wongkwan0809的個人專頁

星期日中午一行12人去到此店，自携海鮮加工，可以不提，因為食物質素唔關佢事，烹調方法都係大路嘢。我不得不提的係佢自家出品的南乳吊燒鷄，講明要預訂，索價$320，一點不便宜，大家都有期望。點知一上枱，外觀已不吸引，皮肉甩甩離離，我心諗鷄不可以貌相，可能係以肉質取勝。一放入口，感覺特別，與期望相差甚遠，準確啲講係肉質霉霉的🤢，明顯不新鮮，講明要預訂，我以為係新鮮製作，原來可能係今日之前已製作好！本來以為係我唔識欣賞啫！家人食過逐個話隻鷄好唔掂，一人一舊試食後，大半隻無人再掂佢，連打包都唔願！我哋同店員反應，佢漫不經心咁話，會同㕑房反應下，我哋埋單再同櫃檯果位反映，佢話俾咗折扣我哋，減咗尾數$96，似乎認為咁樣已經係厚待咗我哋。我哋唔打算再嚟此店，所以都費事再俾意見，俾二百幾食霉鷄當買個教訓。果位負責人仲解釋係因為隻鷄來貨問題導致，講到佢哋好無辜咁！Well！費事嘥氣再同佢講啦，但佢呢種不思進取，只把責任推俾他人的做法，就解釋到佢舖頭門堪羅羅雀的原因！另外店員本身的服務態度已經好有問題，舉一例子，我哋請佢加水落茶壺，佢就話我哋要揭開壺蓋，到我哋揭開壺蓋，佢就人影都唔見，最終都係我哋自己去加熱水！經過今次，連本身係忠心客戶的家人都表示不滿，希望佢醒覺，不會再去幫襯啦！…查看更多

翻頭再食系列BOTH by Texas Burger上次兩個人食lunch已覺又抵又好食今次班多三條友再戰晚餐半隻鴨上碟樣好乾柴原來鴨不可以貌相佢係全晚MVP片酥脆肉鮮嫩juicy驚喜到不得了豬鞍又係好得扒好厚切開見白色以為會硬實同乾點知又係肉嫩爽口海鮮意粉好多海鮮Pizza係手工即製個底極酥脆又煙韌再加兩個小食黑松露薯條大人細路都讚好小朋友食到攬住成碟要獨食炸池魚乾脆香口但唔柴Dinner set仲包飲品本來計劃咗安歌抹茶麻糬疏乎厘布甸但後來太飽決定放棄四大一小dinner食飽飽心滿意又坐得舒服你估下埋單幾多錢？開估……七百大元即係一人二百都唔駛大家都感心興奮💛…查看更多

大角咀 泰金國原細舖在九龍城後搬去北角現落戶大角咀現時九龍城同名食店與佢完全無關大家留意👀大角咀店面大咗闊落咗好坐咗食物優質價錢實惠生菜包第一碟上大家都食不停口微辣惹味配生菜好perfect飛天炒通菜加咗豆瓣醬好鹹香醉貓海鮮炒金邊粉幾特別有風味係Pad Thai以外之選拼盤好彩唔叫大份細份都好足料食材好鬆脆燒牛肉係佢嘅招牌今日上枱表面好似過熟加上我影得唔靚但其實食起嚟就五成剛好牛肉鮮嫩可口價錢亦算好抵水準能保持👍話說今日成晚不足十人幫襯真係戥店家擔心大家想食泰菜就去幫襯啦💛#泰國菜#大角咀#泰金國#裙姐大角咀推介#裙姐的生活良消…查看更多

Fu Gor鍾意杏仁茶所以我帶佢去賀記，西貢早前睇 米紙 介紹佢係新開幾個月的小店小店只有一人打理由店主用心精製甜品主打生磨杏仁茶仲要幾款其他糖水紅豆沙 芝麻糊都不少人嚟買外賣我哋心無旁騖Fu Gor食招牌生磨蛋白杏仁茶我就食杏汁燉原個木瓜店主一絲不苟每個甜品都係即叫即加工所以需要少少等候時間但呢啲時間絕對值得花突顯出店主對食物的誠意和尊重一上枱眼前一亮黃色的食用花為素白的杏仁茶添上一份活潑嬌美Fu Gor愛食杏仁茶他的食評說了算數佢話好正好香好滑好好味肯定係生磨的杏仁茶最後食到一滴不留我不是杏仁茶狂熱份子這個燉木瓜滿足我滋潤的要求杏汁香淳不會死甜加埋熟木瓜蓉又添清新店主好好人禮貌友善一人密密做又會同食客傾下計這是一次愉快的用餐經驗小店就在西貢碼頭小巴總站對正果條食街小巷內喜歡杏仁茶的不容錯過#小店#杏仁茶#西貢#賀記杏仁茶專門店#裙姐西貢推介#裙姐的生活良消…查看更多

Manna 。 嗎哪 係大埔道近黃竹街果頭開咗一間燒味餐廳 嗎哪膳工佢寫明係一間非牟利的餐廳目的之一係提供就業空間我訂過 嗎哪 的到會食過佢哋的燒味真的好好食我甚至覺得水準拍得住人人和平同原汁原味我睇過 嗎哪 的post知道佢哋燒味師傅係有料到的仲要佢哋選用優質食材絕對無將貨就價佢哋好想為深水埗街坊提供上乘的燒味某日去深水埗扮文青睇展覽就順道去 嗎哪膳工 買叉燒店員很有禮很helpful我要半斤瘦叉其實半肥瘦會更正但我要keep fit所以忍口食瘦叉雖然係瘦叉但唔會又乾又柴肉係稔身的而且甘甜入味我本來諗住半斤會分兩餐食因為我已有其他餸菜點知食下一舊食下又一舊最後我同Fu Gor兩條友食晒半斤證明真係好好味😋朋友話佢其他燒味都好正下次要再試Btw講多句早前因為牌照問題而未能供應的到會依家已經有得訂返啦隨住防疫措施的放寬跨家庭聚會的解禁大家要order到會可考慮 嗎哪佢係平 靚 正 善之選#黃店#良店#燒味餐廳#深水埗#大埔道#嗎哪膳工#裙姐深水埗推介#裙姐的生活良消…查看更多

今日見到有元朗黃谷友推介 嘉兵衛 KAHEE Japanese Restaurant晚上蕩到附近就去買外賣八點鐘的馬田路靜到似凌晨時分嘉兵衛 只見裡面坐住店員見到我一人裝下裝下就主動畀menu我睇店員態度好有誠意和禮貌我有少少畀佢打動咗所以決定不理抵唔抵都幫襯佢這時候有幾個單車客望過menu後就走咗我拎住外賣回家時望一望袋三百幾蚊好似唔係好多嘢但其實我叫咗兩個飯定食再散叫咗燒牛舌心裡有點失望回到家我才確定我係眼闊肚窄的人攤晒出嚟原來真係唔少嘢味噌黑豚飯 滑蛋蠔飯原來個膠碗好深好大我同Fu Gor兩個人先食得晒呢碗好正的滑蛋蠔飯豚肉飯要原個留返聽日食燒牛舌$72一碗都好多片薄燒好滑好爽好多香葱麵豉湯都好多料味好足紅白蘿蔔香菇同肉配菜有三文魚沙律同煎蓮藕餅都好味食過我敢話佢呢個價錢係值得的只係外賣所以觀感打咗折遲啲一定要去堂食嘉兵衛無做什麼外賣優惠也沒有推出什麼抗疫套餐價錢唔走平價路線所以係呢個時勢會蝕底一點正所謂高不成低不就唔可以將貨就價但按返貨真價實咁大家又未必想畀百幾蚊食個外賣定食優質的黃店需要我哋去支持唔想佢消失大家就多啲去幫襯啦…查看更多

大家食開日本嘢的話可能都會係心裡有把尺大概知道呢間咩價錢食物水準大約係咁上下果間日本舖的出品大概你又預到係咩口味咩質素裙姐去到新蒲崗廣場搵勻成個商場最後係向彝倫街的街舖先搵到 芝C Sushi呢間小店果名cute cute哋估唔到環境幾骨子佢個電子menu有好多食物揀壽司 手券 丼飯 便當 小食等等我㩒㩒㩒發現價錢好平我心裡就自然想起某種味道和質素我揀咗一個丼飯但又可以轉冷麵幾得意喎🤩我諸多要求想撈汁另上落單時寫明就可以心想無粒米落肚係唔得嘅所以我再揀咗五件壽司其實我原本對平價壽司係完全無期望的想咁嘅價錢應該都係果類貨色架啦我承認係有bias的點知一上枱碟壽司個樣已靚過我想像放入口味道都有驚喜不會被其他連鎖店出品比下去海膽壽司算貴的$20/件用加拿大海膽份量也唔少食落都新鮮甘甜讚呀我想講芝C Shui的食物係畀咗驚喜我的推翻咗我原本的想像價錢相當親民CP值高服務也很細心我會特登去新蒲崗翻兜埋單時有彩蛋見到有mirror應援卡話主動問店員索取我就開口問要咗Jer出咗門口再想要多張Edan店員沒有拒絕馬上給我我帶著驚喜的心情離開小店為這午餐劃上圓滿句號😚這店很細但我可以安心慢食飲杯茶慢慢嘆抖一抖因為實在生意淡靜🥺大家去開果頭就支持下…查看更多

天寒地凍🥶落雨絲濕☔️唔想落街但一日三餐總要留返一餐畀黃店屋企附近黃店極少行多兩步去高埔村大飯糖 (Sweet Canteen)我想健怡啲就叫咗沙律同意粉有機芒果金柚沙律配慢煮黑椒海鹽雞胸這是新菜式非常健康芒果柚子都好甜鷄胸有味蛋白質夠豐富不過我怕自己唔夠飽就嗌左個肉丸意粉諗住40幾蚊應該好細份上枱先知份量不少FU Gor叫咗All day breakfast我覺得個名唔應該叫全日早餐因為佢嘅豐富不止於此大家可以望吓Menu第一版有沙律 包類 主菜 甜品平日仲有茶飲有極之多嘅款式配搭眼花撩亂得很重要嘅係每樣都係好食的我只舉薯餅為例新鮮又酥脆好好食如果套餐加配飲品或甜品按menu價可減$15所以我就要叫雜果三色芋圓我因為怕肥走椰奶忌廉要求佢乾上所以更能食出水果的味道香蕉火龍果芒果菠蘿木瓜五款雜果全是新鮮的而且好甜二百五十蚊食到咁多嘢CP值很高但可惜生意慘淡我哋食嘢果一個鐘內包晒成個場🥺客得兩個但員工就起碼有4人#黃店#甜品#輕食#元朗#錦田#高埔村#大飯糖#裙姐元朗推介#裙姐的生活良消…查看更多

佐敦 冚棒唥 ham6baang6laang6一直以為係普通cafe去過才知好有特色係混有泰式風味的cafe香港算少見佢主食唔多得一款冬陰功海鮮意大利飯唔其他選擇只有試食本身毫無期望點知……一食才覺驚艷😳原來冬陰功好夾意大利飯香辣酸酸美味應該係加咗椰奶令到啲飯好惹味好creamy我本身不愛意大利飯但呢碟好啱我口味😋另外泰式酸辣牛肉沙律配厚切蒜蓉烤多士泰式酸辣好醒胃牛肉份量多亦味美多士香口酥脆好正佢嘅飲品都好正款式不常見朋友叫咗特濃美祿三重奏So rich so jeng我要青檸湯力咖啡冰價錢唔平要$65但咖啡冰好大顆成杯份量好多幾抵飲佢仲有不少泰式茶飲好吸引🤩佐敦店唔算大也不特別好坐但我覺得佢嘅食物同飲品足以留到客人回頭再幫襯#黃店#咖啡店#佐敦#西貢街#冚棒唥#裙姐佐敦推介#裙姐的生活良消…查看更多

好耐無食 秋香To Autumn去開黃金海岸商場就試下佢新分店嘅午餐果頭有唔少餐廳選擇很多好有渡假feel但黃店應該得呢間今次無叫佢嘅招牌煲仔飯就揀咗壽喜燒牛肉鍋同埋一人串燒set再加一串心舌芯食物質素及價錢都屬中上輕輕鬆鬆食住chill為自己營造美好的一日#黃店#日式串燒#屯門#黃金海岸#秋香#裙姐屯門推介#裙姐的生活良消…查看更多

今日行龍虎山第一站嚟 花見。山下 Hanamiyama sushi食lunch食飽先有力行我一早諗定食花見十貫貴價料壽司🍣好正Fu Gor食lunch set鐵花拖羅丼好好食呀我特別鍾意佢果啲壽司飯係啡色的仲有一啲白芝麻Yummy 😋 我哋貪心再用優惠價加配海膽壽食一件 茶碗蒸 炸蠔仲有軟殼蟹手卷但唔記得影相味道係好好的喔星期日lunch得幾枱客我埋單時客全清頂住呀💪🏻#黃店#日本料理#西營盤#第一街#花見山下#裙姐西營盤推介#裙姐的生活良消…查看更多

之前已推介過 Fast Taste上次淨係一個人食試唔到好多食物今勻裙姐終於call齊人馬去大吃一頓我哋七條友叫咗六個晚餐有豬肋骨 肉眼扒 羊架 豬扒 鹹豬手肉類質地同味道都係正的最正係鹹豬手外皮酥脆肉嫩好juicy又唔會太鹹豬肋骨朋友也大讚好食肉眼扒有牛味咁嘅價錢算很好意粉都有驚喜意大利飯係我本身不好所以no comment佢嘅炸物都好出色酥脆炸漿剛好餡料都幾有鮮味總言之Fast Taste的食物CP值超高我哋七條友6個dinner set再加多一個意粉同其他小食唔駛$1200你話邊度搵呢？只要一出深水埗站就到近黃金地點方便好就腳#黃店#西餐#深水埗#福華街#FastTaste#裙姐深水埗推介#裙姐的生活良消…查看更多

話說果日 羽澂午餐店出post提大家訂真空包好彩我係行動派過咗兩日就沽清否則要等再下一個禮拜星期一我用咗二百蚊以內買咗紅燒豬手青檸烤雞一份兩大隻3支$15的唧唧湯再加5件$6件的印尼千層糕你話係唔係良心價呀？今日打風正係開真空包的好時辰中午試雞脾大大隻但成隻都好入味有香茅青檸味道清新好味到不得了😋再開支赤小豆粉葛唧唧湯嚟飲簡直逍遙自在人間美味我盡享今晚人多啲就開包紅燒豬手嚟食所有真空包無味精無防腐劑一剪開包裝倒出嚟有無搞錯收我$60但多到我估佢唔到夠四人分量但多唔係最重要的古語有云多而劣不如不食前兩日先食過一間茶記的劣食好似假的帶子擦膠般的魷魚記憶猶新呢包紅燒豬手不得了好食證明係我餐餐話要keep fit但我居然食咗兩舊半仲要唔後悔你就知佢嘅美味力量有幾大唔係講笑一咬落去豬手稔得很軟綿黏糯但又不會化咗爛咗每件都好完整好靚仔表皮光滑無一條豬毛味道鹹香入味啖啖充滿骨膠咬開你見到連骨節間的軟骨都好軟糯入味所以我幫佢影咗好多張相好想你能想像到幾鬆化入魂佢嘅真空包食過就知係正品係良品依家我計返條數真空包$50/$60但我點計都還原唔到條數嘅唔通收少咗我錢😵‍💫#良店#佐敦#寶靈街#外賣店#羽澂午餐店#裙姐佐敦推介#裙姐的生活良消…查看更多