MISS CHEUNG CHEUNG的個人專頁

好想打邊爐，又想試多啲款式，友人提議食湯．米，有一人邊爐，又有台式小食同茶飲，岩晒！湯．米位處帝景灣商場，都幾清幽，不過入到去，都差唔多坐滿，陸續有人入，有一定人氣，相信出品有一定質素😋😋😋今日都試左唔少菜品，開心分享吓🌟🌟招牌臭臭鍋 小辣 升級為滷肉飯 $110臭臭鍋內有好多配料，任君選擇。特別推介可以升級滷肉飯，米飯軟熟，滷汁夠味，加上鍋內配料，一定滿足到味蕾🤩🌟炸魚皮 $28/碟🌟海鮮拼盤 $42/碟除左一鍋落單，仲可以散叫食物，幾正。炸魚皮份量十足，海鮮拼盤亦有數款海鮮，如果有興趣，可以試吓！🌟柚子蜜雞翼 $34/3隻雞翼香脆，上檯時熱辣辣，入口多汁，特別有係出面好少試到的柚子蜜作配，少少甜，唔錯！🌟芝士四季春 $35芝士奶蓋俾到驚喜，係我鍾意果種帶有少少鹹的芝士，配一口清茶，好解渴，又唔係甜到膩，大推！備註：餐廳堂食收加一…查看更多

有朋友過左黎將軍澳，我安排左同佢一齊食小野人，上次黎過，印象好好，有美食，有串燒，岩晒兩個人暢所欲言。🌟麻辣鴨血(1份) $58今次試下新菜，真心被驚喜到！薄切鴨血，湯上，內有韮菜，每口鴨血有麻辣味，入口滑，鍾意食辣嘅朋友唔好錯過😋😋🌟麻吉年糕燒(1塊) $23🌟奶油烤小饅頭 (2個) $26今次叫多次年糕燒同饅頭仔，依然都係記得中的好味道，兩樣都可以配煉奶，視乎你個人口味沾上，我就都有沾煉奶，食下串燒又黎一啖甜甜，都幾正！推介❤️❤️❤️🌟烤雞翼 (1串） $28🌟香蔥豚肉卷 (1串）$28🌟炸黑豚五花（串）$28串物選擇都多，而且每檯有爐仔保溫，想幾時食都得，今次我就大推以上3項，尤其係香蔥豚肉卷，覺得真係滿足味蕾！飲品選擇亦多，我就叫返森林元氣水果茶 (大杯)($48)，覺得大大杯，又夠凍，而家甜酸適重，岩晒食濃味嘅串燒！備註：餐廳收加一…查看更多

一直都好鍾意食沾汁麵， 之前經過門口，已經被神山麵館吸引，古色古香，覺得好有氛圍，難得黎到裕民坊，就決定同朋友一齊試下❤️❤️神山麵館環境好，食物都係值得推介，個人覺得性價比十分高，價格相宜，份量亦多，一次過試多幾項菜品，滿足味蕾😋🌟神豚燒沾汁麵(白) $95湯底很濃郁，見到豚仔粒，配料足，味道豐富。麵底實，唔會軟淋淋，加上沾汁，配以一口燒豚肉，正👍🏻🌟蒜香魷魚鬚 $48魷魚鬚沾有蒜未，加些許醫油，同我最鍾意既蔥花，好滋味，大推！🌟雙色牛舌 $58兩種牛舌滋味，每片牛舌都啖啖肉，一口清淡些，一口濃味些，烹調得好冧，份量又多，兩個人食岩岩好！🌟神山炸雞 $48 & 北海道流心芝士丸 $28炸物火候掌握唔錯，唔會燶，入口香味濃，而且有啲沙律醬加配菜，解膩又豐富味蕾，鍾意食炸物可以試下！🌟牛油露荀炒雜菌 $52同上面一樣，份量好多，覺得3-4個人食都可以，如果驚食得太漏，叫碟雜菌都係好選擇！溫馨提示：餐廳收加一，但性價比高，誠意十足❤️…查看更多

今晚同朋友去北角搵食，傾起日本旅行時光，決定去食日本菜。想兩個人靜靜地傾計，坐得舒服又無壓力，我地揀左三代目。一入去就俾呢部清酒機吸引，都幾特別，鍾意小酌幾杯嘅朋友仔可以自由揀岩口味嘅清酒正！今晚想食下又傾下，我哋叫左：🌟一口燒牛肉丼 $98燒牛肉丼豐富，尤其鍾意青椒、洋蔥、溫泉蛋攪拌米飯，配以一口牛，口感豐富，又夠晒Juicy😋😋😋🌟鰻魚雙霸 $128鰻魚肉質鮮嫩，有些許油香，入口即融，真係好好味！如果鍾意食鰻魚飯，可以加個白飯，當主食食都得，正！🌟大蜆味增煮 $82蜆湯有小火保溫，餐廳冷氣夠，飲碗熱辣辣嘅味增湯，好似重返日本咁，十分暖心！🌟豚肩叉燒拉麵 $128拉麵麵底軟硬適中，叉燒一塊已經係其他店鋪幾塊，而且勝在燒得入味，都值得一試！🌟芝士蛋糕 $28🌟芝士蛋糕(朱古力) $28三代目仲有甜品同雪糕食，我地今次就試芝士蛋糕，兩種口味都好食，任君選擇，大推❤️❤️如果想食日本料理，三代目係一個好選擇！…查看更多

今日入寶琳做野，順便約埋朋友食夜晚，佢話想食烤魚，近近地就揀左七月烤魚，諗住坐得舒服啲，食完又可以行下新都城🥳🥳🥳入到去，都幾多檯坐左客人，不過環境寬敝，所以私隱度都高，無論一家大細聚餐，定兩個人密密傾，都係幾好嘅選擇！七月烤魚提供套餐，都幾抵食，性價比高。今次我哋叫左個二人套餐$499，都幾抵食💥💥烤魚揀左海爐魚，朋友唔食辣，湯底就要左醫香豆豉口味，個人覺得有少少淡，但朋友就覺得岩岩好，下次黎我要再試吓辣口味，滿足下味蕾😋😋😋 *見到湯底都有6款選擇，辣度有3個程度，岩晒唔同口味嘅人士*套餐可以揀4款串燒，呢個都幾驚喜，估唔到主打烤魚嘅餐廳串燒都幾好味，而且仲會用爐仔保溫，令到食落嘅每一啖都好好味，正🤩我哋仲叫左左薯仔、鴨血同冰粉。冰粉都幾特別，最鍾意冰粉上有提子乾、紅豆同埋山楂片，入口兼配口感同埋味覺，冰冰涼涼，酸酸甜甜，配料有少少咬口，粉又入口即融，大推！飲品就揀左爆珠芒果乳酸茉莉綠茶同爆珠草莓石榴乳酪梳打，一路食熱辣辣嘅烤魚，一路飲凍冰冰嘅飲品，都幾配合，可以一試❤️❤️❤️…查看更多

最近多左去將軍澳覓食，今日去Donki 附近行街，順便解決埋晚餐。係一系列食店之中，見到KOKA 小野人都幾多人幫襯，坐得好似幾舒服，同埋張張檯上有一個火爐仔，大家傾住偈食下飲下，都幾輕鬆咁！決定左，就食呢一間😋😋😋不得不讚，職員全程態度好好，由帶位、落單，上菜到埋單，唔同職員都係好溫和，令我覺得好舒服，連服務都好配合餐廳溫溫和和設計！食物方面，款式都唔少，除了烤串燒有肉有菜，仲有熟食嘅主食同埋涼拌，飲品比一般串燒店亦多選取，總有岩食🥳⭐️金針菇牛五花卷 (1串) $28牛肉包住金針菇，熱辣辣上檯，一口咬落去，有少少油，真係好好味！⭐️麻吉燒年糕(1塊) $23作為年糕愛好者，今次都覺得驚艷。年糕煙韌，有少少似麻糬，可以根據自己口味沾白糖或煉奶，甜度自決，食入口好特別，下次一定會再叫！⭐️大漠烤羊肉串(5串）$48朋友中意食羊肉，今次叫左小辣羊肉串，朋友一下子清晒，我都係試到一串，味道都幾夾，睇來呢個羊肉串都岩晒中意食羊肉嘅朋友仔！⭐️烤一口菠蘿(1串）$23菠蘿係食串燒必叫，食完啖啖肉，再食酸酸甜甜嘅菠蘿，夠晒解膩！⭐️森林元氣水果茶 大杯 $48小野人凍飲都幾大杯，留意到幾張檯都有叫水果茶，我都試下。水果茶士多啤梨同青檸等清爽的水果，飲落去好清新，配合串燒，真係唔錯，推介！今次成個用膳經驗都好正面，好多食物都未叫到，就已經食到好飽！下次再黎，試多啲先😋😋😋…查看更多