小胃子's Profile

餐廳主打新疆菜好奇心下走去試試星期六中午12點到店餐廳剛開店，我們成第一枱食客坐窗邊位，可望佐敦道街景坐位不錯，不會有逼夾感諗住叫午餐食但店員稱午餐餐牌正進行改良中未能提供午餐選擇😅那只好睇餐牌單點啦點了羊肉抓飯（78）、椒麻雞（128）、羊肉串2串（44）、咖哩羊肉（128）和酸奶（18）椒麻雞：像是手撕雞，但又沒有平時食開手撕雞那樣多雞肉。碟內有幼細而不多的雞絲，伴着洋蔥絲和紅椒絲等，小小麻，辣味較重，整體味道可以，是不錯的開胃菜，但個人覺得標價128，偏貴啊！羊肉抓飯：飯多羊肉少，飯有羊油香，飯中的紅蘿蔔增加了一種淋的質感，飯粒未做到粒粒分明，飯面有2舊小羊肉，羊肉有羊臊味（我喜歡食羊有羊臊味👍🏻），整體ok啦！羊肉串：好食，有肥有瘦，調味不錯，👍🏻咖哩羊肉：等了半小時才上到枱，明顯見到既有約15小舊羊肉、有薯仔和有椰菜。羊肉肉質算淋，咖哩汁是湯水質感，汁的味道偏咸亦欠咖哩香，個人不太喜歡😅酸奶：正正常常易入口👌🏻👌🏻新疆青提干：店員送的，大大碟，提子夠干身，小小甜，有咬口😄埋單要加一，總數435，以食到的質素而論，貴啊！…Read More

店子小小，店面只見一服務員，雖然一腳踢，但服務態度良好👍🏻平日午餐時間，1:15到步，旋即點了個set lunch （118）: 帆立貝明太子蟹肉扁意粉+杯Dirty（另加10）。點餐後，等啊等，等到1:38，意粉上枱啦，意粉份量睇落好足，每條意粉掛滿明太子濃稠醬汁，又有蟹子粒粒，加埋2粒大大粒帆立貝，看似唔錯，只是未知是否蟹肉太細碎，充份融入醬汁中，令我不能確定蟹肉的位置。至於意粉軟硬度，合格。我覺得不論帆立貝，還是意粉的醬汁的調味均適中，不會過咸，但意粉伴濃稠的醬汁，令我食到一半時充滿飽膩感。飲品方面，加10蚊有杯dirty，好抵啦！質素不至於令人舉👍🏻👍🏻👍🏻，但整體合格啊！在Storellet入會有迎新禮遇，set lunch都可享9折啊😄埋單115！…Read More

今日用了openrice 優惠以78蚊換購原價98蚊的雞白湯拉麵，一於入店試試。店子小小，日式拉麵店的格局，冷氣溫度都調得如日本拉面店般，有冷氣，但不會有涼快感。坐上位子，店員先送上熱茶，服務不錯。店員掃一掃我換購拉面的QR code 後約10分鐘便送上熱辣辣的雞白湯拉面。碗內有半隻溏心蛋、2大塊雞肉片、1大塊豚肉片、炸牛蒡、木耳絲、蔥、筍、拉面和雞白湯。店員沒有問我拉面軟硬的喜好，或者是換購品已預設了指定的軟硬度吧。味道方面，溏心蛋有溏心效果亦浸得夠入味，好食！雞肉片和豚肉片沒有過分的調味，烹煮後的肉質還不錯，不會又乾又嚡口👍🏻炸牛蒡有牛蒡的香味，浸浸湯食，口感與味道均不錯。拉面軟硬度適中，可以。雞白湯不是濃稠質感，但味道挺好，不會過咸或過淡，可以當湯飲。78蚊食到呢個質素的拉面，我收貨啊！店有午餐set選，但好似無雞白湯拉面可選，想食雞白湯拉麵（98）或特濃版（138）似乎要單點啊，午市時間另加20蚊可升級成套餐（有小食+飲品）。可try try！…Read More

呢間店我間唔時就走入去睇下有咩新口味雪糕未必次次幫襯，但timing到時（通常睇有無位坐）便會用錢換雪糕。今期意式雪糕有黑芝麻、茶味、椰汁紅豆冰、開心果……我點了個regular size（$73） ，regular可選3款口味， 我點了特濃朱古力、提拉米蘇和紅莓朱古力。雪糕入口順滑，味道名符其實，一點都不造作，好味！店內雪糕會時不時出新口味，大家可在買之前試食下，試啱口味再作決定！特濃朱古力必定是我選擇的其中一款😄價錢不便宜，但間唔時買來食下，細味一下那份甜，都幾開心😋…Read More

喺觀塘想簡簡單單飲杯茶，食兩籠點心，我會選呢間豪隍點心工房。餐廳裝修簡單親民，點心大件夾抵食，今次點了蝦餃、燒賣、牛肉球和脆皮銀蘿腸。店員話食物不添加防腐劑，即叫即蒸，上枱時點心確是熱辣辣。味道方面，是想像得到的點心味道，用料上算不上高質，但味道上正常發揮。點心的大小，反而令我睇到時有點驚訝，蝦餃王和燒賣王都是大大粒的，比正常大小的起碼大三分之一，令人食得很滿足。食完想買點生貨回家做早餐或下午茶，店都有提供賣生貨，還教你食用方法，不錯啊！踏實的味道，親民的價錢，值得支持!…Read More

店子有多款較特別的咖啡可選今日點了杯冷萃伯爵茶咖啡我自己都幾鍾意飲冷萃咖啡既，因為一來香港地天氣炎熱，飲杯冷萃咖啡心境都會平靜啲，二來冷萃咖啡通常都會比平時既咖啡少了一點咖啡香，也少了口感上的澀，但就多了一點的順喉。今日行到攰時經過美麗華Habitu，就叫左杯冷萃伯爵茶咖啡，諗住即係西式鴛鴦，未試過喎，就試下啦。因為無奶，所以其實唔應該同港式鴛鴦比既，不過伯爵茶味有慢慢在口腔中滲出，冷萃咖啡香也一點一點由舌尖傳到大腦，而上面點綴用的一片橙亦在我將咖啡送到口中時提供了一幽清甜香氣，喺唔需要提神，只想好好放鬆的一刻，呢杯凍啡實在俾到我需要的享受。…Read More

店子小小，20個坐位星期六下午2時多到場都要排30分鐘左右才能入坐入坐後開始計60分鐘用餐時間但我們落單（3個餐）後等20多分鐘才上第一個餐等了約30分鐘才上齊3個餐餘不足30分鐘用膳，好趕急😐點了2份五段定食：一段副菜：有不太溏心的溏心蛋，味道正常。有漬物，但是極普通那款黃色漬蘿蔔2小片，感覺有點hea😅有厚吐司配牛油（無咩特別），另一份定食加了$8轉做朱古力髒髒貝果，但貝果外表已不夠髒，試一口後不想食第二口，質感又乾又硬，是不合格的貝果🙁二段主食：真打稻庭烏冬配濃厚奶油海老湯，海老湯配有三隻蝦，蝦的肉質不彈牙，湯的味道可接受。烏冬的質素平平，不是彈牙的烏冬。另一份定食的主食點了十割蕎麥麵，味道正常。三段日料：一份定食點了三款（餐價$124）（梅酒日式豬軟骨（加$7）、海鮮釀蟹蓋（加$10）、蟹棒），另一份定食點了四款（餐價$130）（天之鍋貼、和風牛肉、唐揚雞（加$10）、梅酒日式豬軟骨（加$7）。豬軟骨嚐不到梅酒的味道，蟹棒是普通貨色，鍋貼比較硬脆，和風牛肉可媲美吉X家的質素，唐揚雞有炸過下但是沒有脆漿那款，幸好雞肉和的調味和肉質是還可以的……6款食物，不論加錢的款式還是不加錢的款式，都是普通的味道，不見甚麼特色。四段飲品：凍柚子蜜 / 凍齋啡，凍飲好似要加$3，飲品正正常常😆五段甜品: 提拉米蘇（跟餐送，單買要$15），味道可接受，只是沒啡沒酒的味道。髒髒黑芝麻湯圓提拉米蘇（跟餐都要加幾蚊，單買要$18），內有一粒芝麻湯圓，有創意，食落未有驚喜。另外，點了柚子炭燒雞扒定食（$96），配有真打稻庭烏冬、田園沙律配和風柚醋汁、溏心蛋、漬物、提拉米蘇和熱啡。柚子炭燒雞扒沒有柚子味，雞扒只有微溫的熱度，味道普通，雞扒份量較細，像是大X樂快餐店早餐那塊雞扒的大小。這店的食物擺盤是靚的，飲品呈上時伴隨的貓貓裝飾是可愛的，是打卡點，如果重點為打卡，不介意排，不介意只有60分鐘用膳時間，不介意出餐慢，不介意食物普普通通，不介意性價比不高的話，可以來這店試試。…Read More

店子專賣Puff，今日有5款味道選擇我選了開心果味和菠蘿味46蚊一件，挺大件賣相靚靚，睇見都想食先講Puff皮，食落鬆脆不油膩一口咬下又唔會鬆到成地碎甜度剛好，配埋內餡醬料（開心果醬/ 吉士菠蘿醬絕不吝嗇），每一啖都好滋味😋菠蘿味Puff，會在客人order後，在Puff皮上加一小件菠蘿，並在菠蘿上即時加點糖，再燒至焦糖化，有得睇住燒菠蘿的過程，加分！每件Puff都獨立包裝好，方便提起享用，包裝上的設計都見細心😃店員提點買Puff後可放室溫一小時，但最好放雪櫃，並盡快享用啊！店子就在（#B）的斜對面，呢間Puff店都值得擁有多些捧場客！…Read More

店子貌似平民小店平日晚上9:00，生意都仲唔錯一於入店試試試食後就明白呢間店以食物取勝點了：無骨海南雞飯（69）（+3加凍啡）我們加了10蚊轉雞比肉，滑滑雞肉，配惹味醬汁，好味！飛天炒椰菜苗（68）甜甜咸咸辣辣，各種味都均勻地帶出，沒有過濃，配搭得唔錯。泰式火山排骨（118）排骨煮得夠淋，一咬，肉便輕易離骨，白色軟骨位亦能食，肉的調味剛好，配埋骨上泰式醬料，輕辣惹味，合我口味！埋單連加一284，每款食物的味道都係合格之上，份量足，個人覺得好抵食😄…Read More

呢間餃子店多人幫襯過都話好食今次有幸路經，唔使排隊，一於入店試試點了一碗韭菜湯餃（7隻），湯是椰子海帶鮮雞豬骨濃湯（店稱冇味精）。湯底甜，嚐到有椰子和豬骨湯的味道，湯很好飲👍🏻餃子飽滿，韭菜味足，調味恰當，幾好味，但未見突出，未達我認為值得排長龍候食之選。入呢間店，大家預要搭枱，坐得比較迫，填包肚就好起身走人啦！…Read More

一間日式裝修的小店感覺唔錯，入店試食。店子小小，最多容納不超過30人一入店，見每枱食客都會叫板燒黑松露吉列牛似乎呢款是鎮店之寶我們沒有跟大路點餐點了秘燒牛肉鍋配定食（有飯素飯、楓糖流心蛋👍🏻、日式大根湯）和板燒吉列牛配定食。牛肉鍋（$136）：鍋內有大根、日式魚蛋片、金菇、菜、牛肉。湯底像是咖喱牛腩汁湯底，味道不錯，每款食材均入味，牛肉淋身易咬，算是不錯。板燒吉列牛（$136）：餐廳將吉列牛扒切片，再讓食客將肉片放在熱熱的石板上燒，可自控個人喜愛的生熟度，有得玩有得食，燒好的牛外層仍保留吉列的脆，有點驚喜啊！另點了一款小食：雞橫膈膜（$38），由於不是一般店子有售，於是點了它來試試。口感有少少脆，但又未及雞軟骨那般脆。開心試新食物，但不是我喜愛之選。埋單連加一$341，👌🏻提一提：店子只收現金啊！…Read More

用花生做筷子托，幾有趣有自助斟水和醬料區，手機落單，算是方便平日兩點起下午茶時段有八八折下午茶時間點了一個煙燻鵝飯和一個雙拼（白滷水和煙燻）鵝飯。煙燻鵝的味道和肉質都有水準食到有香香的煙熏味有不過濃鵝肉是去了骨的，啖啖肉，肉亂，易入口白滷水鵝同樣有水準味道不過鹹，又有滷水味配埋鵝油飯，一啖飯加鵝肉，一匙送入口，好融合。鵝油飯香而不膩，讚！鵝肉飯還有鵝蛋半隻（大大隻，滷得入味）、酸菜、芽菜、薑絲。平時食開中式的滷鵝肉，今次試到來自台灣的煙燻鵝肉和白滷水鵝肉，有驚喜喎！…Read More

錦麗的越南河每次食都維持到質素肉夠淋，有點肉味，牛湯夠清甜想係香港食到好味既越南河，呢間唔會令人失望但當然，在越南食越南河係最化算的廿蚊左右港幣一碗越南河，隨便一間店都普遍係合格之上大家會為碗越南河✈️嗎？其實係香港都食到好味既越南河，比貴一點的價錢都ok既至於錦麗的其他飯類、撈檬類、小食等，我都有試過，感覺普普通通咁啦！來錦麗，心只想食越南河！…Read More

燒烤堂，食日式串燒入坐限時1.5小時望望點單，好多都想試3人點了30項單品，1個椰青，2杯啤酒（買1送1）埋單連加一：$1049環境：望落舒服，乾淨企理，枱與枱距離可接受食物： 普遍都幾好食，調味適中，九肚魚酪夠香脆，雞皮夠薄夠脆（感覺食緊薯片），蘋果豬肉卷味多很夾，鱔串肉夠彈牙，雞冠爽脆，羊架調味不錯而且肉夠嫩（易咬開），皮蛋尖椒串小辣但易入口……由於落單後，食物隨之陸陸續續上枱，幸好枱上有個小熱板，可以溫住已上枱的食物。個人認為在首輪每人叫住4至5款食物先嚐嚐較好，一來可因應自己的胃口考慮是否再加單，二來是食物不用一下子舖滿枱，食唔切啊！如果想食下串燒，傾下計，就真係唔好一下子落太多項食物！有限時啊！服務：服務員友善有禮，收碟快，跟進order亦快，令人滿意。整體用餐感覺不錯…Read More

平日午餐時間都易有位餐廳環境不錯感覺尚舒服點了一個lunch set菠菜肉醬里可塔芝士意大利雲吞前菜，吞拿魚粟米沙律飲品，點了一杯熱齋啡埋單連加一$140沙律普普通通，係自己喺屋企都整到的質素，整碗沙律有6粒粟米，多返少少粟米伴吞拿魚會更好。意大利雲吞，共八塊，上鋪有滿滿的茄粒肉醬，酸甜度不錯，配埋雲吞一起食，夾得來啊，不錯！熱啡上枱時很燙，要待一點時間才可享用，質素普通，但可以接受。午飯想坐得舒服點，呢間都可以係考慮之選。…Read More