or#ta66797089的個人專頁

2023/8/23 9點半到達，收銀姐姐再一次打錯單！今日確定熱咖啡無錯，但佢將多士變成麵；幸好我坐低時發現單上顯示有錯，即刻話佢知，佢即時退回多付$3現金給我，再向廚房改咗餐。香煎豬扒好味，牛油份量正常，炒蛋夠滑，焗豆微熱，只係熱牛奶咖啡較為一般(加$8，有$5優惠券才叫) ，不會有下次！進食時見隔離枱有6人，見到她們離開時有4杯咖啡，全部只係飲一、兩啖就放棄咗！如非趕時間，可以在此多坐一會；因為環境是舒服，尤其靠馬路窗邊位置，光猛又唔曬！…查看更多

今日去試早餐，無需等位，但要排隊先付款落單，只有一個收銀櫃位。門口今日派優惠卷，早餐可減$5 (有效期至28/8/2023）。我點選炸魚柳炒蛋焗豆多士配熱咖啡。我有問凍冷要加錢嗎？係加$4。我坐低先發現計我凍飲收錢，算啦照飲啦！魚柳夠嫩及炸，但味道偏咸，飲多兩啖咖啡冲淡呀！多士脆及好食，牛油偏多，但沙律醬又偏少！整體來說可以接受，下次再試熱飲吧！…查看更多

早上8時半入座，直入無需等，場內只有少於一半入座率。掃code點餐留意實際付款以悵單為實；因為我發現落單時飲品計正價，即叫人查問，才知襟入查詢帳單才會見到分別，大家要留意！早餐有少許沙律菜，蛋夠滑，唯獨牛角包唔脆，有點失色，通粉就不是有坑紋的，但都算有咬口。飲品揀熱菜蜜，味道不過不失，夠熱！…查看更多

28/7 午餐時間1點半到達，門口接待處職員見我一位，即時安排入座，無需襟飛，坐喺麵包房對出座位。手機點餐後只需約5-8分鐘就送食物到來，先到飯後上餐湯。飯餸均熱，湯已涼，似乎早已放定15分鐘以上，味道較淡。蒜蓉汁夠味，飯量如果細食應該有剩，蛋夠滑，豬扒薄身夠嫩，整體來說可以，價錢就比未新裝修前略貴，午餐盛惠$60。…查看更多

昨天9月23日下午約五時，我與囡在油麻地地鐵站附近想食拉麵，我突然記起有一間每次經過都見店外有人籠，未曾入內光顧過的小店。正當在門外面睇餐牌時，突然下橫風橫雨，即時推趟門入內。店舖好有日式風格，由於下午茶時段，店內只有一名顧客，我們被安排坐在背向近門，廚師的旁邊。由於我們戒牛，詢問店員哪一些是豬肉選擇，以縮短揀選時間。店員推介受歡迎嘅幾款拉麵，我們再從中揀，最後我囡選1）九州拉麵；我選2）味玉拉麵。我第一啖先試湯，好好味的豬骨湯，再試麵條，非常有咬感爽身麵條，啱晒我口味；流心蛋又滑又正，將半隻蛋分享給我囡；她又分回粟米及芽葉給我。大家吃畢一碗湯都未有飲完，都已經飽飽了。離開前結帳才知平時一至五下午三點至六點，有八拆優惠，感覺更加滿足抵食！…查看更多

昨天午餐時段，一家三口在旺角初嘗素食自助餐。由於未有預訂，到達時需輪候十分鐘左右，一時十五分可入座。我自己午餐食量今日都算幾驚人，一碗湯，兩杯羅漢果茶，三碟素菜。丈夫讚蔬菜煑得好，女兒讚蘿蔔糕正(食咗六件)，我自己就比較喜歡炸物，炸饅頭及春卷是新鮮炸起，皮鬆脆不厚，其他如沙律及前菜如醃蘿蔔都好味道！補充食物及時，環境乾淨，坐得舒服！洗手間內環境較一般，地面乾爽，垃圾桶蓋上滿佈抹手紙但未有人處理，如果可以換上免用手按開關的就更合乎衛生情況！…查看更多

今日行經店鋪，在店外內向店員查詢5折外賣自取指定食物，真係比現場付款平。既然同一款食物真係平左，又好啱今日熱熱的天氣，揀啱胃口就決定要兩客扎肉撈檬，外賣回家與囡放學之後一同進餐。跟手即落單，並完成網上付款。之後就非常安心去附近買嘢，大約十多分鐘後，轉頭已經可取。我見店外有幾位客人等外賣，我自己就叫店員不用餐具及膠袋包住。她們動作快捷，即刻捧住外賣盒交给我。包裝汁及檬粉的盒蓋得非常好，一滴汁都無漏，抵讚！回家一個多小時才吃，檬粉軟硬適中，汁液略為棘了一點，因為本身係食少少棘，份量並沒有將價就貨，是裝滿外賣膠盒內，5折係抵食！由於外賣並非堂食，店內環境未能評論，今日只可以中評，下次有機會堂食再評論吧！…查看更多