KenricLiYuHin的個人專頁

一段時間沒有同屋企人去食晚餐，所以選擇咗一間口碑比較好嘅齋菜店。雖然佢哋啲價錢唔平，但係我真係覺得物有所值！叫咗佢哋出名嘅招牌芒果蘇豆腐， 牛油忌廉芝士薄餅， 同埋一個菌湯， 仲有其他菜... 佢哋啲食物，有質素變化多。 雖然全店只得1.2個侍應（因為老闆有時會從廚房出來幫手）個侍應有時真係表現得有啲忙， 但係每次我作出詢問時， 佢都殷勤地回答，真係令我有啲感動:)當我結帳時想畀小費， 他立即作出拒絕，並說，因為他是佛教徒， 所以服務好對他來說是一種功德，從而不應該收小費！真係難得如果香港多啲咁嘅食肆，效果肯定好過搞啲夜繽紛嘅節目。 所以服務好壞同佢哋忙唔忙，根本冇必然的關係。…查看更多

今日終於畀我感受到點解啲人離港消費。 先嚟個總結： 硬件差，選擇一般，食物水平低， 最慘啲嘢仲係唔平... 公平啲，咁又唔係好貴（ 四個人，五個餸，成千銀落樓）。 最慘係啲食物仲衰過屋邨酒樓。我哋叫咗個蠔餅，但個蠔餅真係好餅，一啲都唔脆， 食緊嗰陣時有啲食蛋糕嘅感覺。再叫咗個鹵水鵝，啲肉簡直韌到飛起， 我真係以為我自己太老，所以咬唔開啲肉！最慘就係，如果你唔講我真係爭啲唔知係鹵水鵝， 一啲鹵水味都冇， 真係一啲都冇。 叫咗條鹽焗烏頭，因為係預先整定嘅，所以唔太熱，講真：冇乜味。最吹脹係，佢個水壺大到無論，所以拎起嚟有啲重，但係個水杯又細細個， 所以比較難斟水。 當我哋問侍應可唔可以畀個細啲嘅水壺，因為太重喇，佢話我哋係咁樣㗎喇，對唔住！ 咁就走咗喇 一個字 ...勁！ 雖然佢哋都算好禮貌， 但可能我真係年紀太大喇， 覺得個水壺真係有啲難控制。…查看更多

上星期諗住同屋企人去大埔食海鮮，所以特登喺樓下街市度， 買咗條靚魚， 瀨尿蝦， 鬼爪螺..... 仲有其他海鮮， 點知奶曬嘢。原來高手真係太勁， 幾隻椒鹽瀨尿蝦，料頭又唔夠不突止，D蝦又過熟！都算啦！ 啲鬼爪螺一D都冇洗就拿去蒸， 搞通我食到成手都係沙，仲煮唔熟，最後仲要返蒸先至可以食得:(。條幾百蚊嘅魚至死得唔低， 佢一聲唔該，洗都唔洗， 魚扣都冇劏開就攞去蒸。死未。最後好彩佢識做， 褪番少少加工費， 但啲海鲜就白白枉死了…查看更多