mkyan18的個人專頁

今日同個好耐無見既朋友食飯，係觀塘區，識食一定係去工廈搵好野食！查人想食日本野，上網search 觀塘 工廈 日本菜，就搵到呢間 - 在家。最中意去小店，家庭感好重。舖頭都唔難搵，apm轉去駿業里兩分鐘就到。舖頭好細，只有二十個座位左右，裝潢係日本家庭風，有好多酒樽，感覺都好chill。入到去已經聞到一陣鮮味，呢度主打係食魚生飯既。飯未到先來一碗暖笠笠既麵豉湯，一飲就知真材實料，應該係用鮮蝦頭做底，係極鮮味同鮮甜，好濃好夠味，但一d都唔唔咸，飲完都無渴。料方面有羅白、海帶同豆腐。飲完好滿足！令我更期待個飯。飯方面，我叫左S3，有一舊加拿大海膽，兩隻蝦，四塊魚生、三文魚籽同玉子燒，料唔算話係最最新鮮（無計本人剛東京回來，築地的壽司實在太好味），但都算係新鮮，唔會有雪味Up味既情況，中上水準。朋友叫左S6，係蟹膏配海膽，佢果碗就有兩舊海膽、蟹膏同玉子燒，佢話蟹膏要配好多飯食，我自己試過一次係第二度食蟹膏飯，都係比較咸同濃味，我諗都係蟹膏既一貫表現啦！兩碗飯仔細細咁，但食完都好飽，飯係有少少醋撈過，粒粒分明既。wasabi係正宗生磨果種，所以唔會太攻鼻，豉油都係淡味，唔會搶左食材既鮮味！總括黎講我比4粒星既，價錢少貴但食得出係靚食材！有機會可再戰！…查看更多

是晚去朋友家串門子，她家在鴨脷洲，老早就說要帶我吃泰國菜，說每位朋友都是讚不絕口，一向中意泰菜的我，都抱著期待的心情，果然沒讓的失望！唯一可惜的是，只有我們兩個女仔，食唔到好多野，最後還要打包！這間小店的服務態度超好，一進門店員就殷勤招呼我們，而且定時幫我們加水，還要是暖水，有種賓至如歸的感覺。食泰菜一定要叫個湯，自從第一次飲過椰子雞湯，冬陰功湯就比下去了！我本身很喜歡椰子香氣，酸辣味又較輕微。這家的椰汁雞湯很出色，很足料，有番茄仔，蘑菇，雞髀肉，小小一碗，兩人分已很飽肚！而且椰汁很濃郁，味道也教得很好，不會死咸，過酸，很滿足！之後叫左個泰式炒粉絲，本身想叫金邊粉，但朋友推介炒粉絲。粉絲炒得很乾身，是微微的咖喱香料味道，濃度亦是剛剛好，配上不同種類的蔬菜，不得不提是洋蔥十分甜！好味！最後一個亦是朋友強烈推介：咖喱軟殼蟹！每碟有兩隻蟹，只是浸了咖哩汁，沒有了香脆的感覺。下次叫我應該會叫另上！這個咖哩汁是屬於香甜的類型，一點辣味都沒有，因此不能吃辣的人也能吃到。同樣地，配料有多種蔬菜，都是十分新鮮香甜。食咖哩又點少得配印度薄餅呢？一碟已有八小塊，薄餅溫溫暖暖的，都是一般印度薄餅的味道與口感，不過不失，若能乾身少少，少油點就更好了。…查看更多

今日黎到太子係繼續支持黃店既旅程秋日陽光普照既中午好適合去文青d ge cafe 坐下上whatsgap搵到呢間「包販子」個名好cute 十二點零五分入到去我地係今日第一台客間店係主打食包自家製既麵包配唔同既配料唔係傳統既牛肉漢堡係比較fusion d嘅例如就係北京填鴨包或者有素食之選麻婆豆腐包仲有好新潮既素肉熱狗（落左單先睇到，下次要試下）咁我就叫咗一個北京填鴨包個價錢已經包薯條同飲品先黎左飲品 其實有好多選擇不過食薯條同漢堡好似都係配汽水啱啲所以我叫咗鹹檸七鹹檸七有成粒青檸好足本，好夠味之後就黎左薯條好正呀係我中意既幼身薯條原隻薯仔仲見到啲薯仔皮炸得十分乾身，香脆亦唔油少少鹽調味已經好好味！我係有d想encore ge之後就到個包個包味道好好講真出面好少食到係特別得來又好好味食得出係有心調製唔係行貨！烘過之後，包係有脆邊但入面就十分鬆軟口感好好出奇地同片皮鴨醬好夾配料有青瓜同片皮鴨肉都好夠多但我係中意食個包多過個鴨既！跟住我朋友叫左個all day baofast!都好吸引呀！睇見都流口水呢度環境好好 文青風格有一扇大窗自然採光 好適合下午黎到抖下可愛既插畫同店主既玩具收藏又為呢個地方加添小小玩味我一定會再黎因為我想試其他包呀！仲有係：支持香港人！🇭🇰…查看更多

今日下午同朋友去co working space 工作工作未完已經諗夜晚食咩想食日本野 魚生😍而家要食野一定係係揀黃店而有心人都好好上網好易搵到黃店真香港人一定要支持真香港人！加油！因為工作狂食零食既關係其實唔太肚餓所以兩個女仔share 一個自選魚生飯同一個海蜇小食海蜇好脆口 酸酸甜甜少少辣都好開胃自選魚生飯可以自己揀要咩魚生好方便好似食車仔麵咁我地叫左三文魚、油甘魚、赤蝦、海膽同埋蟹膏除左個蟹膏太濃味之外其他魚生都好新鮮好鮮甜🥰另外飯已經好夠味豉油唔好點咁多～會有d咸～呢度飯同麵豉湯可以免費追加女仔食完凍野都係要飲返暖野暖身好d!呢度環境都好舒服座位夠闊個朋友本身勁鼻敏感入到黎一個乞嘖都無打！感覺係好乾淨。…查看更多

星期六晚，做瑜伽之前，同個朋友去醫個肚先！ 呢期天氣，落雨絲濕，就好想食泰國菜，開胃啲。 朋友上網搵到呢一間餐廳話想去試下，一於就試試啦😋。晚上七點半入座，個場都八成滿，唔洗等位就可以入座啦。麵有三款湯底：船湯，冬陰功同埋清湯。我同朋友揀左船湯同冬陰功，想兩個湯都試下。佢好特別，麵有得揀薯粉。 薯粉係幼身嘅，好彈牙，唔會難咬，朋友激讚。湯底十分濃香，配上魚蛋同炸豬皮。我就叫左冬陰功，有一隻青口同一隻蝦，都好鮮味。冬陰功唔算太辣，酸味重d，但又唔會太搶，好平衡，金邊粉吸晒冬陰功湯，正！兩碗都叫左肥牛，都係有咬口果種，朋友覺得ok，我就覺得麻麻地，下次我會配雞肉😁。配埋梳打水，有去左泰國既感覺！haha如果配埋粒青檸就更好啦😋。炸腩仔好香口，唔會好肥膩，值得一讚係個沾醬，調教得好好味。總括黎講係好味既！坐位夠闊落，位置方便，係有少少偏貴但都ok la，尖沙咀租貴！😋 <完>…查看更多

星期四收早，過海接個fd食個early dinner，去到早左，周圍行下睇下有咩食，利舞臺對面既金記冰室門面好懷舊，但係我比隔離呢間日式fusion 菜吸引左，因為門口有黑松露海鮮忌廉烏冬既相！不得了~全是我中意既食材，所以就入左去啦。入到去，完全不用考慮就點左黑松露海鮮忌廉烏冬。個朋友就點左柚子冷烏冬。烏冬黎到已經聞到好香，好足料，有兩隻大帶子，三塊三文魚塊，一pat黑松露醬，烏冬似係稻庭烏冬，較幼身同彈牙，個湯好濃厚，烏冬掛住湯汁，超正！料方面呢，唔知係咪個湯已成經好濃味，三文魚既鮮味都唔係好出，帶子就好少少。個朋友點既柚子烏冬，我就無試味，佢話味道好清新開胃，但因為佢中意食濃味野，所以佢係咁“畢”我果碗XD店員好好，免費送左熱菊花蜜比我地飲，正好去一去忌廉烏冬的厚重感。我會再來，因為我實在抗拒唔到“黑松露海鮮忌廉烏冬”呢個組合🤣…查看更多

星期日既下午同家姐去試素食自助餐。佢嘅自助餐嘅下午茶時間係三點開始，我兩點九去到已經見到一條長龍喺度等緊入座。等咗15分鐘好準時三點就可以入去坐，入面嘅座位都好多，有d迫不過都坐得舒服。裝修以小清新風格為主，木材，白牆同綠色嘅盆栽令人感覺好放鬆，門口仲可以打下卡㖭。佢嘅setting係餐廳嘅後半部分有長枱，上面有超過30款嘅食物 ，有沙律吧、熱盤、湯、炸物、甜品、水果、飯麵都一應俱全。整體食物都好好味， 而我自己最鍾意嘅有：椒鹽豆腐：外脆內軟，新鮮炸起,調味適中,我食咗成五六舊呀。 椰汁南瓜： 我本身就好鍾意食南瓜， 椰汁同南瓜嘅味道出奇地夾，兩者配合得好好，南瓜好林~炒雜菇：呢度菜式用咗蠔油去炒，菇類亦都有五六種，炒得啱啱好，好惹味好爽口。牛油果蒜蓉包：法包加蒜蓉牛油就梗係冇得輸㗎啦，牛油果味就唔係好出， 不過都好好味😋奶油津白湯芋絲：湯底好濃沃，啲津白好甜 ，連埋芋絲一齊食，索曬啲湯超正！花生醬蘋果：係新鮮嘅蘋果切片上面搽咗又幼滑既花生醬，加咗一啲穀物，感覺好清新。下午茶時段 88蚊 免加一 限時90分鐘，試下啲新派嘅素菜，性價比都好高，我會再黎！…查看更多

今日陪個friend 去灣仔北帝廟還神，星期六早上訓到九點，食個港式早餐再還神~好日都唔出灣仔，即刻上網睇下有咩冰室，搵到華星冰室有四粒星，就去了~十一點半入到去人頭湧湧！都差唔多滿座。坐低睇下有咩食，早餐時段已過，咁就食常餐。常餐叉燒意粉：忌廉雞湯底，好濃味但唔咸，好味！叉燒唔多但都夠食，好“林”。意粉唔會煮過火，岩岩好。煎雙蛋：蛋黃係流心，加埋落碗粉度一齊食令個湯更濃郁。火腿正常啦，如果可以煎一煎就更好😋。多士烘底唔洗加錢，但因為我叫左個菠蘿油就無食到啦。奶茶：懷舊的黑白淡奶杯，茶奶比例都岩岩好。菠蘿油：上菜時係暖粒粒，麵包鬆軟，菠蘿皮好脆，牛油未溶，冷暖交融好幸福😋總結黎講都係一個簡簡單單既早餐，食物滿意，餐廳裝修幾有感覺，仲有好多歌星既親筆簽名poster貼滿牆身，幾特別。…查看更多