peppapp的個人專頁

朋友帶路試呢間喺東廣場嘅Poke Bowl，朋友係熟客食過好多次了😌推薦要食佢哋個牛同老闆傾偈 得知餐廳轉咗手 menu及出品上亦有改動老闆邀請比個openrice review幾年無打過食評🫢見到舊底食評咁慘不忍睹 決定要比返個正評支持呢間人情味小店！自選poke $68起呢個配搭食完自我感覺良好，營養目標達成✨1️⃣蛋白質 - 慢煮牛柳 2️⃣蓋底 - 半飯🍚半沙律菜🥗3️⃣配菜 - 玉子+ 火龍果 + 紫洋蔥 + 腰果（原本包3款） 第4款+$84️⃣加配牛油果 +$16 5️⃣裝飾 - 紫菜 （本身剔漏咗🤣店員姐姐提我可加）6️⃣醬汁 - 柚子醬油醋賣相🙌🏻好吸引完全係多巴胺食物，各款蔬菜嘅顏色配搭起嚟，真係睇見都心情好味道🙌🏻有水準今次揀嘅慢煮牛柳，出乎意料好食！食得出係品質好嘅牛肉，肉質嫩、無筋、完全唔會柴、欣賞係用慢煮方式👍保留肉嘅鮮味、質地、營養，份量亦算ok，有8-10小塊醬汁有好多款想揀🫢最後揀柚子醬油醋，希望令成件事更開胃，即使加咗牛油果😋都唔會好膩沙律菜好新鮮，仲有我最愛嘅火箭菜😆老闆仲話比多啲🤤半飯半菜啱晒外食都想健康啲嘅人座位餐廳主要做外賣，門口返兩個坐位，當日坐滿，老闆話樓上food court好多位，搭條扶手梯就到…查看更多

呢間非常出名既蛋牛治 禮拜六日遲少少去都要排隊 最好12點半前去到 今次食完大約1點出返去已經見到有條隊蛋牛治係必嗌 而呢度既蛋牛治係用新鮮牛肉 非常足料之餘 牛肉同蛋既份量配合得好好 每啖都食到晒麵包牛肉同蛋而呢度另一樣出名既係豬手麵 不過不失 算係中上既水準豬手炆得幾入味 隻滷水汁亦都幾好味 個麵既湯底都變左大地魚湯加少少滷水汁 所以個湯比起食開腩汁就清淡d 最後仲有西多士 都係水準中上 最緊要係熱辣辣 呢度既野食全部都即製 一定係夠晒新鮮高質舊式小店 要支持！…查看更多

南瓜濃湯 （加$28蚊轉餐，有湯有野飲）上次飲過好好飲既南瓜濃湯 必飲！今次叫埋朋友一齊嗌 好濃 濃到會掛匙羹 南瓜味好甜 超好飲 但份量比較少 唔夠喉啊！檸檬蒜香牛油大蝦扁意粉值得一讚啲蝦大隻 食得出新鮮 蝦肉爽口彈牙 好食個汁都唔錯 不過味道就比較啖 唔會好creamy 唔會食到膩安格斯牛扒配新薯 （medium)勁香 廚房一路煮已經聞到好香肉味 牛肉嫩度適中 唔會好難咬 食落唔算重牛味 同埋唔夠鹽味 但對得住呢個價錢 平平地就可以食到質素唔錯既扒薑味柚子蜜有驚喜 2個味好夾 唔好太甜 好暖胃好好飲打緊呢篇食評既時候已經去左食第三次啦哈哈😋…查看更多

見係黃店又捐錢比星火先諗住支持下試下 本身都幾鐘意食soufflé waffle 不過只此一次 下不為例平日夜晚係附近食完晚餐9點幾唔洗等位坐底幾分鐘見店員未比menu 於是打算招手與此同時 唯一店員行埋黎無出聲默默放底張單 我同男朋友即刻有啲驚訝 諗住同店員講我地未嗌野食 望多兩望張單 原來有個QR code 即刻恍然大悟係用電話落單男朋友落單但唔成功 因畫面出現error 於是我嘗試落單 成功落左1個焦糖soufflé 由9:19 分落左單 等左20分鐘未有野食 覺得唔對路 怕張單無落到 於是同店員查詢 佢話幫我地睇睇但無覆翻我地 到等左35分鐘 仲未有野食 再次查詢店員係咪漏左單 店員回覆soufflé 係一批批咁整 所以要等咁耐 一路等有種無了期等待既感覺 因為餐廳細細間 十幾個座位 廚房有3個人 樓面啲客係我地入黎既時候好多都已經食緊 照道理排係我地前面既單得好少 無可能要等咁耐 於是我地諗住等到十點就走到十點零幾分 諗住最後一次查詢店員 真係無野食就走 呢個時候野食終於到！店員再次默不作聲放底野 比人感覺餐廳明文規定要等咁耐所以老奉要等呢個食評終於可以講下野食soufflé 蛋味幾香 但質地偏實偏少空氣感 質地唔算輕 厚身少少 面頭焦糖脆口 但食過更多好食啲既soufflé 所以比較普通 食左幾分鐘 店員又黎左個一樣既soufflé 我地好驚訝地表示只叫左一個 但店員話系統顯示我地落左2個 於是放底左就走 完全係要我地硬食既意思... 事實係我地真係只點左一個 點解餐廳要將系統既bug 轉嫁比食客？ 而店員全程木口木面 態度唔友善之餘 仲要一啲禮貌都無 最後我地為左廢時煩 同埋廢事同話之你既店員爭論 而格硬食左2個一樣既甜品 雖然係黃店 一般黎講食物質素正常都唔會生存唔到 但真係要諗下點樣改善送餐速度仲有服務 黃店我絕對會試 但真正留得住客既除左食物之外 仲有你既服務 總結黎講今次用餐體驗好差 食個soufflé 要等45分鐘（有圖有真相）以後唔會再食 希望你地再培訓下店員 同埋改善落單系統 唔好再老屈食客 我當多謝你支持星火…查看更多

星期日晚餐 訂座7:30食呢間餐廳 到左唔洗等 入座率8成左右 設有2張戶外坐位 幾chill1. 黑松露野菌扁意粉 $98加左$28 有餐湯同一杯無酒精野飲餐湯係忌廉南瓜🎃濃湯 超！好！飲！完全係自己整既味道 平時出街完全飲唔到咁濃咁好飲既南瓜湯 係我出街飲過最好飲既南瓜湯 湯夠甜夠濃 超正 飲到一滴不剩 一定要加錢轉套餐！意粉都唔錯但未到有驚喜 黑松露份量幾多但整體唔算好香濃既黑松露味2. 和風紫菜味薯條配明太子蛋黃醬 $58好脆好熱辣辣既薯條 粗身大條 每條都沾滿紫菜 個醬係淡味蛋黃醬加明太子 蛋黃醬既味唔會蓋過明太子 香口好味 令人係咁不停食既小食 讚👍🏻份量好多 好抵食3. 脆經典炸雞翼 5隻 $58同薯條一樣又係即叫即炸 雞翼大隻 咬落去仲有肉汁 正啊 就算無醬點都好夠味又係一間會再食既西餐 抵食 質素高 環境舒適 係張櫈唔算好坐 小店黎講 送餐速度算快 10分鐘左右就有野食 下次試試其他野食再報告比大家…查看更多

係香港本身唔expect食到高質既拉麵 但呢間小店係相當高質未有黃色經濟圈之前已經食過 果陣未有咁多人排 而家有之後就每次都要排隊😂今次食係3點幾先去食個午餐 都排左10分鐘嗌左唔肯定係咪新出既櫻花蝦湯叉燒拉麵 上次食過沾麵今次試埋拉麵呢個湯我覺得係佢最出色個湯 櫻花蝦味非常濃郁好香甜 而叉燒都燒得好淋 亦唔會太老沾/拉麵都好好食 係睇心情想食咩質感同口味 有機會一定會試晒佢所有款式 絕對係再會黎懲罰！去埋佢旺角分店懲罰！…查看更多

好耐無食片皮鴨 就上網搵下有咩推介 個個都讚呢間老掌櫃就試試佢！不過一搵先發覺 北京樓美中鴨子都係美心旗下 即刻唔洗考慮 雖然呢間老掌櫃都未知黃藍🧐Book左七點半 去到望落成間野九成坐滿 而所有座位都好逼太肚餓既關係 一去到就嗌左本身電話留左既半隻鴨 上菜速度非常快 幾分鐘就有鴨食 而d鴨同皮都熱辣辣 d皮整得非常薄 鴨肉香 皮唔算太脆 但份量搭救 2個人食 皮同肉食極都仲有另外仲嗌左好多人食既雞絲粉皮 的確係唔錯 雞絲 粉皮 青瓜同醬既份量控制得幾好 不過個醬偏淡味少少 雞肉唔滑 但又係大件夾抵食最後仲有個大蔥羊肉餡餅 係比較失望既 首先個皮係唔脆 非常之淋 而羊肉都幾羶 肉汁亦唔算多 所以係麻麻2個人 食到好飽啊😆總結黎講真係好平好抵食 但就唔係食過最好食既片皮鴨 menu海量選擇 下次同一班朋友食既話都可以考慮呢間順帶一提 餐廳擺枱擺得好迫 枱與枱之間基本上係無距離 …查看更多

本來唔想食呢間 不過呢個商場其他餐廳要等位 午市得呢間只有5成入座率 友人趕時間 就谷住食左叫左個普通既常餐 蕃茄豬排通粉 配多士炒蛋蕃茄湯 唔錯 有一般茶記既質素啲豬排 就唔得 好硬身 好薄 成個餐最失敗既就係豬排 食肉獸表示食得唔滿足 因為真係硬到咬唔落 所以無食曬 多士幾脆 查埋牛油比你 幾貼心炒蛋都ok 幾滑幾香多士配埋炒蛋一齊食 幾好食奶茶 茶味較重 茶底茶香濃價錢比一般茶記貴 餐廳裝修係扮舊式 扮得好新穎 總結 無選擇之下可以試下 但專燈食或者回頭就不了…查看更多

星期六朝早十點黎到餐廳 好多人啊～9成入座率 叫左個早餐set 有沙嗲牛麵 炒滑蛋 牛角包🤤 💁🏻‍♂️男朋友話呢到奶茶幾好飲 所以跟餐叫左杯茶走首先講左最好食既牛角包先😍我地係為左食呢個牛角包而回頭再回頭呢個唔係一般牛角包咁簡單入面有火腿同芝士😌個包暖暖地脆脆地 超好食啊！出面啲牛角包咁貴🥐 呢個set只係$30幾就有咁多野食牛角包🥐真係必試！沙嗲嘔麵 都不錯 正常味道質素 牛肉易咬滑身 💁🏻‍♂️話食得出係出前一丁 再加分咁話炒滑蛋 都一樣 不過不失 茶走 幾好飲 合格有餘咁既價錢可以食到平均水準咁高既早餐 正！太好食啦🥐🥐🥐比個大特寫你👍🏻…查看更多

好耐無食過咁劣既日本野 打頭炮既係黑蒜油拉麵 落望賣相不錯 食拉麵既習慣飲一啖湯先🍜 湯底正正常常 再食叉燒 就出事 未食過咁硬身咁唔鬆軟既拉麵叉燒 以前食過質素係正常 但水準咁唔穩定 我唔會再試 再嚟一個豬肉丼 豬肉有臭味 啲飯煲得過濕 完全唔知食緊乜 好難食！連米飯都可以fail💩 實在太令人無奈失望......最後一樣野食最正常 係鯖魚 雖然煎得不夠香脆但起碼味道正常 總結 無一樣野係好食 下不為例仲要係大集團太興旗下 真係失禮曬👎🏻…查看更多

🍣 已經食過立鮨超多次了😍今次幫佢寫個食評先😂以前食開元氣果d垃圾 發掘到立鮨之後 想食壽司就唔使諗了立鮨所有壽司食材都非常新鮮 全部都係即叫師傅即切 然後切好就擺係你面前既木枱上 似足日本既壽司店😚每次都會嗌三文魚帶子赤蝦😋呢幾樣性格比極高既壽司 其實所有壽司都性價比極高 好多人都會嗌三文魚子軍艦 舊軍艦會用個碟仔裝住 d三文魚子會多到瀉晒落隻碟仔度 食材質素高之餘 份量亦都唔菇寒另外想推介既係 鮮蝦頭配鮮蝦味噌湯 平時食日本野果碗味噌湯多數都唔飲 得個咸字 呢碗裝住隻蝦頭既味噌湯極香蝦味 完全無平時果種死咸既感覺 亦都非常香甜 一碗$15係超值🤤…查看更多

Weekend Brunch嚟到呢間cafe chill一chill 餐廳門口擺左餐牌 樣樣都好吸引好想試 餐廳坐位比較迫 有十零個坐位 而且餐廳比較受歡迎 人來人往之下慢慢坐慢慢食都會有啲壓力 不過都見唔少人買杯咖啡慢慢歎住用電腦同朋友一人叫左杯latte 好好飲 奶味香 好易入口 香口而帶點點苦澀 令人想一飲再飲野食方面 叫左Egg Benedict with beacon 第一次食呢樣野 好好食啊 個淡黃色蛋汁 勁正 切開糖心蛋 蛋黃汁留落個麵包到 再加埋油脂味香濃既煙肉 一次過放曬入口超級夾 好滿足啊🤤😋份量唔算少 當brunch食都夠食朋友叫左 full breakfast 相比之下 大份好多 由於朋友細食 食唔曬 所以我每款野食都切左啲嚟試結論係egg benedict好食好多 腸仔 蛋 都唔係特別好食 好普通 其他番茄 茄汁豆嗰啲都正常 總括無乜驚喜 一般般 …查看更多

海南雞好好食 無骨 皮同肉都非常滑 雞本身都夠味 唔點汁就咁食都好好食 雞肉份量都算多 午餐黎講食得好滿足醬汁都唔錯 辣汁係bb辣 唔食得辣既人都一定食到 美中不足既係裝醬汁個三格碟好細 有啲唔方便 而且唔係用鐵匙 所以好難「畢」起啲汁 豉油唔會太杰身 好怕食到好杰好似糖漿嗰隻豉油 蔥油份量有啲少呢個餐包埋例湯 南瓜粟米雞腳湯 超正 超鐘意飲南瓜湯 中湯都好好飲 住家湯既味道 好甜無味精 因為飲完無特別口渴 每碗都有隻雞腳 煲得好淋 食埋 大滿足另外值得一讚既係服務態度超級好 當日有輪椅人士入舖 餐廳員工好helpful 一定會再幫襯啊 下次試埋都係招牌既口水雞再黎寫食評 …查看更多

一到搵餐廳既時間就係打開黃店app 係尖沙咀平價既選擇唔多 聽過光榮冰室但未食過就去左試試禮拜日7點半晚飯時間都有d驚冇位 好彩趕得切唔洗等位 食完出到去就排晒隊喇雖然天氣未到好凍 但見個個都食煲仔飯就嗌個黎試下 兩個人一個飯唔夠飽 就嗌多左個沙嗲牛通茶記最經典既沙嗲牛 份量相當多 而且啲沙嗲汁溝落個湯度勁入味 唔會變左牛肉還牛肉通粉還通粉 牛肉都好嫩滑無筋 $30黎講性價比好高而通粉係用舊式冇坑紋既通粉 個人喜好鍾意有坑紋嗰隻多啲 不過傳統茶記多數都用呢隻煲仔飯又係多牛肉 牛肉一樣咁滑 隻窩蛋撈完之後變咗熟蛋 熱辣辣再加上好味既甜豉油 天氣再凍啲食就更加正整體來講質素都中上 係間值得再懲罰嘅黃店…查看更多

已經食過呢間餐廳幾次 每次諗唔到食咩就會食 貪佢水準夠穩定 亦都唔洗點等位菜式主打石鍋烏冬同串燒 一人嗌碗烏冬加幾串串燒大約百零蚊 價錢唔算太貴每次黎到都係嗌辣蕃茄湯烏冬 湯底多蕃茄 辣辣地幾惹味 但要小心食到辣椒籽 因為佢係加切粒既辣椒落去 而今次就嗌左炸蠔做配菜一如既往地配菜好多 粟米既份量超多 雖然比較港式 但同蕃茄湯其實都幾夾炸蠔一上枱係熱辣辣 隻蠔既size唔算細 咬開都幾多汁 都幾唔錯第二碗都係同樣湯底 豬軟骨煮得幾淋 唔會太散另外嗌左幾串串燒 牛舌同豬肋肉燒得幾香 但雞翼就燒得太熟…查看更多