pingyingchan的個人專頁

同朋友食生日飯朋友揀咗呢間餐廳餐廳位置唔算喺好熱鬧嘅地方所以都搵咗一陣先至去到😩因為有太多嘢都想食所以冇叫餐散叫咗唔同嘅嘢食有牛舌、牛肉、燒鱈魚、雞軟骨、鵝肝多士、炒飯同魷魚圈☺️☺️☺️以下呢三樣係最愛💕鱈魚啲肉滑到一個點加埋魚皮燒到有少少焦香一上枱個個都搶住食😜鵝肝多士油脂極豐富十級邪惡😈魷魚咬落都幾爽口最重要係炸蒜脆卜卜正呀！！！😆呢間餐廳有下次😎😎😎希望再嚟嘅話可以坐到吧枱啦～…查看更多

朋友話要去尖沙咀行街順便試吓呢間過江龍蛋包飯紅日晚市排左大概45分鐘個個都餓到個肚打晒鼓所以一坐低就叫左幾個唔同嘅蛋包飯🤩我要左個鰻魚蛋包飯賣相好靚但係我肚餓得滯唔記得咗影相🙈🙈🙈講真嗰句係ok嘅啲蛋好滑鰻魚加埋個燒汁都好惹味個飯入面有啲蝦仁同三色豆但就咁炒個飯真係有啲乾見朋友食咖喱有啲汁撈下飯反而好似吸引啲😂完左之後仲嗌左兩個甜品分別有士多啤梨同埋綠茶兩個甜品都係不過不失唔算難食嘅但未至於有驚喜可能係因為佢呢個價錢令我對佢期望太大啦😅😅整體而言食物質素係可以嘅但價錢相對黎講真係太貴我相信同樣嘅價錢應該會有更好嘅選擇🙂如果下次唔使排隊又或者有優惠嘅話先至考慮再試多次啦…查看更多

喺D2 Place睇完戲順便同男朋友搵吓附近有咩食結果就發現左呢間餐廳餐廳嘅食物主要分為兩類一種係類似茶餐廳見到嘅食物另一種就係burger 類嘅快餐我哋叫咗乳豬卡邦尼意粉同埋叉燒滑蛋飯卡邦尼意粉硬硬地，口感唔錯啲汁都好creamy 幾唔錯呀唯一美中不足係乳豬得三片同埋都有啲肥🙈🙈不過乳豬x卡邦尼意粉呢個idea係幾得意嘅叉燒滑蛋飯有勁多叉燒炒蛋都夠滑唔會炒得太老，仲有少少蛋汁添份量都唔少正常食量嘅話一個人應該都夠飽肚架啦性價比ok啦最緊要呢間係同路人嘅舖頭💛食都食得開心啲呀嘛…查看更多

喺尖沙咀睇完戲朋友話要帶我食好西🥰🥰🥰原來就係食嘉寶🍔想食好耐㗎啦開心🥳食左烤菇芝士牛堡個包極足料極厚一啖完全咬唔曬🙈🙈🙈烤菇唔會好乾身牛肉大大塊加埋芝士生菜蕃茄咁多嘅配料食完好滿足😍加$16仲有小食同嘢飲性價比唔錯喎！炸番薯條有少少甜味食落又唔會好油膩個人幾鍾意嘅💕炸燒賣同埋沙律就正正常常啦同出面一般食到嘅都差唔多一個人平均幾十蚊就食到咁多嘢正👏🏼👏🏼👏🏼可唔可以開多幾間分店呀？係咁我就可以隨時食啦😎…查看更多

同男朋友去觀塘行街食飯時間諗住喺附近搵間💛店上網睇完就決定試下慢煮屋慢煮屋喺工業大廈入面不過都唔算難搵跟住指示行好快就搵到喇💕💕💕身為牛魔王嘅我試左好多人推介嘅牛腹扒仲將蕎麥麵轉左做烏冬烏冬煙韌有彈性隻流心蛋都好好味😋牛腹扒份量好多好大碟不過個人唔特別鍾意上面嘅醬汁啲味粉對於唔食辣嘅我嚟講太辣啦🔥🔥🔥男朋友食左慢煮雞扒蕎麥麵偷食左一舊雞肉唔會太硬咬唔郁又唔會痴牙都ok呀😎😎😎兩個人晚餐埋單都係百幾蚊扺食嘅😉另外今晚舖頭播嘅都係香港早年嘅流行歌（出賣年齡系列🙈）好有共鳴好想跟住唱呀🤪🤪🤪…查看更多

愚人節約咗朋友去行街行街之前諗住搵間黃店醫醫肚咁岩喺新港城附近又掛住佢嘅鹹蛋黃雞翼於是就決定食puzzle dinning 喇🤣🤣結果去到先發現原來lunch係冇鹹蛋黃雞翼㗎😢由於我哋兩個都唔係好肚餓所以就叫咗一個all day breakfast同一個甜品一齊share但最後發現都係食唔晒㗎🙈🙈🙈all day breakfast 嘅班尼迪蛋味道唔錯淋喺蛋上面既醬幾好味粟米用左大量芝士去撈開心🥳而腸仔煙肉薯餅等等都係正正常常嘅但全麥麵包真係好乾如果可以軟熟返少少就好啦意大利雪糕味道幾特別但係唔錯嘅蘋果批對我哋黎講有啲太甜都係鍾意啲酸酸甜甜嘅味道多啲不過邊邊焗得好脆好好食最後都係忍唔住食晒成個蘋果批🤣值得一讚係員工態度好友善我哋想坐窗邊嘅座位員工都好盡力去協助我哋麻煩晒💛💛💛都係食唔到最掛住嘅鹹蛋黃雞翼下次一定會再嚟㗎！！！…查看更多

星期日都要上堂🥲🥲由於冇食lunch嘅關係未落堂個肚已經餓到打晒鼓一落堂就即刻飛奔去澳牛醫肚💕💕💕去到大概七點唔使等位拿拿林坐低叫返個茶餐炒蛋夠滑好香蛋味食落仲有少少蛋汁😋多士烘左底咬落脆卜卜中間搽滿牛油好邪惡😈😈叉燒湯意都唔錯如果意粉可以硬返少少就更加好啦💕💕💕同埋而家澳牛哥哥叔叔嘅態度真係唔錯見我食得咁趕仲同我講唔使急話而家唔使等位可以坐多陣🤪🤪做野既速度又快手由我坐低到俾錢走人都係20分鐘左右啱晒生活節奏急促又忙碌嘅香港人👍🏻👍🏻👍🏻…查看更多

拖延症發作🙈🙈影完相完全冇咗回事隔左幾個禮拜先醒起未寫食評😅星期六晏晝放工去食飯意外發現咗呢間台式餐廳咁啱本人都幾鍾意食台式嘢所以就決定一試一人要咗一碗麵同嘢飲仲加咗台灣腸😍😍😍牛肉麵好好味湯底勁濃郁忍唔住飲咗大半碗牛肉都好淋好好食台灣腸肥瘦適中中間又有少少油脂咬落口啲油香味出曬嚟完全停唔到口🤣🤣朋友唔食得牛叫咗滷水雞翼麵清湯味道較淡不過雞翼極之入味同埋應該都煮咗好耐入口已經骨肉分離誠意之作😋😋😋飲品普普通通當係過吓口癮啦珍珠都幾有咬口唔錯可惜唔係住附近如果唔係呢度應該會變成我嘅飯堂🙈🙈🙈希望好快又可以再嚟食啦💛💛…查看更多

星期六喺大埔返咗半日工收工決定搵埋同事食個lunch先返屋企😉好耐之前已經諗過試Park Cafe但上次去到咁啱冇開門於是今次就特登去再試下星期六晏晝等咗一陣就有位一坐低就上左個白湯一人叫咗一個牛扒餐同事叫咗七成熟我怕太韌就叫咗五成貪佢食落唔會有血得黎又唔怕咬唔郁（撇除條筋真係咬到牙都甩之外😆）肉質都唔錯意粉份量都好足伴碟嘅菜上面仲淋左少少麻醬用心之作👍🏻最估唔到嘅係佢杯奶茶作為一個奶茶愛好者自問對奶茶有一定要求一般茶餐廳/快餐店嘅奶茶通常都好難滿足我但呢間嘅奶茶茶味香濃但又有奶嘅醇香味入口順滑極鍾意💛💛💛最近喺網上聽聞呢間黃店告急大家快啲去幫手懲罰下佢🙏🏻🙏🏻🙏🏻上次去我見價錢都好抵食㗎！！！…查看更多

我真係好鍾意食台灣菜💛WFH嘅日子...諗極都諗唔到lunch食乜好最後都係揀咗最愛嘅台灣菜😛😛一個人叫左雙丸麪同埋台灣腸跟餐仲有杯凍嘅烏龍茶去油解滯開心😍😍😍台灣腸係熟悉嘅味道咬落去啲汁爆曬出黎好邪惡😈但真係好正！！！雙丸面質素都唔錯份量都好足夠蘿蔔夠淋墨魚丸同牛丸都好彈牙溏心蛋啱啱熟美中不足嘅位係個人鍾意食硬啲同闊啲嘅麵所以喺麵呢個位扣咗少少分🙈🙈🙈仲有...舖頭入邊個哥哥仔勁細心食物嚟到嘅時候我四圍望左兩眼都未開聲佢已經問我係咪要飲管🤣🤣俾個like你👍🏻👍🏻👍🏻依家晚市禁堂食咁耐相信對唔少食肆生意嚟講都有一定嘅影響所以有時間有能力嘅就出去支持下💛小店啦…查看更多

同朋友食生日飯朋友話呢間長期都好多人又見OpenRice有好多好評於是就決定食呢間😆2:00去咗排隊勁多人👭👫👬所以拎完位就去咗行街🛍結果就等到4:00先有得食🤣🤣🤣三個人叫咗四款食物太肚餓掛住食最後上嘅豬頸肉蛋包飯唔記得影相🙈每款都大大份結果最後都食唔晒浪費咗少少🥲鰻魚蛋包飯加左$28變咗原條鰻魚成條鰻魚咁食又真係正嘅蛋都好厚，有軟綿綿嘅感覺不過醬汁嘅味道同傳統鰻魚飯好似有少少唔同個人對醬汁同埋飯都一般炸雞翼熱辣辣上枱超邪惡蜜糖芥末醬嘅芥末味好出有少少辣不過對芥末愛好者來講應該係唔錯嘅選擇個人最鍾意蟹肉意粉😋好足料意粉都算彈牙加埋醬汁同埋配菜味道好夾可以再encore 其實食物質素係唔錯嘅不過飲品略為遜色紫薯牛奶淡淡地冇咩味但朱古力就勁甜😂😂😂有下次嘅話都係試吓其他飲品啦...…查看更多

聖誕節約咗男朋友出街梗係要幫襯返💛店依家六點後冇得堂食所以四點鐘就去咗排隊等咗半個鐘多啲就有得食啦🥳🥳🥳兩個人叫咗兩碗面一齊share一碗係半筋半肉面另一碗係牛腱牛肋條好好味😍😍😍湯底味道濃郁，有少少藥材嘅味道面底唔算太淋，咬落口有韌性，個人鍾意食硬啲所以勁like 牛肉軟淋淋唔痴牙牛筋好彈牙，咬落好似有啲膠質黐住個口咁😂😂牛腱層次分明不過個人最鍾意都係牛肋條😋😋食到差啲連湯都飲晒呀！！！完美晚餐嘅最後最後梗係要加番罐蘋果西打唔知點解就係好鍾意佢酸酸甜甜嘅味道不過呢罐野堅係好多氣飲完滯左成晚😅食完之後我好想去台灣呀🥲🥲🥲…查看更多

星期六放咗工要去整電話順便同同事食餐好嘅兜兜轉轉之下搵到呢間cafe 一點幾等候嘅客人唔算多企左一陣間就入得不過唔知係咪因為唔係叫set lunch所以等嘢食嘅時間都比較長但所有食物上枱時都熱辣辣🔥唔趕時間就真係接受到嘅 !!!蟹肉燴飯真係每啖飯入面都有蟹肉，超足料😍加埋蘑菇、洋蔥同忌廉汁，味道好夾，如果可以多少少汁就更正喇！黑松露大啡菇寛條麵大啡菇略嫌乾身，成個菇好厚身，一啖咬落去嘅感覺無得頂🥰寛條麵偏硬，但個人就係鍾意呢種口感，黑松露味道十級濃郁，醬汁都比較多，好好味😋😋另外嗌左兩個小食...雞翼上枱嘅時候熱辣辣脆卜卜，可以加埋調味粉放入袋shake 一shake ，Yummy 蜜糖牛油味十級推薦！！！食到一半先醒起未影相薯條係普通粗薯條，但黑松露醬味道好突出，忍唔住係咁食......整體黎講都算唔錯仲要係良心小店💛一定會再嚟架…查看更多

約朋友食生日飯朋友鍾意中菜見呢間網上面有咁多好評，個名又鬼鬼馬馬就決定試吓呢間結果就食到成肚氣平心而論呢間食物OK嘅三個人叫咗串燒、牛歡喜、花甲(當日冇蟶子)同埋八仙過海煲仔飯另外仲叫咗三個甜品同嘢飲總括嚟講食物質素唔錯個人幾鍾意牛歡喜同八仙過海其他都叫正正常常但服務態度真係唔掂話說朋友生日原先諗住買蛋糕打電話去問嘅時候佢話$150切餅費叫我哋喺嗰度嗌兩個甜品可以送埋煙花蠟燭好啦信佢決定唔買蛋糕諗住有煙花蠟燭影相靚啲去到嘅時候仲特登提過地下酒吧嗰層嘅Staff話陣間會order甜品記得要有蠟燭當時個男職員仲口口聲聲話：「得啦記得啦...你哋今日喺電話講過㗎喇，唔洗提咁多次！」結果最後係逐個甜品放低就走唔好話煙花蠟燭連普通蠟燭仔都唔見我哋即刻同返拎甜品過嚟嗰個女職員講佢仲要好似乜都唔知咁話係咩跟住先施施然拎返支煙花蠟燭返嚟完全破壞晒個氣氛即係咁如果你話我冇事先提過你都話啫事先喺電話度提過特登去到餐廳之後再提過你地啲Staff都可以做漏提你嘅時候仲要俾你串我長氣但最後又真係冇溝通過做漏晒啲嘢咁其實你餐廳內部啲員工有冇溝通嘅呢？同埋我唔覺得對客係啲咁樣嘅態度雖然某位男職員可能覺得只係玩玩下求其回應但我唔覺得俾錢過嚟食飯仲要受你氣囉一餐飯食到成肚氣一句講晒食物就算再好食都唔會再去…查看更多

秋風起🍂🍂係時候做下運動🏃🏻‍♀️🏃🏻‍♂️同男朋友去行健身徑行到灣仔見到有媽咪雞蛋仔男朋友講到係米之蓮仲要開咗好多分店😂😂加上行到有啲肚餓於是就買咗份紫薯番薯雞蛋仔醫肚喇🤤🤤.紫薯番薯雞蛋仔🍠見到寫住係冬季限定，忍唔住買黎試吓😌啱拎上手熱辣辣， 入口脆卜卜🤤不過擺左一陣就開始變淋🙈🙈咬落餡都唔算少，紫薯味十足，少少甜💕相反蛋味就唔係好食得出🤷🏻‍♀️對於鍾意煙煙韌韌嘅人黎講應該算係唔錯嘅，不過對於我呢啲鍾意香脆口感嘅人黎講就有少少失望🤦🏻‍♀️🤦🏻‍♀️個人認為可以再做好啲😹😹😹推介程度：👍🏻👍🏻👍🏻（5個👍🏻為最推介）…查看更多