hyphown的個人專頁

非常精緻的上等素食！我嘗試分享主食以外的幾款。奇趣日式茄子的炸皮鬆脆新鮮不油膩，吃得出油是新鮮的。甜品創新又精緻，「雪影酪梨」光看名字已經很有詩意，其實是牛油果薑汁泡沫，組合很有創意，薑汁泡沫的口感比cappuccino 更薄更輕，還有淡淡的薑汁甜香，牛油果汁有點像薑汁撞奶，但甜味和口感的層次更仔細。純素Tiramisu賣相可愛，在無蛋奶的條件之下，味道和口感居然和有蛋奶的一模一樣，還少了一種乳製品的膩膩的感覺。…查看更多

我不吃辣，實在沒什麼理由吃川菜。但我居然看到餐牌上寫着「可以唔辣」，即管試試招牌菜：秘製醬汁自選香鍋。一上菜，很大的一個香鍋！起碼是二至四人的份量。秘製醬汁香濃惹味，醬汁底下，居然還能吃得出蔬菜本身的鮮味，而且質感爽脆新鮮。飲品也是大大杯的！整個用餐過程十分滿足。差不多吃完才記起要拍照！第二次用餐嘗試獨立點菜，免得太大鍋吃不下。每道菜的份量也是大大的，好吃份量剛剛好。不過這樣叫就不化算了，還是該呼朋喚友，一起分享！…查看更多

筲箕灣新開了不同的食肆，有一間很搶眼的，以激情粉紅色及插畫師作品喂，為店內風格點題。本來不是我杯茶，但當店員邀請我入內的時候說「我們的主廚是五星級酒店主廚」，我選擇了給自己一個機會。點了63度溫泉蛋carbonara。一上菜，看見賣相、聞到濃郁的芝士味，已經感覺到五星級主廚的水準。意粉口感Al dente，carbonara汁香甜又creamy，每一口均有濃郁方香的芝士味。汁比較多水，不像一般的做法，一般的都是比較濃稠而乾身的，本來以為多水會削弱了意粉的質感，但吃到最後，正正因為汁不太濃稠，所以沒有了那種油膩滯脹的感覺。溫泉蛋就是一口一個，濃郁的蛋汁在口裏滲出來的感覺真的要親嚐才懂！主廚的強項其實是扒類，下次有機會一定要試！…查看更多

雖然不算隱世小店，但在美食廣場芸芸食肆中要找到他確實又不太容易。寂寂無名的西式小店寫着新張期間一律八折，於是，純粹貪心，一試無妨。隨意叫了午市套餐的9吋意式薄餅，跟即磨咖啡。Buzzer一響，原來驚喜一大盤！光看杯盤碗碟，已經知道花了不少心思，銅碟把pizza襯托得宜，咖啡匙羹上有一個笑哈哈圖案。一看羅宋湯的材料已經知道份量十足，喝第一口已經品嚐到菜和肉的質感和鮮味。Pizza的四重芝士，濃郁香氣四溢，難得是四種芝士各自獨特的味道，既獨特又blend in. 唯一一點建議是薄餅餅底可以更鬆脆。餐飲附上的即磨咖啡，新鮮香濃的程度更勝咖啡專門店。即使沒有八折優惠，性價比依然高。…查看更多

東大街嘅孖寶小廚，做街坊生好多年喇。我長年都係幫襯兩味嘢嘅啫，就係南乳齋煲同埋紅燒豆腐煲，幾乎每次去都好滿意咁出返嚟。佢嘅南乳齋煲有好多料，有茄子、粉絲、菇、菜豆腐，樣樣都爆得好香口感好好，薈返個南乳汁落去已經非常惹味，而且我係撈汁派，南乳汁撈飯一流。有時想食豆腐多啲，就會嗌紅燒豆腐煲。啲豆腐朔晒汁好入味，而且亦都會有菜同埋有爆香咗嘅冬菇，都係好正，佢哋啲煲仔菜有湯有飯仲有嘢飲都只不過係六十零蚊，抵食又好食，讚👍🏿…查看更多

年初二下午茶時段，搵食艱難，隔住玻璃見到一圍枱坐滿晒人，其他枱都有客，即係照常營業啦，入到去都未坐低，有個阿叔即刻同我講話冇點心喎，問我想食咩，我心想我都未有menu，兼仲未坐低。我終於坐低咗，嗌咗羅漢齋炒米，落單個阿姐唔多客氣，都算，我主打係食嘢，唔係食服務。但係啲嘢食難食到嘔，個炒米啲油多到可以裝一樽返屋企煮餸，又唔香，個鼻涕芡（已經叫咗少汁）撈埋啲油，掩蓋晒所有食材的味道，兼夾好難入口。之後先發覺嗰一台客，同埋其他所有客，其實都係呢間食肆嘅自己人，全部係親朋戚友，搞到我好似入咗黑幫家族飯堂咁。可能就係因為咁，呢間嘢完全唔注重食物質素同服務態度。總之食完即走，永不回頭。…查看更多

年初一晚，搵食艱難，好彩屋企附近仲有食肆開門。嗌咗羊肚菌紅燒豆腐加白飯，一味菜已經顯出呢間酒家個大㕑嘅功力，個芡汁香濃鮮味，夠杰身包住尐菇菌同豆腐，非常入味。單一味餸可能會有啲鹹，有白飯就啱晒，送飯嘅時候個芡唔會話俾啲飯朔晒尐汁浸住晒，雖則個飯麻麻哋，唔新鮮又乾又硬，但係個芡汁靚到將啲飯嘅旱味完美掩蓋，一餸一飯，完美配搭。特別鳴謝大年初一仲辛勤工作嘅所有員工，即是冇利是（要自己行去櫃檯俾錢）服務態度都非常好，謝謝大家？恭喜發財！…查看更多

本來諗住用咗個外賣優惠，是但嗌啲嘢食，於是嗌咗墨西哥辣肉醬薄餅，估唔到超級好食，連個Pizza 盒都好靚仔，打開個盒見到個賣相已經覺得好食，mozzarella, pepperoni同牛油果醬嘅顏色配搭同大細比例都非常有心思，食落果然色香味俱全，薄餅個皮有一種好香嘅烤麵包嘅味道，非常香脆，好少地方咁注重個薄餅皮，真係烤得好靚，各種材料嘅份量配搭令到口味非常平衡，微辣、惹味、香濃、清新，共冶一爐。物有所值！…查看更多

新屎坑總有三日香，屋企附近開咗一間非常有文青feel嘅仿台式奶茶舖，見個interior design幾特別，即管試吓係咪內容同陣容都咁好。舖頭主打香水檸檬，除咗有啲好普通嘅珍珠奶茶選擇之外，居然有咖啡，仲係招牌香水檸檬咖啡。我就試吓呢味招牌貨。一飲之下，除了勁難飲，還是勁難飲。呢種檸檬嘅香味同咖啡一啲都唔夾，掩蓋左咖啡嘅味道之餘，又嘥咗本身檸檬嘅香味，搞到成杯野又酸又澀仲有渣。咁我都俾機會佢哋，問吓有關其他飲品嘅資訊，點知佢哋除咗香水檸檬之外，關於其他飲品一無所知。唔知都算，佢哋居然冇興趣知。我心想，我身為客戶，佢哋又假假地都新開張，稍為豎起隻耳仔當收吓客戶啲料到好吖，點知佢哋一啲興趣都冇。我嘅感覺係佢哋淨係對自己識嘅嘢有興趣，讕係有誠意咁分享俾啲客知，但係就完全冇心聽取客戶嘅意見。佢哋嘅服務態度同個logo一樣，成把頭髮浸落杯嘢飲度，嘔心！…查看更多

作為純素食者，搵食相當艱難。有一日行過灣仔竟然喺呢間小店搵到蛋奶素(lacto-ovo vegetarian)同純素(vegan)兩款burger！個vegan burger用料新鮮又好味，入面塊素魚柳香脆可口。厚切薯條夠晒新鮮熱辣，好味！連個裝薯條嘅tray都好有特色，個tray有個位專係擺醬。店內slogan/poster都有尐心思，斷估有信仰，亦有香港人嘅信仰（明就明，唔明就小明）。物有所值，排隊都要食。…查看更多

好想食漢堡，又想平，但全球化連鎖店以外又有咩選擇？居然比我search到呢間喺屋企附近既隱世小店。原來只有外賣，所以店舖環境衛生呢D都無得比咩意見。我叫左黑松露素菜漢堡，即叫即做，相當新鮮。個黑松露醬都幾重手，香氣撲鼻，我呢幾日鼻塞都聞到勁香。入面既炒野菌洋蔥都算幾惹味，當然唔少得三色椒、番茄同生菜，味道好blend in。不過我個人認為番茄、生菜同洋蔥可以免炒/煮，新鮮蔬菜個口感會比較清新同有層次，而家比較似將D熟食夾入個包入面。其實係好味既，好juicy。不過無咁似平時食漢堡既經驗，尤其係佢個包比較甜，整體口感同味道相當有趣。下次會再試其他菜色。…查看更多