蘋果皮的個人專頁

今年生日老婆特登提早book咗呢間餐廳，試一試排名101的扒房水準。環境服務都係水準以上，餐廳主要係牛扒，印象中餐牌大概有幾個唔同嘅產地，包括有美國、韓國、日本、澳洲等。今次主要試咗兩款牛扒，分別係美國Super Prime Tenderloin，同埋澳洲M9 Flat Iron。餐廳提供7,8款調味同埋6,7款刀俾客人選擇。美國Super Prime Tenderloin就好柔嫩，肉心粉嫩似櫻花，切開時肉汁直流，淡淡的奶香在嘴裡綿延不絕，可以話肉的純粹感完全cover花俏的調味。而澳洲M9 Flat Iron既油花就透出焦糖的香氣。外邊微微脆脆的，裡面都係一樣滑嫩，濃郁的脂香在咀嚼的時候一層層釋放，展現了和牛的基因。雖然冇嗌甜品，因為自己當日整咗蛋糕，但係餐廳最後都免費拎咗個雪糕過嚟上面寫咗個生日牌。…查看更多

之前一直以為皇雀會主要都係做麻雀同桌球既生，但見佢早排好似重新裝修左門口部分，變左有個頗有歐式風格既餐廳。今日行過見到價錢都幾平又冇乜人就行入去試下。因為都知道佢地唔係主要做餐廳業務，所以都做左一定程度既心理準備。我點咗一個焗蕃茄雞扒飯，配凍檸茶（$43），大概等左十分鐘就送到，個餐既賣相不錯，同出面西餐廳做出嚟都差不多。焗飯會選用翻炒飯底，而塊雞扒份量都好大塊，肉身嫩滑，食得出外表有煎香過。不過美中不足係塊扒有小部分感覺未夠熟透，整體黎講如果去開附近嘅話不妨一試。…查看更多

中午同同事終於有機會黎，大熱天時喺門口等左半個鐘終於有位。我叫左個冬陰公肉眼根煎蛋雞翼米粉，另加一杯凍奶茶。冬陰公湯就一般，有些小辣，不過成個米粉食喎佢其實好似冇乜特別，望去隔離枱人哋食西多可能會好d。…查看更多

經朋友介紹，今日去到九龍城街市上面的熟食中心，試下呢間平民泰國菜。餐廳位於街市上面，有室內空調，不過對氣氛環境就唔好抱太大期望。荷葉包雞，雞肉有香葉味，肉身嫩滑。$50唦嗲串燒，豬牛羊各兩串，不過不失。$65泰式炒金邊粉，啲粉幾有口感，甜甜酸酸好好味。$65香芒沙冰，值得一試。$22…查看更多

好少過去尚徳，見有間茶餐廳就入去試下啦，入面啲位都算幾寬敞。見有午餐推介，就點左個梅菜扣肉飯。等左無耐，個丫姐拎黎既時候態度可以感覺到有啲差，個語氣帶點不耐煩。講翻個蒸飯，飯真係蒸得幾靚，不硬不軟剛剛好。另外梅菜同個扣肉都吾差，不過略嫌肉身有少少硬未夠腍。…查看更多

喺葵芳食早餐其實有好多選擇，不過通常為左坐得舒服都會去太興食。葵芳既呢間分店可能因為喺新都會頂層，平時都比較少人去，所以平日一至五早餐均一都係26蚊。平時都係會叫呢個雪菜肉絲米粉，配火腿同多士。值得一提的是米粉，食落幾彈牙同有口感。另外成份早餐的重點一定係杯冰鎮奶茶(+$3)，甚多飲咖啡既我一黎到太興一定會點冰鎮奶茶，奶茶沖得好滑，一定要試下。…查看更多

天后都有幾多餐廳選擇，行過見到風尚入面既裝潢都幾乾淨企理同光線充足，於是就入去試一下。兩個人總共叫左一個套餐另加一個麵。鹽酥雞肉燥飯，加左15蚊轉套餐，即係多左碗貢丸湯同台灣飲品。鹽酥雞入口感比較一般，咬落感覺炸粉偏多，雞肉較少。而貢丸湯亦比較像一般的味精湯底。另外係紅燒牛肉麵，個紅燒牛肉做得幾腍幾入味，湯底和麵亦不錯。…查看更多

午市餐牌都有幾多選擇，有焗飯，意粉等等。今次叫左一份意式全餐，即係all day breakfast，有黑松露炒嫩蛋、法蘭克福腸、脆香煙肉、玉米、漢堡扒、煙火腿、燒野菌、燒蕃茄、扭計薯、茄汁焖豆、雜菜沙律、意式麵包。份量同種類黎講都都算唔多，價錢都比出面d cafè 都平唔少 (連飲品$56)，質素都算對得起個價錢。而值得一提的是扭計薯同炒蛋，個炒蛋口感嫩滑，有幾重黑松露味。另外個扭計薯都應該係即叫即炸，幾脆身。住將軍澳嘅朋友又多一個唔錯既選擇。…查看更多

之前都試過呢間餐廳喺大圍同馬𩣑山既分店，不過都覺得唔太好食。今次因為約左女朋友喺銅鑼灣總統戲院睇戲，見時間唔太充足又落雨，偷方便就又行左入對面既燉奶佬，心存僥倖諗住呢間分店會為我地帶來正常的一餐。入到餐廳後侍應都好有禮貌咁帶位同推薦餐牌上的選擇。兩個人分別叫了一個香茅雞翼米線，一個喇唦雞排米線，同一杯鳳梨沙冰特飲。香茅雞翼米線，成個湯底都係冇味既，完全唔吸引。而雞翼賣相唔差，但入面未熟有血。喇唦雞排米線望落幾正常，但食落都係偏淡，欠缺喇唦味。鳳梨沙冰特飲，侍應落力推薦所以叫左一杯，都okay。總體感覺對這間連鎖品牌還是覺得有待改善…查看更多