smtclco的個人專頁

訂左9位食午飯，去到比左間房，因為去拜完祖先，大家食餐飯，去到點左菜未到，諗住攞拜完祖先既兩盒燒肉和燒鵝比大家吃返件，有個染紅毛既女待應見到話唔可以帶野黎食，我地都未食，佢出左去叫個男待應入黎又強調多次，於事，就好似監視我地一樣，不停在門口睇實，都由佢啦，轉頭仲叫左個經理黎，同我地擾攘一輪，我真係有火，我地又冇食到，摆係台面都有問題？於是我將門關上，上左幾道菜，其他待應都會出去時順手關門，點知又到個紅毛女待應入黎，出去時唔關門，我就叫佢順手關門，點知佢話唔關得，因為傳菜冇手開門，我話你同事都有順手關門，條女冇野講，仲唔憤氣轉身講左句粗口“X九”就出左去，門都係唔關，我於是立即搵佢經理黎要求叫條女黎道歉，但經理只幫住條女，話係誤會，仲話間房唔係包箱一般唔關門，吓間房都唔叫包箱，唔知叫乜呢，最後經仲話條女情緒唔隱定，話之後會叫佢黎道歉，唔使講大家都估倒條女冇黎道歉啦，野食都唔算好食，加埋咁既服務態度，香港仲有咩競爭力呀，我最後都贈左經理一句，叫佢同條女講辛苦就唔好做啦，唔好發洩係客人身上，襯後生搵份舒舒服服唔使做既工啦…查看更多

訂左間房吃飯，待應態度差，野食一般，向經理投訴，經理只係幫員工，不會有下次幫襯，會向朋友推介不要去，費時食到一肚氣，連做服務行業最基本應有既態度都冇，其實唔想做服務行業都仲有好多行可以做，𡙡心集團其下連培訓都咁差？…查看更多