iamnicolatang的個人專頁

山上朋友介紹來食，果然唔錯，抵我住青衣山腳都轉車來食。食左酸辣湯底，中辣，薯粉，3餸：炸雞球、醬油雞髀菇、滷大腸。湯底真係夠酸，不過唔夠辣，而家用食開譚仔三哥經驗來說，初心個湯底無咁油。炸雞球正常發揮，算大粒，炸得夠喉。醬油雞髀菇好好食，份量唔少有幾片。滷水大腸，好入味，都算大方份量唔少！出面好多地方求其剪三舊就算。另外仲叫左小食，雞肉長春卷，好食呀卜卜脆唔油唔濃味，但食得到啖啖肉。值得再返黎食👍🏻👍🏻下次想試米線，手工餃！…查看更多

青衣長期都無啖好食，好開心近月係屋村商場新開泰國餐廳！食過好多次，最抵食係下午茶，不過注意4pm截單，以下午茶黎講比較早完。要讚佢哋員工非常好禮貌，同埋衛生做得好好，親眼睇住佢哋一絲不苟抹枱、隔板、牆邊，值得讚。同埋都算幾好坐，環境裝修幾靚。另外呢度咖啡好香，唔錯架。最鍾意食$52 （牛）船麵，好多餸料，不過對初初食，好似越嚟越咸？牛筋牛腩以前好「林」，呢排食又變左口感，係爽嘅。我唔敢講係好定唔好，口味口感好個人既始終，可能係店家特登調整啦，希望有日變返我鍾意既「林」口牛腩，入口即溶牛筋！黎緊都會繼續支持，如果泰然負責人睇到就好，請好好做落去！青衣真係無啖好食架！！！…查看更多