inti83's Profile

話說尋晚經過尖沙咀見到like屈臣氏蒸餾水fb就買一送一又想飲廢水 所以同男友入去左試吓🙂‍↕️🙂‍↕️平時我係抹茶控 所以我揀咁抹茶果杯男友飲鴛鴦～兩杯都係冰糖固定不過抹茶可能本身都唔太甜 加埋咖啡都唔會好甜[笑哭]咖啡味都重 但唔會蓋過個抹茶味～試咗幾啖男友果杯 就甜啲 不過出奇地幾好飲！因為平時我去茶餐廳一定唔會叫鴛鴦飲🤣🤣so far 30幾蚊飲到咗大杯有咖啡嘅廢水其實都算抵飲啊🙂‍↕️🙂‍↕️🙂‍↕️不過唔睇塊廣告牌都唔知原來屈臣氏出埋咖啡機咁勁有興趣可以去睇睇 好似仲有promo平啲買到部咖啡機同豆🙂‍↕️🙂‍↕️🙂‍↕️…Read More

之前係佢啱啱開，仲未有好多人嚟食嘅時候食過一次，當時叫咗豬骨湯同年糕 印象中menu啲野多過依家…服務態度都好好，今次係同朋友嚟食生日飯，叫左個海陸空同蒜香醬油雞。食物味道同賣相其實都ok，炸雞偏貴，因為得8件。服務態度真係差到不得了，我眼都突埋。首先係撻爐冇睇清楚係咪撻著，撻完就走左，點知原來個爐一直冇著到。後來店員上炸雞果陣 死都要擺碟炸雞係入面，然後整跌左成串魚糕落枱面…咗佢唯有拎過串新嘅比我地。最令人無語係，當我地食完哂野，我朋友叫佢地上蛋糕，有個疑似新黎嘅pt員工走埋黎幫我地收野，連我地杯水同紙巾都收走埋😑 跟住又再好大聲問我朋友個蛋糕留左咩名，因為有幾個蛋糕唔知邊個係！雖然我都預左朋友買蛋糕同我慶祝，但聽到個店員咁講其實都幾冇癮🙄然後同一位店員拎蛋糕比我地，佢真係成個蛋糕連盒咁拎出黎比我地，只係比左3隻碟同叉我地😑 跟住突然有個應該係senior既店員就大嗌「切餅費$100呀！」，而呢位新仔店員都重覆多次呢句野….🙄 成件事真係好尷尬，其實你應該由我朋友一早擺低個蛋糕係餐廳果陣就同佢講，而唔係呢個時候先咁…..而果位大聲嗌嘅senior店員都唔係第一次隔住條街咁樣嗌比個客聽🙄 成餐生日飯其實真係食得唔係幾開心，同我當初第一次黎嘅時候差好遠，同埋啲碗碟埋到黎仲有勁多水係上面，感覺唔係幾開胃。雖然環境係唔錯，但因為咁嘅服務態度，我唔會再黎呢度食野買難受🙄…Read More

平時飲開銅鑼灣店 今日經過想飲就幫襯銅鑼灣店不嬲都仲有加一款珍珠+$1有黑芝麻珍珠落單前問左店員 紅磡店冇 咁算啦叫左黑洞拿鐵加黑芝麻珍珠一飲落就feel到啲珍珠粒粒大小不一口感同銅鑼灣比真係高下立見..平時銅鑼灣飲完都仲會有唔少珍珠剩紅磡呢杯飲到一半已經冇咩珍珠總體黎講對紅磡店好失望以後淨係會幫襯返銅鑼灣店可能因為老闆(?)係度真係唔同啲 咩都親力親為....又好好禮貌同招呼..…Read More