Mlcatcat的個人專頁

星期六係太古城中心搵食，見到呢間野無食評，膽粗粗試下啦。完全無冀望，所以無食之前影相，食食下先影😂 請見諒。意粉軟硬適中，味道很好。菜亦唔會太林，爽口，菜亦鮮甜。最喜愛係佢既Pizza! 個簿底做得好好，夠脆，餅底帶少許牛油香。可能無冀望，覺得有驚喜。侍應都好friendly有禮。會再黎👍…查看更多

朋友生日午餐，係蟹fans。見到寫蟹宴佢就衝左去啦，千里迢迢去到，原來好少蟹既菜式，而且蟹亦冇蟹味，其他野食仲好過佢。但菜款式唔多，壽司魚生類又係好少款式。甜品有Halloween 主題幾可愛，有返少少開心。生果都少種類。咩叫少，三種少唔少？😂基本上，未食過咁少種類既自助餐，而且味道亦非常一般。…查看更多

紀念日由午餐開始🤣 菇好食呀，牛同豬都唔錯。想講既其實係。。。為左個甜品拼盤。佢即刻係面前畫畫咁整個甜品出黎，一邊介紹材料一邊整，幾得意。會教你食邊款先，由淡味開始食到濃味。唔算太甜，幾好。服務好既。…查看更多

約個朋友lunch,見呢間野個名咁得意，試下幾正先。裝修幾啱ABC朋友，喜愛中國野， fusion food。我地叫叉燒扒漢堡，真係幾特別，唔錯，配菜沙律都ok。甜品菊花淘膠奶凍，略甜左但創意搭夠。服務好有禮貌。…查看更多

路過，發現要晨早流流8點幾係石峽尾搵早餐，原來真係唔易，仲要得20分鐘搵加叫加食，簡直不可能任務。就咁衝左入呢間，咁趕仲得鬼閒睇食評咩。😁入到去冇咩人食，附近已經少野開，得一間都唔多人食，唔通。。。因為減醣，求其叫左豬扒餐。新鮮熱辣攞出黎，豬扒個邊整到脆卜卜，好好食，味道好，有豬味唔係只有調味料味，又鬆軟。最經典係個薯蓉，大愛！薯蓉味道好，滑，仲有切粒粒既薯蓉增加左口感。咖啡就普通，不過不失。冇諗過呢間幾好食，差不多食晒先黎影返張相做証🤣🤣🤣 寫食評，我為人人，因為人人又為我。😂 好野係值得讚賞👍…查看更多

朋友選呢間食午餐，佢不嬲識食既，佢提議一定要試下啦。門口係隱蔽少少，一出𨋢已經有驚喜，走廊兩邊掛晒燈，好浪漫咁喎。員工幾好招呼，成日主動加水，不多言，有禮。餐巾設計好靚羅，忘了影！張枱係有柜放餐具，設計好雅致。食物擺盤靚，亦好食，頗有特色。午餐人流唔太多，落地玻璃設計，舒服👍 價錢公道。希望你長做長有，我地想以後黎“老地方等” 喎！…查看更多

呢間店係細街入面，唔係有人介紹都唔會知道。店唔大枱唔多，環境不錯。食物係好食既，價錢貴d都物有所值。大家都叫既龍蝦蝦餃係名不虛傳。好爽口，濃淡得宜，大大粒。腸粉入面既油炸鬼放左好耐都仲好脆好香口。想叫海膽芝士春卷但海膽無貨，所以轉左芝士蝦春卷，都非常好食，佢既炸物放耐左都唔會林左唔脆，一樣好香口，抵讚。金箔餃子都好爽口，好食。小籠包同炸蝦餅都唔差。芋頭流心奶皇就非常一般了，奶皇比較甜，唔夠香，芋頭味就食唔到了。我就錯晒重點，好喜歡佢既洗手間 🤣🤣🤣 好多間獨立既夠大又乾淨，唔知有冇人同我一樣咁攪笑好注重洗手間呢！ 🤣🤣…查看更多

呢排成日去九龍灣食早餐，今日選左呢間試下。叫左37蚊呢份早餐，駛唔駛咁有Heart呀！個湯底一d都唔hea喎, 泰式豬扒扎肉湯粉。個豬扒鬆軟又厚，咖啡香濃既，真係估唔到！環境都乾淨優雅， service 都唔錯！抵食又好食！ 咁令我好難做架喎，我仲想試其他餐廳，但咁好食又點唔再黎呢？！…查看更多

早上搵間好坐d食早餐最難，仲要係八點，仲要係太古城區。行左半個鐘，間間都唔想入，見到和民就試下。環境夠寬敞，入座前要先買野食，之後比隻蛋你，會送餐既。個大早餐真係好抵食，味道亦不錯，抵食。…查看更多

果日食 birthday lunch, 幾好既經歷。餐廳裝修簡潔，有個 serve 我地枱既女仔非常好禮貌，笑容滿面。叫左個招牌菜，全部細細件，有鹹有甜既，件件都非常出色。沙律就。。。個西柚汁係好食既，但撈落菜度，成碟一d味都冇。。朋友食牛既主菜，性價比非常高，抵食！咖啡係有竹炭味既，幾特別。總體comment，可以 encore 👍p.s. 如果經理多點笑容同講野有尾音會更好😄…查看更多

今日試呢間朋友推介既Mr Crab,向來好喜歡海鮮既我地，其實冇抱住冀待。冇晚市可能就冇咩人食，openrice book大把位，留左備註係生日既，不過就完全冇特別。服務生都有禮貌既，保守d叫左個5款既海鮮包試下，同埋Crab cake Benedict. 個crab cake就普通啦，個海鮮包先係主打。用個膠袋包住d海鮮，然後係你面前搖勻d醬汁。我地叫蜜糖既貪佢比較原味, 包內仲有薯仔之類配菜。好食，海鮮幾鮮味，個汁配合得好好，其實真可以另外配飯食用d汁。大家都喜歡食唔夠分，於是再叫左個三款既海鮮包，分開叫就貴左唔抵啊，下次就唔好咁笨🤣…查看更多

今次係第一次食法國餐，令我地印象非常好。法國人都會講下笑，d野係好好食！我地叫既係9個course, 每個course都令人驚喜。Sourdough係名不虛傳;個蚝最令人想不停食；wasabi ice-cream, sake ice cream唔錯；和牛同乳鴿都好食。係牛仔肉比較遜色，可能食唔慣個味道。以為法國餐會食唔飽，點知都好飽，仲上得唔慢既。…查看更多

平時少食譚仔三哥，早餐更係今日第一次食。服務員態度係好好既，而早上唔多人，呢度亦好寬敞。可惜，個蕃茄湯底太甜啦😅 不過佢既豬肉仍然係好食既，米粉都彈牙，亦夠大碗，咖啡都唔錯。…查看更多

終於可以約多兩個朋友仔食野啦！聞名以久既鬍鬚安，真係幾好食喎！懷舊傳統既火鍋店係香港已經唔易搵啦，店舖面積雖不大，但環境整潔，店員服務態度又好喎。佢地最出名係牛，A級手切肥牛既碟一放低，朋友們一陣就清晒lu，真係好鮮味！醉雞好滑喎；脆魚腩爽口肥美；蠔夠新鮮香蠔味；蝦成隻手掌咁大喎離晒譜！響鈴勁好食，成功令節食個朋友唔停咀🤣我就係咁飲胡椒豬肚湯底羅😂 掛住食好多野都冇咩影相呀！😭 而當日既鵝腸、黑柏葉同鱔魚片就一般水準。佢地自家製既菜肉餃、韮菜餃、炸醬餃、芋頭餃，唔食精緻澱粉既我都食唔停，好過份呀！😭但真係必食！🤣價錢亦公道，抵食！推介呢間店！…查看更多

成班朋友10幾人有大有小搵食，見到呢間店個名好得意，叫nonsense, 咁就睇下佢個餐牌係咪non sense 先! 餐牌又幾吸引喎，又有babychair提供，咁就試下啦！餐廳唔大，裝潢幾精緻，有candle及輕音樂，情調幾好，係本人鍾情果種小店feel。😍 店員有禮貌又勤快，而家仲有咁既服務態度幾難得喎! 叫左好多野食呀！overall 樣樣都好食，不過有幾味我地話應該列做鎮店之寶🤣 個豬鞍賣相唔錯，d肉味真係好香，又juicy ! 一陣間就搶晒啦! 所以再叫過! 另一味又係要叫第二輪，就係黑松露鵝肝意粉，色香味都👍👍👍 鰻魚卷外脆內軟，真係。。戒澱粉都要破晒戒呀 😭 仲有個 鵪鶉煲仔飯同卡邦尼意粉，都大碟啦仲要叫多輪! 個白味噌北寄貝湯，好香胡椒味，又飲到海鮮既甜味，都係必食! 龍蝦68蚊! 想點呀平靚正! 8大6小都覺得呢度有5星級水準，講緊小店有咁既水準好難得，仲要價錢唔貴，真係好想見下大廚。6合彩又唔見咁靈，大廚真係出現左，問我地食後意見，好親切呀 😱p.s. 不得不提下，間店有酒精同冇酒精既野都係5星級滋味，好可惜冇全部影相，但我最念念不忘杯 smoky Rose羅!!…查看更多