fulldee_yauyauyau的個人專頁

BEP Vietnamese Kitchen 越灶 地址: 尖沙咀梳士巴利道18號Victoria Dockside K11 Musea 4樓401號舖 #yauyau_尖沙咀 推薦指數：7/10  係尖沙咀海旁行到攰就同女朋友去食好耐冇食嘅pho，開得k11係都要預會貴，但我覺得佢個湯底係對得住個價。入面啲位都幾闊落，係啲燈光有啲暗，似西餐多過越南菜。 🍖🥘河內生牛肉粉 $98生牛肉幾嫩滑，唔會薄切變得好散，配熱辣辣嘅濃郁牛骨湯底同豐富配料，例如豆芽、青蔥和香葉，每啖pho夾住嚟食真係開心。 🥘🍖牛爽腩粉 $118個面同湯底同上面都一樣，分別在牛爽腩好鮮甜，口感軟腍易咬。 🦐🫓鑊仔煎薄餅 $128 薄餅煎至金黃酥脆，裹面放滿左好似雞肉、海鮮、蔬菜等嘅配料。不過同我鍾意嘅薄餅唔似，我唔推薦大家叫呢個。 味道: 4/5服務: 4/5環境: 4/5番兜: 4/5#尖沙咀美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #尖沙咀越南菜 #越南菜 #pho #越灶 #bep #beppho…查看更多

迷湯肉骨茶專門店地址: 鰂魚涌海堤街18號地下D5號舖#yauyau_鰂魚涌  推薦指數：9/10 我自己有鋪叻沙癮，今次就去公司附近嘅小店上一上電啦。店入面得八個吧枱位，平時淨係開平日中午同星期四夜晚，去到都實有位架啦，因為啲枱係有啲難坐嘅，不過啲野食係值得既！鋪頭得一個店員，大家去到俾啲耐性。 🥘🥘叻沙（小辣）$80 湯底嘅蝦籽香同椰奶味都好突出，唔稠身呈啡奶黃色，面上嘅紅油可以話係畫龍點睛， 紅油辣得嚟清新攻喉配合翻個椰奶嘅順滑，真係好舒暢。佢浸紅油突破到叻沙必然會有嘅油膩感覺，如果鍾意食辣嘅人會覺得佢比馬來椰爺更勝一籌。個面都好彈牙，配料豐富新鮮，面嗰啲香料都有炒過炸過。 🍖🍖肉骨茶 $70 飯 、肉、茶三樣會分開上，茶味好足中藥材，不過平時唔鍾意飲中藥嘅就應該唔鍾意食，舊肉好入味，冇因為炆得耐就鞋哂，同啲中藥意想不到咁夾。 味道: 4.5/5 服務: 4/5 環境: 2/5 番兜: 4.5/5 #鰂魚涌美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #鰂魚涌新加坡菜 #新加坡菜 #叻沙 #迷湯肉骨茶專門店 #迷湯…查看更多

1986地道越南餐廳 (東寶大樓)地址: 土瓜灣北帝街60號東寶大樓地下A號舖 #yauyau_土瓜灣 推薦指數：7.5/10 女朋友對pho情有獨鍾，第一篇食評都係寫pho先，今次就帶佢去土瓜灣食一間朋友推薦嘅越南菜小店。 🍖🍜招牌牛肉三拼湯河粉 $70 湯河粉搭配左招牌牛肉 、牛丸、牛扎肉，每啖都品嚐到鮮嫩嘅牛肉，牛骨湯底湯好濃郁。 🦀🍜海防蟹膏湯檬粉 $72檬粉用蟹膏湯為基底，搭配蕃茄嘅酸爽，整體蟹味都好出。 🐙🐙下龍灣手工墨魚餅 $62墨魚餅好彈牙，墨魚鮮甜味道喺個口爆開咁。 味道: 4/5 服務: 4/5 環境: 3.5/5 番兜: 4/5 #土瓜灣美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #土瓜灣越南菜 #越南菜 #1986地道越南餐廳…查看更多

留園雅敘 地址: 灣仔駱克道54-62號博匯大廈3樓#yauyau_灣仔  推薦指數：8.5/10同女朋友嘅度過佢第二個生日，今次繼續食女朋友最鍾意既上海嘢，呢間餐廳環境幾好，雖然啲枱放到好近，但係啲燈同啲座位好warm好舒服，姐姐會就住你叫幾多嘢食就提醒夠食唔會浪費，另外記得一定要提早訂位先有靚位。 🥚🥚薰蛋 $50 蛋黃香濃滑嫩，個薰香味好濃，勁夾蛋黃香，同埋個蛋白好鬼滑。 🥠🥠小籠湯包 $80 小籠包肉質飽滿，湯汁好鮮甜。我覺得佢係我喺香港食過第二好食嘅，佢輸係個肉質度，喺個材料上嘅問題。 🐟🐟松子桂魚 $650 松子桂魚色澤金黃，外皮酥脆，魚肉鮮嫩多汁。松子酸甜醬食落清爽，冇整到太酸遮住桂魚嘅鮮香，要條魚靚廚師又炸到啱唔好先得，炸魚可以到呢個水平係好勁。 🍜🍜上海粗炒 $150 口感豐富，色香味俱全，鼓油香味好出，女朋友食得好開心。 🫖🫖茶芥加餐前小食 ～$80/2ppl埋單連加一茶芥都係千一，抵過去Morton呀ruth Chris食扒。味道: 4.8/5 服務: 4.5/5 環境: 4.5/5 番兜: 5/5 #灣仔美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #hongkong #hkfood #灣仔上海菜 #上海菜 #留園雅敘 #留園…查看更多

La Favorita地址: 鰂魚涌英皇道979號太古坊濠豐大廈2樓The Sixteenth#yauyau_鰂魚涌 推薦指數：7.5/10 上次restaurant week繼續去試pirata旗下嘅餐廳，呢次嚟到出名靚裝修嘅意大利餐廳，意式風情萬種，間格好舒服，啱哂女朋友打卡。食物仲好高質，呢個價位食到意大利傳統嘅菜式都算ok。不過份量有啲少，女朋友都唔係好夠飽。Restaruant Week menu $198/ppl Prosciutto e Melone 火腿嘅鹹香同哈密瓜清爽香甜好夾。 Burrata Classica +$38水牛芝士同蕃茄真係好襯，芝士內裡濕潤柔滑，夾埋啲蕃茄酸酸哋好開胃。 Eggplant Parmigiana呢個main以烤茄子為主，搭配番茄醬同芝士嘅香氣，層層疊疊，女朋友好鍾意個茄子嘅柔軟口感。 Chicken Arrosto +$28烤雞整得好香好嫩滑，個芡汁好重肉味，旁邊啲配菜又係焗到勁香口，點埋啲汁真係食唔停。 Tiramisu呢個同pici有好大分別，佢中間有兩層好濕潤嘅蛋糕底，夾埋佢個custard係好順滑，每啖好濃厚咖啡味。 味道: 4.2/5 服務: 4/5環境: 4.5/5番兜: 4/5#鰂魚涌美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #鰂魚涌意大利菜 #意大利菜 #lafavorita #thesixteen…查看更多

榕基滷水專門店 1992 地址: 大埔廣福道97-99號地舖 #yauyau_大埔  推薦指數：8.5/10 市區行到冇嘢好行，同女朋友入大埔睇下理民府舊警署嗰啲法定古蹟，仲跟朋友推薦食嘢，佢啲套餐真係幾抵食。如果下次再嚟我應該會散叫個下庄同鵝腸豆腐嚟食。餐廳行台灣風，座位都闊落好坐，張枱係夠擺抵哂啲食物。 🍗🍗原隻鵝脾＋🍜🍜鮮鵝油撈麵 ＋🥬🥬家鄉甜酸菜 $80 鵝脾鮮嫩多汁，肉質細軟滷水入味，有淡淡的甘甜香。 麵條彈牙，撈埋鵝油令香氣昇華，搭配秘製川麻辣醬，辣中帶麻同鵝香。注意上菜就要快啲撈面。 甜酸菜好清爽，平衡翻個口感。 🍖🍖鵝片併豆腐＋🍜🍜鮮鵝油撈麵 🌶️🌶️伴秘製川麻辣＋🥕🥕爽脆酸蘿蔔 $75 豆腐滑嫩入味，鵝片相對冇鵝脾咁滑，但片起嚟食都好鬆化。 味道: 4.5/5服務: 4/5環境: 4/5 番兜: 4.5/5  #大埔美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #大埔台灣菜 #台灣菜 #榕基滷水專門店1992 #榕基…查看更多

水門雞飯 地址: 尖沙咀金馬倫道18號萬勤商業大廈地舖 #yauyau_尖沙咀  推薦指數：7/10 每次嚟到都好多人排隊，今次排咗5分鐘到就入到去食啦，餐廳座位都比較迫少少，但係食飯空間都足夠嘅係可能上菜要就少少位咁。 🍗🍗🍚海南雞飯 $68 轉雞髀+$10 用咗比較瘦身嘅雞嚟整，所以就算連埋雞皮嚟食都唔會覺得好油膩，佢浸雞嘅時間都唔錯，唔會整到啲雞肉熟得滯老咗。點埋佢嗰個辣醬就啱啱好啦好開胃可以好快咁送晒啲飯。個白飯都係普普通通，我會覺得唔係好夠雞油。 🥘🥘另外跟餐仲有個湯送，有少少白胡椒粉嘅味，飲落去辣辣地好開胃。行過嚟食個快飯都唔錯。 味道: 3.5/5 服務: 3.5/5 環境: 3.5/5 番兜: 3.5/5 #尖沙咀美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #尖沙咀泰國菜 #泰國菜 #水門雞飯…查看更多

淥鼎記 地址: 觀塘觀塘道414號1亞太中心8樓 #yauyau_觀塘 推薦指數：7.5/10 今次一年半週年紀念帶左女朋友去觀塘一間火鍋放題，一次過滿足女朋友打邊爐同食酸菜魚嘅願望。間嘢都幾抵食，唔會因為多左款式餸菜就俾啲差嘢，價錢同食物對比我食過一間喺佐敦又係食酸菜魚加邊爐放題叫倫X私房菜嘅好太多。 爵爺套餐無限時火鍋放題 $378/ppl （另收加一） 錦繡前菜（一次性） 都係啲基本小食，不過有誠意，有泰式鳳爪同牛肚絲啲高成本啲嘅嘢食。 日本直送時令刺身（一次性） 呢個有帶子、三文魚、大甜蝦、唔知咩貝類刺身同鮑魚，全部都好新鮮， 拍得住啲連鎖壽司店。 主菜 （六選一）（一次性） 我哋揀左酸菜魚，個麻香整得好好，有十二X嗰個feel，啲魚就冇麻辣風X嗰啲咁靚架啦，但都係中上貨式。仲有好欣賞佢冇特登放好多平嘅配菜落去借啲意塞飽你個肚，每樣嘢個份量係好reasonable，你食哂咁多樣嘢都唔會好飽，係好舒服咁食到最尾。 無限時火鍋放題 -包頂級手切牛x1 & 豪華海鮮拼盤x1（一次性） 湯底揀左莞茜嗰個，去到呢個位食埋佢送嗰兩碟靚嘅牛同海鮮，再食啲菜都飽架啦，成個用餐係好舒服。其他普通牛同火鍋配料係任叫，有出前一丁同女朋友最鍾意嘅魚皮餃。啲餃類好多款，食得女朋友好開心。 最尾有haagen dazs 雪糕，補充翻佢啲嘢飲都係任拎。 味道: 4/5 服務: 4/5 環境: 4/5 番兜: 4.5/5 #觀塘美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #觀塘打邊爐 #放題 #打邊爐 #淥鼎記…查看更多

Egg Slut 地址: 銅鑼灣記利佐治街11-19號Fashion Walk地下及1樓 推薦指數：7/10FairFax $68FairFax喺Egg Slut餐廳嘅招牌三明治，口感豐富多層次。麵包好鬆軟，蛋漿煮得濃而不膩，每啖都帶有蛋奶香同芝士嘅濃郁。Truffle Hashbrown $30 薯餅金黃酥脆，黑松露香氣撲鼻。 Slut $58 Slut喺另一招牌菜，絕對會令人上癮。呢道菜以柔嫩的煮蛋、馬鈴薯泥同濃郁芝士為主角，搭配上綠洲醬同法棍面包。撈埋一齊就明啲人點解去LA一定要食佢。 味道: 4/5服務: 3/5環境: 3.5/5 番兜: 3/5 …查看更多

駟馬拖車潮州飯店 地址: 觀塘偉業街133號 2樓#yauyau_觀塘 推薦指數：7.5/10 呢次同女朋友去尋找佢家鄉嘅味道，餐廳啲座位都正常，張枱夠闊放得哂啲餸。係同隔離枱會有啲近，另外多人要早啲book枱，反而兩個人就一定有位。 滷水鵝片 $188 鵝片鮮嫩多汁，滷水入味，肉香濃郁。哀在啲麻油味勁得濟，搶走啲鵝味。 潮式糖醋麵 $118 煎香嘅麵條餅好貌，食嗰陣落白糖同醋，甜甜酸酸好開胃。 香煎蠔仔烙 $108 外層酥脆，內層海鮮足料，蠔仔鮮甜。 酸菜（碟）$16 酸菜好清爽，平衡翻上面菜式嘅油膩感。 茶芥$15（位) 茶葉有啲澀，我應該洗多次啲茶。 味道: 4/5 服務: 3.5/5 環境: 3.5/5 番兜: 3.5/5 #觀塘美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #觀塘潮洲菜 #潮洲菜 #駟馬拖車潮州飯店 #駟馬拖車…查看更多

A.T.A.S 地址: 銅鑼灣邊寧頓街9-11號登龍閣地下C2號舖 #yauyau_銅鑼灣 推薦指數：6/10 餐廳係一個轉角位嘅樓梯上去，裝修好整潔光猛，座位間隔闊落，坐落舒服，有啲座椅會有之前倒瀉湯嘅痕跡。店舖用快餐店嘅自助形式，大家要自己搵位同拎嘢食。 肉脞面 (幼麵) Bak Chor Mee $88 肉脞面喺新加坡經典美食之一，幼麵口感柔軟，配上豐富嘅肉脞、魚蛋、脆塊同獨特嘅調味料，汁液濃郁，味道微辣，倒啲黑醋落去撈嚟食風味更佳。 大蝦喇沙 Laksa $98 米粉爽滑同粗身嘅油麵，配上豐富配料同大蝦，味道鮮美，喇沙湯汁椰香濃郁令人回味。 升級咖椰多士 Kaya Overload $68 呢個甜品淋上咗濃郁嘅咖椰醬，配上酥脆淋滿美綠粉多士。咖椰醬嘅甜味同雙層牛油完美結合。味道: 3.8/5 服務: 3.5/5 環境: 3.5/5 番兜: 3/5 #銅鑼灣美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #銅鑼灣新加坡菜 #新加坡菜 #atas …查看更多

八寶清湯腩 地址: 天后電氣道124號榮華大廈地舖 #yauyau_天后 推薦指數：8/10 今次去到天后食呢間米芝連推薦嘅餐廳，佢主打新鮮牛腩。鋪頭坐位正常闊度，係卡位加圓櫈嘅配搭，店員service唔錯有禮貌。呢度嘅湯底用咗藥膳熬製，牛肉抆得都幾入味，同個湯底又幾夾，要個牛肉味夠重先得，佢叻在識得整淡個湯底，令到碗麵有主角（牛肉）配角（湯底加蘿蔔），唔會啲味係到撞撞撞。 清湯蘿蔔崩沙腩（幼面） $93 崩沙腩真係入口勁鬆化，好入味，大大啖又唔會痴牙入隙，個牛肉香過澳洲和牛，又可以好咬過美國嗰啲靚grade牛肉，新鮮斬嘅牛真係好味易咬好多。另外啲蘿蔔未有到生記（鰂魚涌）or 麵尊嗰種鮮甜多汁爆水，佢都係一個去到拎A嘅蘿蔔。但係佢蘿蔔冇牛腩咁出色真係整到個主次出嚟，令你focus 翻係舊牛上面，俾你食兩啖解下膩。 清湯蘿蔔牛爽腩 （湯河）$93 上面都講咗個湯底同蘿蔔，呢到淨係講個牛爽腩，佢有兩層脂肪包住，肉汁好鮮甜，口感好軟，啱晒唔想點咬嘢嘅人。 味道: 4.5/5 服務: 4/5 環境: 3.5/5 番兜: 4/5 #天后美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #天后粉麵 #八寶清湯腩 #米芝蓮…查看更多

泰仔美食地址: 九龍城九龍城南角道30-32號地下#yauyau_九龍城上次食完泰皇閣係九龍城周圍行，見到好多人排隊，我哋就bookmark 咗要嚟呢到食，我哋兩次嚟都係大概五點半就直入，六點後開始大枱就會滿㗎啦。小店價廉物美，自然座位就會安排得迫少少，不過食飯嘅空間十分足夠，唔會放完兩三碟餸冇位食飯。呢次食評食咗兩次呢間餐廳，第二次嚟佢仲換埋傢俬，睇下面張相。🍤🍤炸蝦餅 $89炸到外皮好酥脆，內裡鮮美，入面夾住大塊新鮮蝦肉，口感豐富仲好好味。沾上泰式辣醬，讓這道菜嘅口味更加豐富。🍗🍖泰式串燒（豬肉/ 雞肉) $88串燒外焦內嫩，肉質鮮美。免治豬肉棒同雞肉都有選擇，每啖都帶有香料同炭燒嘅味道，再點上香甜嘅泰式辣椒醬，令人倍感滿足。🥗🥗馬拉盞炒芥蘭 $68芥蘭綠油油，外面爽脆入面水嫩，配上香辣嘅馬拉盞醬汁，勁重蝦米同鑊氣，真係食指大動。🥗🥗蒜蓉炒通菜 $68通菜炒得恰到好處，通菜口感爽脆，蒜香味濃郁，清爽可口嘅菜式。🍚🍖香葉炒肉碎飯(豬) $69香葉炒肉碎飯是以豬肉為主，加上香葉同各種香料，味道鮮美。炒飯好乾身，鑊氣十足，有明閣嘅水準，飯粒口感Q彈。🍖🍝泰式鮮蝦金邊粉 $79金邊粉配料好豐富，用香料炒埋一齊，風味獨特。麵條炒得好好，夠彈牙，撈埋啲花生碎非常香酥。🥤🥤珍多冰 $25椰漿味極重，下面有啲綠色啫喱咬下咁，嘢飲應該冇落糖，主要嘅甜味都係嚟自椰漿，諗翻都覺得幾肥。味道: 4.5/5服務: 4/5環境: 3/5番兜: 4.5/5#九龍城美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #九龍城泰國菜 #泰國菜 #泰仔美食…查看更多

Kinson Burger & Bar地址: 鰂魚涌英皇道738號樂基中心地下4號舖#yauyau_鰂魚涌又係一家喺公司附近食嘅餐廳，座位就普普通通似一啲米線小店嘅座位大細，有少少擠擁，但係啲食物應該可以彌補嘅。🍔🍟皇牌紐約經典漢堡 $78個包嘅餡料可以互相配搭，都冇搶走到嗰塊主角牛肉嘅香味，漢堡扒食落勁多汁，而且包皮煎得好香脆，一啖食落去真係好享受，如果唔係舊牛肉裏面有塊膠紙，我應該會繼續去食（下面張圖）。另外要讚下薯條，真係炸得好香脆，而且厚度適中，如果大家真係好唔耐煩麥當勞嘅薯條我建議你嚟買返個餐食，真係唔錯㗎。題外話，呢間幾個同事都有食過，佢食物水準可能有啲飄忽。今日好食，亦都代表聽日好食。我今次食有膠紙，可能下次佢見到呢個食評之後就會冇膠紙㗎喇。味道: 4/5服務: 3.5/5環境: 3.5/5番兜: 1/5#鰂魚涌美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #鰂魚涌漢堡包 #漢堡包 #KinsonBurger&Bar #Kinson…查看更多

得閒飲茶地址: 太子運動場道7B號地鋪#yauyau_太子最近去咗位於太子嘅得閒飲茶，真係俾佢個名吸引咗去食。店舖坐位間隔比較窄，座位整體上都舒適。服務都正常。🍤🍤得奬蝦餃之王 $35每粒蝦餃都包住鮮嫩多汁嘅大蝦，皮薄軟糯，入口蝦汁四溢，回味無窮。口感細膩綿密，蝦肉嘅鮮甜味道好突出。🥠🥠家鄉鹹水⻆ $20餡料豐富，口感咸香脆軟。外皮炸到酥脆，內裡嘅餡料係可口鬆香嘅肉碎同蝦米，兩者嘅搭配非常完美。🫔🫔龍蝦湯鮮竹卷 $31鮮竹卷嘅外皮香脆，用濃郁龍蝦湯汁嚟浸住，可以索到蝦湯味，同時食到脆同浸淋嘅鮮竹卷。🍗🍗灌湯京滬小籠包 $27個皮薄但係好有彈性，入面充滿鮮肉同湯汁，入口好滿足。🍰🍰薑汁千層糕 $20由多層啫喱糕組成，餡料加入咗薑汁，令到糕點味道更加香濃。每啖都感受到薑嘅辛香。味道: 3.5/5服務: 3.5/5環境: 3/5番兜: 3.5/#太子美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #太子點心 #點心 #dimsum #得閒飲茶…查看更多