大饕餮的個人專頁

最近同朋友去咗尖沙咀海港城港威商場嘅 Espresso Alchemy 食早餐，真是一個超正嘅體驗！呢間咖啡店以精品咖啡同西式美食聞名，環境舒適又型格，坐低真是一個享受！今次試咗佢哋嘅幾款招牌菜同飲品，以下同大家分享吓～🥪 檸檬汁烤雞煙肉芝士意大利三文治 
呢個三文治真是一個驚喜！外皮烤到金黃酥脆，咬落去有啲煙韌口感，超香！入面嘅烤雞肉嫩滑多汁，煙肉又香又脆，芝士半溶化，拉絲效果一流，入口充滿奶香。重點係檸檬汁嘅輕酸味好巧妙咁平衡咗整體嘅油膩感，食落清新又唔會太重，絕對係三文治控嘅心頭好！🍳 Alchemy全日早餐 
呢個全日早餐真是一個豐富嘅大雜燴！有嫩滑嘅炒蛋、鹹香嘅煙肉、新鮮蜜瓜、薯角、蕃茄、蘑菇同牛角包，樣樣都整得用心。炒蛋軟滑得來有蛋香，煙肉同蜜瓜一齊食好有層次，牛角包外脆內軟，真是一個滿足嘅早餐選擇！🍰 香蕉蛋糕 
香蕉蛋糕真是一個驚喜之作！烘熱後香氣四溢，蛋糕鬆軟得來唔會太乾，入口有濃濃嘅香蕉味，甜度適中，完全唔膩。食完一個主食再食呢個甜品，感覺啱啱好，甜甜地為一餐畫上完美句號。🥐 牛角包
牛角包外層酥脆，內裡充滿空氣感，牛油香氣好濃，咬落去真是一個享受！絕對係早餐嘅亮點之一。🍫 特濃朱古力 
特濃朱古力雖然份量細細杯，但味道好濃郁，朱古力香氣好突出，飲落去滑溜溜，完全唔會太甜，係一個好解膩嘅選擇。尤其係食完三文治同早餐後，飲呢杯真是一個perfect match！☕ Piccolo Latte 
作為咖啡控，點少得試吓佢哋嘅Piccolo Latte！用上自家Alchemy Blend咖啡豆，帶有朱古力同果香嘅味道，奶泡打得夠綿密，入口順滑又平衡，咖啡香氣好濃，飲完真是一個精神refresh！…查看更多

今日去咗間文青Cafe，試咗幾款嘢食，真心唔錯，同大家分享下！ 煙三文魚沙律配檸檬醋醬 一上枱就聞到陣陣煙燻香，三文魚油潤得嚟唔會太膩，魚肉柔軟帶少少鹹鮮。沙律菜好新鮮，爽脆嘅羅馬生菜加埋火箭菜，微微苦澀但好開胃。檸檬醋醬酸度啱啱好，仲有少少蜜糖甜味，撈勻一齊食好醒神！ 青醬烤雞蕃茄芝士意大利三文治 個三文治烘到外脆內軟，一咬落去就聽到「咔嚓」聲！青醬香濃，羅勒味好突出，仲有松子嘅堅果香。烤雞肉嫩滑多汁，夾埋半溶嘅芝士同鮮甜蕃茄，口感層次超豐富。唯一挑剔係青醬可以再多啲，食到尾段有啲乾。 檸檬蛋糕（兩件） 蛋糕質地鬆軟濕潤，檸檬清香撲鼻，面頭嘅糖霜帶微脆，酸甜平衡得好好。咬落去有少少檸檬皮碎，增添咗微微苦澀同香氣，食完成個口腔都係檸檬嘅餘韻，好適合夏天！ 加大Flat White咖啡 咖啡香氣好濃郁，一聞就知係靚豆。奶泡打得細滑，入口綿密，咖啡同牛奶比例完美，唔會太苦亦唔會奶味過重。飲到尾段仲有少少朱古力同堅果嘅回甘，勁正！ 總結 今餐食得好滿足，每樣嘢都高質，尤其係個青醬三文治同Flat White，絕對會返兜！如果鍾意清新口味，煙三文魚沙律同檸檬蛋糕都係必試之選。…查看更多

沙田新城市廣場三期真係好多嘢食，而今次我同老公好想食海南雞飯，所以就揀咗呢間長期排隊嘅天天海南雞，之前已經聽過朋友介紹幾好食，今次特登過嚟試一試。黎到呢度梗係食個招牌海南雞飯啦，仲要一定係轉油飯，白飯梗係冇咗呢個嘅精髓，所以識食一定要食油飯，就算幾肥都一定要食！呢度真係坐得幾舒服，有多卡位，又唔會好逼夾，舒舒服服坐低食野！特別一讚嘅係佢哋嘅茶好好飲，好香，出邊好少何有得飲呢個茶味，所以都忍唔住嘅職員添咗一壺熱水俾我！跟住仲叫咗個椰菜煲，都幾特別幾好食，仲要大大煲，食咗海南雞有少少油膩嘅感覺，食返個菜即刻平衡返。仲有呢度職員嘅服務態度都幾好，會介紹菜式俾我哋選擇，等我哋呢啲選擇困難症嘅人可以快啲揀到嘢食甜品。…查看更多

好耐冇嚟鬼金棒食拉麵，唔知啲水準仲有冇keep到，一入到嚟，個感覺好熟悉，裝修同埋職員都係一樣。呢度都仲係QR code落單，慳返啲人手，又可以準確落單，啲面有不必要嘅誤會，都幾好幾方便！我叫咗增量芫荽叉燒拉麵，高麻中辣，味道剛剛好，又有啲麻辣味，唔算太辣，好惹味！我仲加咗糖心蛋同埋芽菜，蛋都係一樣咁出色，而加左芽菜，好爽口，好好食！而我老公就叫咗增量叉燒拉麵，都高麻中辣！而佢就加咗粟米仔，味道都唔錯，一樣冇退步！呢間拉麵舖我哋食極都唔厭，每次嚟都好好食，好有去日本食嘅拉麵嘅感覺！呢度啲裝修都真係幾靚，好有惡魔嘅感覺，感覺上啲啦好似魔鬼辣咁，營造嘅氣氛都幾暗黑，店主肯花金錢同埋心思裝修，真係好抵讚…查看更多

又來食好嘢啦，今次嚟食日本嘢，三年冇去過日本旅行，真係好想食下啲正宗嘅日本拉麵，今次就過嚟食過江龍鬼金棒！呢度裝修到花咗好多心思，環境同埋惡魔嘅樣，營造恐怖嘅感覺，想呈現出麻辣拉麵嘅恐怖之處，不過我唔會俾佢嚇到嘅！呢度用QR code落單，一入座嗰時店員比張QR code你，就可以自助落單，真係幾方便，想食乜就嗌乜，減少落單錯誤嘅機會。我自己就好鍾意食芫荽嘅，梗係要嗌碗增量芫荽叉燒拉麵啦！芫荽嘅份量都真係幾多，對到成個小小嘅山丘咁，睇見都覺得正，而我在加咗增量芽菜，同埋家左隻糖心蛋！超級豐富好Perfect！而我老公就叫咗增量叉燒麻辣拉麵，佢都鍾意食芫荽嘅關係，都叫咗增量芫荽，真係好爽，兩碗芫荽拉麵！呢度仲有辣到俾你揀，可以揀大中小辣，麻辣度都可以揀添，高中低麻。我叫咗中辣高麻，而我就覺得呢度啲辣度都未算好強勁！不過都好夠過癮！…查看更多

食放題真係乜都有得揀，好似7–11咁樣行過就有幾間，今次嚟到旺角呢一間大瀛喜，呢間都算新開左一年左右，所以啲裝修都幾新淨，所以地方都好乾淨！呢度啲嘢食好多嘢揀，已經冇再用紙張嚟落單，變晒轉用環保嘅形式，以QR code落單，咁樣真係好值得欣賞，又唔使浪費好多紙！呢度有好多食物類型選擇，啱晒一家大細，唔使怕唔啱其中一個人嘅口味！所以放題喺香港一直都好受歡迎！首先我哋叫咗一盤刺身，擺盤都幾靚，魚質睇落都幾新鮮！食落口都算幾鮮甜！之後我哋仲叫咗啲炸物類，有雞翼啦同埋榴槤波波！好好食！我地仲encore左幾次！雞翼好香口！肉質又滑！加分！啲飲品類又勁多！非酒精類真係好多選擇！有成4大個雪櫃揀！飲到飽都得呀！而我最鍾意佢地自家樽裝茶！好飲！…查看更多

疫情反反覆覆，work from home嘅生活又黎喇！溫度屋企太耐，想揀間Cafe輕輕鬆鬆咁樣做嘢，所以近近地就揀咗荃灣呢間espresso alchemy!呢度咗一杯嘢飲都可以坐好耐！咁梗係黎埋食lunch兼且做嘢啦！好彩早咗少少嚟，等咗一兩張枱就到我啦，如果唔係應該要有排等位，呢間真係好受歡迎！首先我就叫咗個雞胸沙律，份量真係好多，自己一個嚟食都應該會覺得好飽！以佢雞胸嘅份量好多，沙律菜有有唔同嘅種類！絕對對得起個價錢！之後我仲叫咗個卡邦尼意粉，味道好creamy!極度邪惡嘅肥仔意粉！好濃厚嘅芝士味，唔錯唔錯！之後我就叫咗大杯裝嘅朱古力！好欣賞呢度嘅拉花圖案，唔係淨係拉心心咁簡單！係啤牌入邊嘅國王！好特別！我朋友仲叫咗long black！佢話杯咖啡都幾香！唔會好酸！最後我哋仲叫咗生酮朱古力蛋糕！味道同食普通蛋糕都冇乜分別！加分加分！絕對冇其他奇怪嘅味道！…查看更多

咁耐冇去台灣，梗係好想食台灣嘢啦，難得嚟到尖沙咀，知道有一間地理位置好方便嘅台灣食品，叫做臺坊，我都會見到坐滿晒人，好受歡迎，有時行過仲要排隊添！而我今次都唔執輸，見唔使排隊，即刻入嚟試一試，雖然座位唔算多，但都幾舒服，唔會覺得好迫！我今次就叫咗好受歡迎嘅牛肉麵，台灣食品，紅燒牛肉麵就一定好出名，寫呢啲嘢一定唔會有伏，難食嘅機會率好低！碗麵一嚟到，都真係幾大份，男仔食都應該會夠飽，所以呢個價錢，都算幾抵食㗎！牛筋炆得好淋，牛腩都炆得好入味！呢個紅燒牛肉麵來講算幾好，絕對唔會令人失望！之後我仲叫咗一杯台式嘢飲，係荔枝紅茶椰果！仲可以揀甜度嘅選擇，揀咗少甜！都幾好飲，茶味都幾香！原來呢度仲有好多飯都要選擇，下次一定要再試下，我諗應該一定會有高水準嘅質素，唔會令人失望！…查看更多

出嚟尖沙咀搵好嘢食，你近排一間都會上到好嘢，今次就嚟到海運中心對面嘅商業大廈，有一間人細嘅日式小店，聽人講有高質嘅日本菜！所以今次黎試一試。今次我就揀咗好多串燒試吓，有秋葵啦翠玉瓜啦雞翼，呢啲都係一般大路嘅傳統款式，但係呢間有青辣椒仔，有煙肉蠔，呢兩個就係坊間都比較少見，味道真係幾好食，幾特別，鍾意有新鮮感嘅可以一試！仲有雞肉串，配合新鮮日本蛋黃，真係玩到不得了，好好食， 好想encore多一串！之後仲叫咗少量嘅壽司，有海膽呀三文魚啦虎蝦等等，飯嘅糙味調得啱啱好，而喺飯上面嘅刺身都好新鮮，都真係幾唔錯好值得食！最後仲叫埋西柚梳打，解渴一流，嘅西柚放喺入邊，有新鮮果汁嘅味道，唔似啲好假嘅果汁味道！…查看更多

Espresso alchemy 係荃灣都好出名！好多人都會特登去呢度邊嘆邊zoom meeting，甚至做work from home嘅工作！嗌杯啡同蛋糕，就可以嘆成日都唔會有人趕！好似Starbucks咁嘅feel！仲有更正嘅主菜可以食！唔會淨係得沙律同蛋糕！仲要份量勁多！味道又好！果然係荃灣站得住腳！總有佢嘅原因！我地老公都係健康人士，叫左個雞胸沙津食！大大份，又好食！有少少醋，酸酸地，好開胃！吸引多啲纖維！唔錯唔錯！另外仲叫左份3文治，係雞胸蕃茄芝士三文治！都幾好食！簡簡單單幾好味！最後仲叫左生酮抹茶蛋糕，識落好似都同普通蛋糕口感一樣！飲品方面就叫咗朱古力同埋咖啡！唔錯！推介！！！！！！！！！！…查看更多

我就是鍾意周圍去食嘢，跟住就嚟到荃灣，想忙裏偷閑，輕鬆一下，唔想食茶記咁急速，慢慢嘆吓啡飲下茶，放慢一下生活節奏！喺Cafe食嘢，梗係要食靚環境，靚裝修！而今次黎呢間hikari就符合晒我嘅要求！雖然呢度環境靚，但食物質素都有啲保證！我地睇到餐牌都好多食物選擇，真係花多眼亂，揀咗10分鐘先諗到！最後我哋揀咗波士頓龍蝦肉芝士忌廉蝴蝶粉，超級足料完全冇揸流攤，芝士好香濃！超級好食！而另一款都好出色！慢煮安格斯牛飯！牛味香！好味道！另外我地仲叫左兩杯野飲！一杯係抹茶latte，拉花拉得勁靚！勁ig-able！呃like一流！另一杯係桃肉冰茶！好飲！呢度職員服務態度都幾唔錯！欣賞！respect!!!…查看更多

好耐冇嚟荔枝角嘅工廠大廈食嘢，今次就嚟做朋友介紹嘅呢間INN- I’m not nothing！呢間有幾間分店，觀塘荔枝角九龍灣元朗都有分店，今次就試試荔枝角呢間！呢度員工服務都好好，好樂意介紹嘢食俾我聽！令到有選擇困難症嘅我哋，都可以快啲揀到想食嘅嘢！先揀左沙律先啦，鴨胸沙律！鴨胸份量雖然唔太多，但係個味道都幾好食！香蒜辣味鮮蜆寬面，呢點都幾抵食，有六至八隻嘅蜆喺面上邊，新星軒就冇特別做大大嘅調味，完全冇海鮮唔新鮮嘅口感，所以都幾好食！接住落嚟就係澳洲豬鞍架！呢一碟係最有驚喜！豬鞍真係好好食，個醬又唔會太咸！肉質又夠淋身！最後叫埋甜品，tiramisu同埋朱古力班戟！甜品就普普通通，normal質素！都還可以嘅！…查看更多

依家天气凉凉地，真系啱晒打边炉，但香港有咁多间打边炉，是但拣一间嘅话可能会好意中伏！所以今日就嚟咗醉胡炉！呢间出名服务好，食物质素高！今次就嚟试吓个新汤底金汤鸽翅花胶锅，首先水滚左之后，就可以先饮汤，再食少少花胶，在可以食鸽肉，唔错几好食！今次我就唔系好想食牛，所以就今次拣食猪肉，仲有叫咗个细嘅蔬菜拼盘，莴笋，咁就唔怕食得太多肉而觉得太肥啦！可以解解腻都几好！跟住又叫左一柞竹蔗茅根！都唔会太甜几好！之后仲拣咗手打墨鱼丸，芝心虾丸，都几弹牙几好食！食芝心虾丸食嘅时候要小心，唔可以熟左就即刻食，流心芝士会热亲个嘴！仲有叫左特别少少嘅XO鲍鱼虾饺王！几得意几好食涡！最后仲叫左老友鬼鬼同埋串烧鸡腿肉！好食唔错！…查看更多

香港食拉麵嘅舖頭有好多，但係有麻辣同埋芫荽呢個組合比較少，我正正就係芫荽同埋麻辣嘅愛好者，所以一定要嚟試呢間鬼金棒！呢度門口嘅裝修都幾搞笑，大大嚿惡魔嘅裝飾喺門口度，係咪想話俾人知個湯底辣到飛起！嚇怕啲人？都未驚過啊！而今日我哋嚟食中辣中麻嘅芫荽拉麵，仲加咗叉燒同埋蛋，芫荽嘅份量我想像中咁多，我仲要為會係成座山咁高嘅添，可能要再增量嘅芫荽先會有呢個效果！都有啲辣嘅味道，麻辣味都算足夠！另外老公仲叫咗增量兩倍嘅麻辣叉燒拉麵，都加咗隻蛋添！叉燒嘅份量真係好多，炆得好淋！啖啖肉真係好正！都係叫咗中麻中辣嘅味道，成都少少辣的朋友仔！唔錯唔錯好食好食！原來呢度仲有飯嘅選擇，唔淨止可以食拉麵，下次一定要黎試吓先！…查看更多

一年四季都係打邊爐嘅好時機，喺香港試吓，事但行都有幾間打邊爐選擇，但每次打邊爐我都係第一時間諗起醉胡爐！因為呢度地方又大，裝修又好，服務都還好！食物質素都偏高，雖然價錢唔係10分平，咁都合理！之前黎因為疫情嘅關係，所以都唔係開咗好多檯，而家疫情放寬咗，都真係多咗好多食客嚟幫襯！真係一件開心事！今次我哋就試咗個新湯底，每次都會等水滾後先飲湯，之後就夾啲花膠食！今次我哋叫咗竹蔗茅根，每次打邊爐都要叫一叫清下熱！唔係好甜剛剛好啱曬香港人口味！跟住我地仲叫左老友鬼鬼食，真係每次你都必嗌，好好食，脆卜卜！點埋啲泰式辣醬，真係幾好食！等緊水滾嘅時候食就剛剛好！時間都會過得快啲！咁之後我哋仲叫左馬刀甲，幾新鮮，冇沙，好食！呢度梗係食牛啦！每次都一定必叫呀！打邊爐點可以唔食牛呢！大大碟好食！最後梗係要食返啲菜啦，但得兩個人就唔可以叫都好多種類！所以叫咗蔬菜拼盤剛剛好！完美！…查看更多