mingmingtym的個人專頁

「磯燒」解作日本漁師們的岩岸料理，餐廳空運直送魚貝類用地道手法烹煮。除咗磯燒之外，仲有刺身壽司熱食，環境佈置有居酒屋嘅感覺😆唔好以為餐廳好似好隱蔽咁，我只係平日嘅夜晚，估唔到晚市爆曬人 ，我真係大鄉里🥹·松葉蟹膏帆立殼燒 $80·三文魚籽帆立殼燒 $80三文魚籽味會比較清甜，松葉蟹膏就比較鹹香濃味。帆立貝亦附有菇菌青椒配料。燒烤過程由職員負責幫手燒👍🏻·蟹味噌甲羅燒 $78·黑松露蟹肉甲羅燒 $78甲羅燒指將蟹膏填充到蟹蓋，加熱烤製，再搭配食材如蔥花、生雞蛋等增添風味。黑松露味都幾明顯，但蟹肉蟹膏好重鹹香味。味噌會比黑松露更濃味，整體都幾鮮甜好豐富嘅味道·炸雞軟骨 $52超級推介好好食，可以當小食叫👍🏻炸得香脆可口，份量又多，擠上檸檬汁多份清新感·壽司盛合 $268壽司新鮮，例如帶子海膽都甜，份量十足·蠔鍋飯 $98有四大隻熟蠔啖啖肉，搽上甜甜地嘅燒汁📍焱丸水產尖沙咀棉登徑23號華楓大廈地下5&6號舖…查看更多

見網上最近好多人介紹呢間餐廳嘅甜品，有巴斯克界嘅chanel??甘誇張？！但明明人哋叫Pancake 專門，應該pancake先係招牌？！🤣餐牌的確甜品款式好多，淨係pancake已經分做雪山系列、大福系列、蒙布朗班戟、水果系列、瀑布熔岩等。🥴不過我同朋友食完一致認同：食物賣相靚 純粹適合打卡、食下Tea，味道爭啲，未必太值呢個價錢，只此一次！👓開心果 Tiramisu $68面頭嘅cream好明顯有開心果味，大量開心果碎，其實都好食嘅，不過真係唔太似Tiramisu因為例如冇乜酒香，只係一層嘅手指餅+cream，無咩層次同埋比較單調，亦都偏漏 好多cream，而且唔算大杯 依個價錢性價比唔算好高。👓開心果咖啡 $58面頭有pat開心果醬，好稠 但唔覺有開心果味，反而咖啡味好香濃好出，整體係比較重咖啡香。攪勻杯飲品後，反而底部嘅焦糖醬出咗嚟，變咗杯焦糖咖啡… 👓MONT BLANC麻薯班戟 $138口味有四款選擇：和栗、紫薯、黑朱古力、金時蕃薯；另外雪糕亦有六款選擇，例如焙茶、栗子今次揀咗和栗栗子蓉+抹茶雪糕pancake比較實心、蛋糕質感，叫做pancake專門店，但佢嘅pancake係咪真係好出色呢？我唔太識欣賞😳我個人鍾意食梳乎厘班戟多啲🥲Pancake中間有舊麻糬，面層係雪糕球，然後鋪上一層薄忌廉+再淋上大量栗子蓉。栗子紅一定會會鍾意因為超級多栗子蓉，稍微甜咗少少，不過都幾漏，加上又有忌廉。但如果齋睇賣相 佢又的確幾igable打卡！👓抹茶蕨餅班戟 $128有少少失望因為冇太大特別，同樣只係嗰款實心、扁踢踢嘅班戟，連空氣感梳乎厘pancake都不是。灑上抹茶粉、幾粒蕨餅伴碟，兩球抹茶雪糕+一球雲呢拿雪糕，再擺啲紅豆。整體唔算好出色，對唔$128依個價錢🥲唔建議大家叫！👓Dark Mocha $48真係好黑朱古力味，唔甜 好重朱古力。👓焙茶拿鐵 $48👓牛小排牛骨湯烏冬 $98其實一嚿水一碗烏冬都唔平，所以都有少少期望。我只會話係一碗正常發揮嘅普通烏冬，就係高湯底 唔太鹹/清清地，有啲牛肉片，熱辣辣嘅烏冬😂因為太肚餓餓想食主食所以先叫～…查看更多

唔可以唔識嘅太子芝麻小店，米芝蓮必比登推介😆手工製作芝麻產品，門口設有石磨機，芝麻菲林捲、石磨黑芝麻糊、黑芝麻布丁等產品我都強烈推薦😆❤️黑芝麻有高鈣、高纖、高抗氧化小店全日長期排長龍，不過平日都只需等5-10分鐘；假日就誇張啦，要等15至20分鐘。人龍左邊就排芝麻雪糕布甸等，右邊只限排菲林卷，所以如果同朋友分開排就最快捷✌🏻· 特濃「黑芝麻」軟雪糕 $28 雪糕一定係必食產品，見個個排隊都必買一杯，街口位企滿晒人喺度舐吓舐吓🍦好濃郁芝麻香，面頭有芝麻醬，雪糕口感係沙沙口感，第一次食嘅人士一定會感到驚艶。呢個價錢絕對值得試一次😆·流心黑芝麻布甸 $25/杯有驚喜，第一次食非常驚艶，布甸有奶香味亦有芝麻香，中間有流心芝麻醬，成個布甸簡直係充滿濃郁芝麻香，強烈推介一定要試😆· 芝麻菲林捲 $25/盒傳統菲林卷而家好少見到，數量有限，所以每人只限購一盒，每天2:00-7:00，每個鐘發售25盒。用芝麻糊漿、芝麻醬、馬蹄粉、冰糖攪拌成米糊狀態，放入蒸爐慢火蒸3分鐘，逐條人手捲製。全手工製作，捲咗好多層變相一條其實好厚身，質感偏煙韌Q彈。老實講其實$25/6條唔算平🤣香芝麻味係好食，不過同布甸/雪糕對比下就冇咁驚艶🤣· 石磨芝麻糊 $30芝麻糊用上九蒸九曬的黑芝麻、三蒸三曬的白芝麻打成粉，再用石磨機慢磨1至2小時，加黑片糖和黃冰糖慢火煲煮而成。反而口感冇傳統芝麻糊咁香滑，係有少少沙沙地嘅口感，但芝麻香濃稠滑，甜度適中😆…查看更多

我算係豆乳狂人粉絲，基本上大部份款式都食晒咁滯，平日鍾意十勝紅豆豆乳+薑汁豆腐花開心果迷見到新產品！講真$68唔算平，所以好大期望….結果大失望，表示冇下次，呢個甜品純粹噱頭多！·開心奶蓋豆花 $68烘焙開心果碎＋意大利開心果醬＋開心果奶蓋+豆花+黑糖+西米+白玉串串食過無數開心果甜品嘅我表示 完全冇開心果味，簡單啲講就係一堆深綠色開心果醬/ 開心果碎。味道太複雜，又一pat醬 又一pat奶蓋 又一堆豆花 又一堆配料，但剩係得甜味 又太甜，完全唔知食緊咩⋯⋯我返到屋企仲要發覺佢俾漏咗白玉串串…Jm9🤯配料豐富呀不過同平日嗰啲堅果豆花一樣味，純粹多咗開心果碎，咁我買堅果芋泥豆花 $38仲好啦😂·開心之選 $68烘焙開心果碎+意大利開心果醬＋開心果奶蓋+三色芋圓＋西米＋冰糖凍凍其實兩碗嘢個底係一樣，純粹豆腐花變咗做冰糖凍凍，係兩舊透明啫喱，同樣味道複雜 唔知食緊咩🤯但若果要比較，開心之選會好過開心奶蓋豆花啲啲🤌🏻🫠本身仲想試吓杜拜開心Tiramisu…不了好多人reply我話本身想試，大家不妨都照試吓 再話俾我知食評😂其實係咪我味覺有問題？🥹…查看更多

太古城啱啱開幕嘅時候打晒蛇餅個個排隊買酥皮蛋撻，而家人潮已經減退～麵包款式依然好多、賣相吸引，有牛角包、泡芙、水果酥皮撻、仲有人排隊等招牌蛋撻出爐·開心果焦糖酥卷 $32面頭係一層焦糖化脆片灑上啲開心果碎，餡料反而好少開心果吉士醬，整體成個包冇開心果味，反而比較重焦糖味。酥皮卷有少少似肉桂卷質感，內裏係鬆軟麵包 出面係千層酥。對比下我覺得脆皮泡芙性價比好啲！·脆皮泡芙（白朱古力/開心果/焦糖白朱古力） $18😍開心果味泡芙唔算脆卜卜，比較麵包質地，不過都鬆軟好食。整體重開心果味，面頭舊開心果醬最好食，質感稠啲，泡芙入面都有開心果醬…查看更多

Youtuber Sue Chang老公開嘅雪糕店，採用北海道十勝牧場澤西牛乳。主打雪糕，仲有泡芙、燒生乳酪、咖啡每個月都有季節限定主題：例如2月草莓、3月抹茶，唔知下個月係咩呢😆雪糕有兩款口味，包括主題Dip（e.g草莓/抹茶）、原味；泡芙同樣有原味或季節口味·宇治金時泡芙 $42泡芙加咗杏仁焗，夠香脆！餡料係雲呢拿吉士醬，抹茶味較突出 甘甘地，因為有紅豆所以添加了香甜味，口感同味道都豐富。cream夠冰凍，有種雪糕口感。個人覺得泡芙同雪糕都各有特色可以試晒兩樣🤣焦糖生乳酪都好食 不過偏膩·焦糖生乳酪 $52焦糖生乳酪會即時用火槍炙燒，燒至半溶。入口乳酪味超重 好似食緊芝士蛋糕一樣，好creamy，底部就有層餅底。比芝士蛋糕輕盈，但食食吓都係有少少膩🤣·草莓 Dip 牛乳雪糕 $48（2月的限定款式）雪糕真係好濃郁牛乳味，幼滑，雪糕舖上一層薄脆草莓朱古力同草莓乾·四重赤莓泡芙 $42（2月的限定款式）泡芙口感脆酥，有莓醬同雲呢拿吉士，加上莓果忌廉、草莓乾、日本草莓，口感豐富香甜…查看更多

The White Project x 享樂烘焙，打造新品牌「BUFFEE」將 Butter與 Coffee 二字結合🥐麵包由享樂烘焙團隊每日新鮮手工製作☕️有專業咖啡師駐場，精選咖啡豆近期好多人推介，烘焙款式跟享樂烘焙完全唔同，仲有多款飲品，咖啡、手沖茶、抹茶。不過有啲驚訝原來店舖比想像中細，座位真係得幾個 仲要唔算坐得舒服，Cube design座位少少奇怪，坐上層嘅人要將腳放落下層，但其他人又會將食物擺落下層 因為冇枱可以放食物，同時上落又唔方便🫣我哋觀察咗一陣keep住好多人幫襯，尤其好多Office人士lunch time買麵包咖啡可能當lunch。🌟招牌開心果流心酥🌟每天11am & 3pm 出爐，限量30個觀察到12-1:00仍有存貨買到，當然職員都話賣晒就冇 唔擔保時間·開心果流心酥 $42堂食職員可以幫你翻熱。面頭係開心果醬，個人覺得係開心果味最濃郁→下一層係開心果吉士餡，都有開心果味但唔算勁香濃，少少偏甜→麻糬→開心果杏仁餡流心效果一流，酥皮香脆，但可能大眾吹捧得太誇張，無我想像中咁驚艶，食一次係OK嘅但未必會回購。對比下我都係覺得中環間vission開心果丹麥酥好食啲 但貴$26蚊🤣🤣·濃厚朱古力撻 $28面頭嘅朱古力醬流心效果好好，切開入邊係蛋撻，好似布丁質感好滑，但唔知點解食到淡淡伯爵茶味😮朱古力味主要來自面頭嘅朱古力醬+朱古力撻皮，勝在完全唔甜，不過同樣偏漏 自己一個人食晒搞唔掂唔🤣·維也納香腸焦糖洋蔥酥 $34網上好多人都話好食，但老實講味道唔錯嘅，不過冇吹捧得咁誇張，純粹真係一個酥皮香腸包，正常酥皮香薄脆，炙燒過嘅芝士包住條腸，有啲洋蔥香草沙律醬·White $42堂飲有好靚嘅拉花😍咖啡豆用咗ethiopia，咖啡味好香，細飲有少少佛手柑嘅味道，加埋奶香滑，比例啱啱好😌·Cold Brew $45 →$50Tasting notes: Cranberries,Prunes,Cherry店員推介可以加錢轉另一款咖啡colombia，飲落有啖啖莓果香，鐘意fruity嘅要試下，都值得升級咖啡豆一試📍BUFFEE灣仔軒尼詩道288號英皇集團中心地下G06-07號舖…查看更多

近期人氣抹茶甜品專門店在社交平台老是常出現，起碼有20個foodie介紹 又叫佢做「抹茶界天花板」，究竟味道係如何呢？🫡強調返！我係全自費！黎個真心話試食報告🫡原來佢開咗喺中環donki隔離扶手電梯位，傳說中嘅結業旺位，我印象中佢上手係Holly Brown →茶狼→ ChaTraMue →今次新開sundazed見到keep住都好多人幫襯，究竟過多一排係咪仲維持到人氣呢🫣·玉露焙茶拿鐵（凍） $38Hojicha Latte 飲品反而唔錯，香濃焙茶味 帶有烘焙茶香，由於叫了走甜，更加飲到茶味。奶香滑，茶同奶比例啱啱好·宇治抹茶配紅豆配抹茶啫喱 $56Uji Matcha with Red Bean & Jelly見啲網民話特濃抹茶新地比得上日本嘅抹茶雪糕，（我唔知自己有冇眼殘）見到所有抹茶雪糕個底都係同一部機唧出嚟，我估特濃抹茶係純粹再加啲抹茶粉抹茶醬？其實雪糕順滑，不過冇想像中咁濃抹茶味/冇抹茶回甘，抹茶味係有 但完全及不上價錢應有嘅質素，底下層係抹茶啫喱，若果唔睇價錢的話味道都唔錯。個人覺得味道同matcha tokyo差唔多，不過如果以價位來說，寧願食返老店tokyo。咁嘅價位完全唔吸引，仲要無位置坐低食/立食🫣…查看更多

原來銅鑼灣有間日系cafe餐廳，menu款式相當多，例如人氣蛋包飯、意粉、烏冬、pizza、招牌八女抹茶飲品/甜品，適合聚餐，所有食材都採用日本原材料製作。令我最驚喜係好多款甜品，有芭菲、法式吐司、雪糕甜品，賣相勁精緻😍以銅鑼灣區黎講價錢唔算貴，附近行到攰上黎Tea都幾正！最近仲推出糸島の甜王士多啤梨 期間限定系列甜品🍓有草莓芭菲、法式吐司、布朗尼😍🍓選用福岡縣糸島種植的草莓，草莓甜度高達11度或以上，扎根逾60年 傳承到第三代的草莓農💡穩陣起見，當然建議先book枱訂座連結：https://s.openrice.com/QrbS0qz4600~dg2a5KWMZ· 草莓の愛LOVE $148草莓芭菲有三種款式配上各種配料，我呢款LOVE有新鮮草莓、朱古力脆塊、中間有冰淇淋、脆米片、草莓醬、忌廉、草莓果凍，一層層嘅配料相當豐富。草莓亦非常香甜🥰· 草莓布朗尼 $98布朗尼質感有少少似鬆軟嘅蛋糕，勝在唔太甜，同樣有好多草莓🥰+$38/$48升級set menu 配餐湯、沙律、飲品·玉子醬油燒雞腿漢堡 $108 （期間限定burger menu)我自己本身唔食牛肉，但款式上好有選擇 竟然除咗和牛漢堡，仲有雞腿/吉列松葉蟹款式。burger俾我想像中份量大、爆餡料，好大條厚玉子，雞腿亦相當大塊，嫩滑有醬油味·帆立貝明太子忌廉意粉 $128有兩大粒帆立貝，意粉份量都相當多 掛滿明太子忌廉醬，香辣creamy📍 UFUFU CAFE 銅鑼灣謝斐道535號Tower 535 1樓101-102號舖荃灣大壩街4-30號荃灣廣場3樓321-323號舖…查看更多

幾年前Owens喺太子店起家已經食過，係一間簡約舒服又經濟嘅Cafe，有set lunch/dinner set，就算係星期六日嘅夜晚都有dinner set喎。估唔到將軍澳開咗分店，晚市座無虛席，見到好多一家大細食！晚餐除咗意粉意大利粉，仲有豬仔骨、羊架、德國脆皮鹹豬手、牛扒等主食Dinner set 附送餐湯/沙律及飲品，可以優惠價加甜品👓明太子虎蝦意粉 $128好濃郁明太子味，香辣惹味，忌廉底相當Creamy，有兩隻大虎蝦，意粉份量一定夠你飽肚👓 黑松露軟殼蟹意大利飯 $142都好大隻咋軟殼蟹香脆可口，意大利飯唔算太腍，淡淡黑松露味，忌廉cream底，唔錯👓 美國醬燒BBQ豬肋骨配薯條 $178最推介係呢個豬仔骨😆$178嚟講其實份量好大好抵食！有兩排骨喎！BBQ醬汁惹味可口，豬仔肉夠淋，仲有粗薯條份量都幾多，不過略嫌薯條炸得唔夠香脆👓伯爵茶麻糬tiramisu +$48👓開心果麻糬tiramisu +$48極度不推薦甜品叫牛角窩夫雪糕，見到隔籬枱個賣相好渣又細舊 然後勁多五顏六色彩針好唔吸引🥵→個人比較推薦開心果口味，都幾重堅果味，而且面頭好多開心果碎，唔太甜，雖然唔係好似Tiramisu，冇傳統Tiramisu嗰啲所謂嘅酒香味/蛋糕質感/芝士味，反而比較忌廉cream狀，不過中間好多麻糬粒粒都有層次，整體還好都可以試一次→伯爵茶口味其實係食得出有淡淡伯爵茶味，不過對比下就比較失色，無論忌廉定蛋糕，質感都唔係好似Tiramisu，同樣中間有啲麻糬粒粒。…查看更多

銅鑼灣世貿翻新之後開咗好多餐廳，其中依間Cafe我都幾推介👍🏻尤其好適合食lunch或者tea，餐廳意粉色色調為主，環境同食物賣相都好適合打卡👍🏻招牌喺巴斯克芝士蛋糕，除咗一大個蛋糕之外仲有3‘’迷你size，款式口味非常多 尤其有開心果味👍🏻除咗芝士蛋糕 亦有熱食例如意粉、brunch、法式鹹千層酥🥰最吸引係Pastry Combo:·Bread Pastry with Coffee $60·Cheesecake Buy 3 get 1 Free👓 3“巴斯克焦香芝士蛋糕·雙重開心果 $69好濃郁開心果堅果味，唔太甜，首先面頭係有少少慕絲質感嘅開心果cream,然後就係開心果味巴斯克蛋糕，中間有少少軟心，好重芝士香同時翼濃郁開心果味，雖然size細細個不過都幾漏。佢係一個合格+好好食嘅開心果巴斯克，我都推介一試👍🏻·世界50最佳餐廳Celler de Can Roca米芝蓮三星品牌朱古力Casa Cacao Hacienda Ecuador 75%黑朱古力 $68超濃郁朱古力味，唔會太甜！同樣面頭係慕絲質感嘅黑朱古力，蛋糕中間係朱古力軟心，好有層次 又濃郁芝士香，朱古力味一定鍾意食！不過如果兩者比較下，我會覺得開心果口味比較特別🥰👓Lotus latte 比利時焦糖脆餅醬鮮奶咖啡 $54係正常味道嘅焦糖鮮奶咖啡，有焦糖味…查看更多

最近金鐘地鐵站開咗間麵包店，好多人排隊，店舖係地鐵站內十分方便。係FreshFresh嘅新副線，所以見到產品包裝+麵包款式同Fresh fresh好相似。有好多fresh fresh嘅產品eg. 麻糬QQ，亦有唔同嘅麵包款色·開心果海鹽卷 $14 覺得幾特別所以想試吓，點知好失望😢麵包質感係軟熟，但只係普通餐包咁，完全無開心果味，中間都無餡嘅，純粹係色素包咁🙁·開心果麻糬QQ布丁 $12最多人介紹嘅產品，但原來實物係1口size咁…覺得偏貴所以買得1款口味，果然都係完全無開心果味的，得中間dd開心果醬有dd味，其餘唔知自己食緊咩🤦🏻‍♀️·濃湯粟米麻薯QQ $10完全同濃湯粟米無關係，得沙律醬味，外皮都有麻薯口感，但完全唔值…查看更多

網上睇到人介紹，開心果糯米糍$8/粒😻西營盤地鐵站出口附近一間傳統餅店，街坊小店舖面但見到有幾位人手努力喺廚房搓緊餅，有菲林卷、鹹蛋酥合桃酥、白糖糕、糯米糍等等，最吸引係糯米糍好多款口味：黑豆豆沙、豆沙、腰果、開心果口味等，重點 唔使排隊🤣老實講，糯米糍軟熟但個皮偏淋少少，餡料方面比較重椰絲芝麻碎，微甜，見到有綠色 但真心唔明顯開心果味。如果去開西營盤可以經過買下其他款，但特登黎潮聖/買開心果 不用了🤣…查看更多

作為將軍澳地膽嘅我，今次介意澳南果邊一帶嘅一間台式風格串燒店！主打串燒，低至HK$9/串，全店人氣銷量No.1 大漠烤羊肉串，亦有熱食飯麵，食材款式多，海鮮每日新鮮直送 例如有帶子扇貝聖子海蝦；環境裝修舒服，適合聚餐慢慢食；串燒其實已經燒好，但會提供一個燒烤保溫爐將串燒放上去保持熱度，仲可以順便打下卡！⭐️Lunch time亦有經濟lunch set，而家仲做緊推廣：星期一至五午市lunch買一送一⭐️將軍澳分店加入新會員即送免費大漠烤羊肉串（一客5串）和特大元氣森林水果茶（一杯）📍KOKA 小野人 ·將軍澳澳南海岸店：將軍澳澳南海岸唐俊街23號MONTEREY Place地下G25A號舖·沙田新城市 新分店 ：沙田新城市廣場三期3樓A326號舖…查看更多

近期thread好多人介紹呢間👀我又試下先蘇杭街新開咗一間Cafe，聽聞之前本店係荔枝角，由一對情侶艱辛創業頂手Cafe。主題係輕露營風格，所以有啲露天打卡位，亦有室內上下兩層，當然建議最好穩定book枱先。Cafe 係寵物友善餐廳，如果有興趣帶寵物最好打電話book定位先！👓蜂蜜蘋果金文畢芝士配巴馬火腿 $118鐵板上面有金文畢芝士 質感係少少溶溶地，焗到係淋質地嘅蜂蜜蘋果，法包片配上芝士+Parma Ham超夾，口感豐富👓香煎鵝肝 •慢煮鴨腿伴松露牛肝菌意大利飯 $238鵝肝有焦糖化脆面，大家有冇食過壽司郎嗰隻焦糖鵝肝壽司 就係類似感覺～鴨腿都唔錯，調味香口肉質夠淋。Risotto稍為少少濕得滯同淋，唔夠飯粒煙韌口感，可能因為太Creamy，淡淡黑松露味，有菇菌👓抹茶栗子修女泡芙 $68泡芙好脆！栗子蓉唔係好甜，真係好多栗子蓉+好重栗子味，反而抹茶味就唔太明顯。👓鹹蛋黃忌廉醬蝦球貓耳朵粉＄148蝦球份量比我想像中多，好似大約五隻。鹹蛋黃味都幾明顯，鹹蛋黃係起沙，尤其越食越濃鹹。貓耳朵粉煮得啱啱好，整體都幾特別都好食！👓蒜香白酒煮蜆配脆多士 $108醬汁底係蒜香白酒汁，越食越重香辣味！沾埋多士食幾好～👓椰子水咖啡 $52真係椰子水+黑咖啡，但係好明顯飲到椰子嘅清甜味，所以比較易入口👓比利時70%黑朱古力咖啡mocha $48都香濃朱古力味…查看更多