更多

今日午餐想清清地，即刻諗起茶碗漬，以湯茶伴飯，暖胃又好味。所以選擇左位於旺角中心地帶T.o.P.商場內嘅呢間日本餐廳，因為唔係間間日本餐廳都有茶碗漬，所以搵到嘅話都幾驚喜。除左茶碗漬之外，呢度有不同日本料理可選，包括各類家食、拉麵烏龍、小食刺身等，而閒日人唔算好多，好適合閒坐。…查看更多

入到元朗，當然要去鳳攸北街一帶搵間餐廳Cafe歇大歇。今日揀左呢間Sole Coffee，原因係佢有面對外面的坐位選擇！食物選擇同一般Cafe差唔多，All day breakfast 加早餐茶必定係我嘅選擇！當日人唔算多，所以我地坐得都算寬敞，先結帳後埋單亦方便處理。半日假閒完畢！…查看更多

近年有不少主打「Farm-To-Table」、農場直送餐桌概念的餐廳，突顯新鮮的時令食材，米芝蓮亦首次頒發「米芝蓮綠星」，以表揚推廣永續食物的餐廳。而今晚就黎到呢間於香港唯一得到此榮譽的餐廳Roganic，亦是以此概念吸引了我。Roganic 除了選用本地有機農場的時蔬、二澳自耕米、亦採用本地豬肉、禽類，甚至餐廳自家種植了新鮮香草及室內微型菜苗，卡餐廳入口處便能看見。今晚試左佢地嘅Short tasting menu，每一道菜色都非常美味，亦完全突顯出食材嘅新鮮！…查看更多

每每聽到朋友為左食壽司廊等足兩個鐘，就好容易打消嘗試嘅念頭，但又消不滅對佢嘅好奇心，究竟係咪咁好食？今日因為有朋友嘅推波助瀾及仗義等位，終於俾我試到。果然，食物鮮味大大件，一口一大啖十分滿足！選擇都算適中，二人「包間」好有私密感（強迫症😂）。 食完後我地仲打包左一份吞拿魚壽司set走添！…查看更多

由於好耐無同朋友外食嘅關係，特別揀左一D新餐廳作為頭啖湯試食，最終揀左呢間位於旺角嘅越南餐廳，地點就腳。室內裝修如網上見到嘅一樣，充滿氣氛。位置尚算寬敞，晚餐時段坐滿人都唔逼。食物方面，有驚喜！每樣食物份量精緻，唔會過多，與價錢成正比，所以一餐中可以揀多啲唔同款式嘅物食！味道配合適宜，係可以番轉頭嘅餐廳。…查看更多

周末假期好去處，就係想搵一間悠閑Cafe，過一個寫意寧靜嘅下午。 個日遊蕩間，行左入位於深水埗寧靜內街-基龍街嘅呢間Diary House。站在門外，即被門口放置嘅粉紅色大型郵筒吸引，絕對係吸睛打卡位！室外仲放置左幾個位置，可以一面望住街外人們生活嘅風景，一面享受精品下午茶！室內設有不同坐位，鍾意貼近街景嘅我，選擇左靠近門口落地玻璃嘅位置坐。至於食物方面，老闆推薦左佢地嘅熱賣款 - 韓式泡菜牛角包，亞洲與歐洲嘅混合味道，聽落都幾得意，食落更加有驚喜！微酸及微辣嘅泡菜豬肉，加上牛角包本身自帶嘅微甜，令味道相當豐富，不知不覺間一個人已經食晒成個包😋最後重點一提，老闆同店員都格外親切又好傾！…查看更多

又到一年一度大閘蟹季節，今晚搵左一間有套餐嘅酒店嘗鮮，每人兩隻蟹加多7道菜，後加壽包，相當夠飽，味道亦不過不失。🦀大閘蟹每輪一隻，第二輪比第一輪新鮮🦀其餘8道菜，味道唔錯，尤其係茄汁大蝦🍤…查看更多

呢間屹立元朗幾十年嘅麵店，店面細細，保留60年代嘅裝修，每次黎食，都特別有情懷。味道地道，雲否彈牙無雪味，30蚊一碗好味細蓉，宜家邊度搵到。其他野食價錢公道，落街食碗細蓉就係咁幸福。…查看更多

今晚晚餐選擇左同朋友一齊打邊鍋，仲要係重口味，上次試左尖沙咀店，今次試下沙田分店。原本Book左7:45pm，早左少少到都唔使等，可以直接入去，坐位好闊落，但係頭頂冷氣有D凍，臨走先知原來可以請店員教細D😂。 講到食物方面，一定無得輸，食材一貫嘅新鮮，又有食材味😋，真係完全無令人失望👍🏼 埋單價錢比起高質自助火鍋放題差唔多，但絕對值。…查看更多

當晚一行四人黎到MISU，嘗試大家都鐘意嘅日式菜。餐廳內人流唔算好多，中間發現唔少人黎慶祝生日。坐底之後，侍應好細心地同我地介紹時令菜式，連時令酒水都有推介。最後當然要點佢地最被推介嘅蟹煲😋 總括黎講味道好滿意！…查看更多