利斯菲娜的個人專頁

中日式多款選擇有埋飲品又有湯水甜品，前菜、沙律、水果、飯麵齊全，晚市仲有素叉燒，仲有每人一盅燉湯同特色小食。有陣時仲有素辣螺肉，味道好似，蒟蒻口感幾得意！素壽司個樣好得體，食落又幾好食，有pizza，炸饅頭，椰汁燕窩，熱飲品有紅菜頭檸檬水、羅漢果水或竹蔗茅根水，凍豆漿或者橙汁。好值得試，我一個月都去咗好多次！環境舒適，執枱清潔速度快，經理接受客戶意見態度良好，並有改進係一間好好嘅餐廳！我覺得係同區裏面最好嘅素食餐廳👍👍👍…查看更多

平時態度差都忍佢，因為佢間嘢距離很近， 因為本人同朋友都係食素，但係附近素食館好遠，所以趕時間只能去這裏吃， 但係佢每次招待客人都係迫埋一堆，無論乜嘢時段一定要搭枱，食完趕住你走！落單態度差，問佢攞張餐紙都嫌麻煩同畀說話你聽。話說下午茶公仔麵雙併餐，因為素食者根本冇嘢好揀，只能夠揀炒蛋+雙蛋，其他肉食根本冇辦法叫，最初佢有落過單雙蛋+雙蛋，其實本人根本唔係好想食咁多蛋，但係冇嘢可以選擇，之後佢話唔得只能炒蛋+雙蛋唔可以一樣，咁我就無奈地叫炒蛋和雙蛋 ，之後同樣地落order，今日佢又話唔得，唔可以咁叫( 其實餐牌根本冇寫唔可以一樣或者唔可以炒蛋加雙蛋 )，佢話知你係唔係食素，總之佢大哂…… 唔係一般善男信女去頂得佢順，日間不論男女態度都極惡劣+串+黑面，見住佢對好多枱人都係咁嘅態度，佢要做你生意反而你要受佢氣，夜間偶爾一個半個阿姐態度會好啲，但係好多都做唔長。佢嘅食物質素根本除咗夠熱之外味道質素係唔得！試過下午茶餐加錢改出前一丁其實根本唔係出前一丁， 麵質一食就知！以後唔使再去…查看更多

今日中午同老公去這吃， 叫上次食過覺得好味的咖哩茄子飯，個飯一放低我就見到啲咖哩好深黃色， 我就同肥阿姐服務員講，可唔可以加少少椰漿， 因為唔衹第一次去食，先前過辣另一個好態度服務員話可以幫我加啲椰漿，所以我今次先識得問佢，佢即時回應:"冇㗎我哋，個廚師煮到係乜嘢就乜嘢 "， 之後我話 :因為上次冇咁深色冇咁辣。個肥阿姐服務員：唔理我就行開。我老公猛叫我同佢再反映，睇下有冇得改進冇咁辣，我話唔使啦人哋都已經答咗，自己又唔想浪費食物。( 最多自己唔再來都冇得令到人哋再做啲乜 )， 所以成餐飯冇再同個肥阿姐服務員講，到走嘅時候我老公埋單，我去𨋢口等之後點解等咁耐老公都未出嚟？老公話同佢反映咗內容 : 因為上次有同類事件發生，另一個服務員話可以加啲椰漿，點解今次唔得？得到肥阿姐服務員嘅答案就係： 咁我同其他服務員講以後全部唔改得！…查看更多

昨日中午老公話要去嗰間食，到場未有位門口有個牌要排隊，我哋前面有人等(6個)，我們(2個)，後面(2個)，之後再有(2人冇排隊直接入去就坐底)，個職員冇叫佢哋出去排隊，我們同前面(6個)都話佢哋冇排隊，我老公走入去理論話我們都係(2個)佢哋冇排隊，個職員仲幫住哋話有一個係裡面等，跟本就唔係囉。之後再有位，個職員叫2個，我哋後面個2個入咗，扒頭個女人拉住個女，一過我位，我就出聲我哋都係2個，個女人扮聽唔到照入去坐，個職員又唔理照帶位比佢地坐，仲串話咁換比你坐囉，態度差惡劣。食物普通，金磚咖哩牛飯外表好睇內裡唔好食，仲生米。…查看更多

因為團購，所以買左2張，我同個fd去食，以$88於灣仔本法食府享用半放題午餐，話有法式薯蓉焗田螺、芝士菠菜焗釀巨型磨菇、日式煎餃子、蒜蓉包、意式田園沙律、精選餐湯及飲品；隨餐每人附送一份主菜包括 : 可以選擇澳洲雪花西冷排、䲞魚扒 或 意式雞扒；更可無限量品嚐法式甜品，包括 : 焦糖燉蛋、雲呢拿奶凍、雪米糍，的午餐。一去到就通知我們，芝士菠菜焗釀巨型磨菇冇貨...:(o黎左餐湯，幾好味又可以添飲，所以叫多一碗。咁我就點左薯蓉焗田螺，原來唔係相片中6隻一碟，係2隻2隻咁上，第一次o黎d 野係連暖都冇o既室溫食物，之後我話比個"高級侍應"知道換過 d 熱o既薯蓉焗田螺o黎，佢o既服務態度幾好。我朋友叫左2隻餃子，佢話味道ok。等左好耐，主菜來了。我食澳洲雪花西冷排，件扒感覺較薄，唔難食味道一般。朋友食䲞魚扒，朋友話味道ok la。之後叫左餐飲(凍檸茶)超淡有茶色冇茶味。甜品 雲尼拿奶凍 (滑，但是味道一般)。焦糖墩蛋不錯，食左2碗仔。…查看更多

因為之前睇左食評唔係好想去，因為有張6折優惠，老公話想去就同佢去，因為有訂位所以唔洗等而且我地好早就到左6:15pm。入到去睇下個菜牌6折優惠只限於正餐牌及非酒精飲品。我同老公都點左牛扒。我點左肉眼扒7成熟同一杯唔知咩朱古力誘惑既野:(，我老公點左特級西冷扒5成熟，點知黎到我個件肉眼扒都ok，反而最貴個件特級西冷扒d根多到切唔開食唔到。我老公本來都唔想換屈就自己最多下次唔黎。點知個女侍應走黎問覺得D o野食O唔OK，咁我老公只好實話實說，之後佢地話換過一件，仲話揀件諗D o既比我地。第2件扒到左，都係超多筋，勉強食左D。第2個人走過o黎 (可能係高級D o既侍應好似話得下事咁) 問D o野食點，我老公又一五一十咁比佢睇下有幾多筋，仲係扯唔開。之後佢問我地想要咩補償，我老公話唔洗，因為唔習慣問人要補償，之後佢話事送左1件芝士cake比我地，我地食唔落囉走左。返到屋企我都係想試下好唔好食，哇~~真係唔錯o窩。咁如果下次要去，可以唔食其他野，只係食芝士cake都得o既。…查看更多

今日我同老公路過見到有大腸又有薯粉就去試下,我叫左墨丸、豆卜、豬腸、薯粉。點知一黎到食到豬腸個陣未放入口就聞到臭味，最初我仲以為係咪其他傳黎既味唔關豬腸事，跟住一口咬落去真係吐唔吐唔切:(。之後我叫阿姐囉個碗仔黎全部一件不漏夾晒落個碗度，之後同佢講d豬腸臭又霉。佢竟然話豬腸係咁架啦，勁黑口黑面，囉左碗豬腸比個廚。唔退錢又囉走左碗豬腸。之後我老公去囉返碗豬腸出黎，我正在要影相個陣。我老公同我講話埋單走，個阿姐仲黎搶左張單去埋數(佢地平時有冇咁好服務去個客張楁)，有相為證，我影緊佢就搶單。之後我就去佢地門口影返張相為證。…查看更多

知道佢地新開張,我同老公2個去試下,我叫左沙爹牛肉(自加丁+$3)麵餐,有蘑菇栗米菴列+凍檸茶(凍飲加$)合共$36，我老公叫左涼瓜牛肉飯$39(餐牌冇寫)，個阿姐態度好好話做比你啦。我個麵黎啦~~食落去d麵硬身(我唔喜歡):((沙爹~~過鹹:(，牛肉~~霉霉地(鬆肉粉太多嗎=.=?):(蘑菇栗米菴列~~蘑菇好重罐頭味，栗米同蛋都ok。凍檸茶ok啦。涼瓜牛肉飯~~我老公話飯軟熟好食，其他都ok算係咁。…查看更多

我試過 鳳梨卷、4mix 、8mix。唔係話唔好食，而係多食真係好"漏"。為食既要控制到自己，多吃無益。鳳梨卷 : 餡料帶點酸，唔會好似鳳梨酥咁甜。 如果你喜歡酸的是可以的。4mix : ( 鬆軟餅 ) 食落感覺有落人造牛油(孖芝蓮)，買4mix又逼人食另外2種唔係幾好食既。如果有單一選就好了(可能其他2種會冇人買)。8mix : ( 硬餅 ) 脆就係脆，不過食完有d口渴。邊食邊飲還不夠，食完重要飲多d水。…查看更多

餐廳內食物味道真的很一般,湯 = 一般貨色壽司 = d飯凍到硬硬地蝦 = D肉霉青口仔 = 完全冇味食落仲有攤水, 入口即吐。燒味 = 一般:(蒸籠點心 = 唔算好食:(甜品 = 除了軟雪糕機有朱古力/ mix /雲尼拿 可以比你自己玩，仲有Ha記2種味自選，芒果布丁冇芒果粒:( , 龍眼Jelly 個d Jelly冇味:(,朱古力cake你試一口就唔想再食:(。服務員態度白衫個d都ok,比較高級個d都做到冇乜笑容。除非你投訴如果唔係都唔係幾想理你。投訴後跟進進度不錯。…查看更多