餓底密探的個人專頁

常覺得香港太多連鎖餐廳，連鎖Cafe。我們光顧小店，為的就是小店獨有的，像是反映了餐廳主人性格的特質。坐落於繁囂的北角，這家小Cafe 只有大概20個座位。我們在 Brunch 時段到達只2，3人在喝咖啡，人不多，是個靜靜坐上一個下午的地方。我們 order 了一個  eggs on toast 和一個明太子意粉，每個食品 order 加 HK$10 就可以加一杯飲品！Eggs on Toast 及 side orders (HK$70)最basic 的蛋多士只是 HK$40。每加一個 side order 加 HK$10。在加上薯餅，番茄和煙肉後，滿滿的一碟，HK$70。味道方面，最欣賞的是炒蛋下的那塊多士。這並不是茶餐廳吃到的多士 “烘底"，而是 更有口感的 sourdough。 無論是賣相還是味道，都非常不錯!明太子意粉 (HK$60)好好味！如果你是喜歡明太子，在每次日本旅行之後都會納悶為什麼香港的好味明太子咁rare 的話， this is the dish for you!  在香港試過太多吃起來腥腥的明太子意粉，這碟意粉一吃就令我愛上。明太子的味道和質感都被好好的保存，而且不會太濃太膩。紫薯latte淡淡的紫色賣相不錯，但味道同樣是淡淡的，不太特別。同行的男友”肥舊“ order 的是 Iced Mocha。偷喝一口發現比紫薯latte好喝多了，朱古力的味道比咖啡濃，但兩者同樣rich，值得推介。…查看更多

位於銅鑼灣皇冠假日酒店一樓的 Kudos 每隔幾個月都會做一次團購優惠。今次團購分別有 semi-buffet lunch/ buffet tea/ high tea 選擇。剛剛畢業的小編購買了兩張 semi-buffet lunch 團購券，請媽咪大吃一餐。地點／環境Kudos 位於禮頓中心對面，時代廣場附近，來這裡嘆個 lunch 再去行街確實是十分方便！至於環境方面，小編同媽咪被安排在餐廳最入面的沙發位，靠著窗邊，自然光線十足，方便小編幫食物拍照。 XD＊小編小tips：個人覺得餐廳最入面的沙發位最舒服，位置比較 secluded比較安靜，沙發位並不太多，想細細聲聊天和有充裕位置放手袋的女士們宜早一點訂位囉！取食物區在餐廳的中心，雖然餐廳面積比想像中細，不過通道闊落，感覺舒服。相信大家都知道，所謂 semibuffet，即是前菜和甜品是以自助餐形式可以任食的，而主菜則可以在餐牌中選一款。前菜這裡的前菜選擇不算少，有四款沙拉：茄子沙拉，薯仔沙拉，燒牛肉沙拉，意粉沙拉和生果沙拉。只看賣相的話茄子沙拉（圖左一）和燒牛肉沙拉（圖左三）最吸引，所以小編試了這兩款。而意粉沙拉看起來就像那種便利店沙拉餐盒，比較普通，所以並無試吃的衝動 @@ 個人最推介燒牛肉沙拉。雖然燒牛肉的肉質未算鬆軟，不過牛肉與三色椒撈在一起，配上refreshing的醬汁，配搭得很好。令本身偏食討厭青椒的小編都吃下不小。 XD除了沙拉，吃主菜前少不了的還有刺身和海鮮！雖然兩者的選擇都很少（只有三款），不過都是最大路的款式，味道亦不錯。今天刺身的選擇有：三文魚，吞拿魚和鯛魚。最令小編喜出望外的是鯛魚，既爽口亦新鮮。三文魚和吞拿魚表現平平，不過不失吧。海鮮方面雖然只有三種：蝦，青口和海螺，不過勝在三種都大大隻，而且非常新鮮。除了一般的 Tabasco sauce 之外，還有泰式醬汁，微微的辣味加上酸味，把海鮮的鮮味全帶出來了。小編一向愛吃酒店buffet的麵包，因為質地硬硬的那種麵包在香港很難找好吃的。這裡硬硬的麵包只有一種：黑麥麵包（圖左一）。只看外表還以為是小編最愛的黑糖麵包，不過黑麥麵包亦不錯，配上濃濃的南瓜湯很 match。主菜餐廳的主菜餐牌大概每星期轉換一次，一共有五款選擇。小編和媽咪選了：香草羊排拌燒薯仔，香煎海鱸魚柳配墨汁意粉。羊排非常大份，有兩大件。原本吃 semibuffet lunch 最怕主菜份量太多，塞飽肚吃不下甜品。（小編一向認為，女人有一個胃是專for甜品是錯誤觀念XD）不過羊排火候剛好，既不太熟亦能鎖住肉質，雖然份量大不過不令人抗拒。另外一款主菜沒有像羊排般帶來驚喜。香煎海鱸魚柳配墨汁意粉：煎鱸魚一般，外皮煎得剛好，香脆可口，魚肉亦不會過熟，不過調味一般，並未帶出魚的鮮味。至於墨汁意粉則較乾，雖然意粉本身很香，但乾巴巴的很難引起食慾。甜品甜品選擇不少，有大概十款。各款甜品都是一口size，賣相非常吸引。除了大路的芝士蛋糕，朱古力慕斯和焦糖燉蛋以外，較為特別的有砵酒櫻桃jelly。小編一向很怕吃櫻桃口味的食物和飲料，因為十居其九都會遇上很倒胃口的藥水味。不過這裡的櫻桃jelly滲透著淡淡的酒香味，而且面層還有鮮甜的粒粒水果，擺脫了櫻桃味＝藥水味的厄運！另外，芒果拿破侖亦是另一好味推介，香脆之餘夾層的吉士不會太甜。雪糕是Movenpick呢!! 雖然不是小小的杯裝令小編有一點點的失望，不過勝在有十二款味道選擇。吃的飽飽可以選擇去膩的青檸口味，還嗜甜的可以選擇香濃的巧克力或焦糖燉蛋味。酒店buffet少不了的當然還有朱古力“翻騰”啦！曾經試過某酒店的 chocolate fountain 用較廉價的朱古力，太甜亦膩。這裡的朱古力“翻騰”質地較滑，而且不會過甜，加上鮮甜的哈密瓜甜度剛好。飲料除了semibuffet lunch menu 包的一杯 tea or coffee 之外，還有冰冰的凍飲。小編試了蜜桃紅茶（圖右），炎熱的夏天剛好解暑。另外的雜莓飲品（圖左）小編沒有嘗試。小結Kudos 最大的優勢是位置方便，臨近時代廣場，吃完飽飽的buffet 還可以逛街消化一下。而且以semi buffet lunch 來說，這裡的食物款式算十分多元化，食物質素亦很令人滿意。雖然這次是以團購價錢用餐（大概是原價的7折），不過正價亦算合理，而且聽 waitress 說幾款信用卡亦有優惠，所以Kudos的回頭指數很高！…查看更多

小編今次寫海港酒家呢篇食評，主要並唔係想講味道環境服務，而係因為真心想讚下呢度嘅任食火鍋主題：夠。健。康！無錯，打邊爐真係好難同健康扯上關係。好多人去任食邊爐，每次都會為左唔"執輸" 而叫好多肉好少菜。每次朋友約打邊爐，whatsapp group 總會彈幾個 comment: "哇，好熱氣呀"， "又係任食，唔想食咁飽" 又或者係 "打邊爐咁多肉，我想食清d窩"。不過，海港酒家嘅任食火鍋就好有創意：每位HK$28 (假日每位$38)，所有蔬菜，水果，麵類任食，而肉類海鮮類就另外收費。呢個offer 變相令食客食多d蔬菜食少d肉，食得健康d！湯底湯底亦需另計，不過就有好多健康d嘅選擇。餐牌上有六款湯底選擇，價錢由$48-$128不等。其中鮮茄濃湯豬骨鍋，紅蘿蔔粟米銀杏豬肚湯等都係比較健康嘅選擇。小編今晚就揀左原條青斑烤魚鍋，雖然價錢係貴d，不過有旨在有成條斑食，加埋任食菜，其實唔洗點叫肉已經飽肚。唔想食辣嘅朋友可以學小編咁走辣 XD任食蔬菜呢度嘅任食蔬菜款式唔少，有生菜，白菜仔，菜心，芥蘭等共十款左右。仲有蘿蔔，菇類等。小編推介呢度嘅小木耳，比其他火鍋店嘅體積較細，食落亦爽口。除蔬菜之外，麵類亦係任食嘅：粉絲，烏冬，刀削面等。甜品方面好似係日日唔同嘅。今日送嘅係水果，聽聞有時會係糯米糍。飲品方面，食客可以自己去任添汽水，芒果茶等。另外價錢系列食完成條魚同食左兩輪菜之後，已經六成飽。所以並無另加太多肉類。服務以屋村酒樓黎講，海港嘅服務值得一讚。部長有幾次提醒我哋個火鍋"痴底"，幫我地處理，亦自動幫我地添水。總括黎講，海港推出呢個 "健康邊爐" 性價比很高，而且鼓勵多菜少肉，值得推介！…查看更多

家住九龍東嘅我，偶爾都會專程黎東大街搵好野食。雖然東大街位置係正地鐵站隔離，交通非常方便，不過要專程搭車黎較為偏遠嘅港島東幫襯，餐廳一定要有翻咁上下水準。加上東大街神級餐廳如XX咖哩，XX魚蛋粉麵基本上係唔少食客黎東大街嘅必到景點，民聲冰室作為一間家主打家常便飯嘅港式茶餐廳，要吸引食客幫襯真係唔簡單。今日係大年初四，東大街有一半食肆仲未開爐，令開左門嘅食肆生意大增。見民聲冰室唔係太多人等，就決定試下。先講下餐廳環境：鮮橙色嘅門面非常搶眼，整間餐廳感覺光猛而且衛生清潔，檯燈亦都夠大，唔係卡座嘅座椅都係有cushion 嘅小型沙發凳，以冰室黎講算係非常舒適。不過，餐廳嘅設計就非常奇怪。首先，餐廳大門係凹左入去嘅，門外有個唔細嘅地方放擺設同餐牌，隔離仲有一千零一張餐檯，對住東大街馬路@@ 呢種設計係適合海邊餐廳或者酒吧，不過對於一間港式茶餐廳就非常格格不入。如果係我，就唔想一路食住馬路d塵，一路食肉餅。我哋張台係冰室盡頭，要行上半層樓梯嘅小平台上面。以為餐廳門面已經夠奇怪，原來沒有最奇怪，只有更奇怪。我哋坐張台隔離有兩個玻璃箱，裡面養左隻蜥蜴@@ 我認同係食肆養下金魚之類當風水擺設係無可口非，不過將動物放係進餐區，仲要係未必所有人接受倒嘅蜥蜴，真係唔太妥當。再講下冰室嘅服務質素：成間冰室有起碼十幾台客，我眼見只有兩個樓面，不過佢地做野好快手，完全唔洗等，非常抵讚。不過，樓面嘅態度貫徹左冰室奇怪嘅特質 @@。話說我爸爸架車拍左係冰室門口，落單後同樓面呀哥講，如果你地見倒出面有警察抄牌，就話聲我哋聽呀唔該。樓面呀哥嘅反應係，quote “係度比人抄都抵啦。" 雖然佢唔係唔禮貌，不過我同屋企人都聽唔明呢句有mud 意思，反正就係奇奇怪怪咁。到d野食：四個人叫左四個小菜。呢度無小菜套餐呢回事，另外加飯要 +$8 碗。首先梗係要睇下招牌菜：鹹蛋蒸肉餅山呢度嘅鹹蛋蒸肉餅山係我食過最好味嘅蒸肉餅！原本以為肉餅山咁厚，要蒸熟反而會令肉質變乾，但事實剛好相反。可能因為肥膏/肉嘅比例十分高 (保守估計可能有 1:1) ，所以肉餅雖然厚，但係就十分 juicy。更神奇嘅係，雖然食得出肉餅含肥量好高，但係咬落去並無滲油情況，口感juicy 得黎又唔會成口油，贊！肉餅上面有粒圓圓嘅鹹蛋黃，非常甘香而且唔會油膩。肉餅山成為鎮店之寶係實至名歸。到第二好味嘅口水雞除左肉餅山之外，門口貼嘅雜誌仲有推介口水雞。碟雞一上台，就聞倒好香嘅醬料香味。賣相方面，雞件上鋪滿左厚厚嘅醬料，仲有皮蛋做伴碟，十分吸引。味道方面，呢度嘅口水雞香係夠香，不過幾乎唔辣，好麻辣嘅朋友恐怕會失望。可能係禽流感肆虐嘅關係，為左令食客安心，呢度嘅雞煮得幾熟，不過肉質亦未至於好鞋。不過d皮蛋就麻麻喇，皮蛋雖然係溏心，不過完全唔入味，嗮曬d醬料。欖菜肉鬆四季豆味道唔錯，唔會太鹹。不過碟豆d配料嘅比例又好奇怪。全碟豆得一千零一隻菇，而且係一隻十分巨型嘅菇@@ 係下面張相度都睇倒，比例上搶曬鏡。d 蒜頭全粒上，貪得意一咬落去辣到飛起，如果去剁碎佢會好d。另外d欖菜如果多d會再香d。最後到瑤柱蒸水蛋我明白蒸水蛋係睇落容易，實情係非常考功夫嘅一味餸。不過民聲嘅瑤柱蒸水蛋實在平庸得令人有d失望。賣相方面蒸水蛋表面蒸得平滑，並無凹凸不平嘅氣孔。不過，可能水落得太少，一咬落去水蛋比較實，亦唔係十分滑。細心d睇，水蛋上下分左兩層，面果層薄薄的只有大概5mm。原來只有上面果層有瑤柱，令你係上面睇瑤柱好似好多咁，其實係上面果滲先有@@ 所以下面果層厚厚嘅水蛋完全無瑤柱嘅口感！雖然我比$55蚊唔算好貴，但係你都唔洗咁小家架... 亦都係因為咁，小編第一次比一味餸唔及格嘅分數。總括黎講，民聲冰室係獨孤一味靠肉餅。無錯肉餅山真係神級之作，不過一間茶記最重要嘅平均水準佢係無嘅。其他餸水準平平實在令人失望。加上晚市又無客飯套餐，價錢唔平，好難係東大街呢個 big pond 度有一番作為。下次會再幫襯的話，可能都係單點肉餅算。…查看更多

今日難得見天氣咁好，好即興咁約B君一齊去大澳hea遊一下。去大澳一日遊，買蝦醬可以話係好多遊客嘅指定動作。我亦都唔例外。出發之前已經收到呀媽order 要買蝦醬。不過黎過大澳嘅朋友都會知道，大大小小嘅蝦醬檔海味檔可以話有幾十間，真係好難揀。係條小巷度隨意行下嘅時候，見倒呢間昌益小食店。呢間係海味小食一條龍嘅老店，一間鋪賣海味蝦醬，對面鋪係小食店，用自家製醬汁整小食，新鮮感十足！於是B君提議試下呢間，如果好味，可以順便買埋呢度出嘅蝦醬。店內環境一般，牆上menu 上面嘅價錢有幾層 label 貼係上面，應該生意唔錯不斷加價...雖然小食價錢偏貴，不過味道真係好正好有驚喜。驚喜唔係食物本身，而係d醬！首先係呢碟蝦醬魷魚，呢度用嘅自家製熟蝦醬。味道無傳統蝦醬咁咸，而且醬嘅分量好多，味道鮮美濃郁，帶起左本身普普通通嘅魷魚嘅鮮味！跟住係呢碟XO醬燒賣，燒賣本身口感好淋，估計翻蒸左好多次，但係個XO醬可以話起倒起死回生嘅作用！呢$22蚊買嘅並唔係燒賣而係d XO 醬。呢個醬並無出面市面果d XO 醬咁辣，不過就多左一分蝦米嘅鮮味，令本身可以話係難食嘅燒賣加爆分！最後係呢碟蜆介醬生菜，賣點依然係個醬！呢個蜆介醬同普通點鯪魚球嘅醬好唔同。呢個醬無咁咸之餘，仲有d蜆介彈牙口感，感覺有少少似食緊蠔屎。生菜本身亦新鮮，醬同菜非常配合，好有驚喜！最後未夠喉，叫多個凍豆腐花。豆花夠滑，不過味道頗淡，無店內其他小食咁有驚喜，不過價錢夠平。最後，食完嘴lam lam 之後，不忘去對面買翻幾瓶醬翻屋企孝敬呀媽 XD。…查看更多

同B君兩個去食個早餐，雖然係閒日，十點幾都仲係坐滿人。唔知係咪旅遊書推介，唔少幫襯嘅都係遊客。同好多舊式茶餐廳一樣，金鳳主打嘅係新鮮出爐嘅麵包同蛋撻。裡面地方細細座位唔多，有幾張圓台同幾張卡位。呢度嘅卡位窄嘅程度，係除左件外套都唔會有位擺。值得一提嘅係呢度嘅員工，大多數都係上左年紀，佢地間唔中會傾下計，搭下膊頭。一路食早餐一路睇住佢地互動，其實幾溫馨，幾窩心。至於食物方面，我同B君分別叫左個 “豐富早餐B” 同 “豐富早餐C”。呢度嘅早餐大大份，不過價錢都唔便。HK$31一個早餐，菠蘿油仲要額外加 HK$2。不過野食的確唔錯。沙爹牛用嘅係鮮牛肉，沙爹味濃，面唔會太淋，幾好味。菠蘿油雖然唔係新鮮出爐，送到黎已經得少少暖，不過仍然好脆！最滿意係杯奶茶，茶味濃郁，夠滑，不過奶稍微落重手左少少。不過個火腿奄列令我有少少失望。蛋太熟，凍凍地，好普通。總括黎講，金鳳係眾多舊式茶餐廳黎講表現唔算特出。不過勝在裝修同味道都保持住舊香港特色，唔怪得咁多遊客黎。…查看更多

意八呢間平民西餐廳，係唔少藍田街坊嘅飯堂。咁受歡迎，因為真係又平又好食。我就試過早，午，晚三餐都係度解決。先講裝修，一入門口有一棵好大嘅聖誕樹，d牆有得意廚師公仔。全間餐廳超過七成位係卡位，燈光同牆身係橙橙黃黃嘅顏色，幾cozy。野食方面，街坊價錢，唔錯嘅水準。今晚同屋企人都係食鐵板趴餐，一個牛趴一個魚柳。等左十分鐘倒就有得食。鐵板上嘅時候熱到冒煙 侍應仲會問你落唔落埋汁，都幾貼心。再半價加多杯綠茶jelly冰。味道唔錯加埋價錢公道，早午晚都有人等位係有原因嘅。…查看更多