SkiJoe的個人專頁

今晚諗住快啲食，就用手機外賣叫咗一隻細燒雞，落咗單後十多分鐘去到就已經有得攞，唔使點等，都幾快脆。返到屋企將隻雞切開兩邊，發現雞胸原來未熟，就放入微波爐叮咗2分鐘，拎出嚟諗住食，點知切開雞髀部位，先至發現雞髀完全唔熟，唯有再次用微波爐叮多3分鐘，再拎出嚟睇吓確定全熟先至敢食。我買嘅係燒雞，唔係燒牛肉牛扒，一定要全熟先可以食，唔可以生食因為會食死人㗎，如果外賣係拎出去食就大鑊啦，隻雞係生嘅，有冇得返叮，肯定食唔到，嘥錢又冇得食。…查看更多

第一次幫襯，當晚唔係太熱，坐響花園水池旁邊，環境唔錯，星期六晚唔算太多人。叫咗個雜菜沙律，酥皮三文魚，黑毛豬配黑松露汁，12安士嘅牛扒，八件羊架。沙律幾新鮮唔錯酥皮三文魚不過不失黑毛豬冇咩特別，食唔出有咩特別牛扒煮得太過生羊架OK，有四個唔同嘅醬嗰度個飲品唔算貴，飲杯嘢都幾好四個人食咗$1605（九折價錢）食物質素來講唔算10分好，但係環境一流，有一半價錢係食咗個道嘅環境，一班人可以慢慢傾計，最好有免費泊車。…查看更多

第一次嚟呢度食晚飯感覺良好。因為平日，唔係太多人，環境坐得幾舒適。一坐低就俾個麵包我哋，自家製熱辣辣幾好味。叫咗個火箭菜Quinoa沙律，蘑菇湯，龍蝦扁意粉，tiramisu。火箭菜好新鮮，本來沙律應該有西柚，但係當晚冇西柚用咗鮮橙，食落都好味，蘑菇湯咸左少少，但勝在真材實料，最值得讚係龍蝦意粉，意粉軟硬度適中，龍蝦拆肉非常鮮甜。最後甜品tiramisu仲寫咗happy anniversary幾細心。…查看更多

今晚同大班人嚟食嘢，本以為喺澳門食葡國菜應該有啲水準，點知極之失望！葡國雞得個鹹字，冇雞肉味，葡汁亦無味，海鮮飯唔知似乜，啲飯濕到一Pat，又有碎骨撈埋一齊，差啲咬崩牙，炒蜆又冇味，有蜆殼冇蜆肉，大排檔啲炒蜆好得多，成碟牛尾冇人食，因為唔知咩味道，最慘連白飯都煮得唔好食，最後甜品嘅雪糕更加差勁，只係食到cream味冇雪糕味，其實響7-11求其買杯雪糕都好過佢好多！千祈唔好中伏，撞入嚟幫襯，一定失望，冇樣好食！…查看更多