lovecindy1703的個人專頁

呢間章魚無雙未搬鋪位前係我排行第一既章魚燒店 🐙當時都好受歡迎，好多like, 朋友同我都大讚 ，唔知點解搬咗舖位，水準可以咁大落差，簡直壞左個招牌😢 💔從前望落外觀，都係粒粒飽滿外皮脆、而且內軟、味道濃郁，好多配料 ，大家一食都會讚不絕口而家一望個樣，細粒哂、仲要個樣謝哂皮🥀🥀外皮淋、仲要有啲散 。我都好耐冇食過咁既口感章魚燒，由最好變成咁差，我覺得佢地糟蹋咗呢個招牌 。唯一感覺相似嘅係佢既材料味道（可能食材用料來貨如前）但人工手法真係兩回事 。點解會攪成咁？服務態度麻麻、仲要感覺冇心整 。只能講好可惜，可唔可以比返以前既味道我😢😭💔💔💔🔽一睇個樣都覺得驚訝，同以前兩回事，而家連個球體都望得唔清楚，縮水又淋哂😔…查看更多

一直見茶痴呢間舖喺上環開咗好耐今日經過終於買左杯黎試試佢🔽 熱硏磨開心果燕麥奶茶，揀咗少甜開心果味好淡面頭啲開心果碎又唔夠香脆感覺普通唯一好啲啲既係茶底有啲花香同埋港痴支持下香港野但整體嚟講都係冇乜特別而且價錢都偏貴或者佢其他飲品比較出色令佢可以屹立咁多年？…查看更多

去開黃埔，搵搵附近有啲咩好西食，見到呢間上海野評價唔錯，所以就由黃埔站行過去大約8分鐘左右，去到叫完野食先知只收現金，員工叔叔話幫我比住先叫我下次先比返佢，因為唔好意思又唔就腳下次黎找數所以就多謝佢冇食走左。兩個星期後又有機會再去，特登去幫襯返，因為上次太感動，所以再去支持呢間小店 💗店內職員都係叔叔阿姨，佢地都好友善，一坐低都即刻比茶你，見佢地同事之間都有傾有講，氣氛融洽 。最後我傾計話多謝佢上次咁有人情味，佢話原來已經有幾個人都係食完冇現金比，話比佢下次找數，但之後都冇左人影！ （睇到既記得返去找數啦👀）之前睇食評講到員工態度咁惡劣，但原來係好有人情味🥹🫶🏻講返食物，因為我自己一個食唔到咁多，只叫左個糖醋排骨麵 ⬇️排骨好大碟，都好多肉，一啲都唔偷工減料 👏🏻外皮炸得薄而酥脆，糖醋醬黏身惹味🤤麵係幼身，湯底較清，可以中和返糖醋味 ⬇️ 配埋杯暖豆漿，唔會太甜又大杯食完仲要聽到隔離枱突登走去讚話炒年糕好好味，有機會要試試🤩💡最後店員叔叔話為左大家佢整左個Ailpay (冇記錯的話）等大家方便比錢啊🤩🥰💭 總結：小店營運好唔易，有人情味食物好味更值得支持💪🏻…查看更多

以前食素冇咁常見，印象中多年前食過呢間餐廳都令我對新派既素菜另眼相看 。到近年愈來愈多人食素，呢間素年仍然屹立，仲開多左幾間分店，可想而知佢果然有實力🙌🏻🌱💪🏻今日同素食朋友兩人叫左兩個餐：⬇️日式照燒豆腐煎純素蛋漢堡有驚喜既豆腐漢堡，配上牛蒡，大葉，椰菜，仲有自家製純素蛋黄醬味噌照燒汁，出奇既夾同埋清新，一啲都唔罪惡既burger，成件事感覺好健康😆而番薯條分量都好多，外層少少脆口裡面既番薯仲濕潤，感覺都唔太熱氣🤭⬇️日式咖喱唐揚猴頭菇野菜定食日式咖喱配唐揚猴頭菇係非常既夾，猴頭菇好入味，口感好好！歡喜🤤🍄‍🟫配上淮山漬物、前菜牛蒡、甜品蕨餅，呢個set 都好圓滿⬇️跟餐可以加錢有埋甜品：青提柚子慕絲蛋糕蛋糕柚子&青提味道酸甜，感覺好清新總結💭： 餐廳質素有水準，將素菜以新穎、清新既形成呈現，咁多年對佢印象都好好，而家既分店更大間舒服，值得一再幫襯🥰…查看更多

朋友知我鍾意食牛扒，每次講起牛扒話題，佢都會推薦我試吓呢間🤣。今次終於去食喇😍！餐廳位於APM附近，十分方便。環境幾有氣氛，充滿深色實木元素，溫暖舒適得嚟又高貴優雅。面積不小，都幾多座位。餐牌選擇好多！除咗主打嘅牛扒，仲有豬鞍、烤雞、烤魚，各款意粉小食前菜，甜品、飲品同樣多選擇。唔係簡單一間扒房。⬆️ 先講飲品，叫咗🍹士多啤梨乳酪碎冰🍹杏仁海鹽焦糖忌廉碎冰士多啤梨超超超濃😍！飲到尾都仲同第一啖一樣咁濃🤩，好香甜食到士多啤梨肉同籽，冇化學味，好好飲，大推👍🏻杏仁海鹽焦糖相對較淡，但都好唔錯飲到杏仁同忌廉香⬇️ 佢有兩款牛扒，決定叫哂，比較吓😆⬆️ 慢煮牛肩胛肉🥩賣相好吸引，表面烘烤得好靚，裡面肉質粉粉嫩嫩。將第一件放入口，🤩好滑！好細嫩！果然係慢煮。牛味好香好濃，好味到我瞇埋咗眼食🥹❤️。好耐冇食過咁好味嘅牛牛喇🥹🤤⬆️ 美國1855安格斯肉眼🥩呢個賣相一樣good。肉質相對冇慢煮果塊咁嫩口，但牛味呢塊會再濃一啲🤤，好好味🤤🥩🥩兩塊都好正，好好味❤️⬆️黑松露忌廉雜菌意粉🍝意粉軟硬適中，黑松露味夠濃，味道偏甜，有雜菌香⬆️ 梳乎厘班戟🍰同樣係呢度招牌貨叫咗原味溶岩梳乎厘班戟試吓。好喜出望外🤩，原味勁好味！佢個奶味勁勁勁香濃，好味到不得了，奶香加蜜糖甜加埋一齊，正🤤而梳乎厘班戟做得好好！質地輕盈，食落唔笠口，唔會漿住個口，好清爽脷落，但又唔會食空氣咁，係咬到鬆軟嘅質地，同時充滿蛋香同牛油香😋呢個梳乎厘班戟應該係我食過最好食嘅梳乎厘班戟🤩🤤總結💭：唔怪知我朋友成日同我講呢間餐廳啦🤣原來都真係好好食，同埋佢性價比真係好高👍🏻如果未食過，真係非常推薦大家去食❤️…查看更多

同朋友去尖沙咀經過，見佢門面好開揚又多位，氣氛都好有情調既墨西哥酒吧餐廳，望下menu 原來價錢都唔貴，所以同朋友入去試試😛🔼 員工熱情既打招呼🔼 牛扒脆玉米片Steak Nachos $158 👅呢碟Nachos一上菜，會令人嘩一聲！冇諗過咁大盆，同埋好足料！一大堆牛扒切粒堆放面，底下有紅色既nachos，淋左應該係芝士忌廉既醬汁，不單止大碟，仲要高質好味，牛有香牛味，食落唔鞋口，配埋脆脆nachos同醬汁，令人邊食邊讚，CP 值超高！ 🤩🔼 薯條配牛油果醬Chips with Guacamole $58 諗住嗌份薯條少少地過口癮，點知都比想像大碟，比左啲牛油果& cream sauce 都好多，食完都點唔哂🔼 豆蓉羊肉墨西哥卷餅Bean & Lamb Burrito $148 🌯第一次食卷餅中間包左抄飯，有羊肉又有豆蓉，再配埋芝士，非常飽足既一道菜，都係第一次食到咁紥實既卷餅，一半攞上手就感覺好有重量🔼 每一啖都好足料，食半份就已經好夠飽。味道係好既，但因為前面兩碟份量太勁所以食埋呢個實在太飽，建議想食多幾款就要搵多啲人黎share! 😂 💭總結：超滿足超飽足！冇諗過尖沙咀呢個地段，都可以有CP值咁高既餐廳，好味又大大份！環境又好可以坐足成晚，非常推介一大班朋友黎開心share偈傾食飯飲嘢！🍻…查看更多

呢間book mark 左好耐既pizza 西餐店終於黎食佢啦🤩Pizza 賣點係即叫即做，用火山石熹高溫烤焗，話會好鬆脆煙韌。店面綠色配上開放式扇門感覺好清新，令人好想入去坐坐🫢🔽 同朋友叫左個2人餐$398沙律餐湯各一🔽 沙律都足料差唔多有成半個牛油果餐湯係濃濃磨菇湯，有粒粒磨菇抵讚🔽 Pizza 叫左北京烤鴨披薩比起之前試過呢款口味既pizza, 呢間餐廳做既pizza 餅底厚度適中煙韌，而且冇咁重口味，多左啲翠肉瓜令到個pizza感覺清新健康左，味道天然啲冇咁多醬料味。🔽 牛尾肉醬麻花卷意大利麵因為自己好鍾意有煙韌既口感，所以想試試佢呢個麻花卷意大利麵。麵質煙韌，牛尾肉醬味道亦好天然，係有住家既味道。🔽 另外可加配小食 & 甜品 （各+$58🍴小食叫左個蜜糖芥茉炸雞翼呢個係成晚最邪惡味濃，芥茉漿酸酸好惹味，雞奕炸到好大隻鬆脆🤤甜甜叫左個🔽 Brownie 配焦糖香蕉雲呢拿雪糕呢個組合係冇得輸🥹熱辣辣brownie & 燒到焦糖面嘅熱辣辣香蕉，再配上涼浸浸雲呢拿雪糕。冰火交融，不得了🤩總結： 食物比想像味道天然，唔會太味重（隨左個炸小食）想要有啲邪惡又算比較天然住家味可以黎試試😉 …查看更多

間中都會口痕痕想食下泡芙，鍾意佢既甜甜脆脆又透心涼既感覺。最近天氣開始熱左，食泡芙啱哂🤤西樹泡芙最正既係有好多款口味，試過好多款都好味😋今次揀左3款口味同屋企人分享抺茶紅豆🫘朱古力布甸🍮榛子意大利芝士Tiramisu☕️🔼 抺茶紅豆🫘味道唔會死甜，清清地抺茶配上粒粒紅豆蓉，長者都讚好🔼 榛子意大利芝士Tiramisu☕️榛子粒粒配上咖啡香味，仲有餅乾仲keep 到唔淋！ 鍾意咖啡味啱哂！🔼 朱古力布甸🍮鍾意朱古力又濃味既朋友啱哂！好鍾意佢脆脆朱力外皮配上軟滑既朱古力布甸朱古力味好濃🍫 好滋味！間中都會想買黎食過下口癮👅…查看更多

Kay restaurant 前身係K&L dream cafe而大廚仍然係同一位，味道保留！🏅聽朋友講好多好評，所以想去試好耐！天氣凍凍地，點完餐後店員親切地遞上水晶晶既 🔽蘋果玫瑰花茶，酸酸甜甜，充滿果香又溫暖☺️🔽甘筍忌廉湯+蒜蓉包飲得出放左好多甘筍，好多🥕粒好濃郁，有甘筍既甜；蒜蓉包好脆好多蒜蓉。冇諗過餐湯餐飽都咁有質素👍🏻🔽軟殼蟹鮮果沙律🦀好大隻，炸得薄脆而蟹肉多🤤鮮果有哈蜜瓜、青蘋果，都好新鮮🔽蕃茄海鮮意大利飯蝦好大隻又彈牙，最驚喜係飯底好多材料，又菇又蔬菜粒，口感好豐富🔽斧頭扒配焦糖蘋果醬豬肉好軟熟多汁，配上蘋果醬好夾好開胃清新。旁邊既薯蓉都好出色，好滑充滿薯仔香；連焗蒜都可以食埋🔽 炸馬穌里拉芝士條好開心可以拉絲拉到好長😂 （趁熱食喔食得又玩得🔽薯條配黑松露醬薯條好酥脆香，係高質既脆漿薯條黑醬露醬調配得好濃黑松露味💭總結：食材、用料、配搭都食得出用心製作，好味道，會再回頭的…查看更多

呢間主要食刺身&各款燒物🍢🍢尤鍾意豬既朋友啱哂，唔同部位都可以食到。🔽前菜蕃茄：好fresh, 甜甜酸酸，配上醬油好開胃刺身盛：刺生好新鮮，肉質彈牙叫左不同款燒物試試佢👅所有都即叫即燒最上左邊開始：牛蒡、雞軟骨串、豬耳芝士串中間：豬腰子、豬心串最低：雞翼串、露筍豬肉卷其中最鍾意燒露筍豬肉卷 & 燒雞翼串🔼雞翼香脆，已切開方便食🔼露筍豬肉卷豬肉厚薄適中，配上露筍清新爽脆🔼槍魷魚🦑成條燒完又切好，蔥花配上櫻花蝦醬汁鮮味之餘香口又有口感，魷魚彈牙但唔太韌總結💭食材花款多，試左好多款豬既食材，不論豬定係海鮮，每樣都新鮮，原汁原味。…查看更多

位於都爹利街浪漫石板樓梯及古老煤氣路燈旁的A Lux，因為地點&外觀都好吸引，所以相約朋友試試每人各點了一個set 分享🔽首先送上麵包點黑醋/橄欖油牛角包酥脆、香草包很香軟，另外一款是薄脆片🔽亦送上蟹肉黑魚子小盒子好精緻🔽Appetizer：Oyster tartare, avocado, kristal caviar生蠔牛油果水晶晶魚子醬入口鮮味順滑，口感豐富🔽Beef carpaccio with foie gras (+ $88)生牛肉片配鵝肝黑松露醬，加上羊奶芝士、沙律菜清新與香濃食材既結合Pasta: 🔽Scallop pumpkin risotto 南瓜扇貝燴飯南瓜清甜扇貝彈牙，保存一貫呢道菜既味道🔽Carabineros prawn spaghetti (+ $128)西班牙紅蝦意粉非常濃香蝦味，意粉軟硬適中，非常掛汁令人回味無窮Main：🔽Sea bass, spinach, white wine clam sauce海鱸配白酒蜆肉海鱸煎得外脆內軟，配上白酒蜆肉，更突顯海鮮甜味🔽USDA ribeye (+ $98) 美國肉眼扒牛扒軟腍充滿肉汁最後最驚喜的甜品Dessert 🔽枱面放得滿滿的，感覺大滿足Tiramisu帶有栗子蓉，軟滑配上咖啡酒香Cheese Platter三款芝士，配上果乾及脆脆果仁芝士味由淡到濃，各有風味Petit Four其中最喜歡是迷你可麗露
烘得脆脆的外層，配上紮實蛋糕口感，充滿蛋香最後來一杯咖啡為這一餐畫上完美滿足既句號💭整體：不論環境，食物質素，店員服務態度都能令人滿意🥰所以用「圓滿」黎形容🫶🏻…查看更多

同朋友想食燒肉又坐下傾計，就係附近搵呢間燒肉酒場，好易去銅鑼灣站行兩分鐘就到。當然食燒肉第一樣就叫佢個推介：🔽 和牛盛盒（背、三角、肉眼、西冷）🔽肉質望落都油脂分佈平均，厚薄適中。唔鍾意食到肥膏口感既我感到滿意🔽 燒肉好香牛味，肉質軟熟唔乾，不失口感🔽 因為和牛盛合既燒肉有大有細，其中以下係最大塊，食落仍然唔會乾，肉質唔老🔽 連同 燒肉拍擋🥬 包住咁食，去油膩🔽 日本廣鼎蠔🔽 蠔鮮味香滑，完全唔腥冇雜質冇沙，食得出新鮮，燒左更香🔽 生燒活白鱔🔽 鱔肉厚實彈牙💭 總結： 肉類、海鮮都高質量，份量唔多，適合朋友一齊黎食到唔同款式食物…查看更多

對上一次食陳根記仲係冬菇亭時代，自從搬左過黎都冇食過，因為排隊真係有排等又好擠迫，所以真係要預時間腳力等位好欣賞佢完美重現返冬菇亭既感覺，刻意將天花、地板都裝修返大排檔感覺⬆ 招牌手撕雞佢有幾款口味，味道其實都係一貫手撕雞咁，不過不失⬆️ 炒蜆味道都正常，相對多殼⬆️ 小炒王 👍🏻呢個最好味既小菜，好野味，果仁、芋頭仲脆脆⬆️ 椒鹽鮮魷配上喼汁、椒鹽，係酥脆既，但要點喼汁/ 椒鹽先會比較有味⬆️ 芒果卷芒果鮮甜、班戟皮有啲酥軟包住⬆️榴連雪花冰有啲爆爆珠，酸酸甜甜 ⬆️ 榴連露 👍🏻綿密既糊狀，呢個係最好味既甜品，好香榴連，足料，值得一試💭總結： 吃的是想當年感覺，樣樣都不過不失，未到驚艷。適合一班朋友相聚，點多幾款小菜，一齊分享，圍聚一枱。…查看更多

呢間餐廳食過唔只一次， 已經係列入同朋友聚餐會光顧既餐廳。餐廳裝修得意花巧，古靈精怪，入到黎都令人覺得good mood，影相都靚啲。而且野食花款多又好味，所以回頭率高🤩今次叫左三款主食+ 兩款飲品🔽 海龍皇比薩 🍕🦞因為今次黎同朋友慶生，見呢個賣相夠豪氣所以叫黎試試。一黎到好香龍蝦味，pizza 底算簿又鋪滿餡料芝士、龍蝦肉都大舊又彈牙，pizza 邊簿脆😋🔽 來自舊金山的斧頭豬豬扒厚肉、但唔會乾柴柴，咬落仍有肉汁，再配上芥末醬野味啲。伴碟有水果、沙律菜、兩塊大蝦片、同埋麻醬烏冬，一大盤多姿多彩樣樣有啲，好滋味🤤🔽 有蟹Go有蟹蟹蟹肉意大利扁麵一大碟超多蟹肉，蟹籽，蟹肉味濃😛🔽 73.5%朱古力最好味想飲朱古力飲品但又唔想咁邪惡呢個啱哂，朱古力味濃但唔會係好甜，偏可可味重啲☺️🔽 洛神花金橘茶呢個好正，甜甜酸酸好開胃，暖暖地咁比較消滯，健康養身感覺。消除食左大餐既罪惡感🤣 💭 總結： 無論食物、飲品、環境，服務質素都有水準，值得再次光顧的餐廳🙌🏻…查看更多

同朋友食飯，最緊要揀間舒服又有空間感靜靜地既餐廳。朋友又鍾意食海鮮，見到呢間oyster house 一於入去試試佢🫶🏻點左兩個主菜配兩碗湯、餐包再加一個海鮮拼盤🍽️ 同埋一碟蜆首先出場係海鮮拼盤（二人份）出乎意料的鮮味🥰樣樣都鮮甜，彈牙又唔腥👍🏻法國黃金螺×2新鮮空運生蠔 🦪 x2紐西蘭青口 x 4日式磯煮飽魚 x2 💡星期一&二 仲可以$99 就食到✨✨星期三至日$199——————————————-🔽 海鮮拼盤（二人份）🔼生蠔都好大隻，好有海水既咸鮮味🦪🦪🌊🌊🔼帶子偏大粒而且滑口帶甜，唔會食完好似冇食咁😋🔼鮑魚係我覺得最出奇好味🤩平時冇特別好鮑魚，但佢煮得軟而煙韌，而且有特別調味👍🏻👍🏻——————————————-🔽 蒜片辣椒白酒煮維珍尼亞甜蜆蒜香煮蜆都好大粒厚肉，冇沙又鮮味✨好大粒🤩———————————————🔽 香煎智利海鱸魚柳配青豆薯蓉忌廉魚柳煎得皮香脆，浸透魚油香啖啖肉，同朋友都讚佢好好味☺️——————————————🔽 烤燭牛骨髓配牛燒汁意大利飯都係第一次食牛骨髓，因為好驚肥膏既感覺。佢呢個係食唔到有肥膏口感，而係好香牛既油脂😛撈飯好香—————————————最後講返兩碟湯🔽鮮蠔濃湯真係好重蠔味，而且有好大粒蠔，鍾意蠔既人啱哂🦪🔽 黒松露野忌廉湯我個人一向比較喜歡磨菇湯，呢個好濃菇味，真材實料👍🏻💭 總結：海鮮新鮮美味、熟食主菜都出色👍🏻記得逢星期一&星期二黎食海鮮拼盤好抵食🤩…查看更多